Ama ma pɩɛsa, ‘Bɛɛ nɛ tɩɩ bile bɩ maga dɩ ʋ na hɛɛŋ a tɩŋ ʋ nyɩmma wʋbɔŋŋɔɔ wɩaa?’ A tɩŋ bile sɩ ŋaa wɩaa ba bʋa lɛ arɩ wʋtɩtɩɩ, a fɩɛlɛ ʋ sɩaa a to mɩ wombie-la mɩ sɩ bile dɩ ba tuto, ʋ sɛnɛ jaŋ kɛŋ mɩɩsɩŋ.
La TƖƖNA jaŋ leŋ dɩ ma dʋndɔŋŋɔɔ yuo diima. Ma jaŋ to dɩ-bala a mʋ dɩ ma yuoba, ama ba jaŋ kirima dɩ ma fá pɩsɛ a chɩchɛ dɩ ma laa ma tɩtɩa. Dʋnɩa nɩaa kala jaŋ na wɩɩ-la sɩ ŋaa ma lɛ dɩ fawʋllʋŋ faasa kɛmba.
La TƖƖNA jaŋ kɛmma pɩsa hɛ dʋnɩa tinteyee kala lɛ. Nɩmɛ nɛ ma jaŋ kpaarɛ vesiŋ ba sɩ kɛŋ daaŋ arɩ tabɩaa a ŋaa, vesi-la ma dɩ ma naabalɩmaba sɩ bɩ jɩŋ.