JƐRƖMAAYA 15:19 - WƖA TENIŊ

¹⁹ Ŋɩɩ wɩaa, wɩɩ-la La TƖƖNA sɩ bʋla pɩ Jɛrɩmaaya nɛ ŋ-la: “Dɩ ŋ nɛ bɩrɩma lɩɩ ŋ wʋbɔŋŋɔɔ ŋaanɩŋ lɛ, mɩ jaŋ leŋ dɩ ŋ bɩra kʋ tɩma pɩpɩmɛ. Dɩ ŋ nɛ jaŋ leŋ wʋtɔɔnʋŋ bʋlʋŋ, aŋ bʋbʋl wɩaa sɩ kɛŋ bʋbʋɔŋ, ŋ jaŋ ŋaa mɩ wʋlaabʋllʋ. Leŋ dɩ nɩaa deemba nɛ mɩɩra kʋ toŋ, ama ʋ bɩ maga dɩ ŋ nɛ toba.

JƐRƖMAAYA 15:19 ပူးပေါင်းရင်းမြစ်များ

1 KUOROO 17:1

Wɩa wʋlaabʋllʋ kʋbala nɛ fa hɛ nɩmɛ baa yɩrɛ Ɩlaaja, a lɩɩ taŋ-la ba sɩɩ yɩrɛ Tɩsɩbɩ sɩ hɛ Gɩlɩad tinteeŋ lɛ. Ʋ fa bʋla pɩ kuoro Ahab, “La TƖƖNA Iziral tɩŋŋaa Wɩa sɩ weye wɩaa, nɩɩ-la mɩ sɩ tɩma pɩpa, jɩsɩŋ baŋmɛnɛ lɛ, nyalɩŋ bɩ jaŋ nyal koo dɩ duonuŋ nɩɩ, see dɩ mɩ pa wombiiŋ.”

MOSIS KƐŊ IZIRAL TƖŊŊAA LƖƖ 4:12

Ŋɩɩ wɩaa, mʋ, mɩ jaŋ pɛ ŋ lɛ a dagɩŋ wɩɩ-la ŋ sɩ jaŋ bʋl.”

NAMAGABA 22:29

Nɩɩ-la kala sɩ jɩŋ ʋ tɩntɩŋŋaa woruŋ, ʋ jaŋ tɩŋ kuoro sɩpaaŋ. Ʋ bɩ jaŋ tɩŋ nɩalɩŋ sɩ bɩ nɩfɩɛma ŋaa teeŋ.

JƐRƖMAAYA 1:9

Ŋɩɩ nɛ La TƖƖNA lɩɩsɛ ʋ nɩsɩŋ a digi mɩ niiŋ lɛ, aŋ bʋla pɩmɛ, “Lɛɛlɛ mɩ joŋ mɩ niiŋ wɩaa a hɛ ŋ niiŋ lɛ nɛ.

JƐRƖMAAYA 15:1

Ŋɩɩ nɛ La TƖƖNA bʋla pɩmɛ, “Dɩ Mosis arɩ Samʋɛl nɛ fa paala kʋ chɩŋ mɩ sɩpaaŋ a sʋlmɛ ma, mɩ bɩ jaŋ fá nɩaa deemba nenige. Kiriba ta dɩ ba sʋrɩsɛ mɩ sɩpaaŋ! Leŋ dɩ ba mʋ!

JƐRƖMAAYA 20:9

Ama dɩ mɩ nɛ sɩ, “Mɩ bɩ jaŋ yɩrɛ ʋ yɩrɩŋ koo a bʋl wɩaa ʋ yɩrɩŋ lɛ,” ʋ niiŋ wɩaa sɩ hɛ mɩ tʋɔŋ lɛ yie nagɛ nyiniŋ a nyɩnyɩgɛmɛ. Mɩ lɔlɔ nɛ arɩ wɩalɩŋ sɩ hɛ mɩ tʋɔŋ lɛ. Wʋtɩtɩɩ, mɩ bɩ jaŋ wuo.

