Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JƐRƖMAAYA 15:2 - WƖA TENIŊ

2 Dɩ ba nɛ pɩɛsɩŋ, ‘Nɩɩ nɛ la jaŋ mʋ?’ bʋla pɩba, Wɩɩ-la mɩ-na ma TƖƖNA sɩ bʋla nɛ ŋ-la: ‘Nɩalɩŋ nyanyal bɔŋŋɔɔ sɩ jaŋ kpʋ, ba jaŋ kpʋ. Nɩalɩŋ sɩ jaŋ sʋʋ laalɩŋ lɛ, ba jaŋ sʋʋ. Nɩalɩŋ losuŋ sɩ jaŋ kɛŋ dɩ ba sʋʋ, ba jaŋ sʋʋ. Nɩalɩŋ ma ba sɩ jaŋ kɛsɛ mʋ yoŋ-baga, ba jaŋ kɛsɛ mʋ.’

အခန်းကိုကြည့်ပါ။ ကော်ပီ




JƐRƖMAAYA 15:2
18 ပူးပေါင်းရင်းမြစ်များ  

Wɩɩkala bɩ jaŋ laama, ba jaŋ kpʋma koo a kɛsɛma dɩ ma ŋaa nɩa ba sɩ kaa tɔ bɩnɩŋ dɩa. Wɩaa deemba kala jaŋ ŋaa ma lɛ, ama La TƖƖNA baanɩŋ ha bɩ jaŋ fɩɛlɛ. Ʋ ha jaŋ dɔgɩsɛma a pɛ.


Dɩ fawʋllʋŋ nɛ jʋʋ nɩɩ-la kala dɩ ʋ fɩfá dɩ ʋ laa ʋ mɩɩsɩŋ, ʋ jaŋ foro tuu buotuo-luŋii-la. Dɩ nɩɩ-la ma kala nɛ wuo nɛrɩgɛ lɩɩ buotuo-la lɛ, ʋ jaŋ jʋʋ bɛrɛ lɛ. Wɩa-nyuŋ jaŋ suri dɩ lɩɩŋ chuchuuri, ka dɩ tinteeŋ ma zigili.


Arɩ ba sɩɩ vɔɔ niiŋ ma kala, mɩ bɩ jaŋ jegile nɩɩ ba yele. Ba ŋaa kʋnyɩgaa Wɩɩsʋlʋŋ arɩ mɩaa Wɩɩsʋlʋŋ pɩpɩmɛ ma nɛ, ama mɩ bɩ jaŋ laaba. Mɩ jaŋ mɩɩra joŋ laalɩŋ, losuŋ arɩ nyanyalɩŋ a hɛ ba lɛ dɩ ba sʋʋ.”


Nɩalɩŋ ma ba sɩ nyɩɛ wɩalɩŋ pɩpa, jaŋ sʋʋ laalɩŋ lɛ, dɩ losuŋ ma kɛŋ ba dɔnsʋŋ dɩ ba sʋʋ, dɩ ba paaba yuo ta Jerusalɛm womporunuŋ lɛ. Nʋʋkala jaŋ tuo dɩ ʋ hugi ba dɩ ba haalaa, ba hambolibiisiŋ arɩ ba hantolibiisiŋ. Mɩ jaŋ joŋ hɛɛ-la sɩ maga dɩ ba na a hɛ ba lɛ.”


“Nyanyal bɔŋŋɔɔ jaŋ kpʋba. Ba bɩ jaŋ hugiba koo a yel ba yoho. Ba jaŋ nagɛ nʋsʋrʋŋ a pɩŋ tinteeŋ. Ba jaŋ kpʋ dɔnsʋŋ laalɩŋ lɛ, dɩ losuŋ ma kɛŋ dɔnsʋŋ dɩ ba sʋʋ. Ba kʋsʋʋnʋŋ jaŋ bɩrɩmɛ zaaraa arɩ baga kɩaa kʋdiilee.”


Leriŋ deeŋ lɛ nɛ mɩ jaŋ chei Juda arɩ Jerusalɛm nɩaa wɩalɩŋ kala ba sɩ vʋʋra. Mɩ jaŋ leŋ dɩ ba dʋndɔŋŋɔɔ yuo diiba a kpʋba laalɩŋ lɛ, nɩalɩŋ sɩɩ chɛ ba lɩɩsɛ ba mɩɩsɩŋ. Mɩ jaŋ joŋ ba kʋsʋʋnʋŋ a pɩ zaaraa arɩ baga kɩaa.


