JƐRƖMAAYA 15:3 - WƖA TENIŊ

³ Mɩ jaŋ joŋ wɩaa banɛsɛ sɩ jaŋ cheiba a hɛ ba lɛ. Mɩ-na ma TƖƖNA nɛ bʋla. Ba jaŋ kpʋba laalɩŋ lɛ, dɩ vasɩŋ lɛrɛba kaa viiri, dɩ zaaraa arɩ baga kɩaa diiba, a kɛmba chei.

JƐRƖMAAYA 15:3 ပူးပေါင်းရင်းမြစ်များ

WƖA YƖƖLAA 68:23

dɩ ŋ wuo kɛŋ ba chalɩŋ a sɔŋ ŋ naasɩŋ, ka dɩ ŋ vasɩŋ ma lenni ba chalɩŋ.”

AZAAYA 18:6

Ba kʋsʋʋnʋŋ jaŋ ŋaa zaaraa arɩ baga kɩaa kʋdiilee. Ba jaŋ ŋaa zaaraa kʋdiilee yibiiniŋ, aŋ ŋaa baga kɩaa ma kʋdiilee lɩmbaŋa.

JƐRƖMAAYA 12:9

Mɩ nɩtɩɩlaa mɩɩra nagɛ kɩla nɛ mɩ lɛ, kɩllɩŋ dɔnsʋŋ gollu a chu a yuyuo. Mʋ yɩrɛ baga kɩaa kala hɛ dɔŋɔ, a kɛsɛba kɔ dɩ ba dii vɔgɛ.

JƐRƖMAAYA 14:12

Arɩ ba sɩɩ vɔɔ niiŋ ma kala, mɩ bɩ jaŋ jegile nɩɩ ba yele. Ba ŋaa kʋnyɩgaa Wɩɩsʋlʋŋ arɩ mɩaa Wɩɩsʋlʋŋ pɩpɩmɛ ma nɛ, ama mɩ bɩ jaŋ laaba. Mɩ jaŋ mɩɩra joŋ laalɩŋ, losuŋ arɩ nyanyalɩŋ a hɛ ba lɛ dɩ ba sʋʋ.”

JƐRƖMAAYA 14:16

Nɩalɩŋ ma ba sɩ nyɩɛ wɩalɩŋ pɩpa, jaŋ sʋʋ laalɩŋ lɛ, dɩ losuŋ ma kɛŋ ba dɔnsʋŋ dɩ ba sʋʋ, dɩ ba paaba yuo ta Jerusalɛm womporunuŋ lɛ. Nʋʋkala jaŋ tuo dɩ ʋ hugi ba dɩ ba haalaa, ba hambolibiisiŋ arɩ ba hantolibiisiŋ. Mɩ jaŋ joŋ hɛɛ-la sɩ maga dɩ ba na a hɛ ba lɛ.”

JƐRƖMAAYA 16:4

“Nyanyal bɔŋŋɔɔ jaŋ kpʋba. Ba bɩ jaŋ hugiba koo a yel ba yoho. Ba jaŋ nagɛ nʋsʋrʋŋ a pɩŋ tinteeŋ. Ba jaŋ kpʋ dɔnsʋŋ laalɩŋ lɛ, dɩ losuŋ ma kɛŋ dɔnsʋŋ dɩ ba sʋʋ. Ba kʋsʋʋnʋŋ jaŋ bɩrɩmɛ zaaraa arɩ baga kɩaa kʋdiilee.”

JƐRƖMAAYA 7:33

Juda nɩaa kʋsʋʋnʋŋ jaŋ bɩrɩmɛ zaaraa arɩ baga kɩaa kʋdiilee. Nʋʋkala jaŋ tuo dɩ ʋ kiriba ta.

JEMBIEE 3:11

Ʋ lɛrɛ lɩɩsɛmɛ mɩ wombiiŋ lɛ a kɛmmɛ pʋɔsɛ nɛ aŋ lemmi ta.

ƐZƖKƖƐL 14:21

Wɩɩ-la mɩ-na ma TƖƖNA Wɩɩjarɩbakɔ sɩɩ bʋl nɛ ŋ-la: Ʋ jaŋ ŋaa wʋlɔrʋ a pɩ Jerusalɛm nɩaa dɩ mɩ nɛ joŋ wɩaa deemba banɛsɛ dɔgɩsɛba: laalɩŋ, losuŋ, baga kɩaa arɩ nyanyal bɔŋŋɔɔ, dɩ ba kpʋ ʋ nɩaa arɩ ʋ pʋsʋŋ.