Ʋ jaŋ kʋ yuo Ijipiti tɩŋŋaa, a leŋ dɩ nɩalɩŋ sɩ maga dɩ ba sʋʋ, sʋʋ, a leŋ dɩ nɩalɩŋ sɩ maga dɩ ba ŋaa yosi ma ŋaa yosi, a leŋ dɩ nɩalɩŋ ma sɩ maga dɩ ba sʋʋ laalɩŋ lɛ sʋʋ laalɩŋ lɛ.


Bɩra bʋla pɩ Iziral tɩŋŋaa, ‘Wɩalɩŋ mɩ sɩ ŋaa, ba ŋaa magɩl nɛ a pɩba.’ Ŋɩɩ mɩ sɩ ŋaa wɩaa, ŋɩɩ nɛ jaŋ ŋaa ba ma lɛ. Ba jaŋ kɛsɛba kaa mʋ yoŋ-baga.


Wɩɩ-la mɩ-na ma TƖƖNA Wɩɩjarɩbakɔ sɩɩ bʋl nɛ ŋ-la: Ʋ jaŋ ŋaa wʋlɔrʋ a pɩ Jerusalɛm nɩaa dɩ mɩ nɛ joŋ wɩaa deemba banɛsɛ dɔgɩsɛba: laalɩŋ, losuŋ, baga kɩaa arɩ nyanyal bɔŋŋɔɔ, dɩ ba kpʋ ʋ nɩaa arɩ ʋ pʋsʋŋ.


Bʋla pɩba arɩ mɩ-na ma TƖƖNA Wɩɩjarɩbakɔ ŋmɩɛsa: Nɩalɩŋ sɩ ka jikpeeni-la lɛ kala jaŋ sʋʋ laalɩŋ lɛ. Mɩ jaŋ leŋ dɩ baga kɩaa chaŋ nɩalɩŋ sɩ hɛ jeeŋ harɩŋ, nɩalɩŋ ma sɩ faa dɩ-duoruŋ arɩ bʋ-bʋɔsʋŋ lɛ, nyanyal bɔŋŋɔɔ jaŋ kpʋba.


Nyanyalaa arɩ losuŋ jaŋ kpʋ nɩalɩŋ dɔnsʋŋ sɩ hɛ ŋ lɛ, ba jaŋ kpʋ dɔnsʋŋ ma laalɩŋ lɛ taŋ-la harɩŋ, ka mɩ kɛŋ ba dɔnsʋŋ ma pɩsɛ lee-kala, aŋ kire to ba harɩŋ arɩ laalɩŋ.


Dɩ tapʋlɩa-la ŋ sɩ golli tabal-la a yuyuo nɛ kʋ dɛrɛ, joŋ pʋna-la sɛmɛ dɔŋɔ nyɩgɛ tabal-la tʋɔŋ. Joŋ pʋna-la sɛmɛ dɔŋɔ ma a kɛŋ tokobii-la ta kikeri aŋ gugolli tabal-la. Joŋ sɛmɛ dɔŋɔ ma yuo dɩ peliŋ kaa jaasɛ. Mɩ jaŋ leŋ dɩ laalɩŋ kire to ba harɩŋ.


Ŋ leŋe wɩalɩŋ ŋ sɩ bʋla tɩgɛ la dɩ la sɩpaalaaraa lɛ kʋ ŋaa wʋtɩtɩɩ nɛ. Ŋ sɩ joŋ wʋlɔrʋnʋŋ ŋaa la lɛ, dʋnɩa kala lɛ wʋdoho-la sɩ ŋaa Jerusalɛm lɛ ha bɩ ŋaa aŋ ka.


Ʋ jaŋ nagɛ nʋʋ sɩ fá kagɛ naachigiŋ lɛ a mɩɩra mʋ jʋʋ lʋgʋmʋŋ niiŋ, koo a nagɛ nʋʋ sɩ jʋʋ dɩa a joŋ ʋ nɩsɩŋ tɩgɛ jeeŋ, dɩmɩŋ kaa dɩŋ nɛ.


aŋ bʋl, “Mɩ bɩra bɩ jaŋ ŋaa ma dɩdaara. Kɩalɩŋ sɩ jaŋ sʋʋ, ba sʋʋ, kɩalɩŋ ma sɩ jaŋ lɛl, ba lɛl. Kɩalɩŋ ma sɩ ka gʋra didii dɔŋɔ.”


Dɩ nʋʋ nɛ maga dɩ ŋ mʋ yoŋ-baga, ŋ jaŋ sɛnɛ mʋ, dɩ nʋʋ nɛ maga dɩ ba kpʋʋ arɩ tokobiiŋ, ba jaŋ sɛnɛ kpʋʋ arɩ tokobiiŋ. Wɩɩŋ deeŋ daga arɩ nɩalɩŋ sɩ laa Wɩa wɩaa dii maga dɩ ba nyalɩmɛ nɛ a chɩŋ wɩalɩŋ ba sɩ laa dii lɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