ƐZƖKƖƐL 33:27

Bʋla pɩba arɩ mɩ-na ma TƖƖNA Wɩɩjarɩbakɔ ŋmɩɛsa: Nɩalɩŋ sɩ ka jikpeeni-la lɛ kala jaŋ sʋʋ laalɩŋ lɛ. Mɩ jaŋ leŋ dɩ baga kɩaa chaŋ nɩalɩŋ sɩ hɛ jeeŋ harɩŋ, nɩalɩŋ ma sɩ faa dɩ-duoruŋ arɩ bʋ-bʋɔsʋŋ lɛ, nyanyal bɔŋŋɔɔ jaŋ kpʋba.

LEVI DOHO NƖAA 26:16

ŋ-la nɛ mɩ jaŋ ŋaama: Mɩ jaŋ leŋ dɩ wʋlɔrʋnʋŋ jʋʋma. Mɩ jaŋ joŋ nyanyalaa sɩ bɩ daalusuŋ kɛnɛ hɛ ma lɛ, arɩ yarɩ-lɩŋŋaa sɩ jaŋ leŋ dɩ ma nyʋlɩmɛ dɩ ma yaraa kala yʋɔlɛ ŋɩɩ dɩ ma mʋ sʋʋ. Ma jaŋ duu kɩaa aŋ bɩ jaŋ dii kɩalɩŋ, bɛɛ wɩaa ma dʋndɔŋŋɔɔ nɛ jaŋ diiba.

LEVI DOHO NƖAA 26:22

Mɩ jaŋ leŋ dɩ baga kɩaa kʋ kpʋ ma biiriŋ arɩ ma pʋsʋŋ, dɩ ma nɩaa faasa muuri, dɩ ma wombiee kala pɩŋ hoi.

LEVI DOHO NƖAA 26:25

Mɩ jaŋ leŋ dɩ laalɩŋ kʋ gɩrɛma a tɩŋ ma sɩ chei nii-la sɩ hɛ mɩ dɩ ma pɛgɛ. Dɩ ma nɛ fá jʋʋ ma tabalaa dɩ ma laa ma mɩɩsɩŋ, mɩ jaŋ joŋ nyanyal bɔŋŋɔɔ hɛ ma lɛ dɩ ma dʋndɔŋŋɔɔ yuo diima.

AMƆS 5:19

Ʋ jaŋ nagɛ nʋʋ sɩ fá kagɛ naachigiŋ lɛ a mɩɩra mʋ jʋʋ lʋgʋmʋŋ niiŋ, koo a nagɛ nʋʋ sɩ jʋʋ dɩa a joŋ ʋ nɩsɩŋ tɩgɛ jeeŋ, dɩmɩŋ kaa dɩŋ nɛ.

MOSIS BƖRA WULLI WƖA WOMBIIŊ 28:26

Ma jaŋ sʋʋ dɩ zaaraa arɩ baga kɩaa didii ma kʋsʋʋnʋŋ, ka nʋʋkala jaŋ tuo dɩ ʋ kiriba.

MOSIS BƖRA WULLI WƖA WOMBIIŊ 32:24

Mɩ jaŋ leŋ dɩ losuŋ-bɔŋ jʋʋba, a joŋ nyanyal bɔŋŋɔɔ ma hɛ ba lɛ dɩ ba sʋʋ. Mɩ jaŋ lɛrɛ gɩrɩŋ kʋbɔŋŋɔɔ kʋ hɛ ba lɛ a pɛ dɩma-la sɩ kɛŋ huoŋ lɛ woruŋ dɩ ba dɩmba.

Jɔɔŋ Wʋnaalaa 6:8

Ŋɩɩ nɛ mɩ beŋ a na jaaba dɩ nʋʋ hɔŋ ʋ nyuŋ. Jɔɔ-la fa ŋaa kʋbʋgʋ nɛ. Nɩɩ-la sɩ hɔŋ ʋ nyuŋ yɩrɩŋ nɛ sʋʋŋ, ka lɛlɛɛ-jaŋ tuto ʋ harɩŋ. Ŋɩɩ nɛ Wɩa pɩba doluŋ dɩ ba kpʋ nuhuobiinee kala sɩ hɛ dʋnɩa sɛsɩ-la banɛsɛ dɔŋɔ. Ba jaŋ kɛŋ tokobii-la a kpʋ dɔnsʋŋ, dɩ losuŋ ma kpʋ dɔnsʋŋ, ka dɩ nyanyalaa arɩ baga kɩaa ma kpʋ dɔnsʋŋ.