JƐRƖMAAYA 35:19

Ŋɩɩ wɩaa, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Rekab nanʋala Jonadab jaŋ kɛŋ hambolibie bʋa na-kala dɩ ʋ tɩma pɩpɩmɛ.’ ”

JƐRƖMAAYA 4:1

La TƖƖNA sɩ, “Iziral tɩmma, dɩ ma nɛ jaŋ mɩɩra kɔ mɩ teeŋ, má mɩɩra kɔ. Dɩ ma nɛ joŋ ma vʋɩya-la mɩ sɩɩ kɩsʋ ta a bɩra bɩ wɩalɩŋ sɩ leŋe ma yeŋŋi ka to,

JƐRƖMAAYA 6:29

Ba du chafugumoo nyiniŋ ʋ faasa didii nɛ, dɩ ʋ joŋ hɔɔŋ dii, ama ba sɩɩ chɛ dɩ ba lɩɩsɛ hɔɔ-la disiniŋ ta ŋɩɩ ŋaa pɛɩ nɛ, ba bɩ nɩbɔŋŋɔɔ disiniŋ wuo lɩɩsa tɩta.

JEMBIEE 1:11

Ʋ nɩaa kala ka huunu nɛ a chɩchɛ kɩaa dɩ ba dii. Ba joŋ ba dʋa kala a lenni kʋdiilee nɛ, dɩ ŋɩɩ leŋ dɩ ba kɛŋ mɩɩsɩŋ. “La TƖƖNA, bee na mɩ wɩɩŋ a kaa bɩɩna na, bɛɛ wɩaa ba bee gʋʋnɛmɛ nɛ.

ƐZƖKƖƐL 2:7

Dɩ ba jegile nɩɩ koo ba bɩ jegile nɩɩ, ʋ maga ŋ bʋl mɩ wɩaa a pɩba nɛ.

ƐZƖKƖƐL 22:26

Wɩɩsʋllɩ sɩpaalaaraa sɩ hɛ Iziral lɛ chei mɩ wombii-la mɩ sɩ bile dɩ ba tuto nɛ. Ba bɩ mɩ kɩalɩŋ sɩ bɩ disiniŋ kɛnɛ ka zil. Ba bɩ nɩaa daga dɩ ba jɩŋ kɩalɩŋ sɩ bɩ disiniŋ kɛnɛ arɩ kɩalɩŋ sɩ kɛŋ disiniŋ mɩ teeŋ pɛgɛ. Ba dagɛ nɩaa arɩ dabaŋ kala tuo kɩalɩŋ sɩ kɛŋ disiniŋ arɩ kɩalɩŋ sɩ bɩ disiniŋ kɛnɛ pɛgɛ, aŋ bɩra bɩ mɩ chɛ-wiesii-la ma ka to. Ŋɩɩ leŋ ba chei mɩ yɩrɩŋ ba tʋɔŋ.

ƐZƖKƖƐL 44:23

Ba maga ba dagɛ mɩ nɩaa kɩalɩŋ sɩ ŋaa mɩ-na Wɩa kɩaa a bɩ disiniŋ kɛnɛ arɩ kɩalɩŋ sɩ ŋaa nuhuobiine kɩaa, dɩ ba jɩŋ kɩalɩŋ sɩ kɛŋ disiniŋ arɩ kɩalɩŋ sɩ bɩ disiniŋ kɛnɛ bʋa.

LEVI DOHO NƖAA 10:10

Ʋ maga dɩ ma jɩŋ kɩalɩŋ sɩ ŋaa Wɩa kɩaa arɩ kɩalɩŋ sɩ ŋaa nuhuobiinee kɩaa, a jɩŋ kɩalɩŋ sɩ kɛŋ disiniŋ arɩ kɩalɩŋ sɩ bɩ disiniŋ kɛnɛ,

LEVI DOHO NƖAA 14:57

dɩ ba wuo jɩŋ bʋa-la lɛ kʋŋ sɩ kɛŋ disiniŋ arɩ bʋa-la lɛ ʋ sɩ bɩ disiniŋ kɛnɛ. Wombie-la sɩ hɛ nɩmɛ a mʋʋ tɩgɛ nyanyal-choloo arɩ dɩa sɩ nyʋ-bumbugo lɛ nɛ ŋɩɩ.

JONA 3:2

“Mʋ tabal-la ba sɩɩ yɩrɛ Nɩnɩvɛ a bʋl wɩalɩŋ mɩ sɩ bʋla pɩŋ.”

ZƐKARƖYA 3:7

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Dɩ ŋ nɛ jaŋ to mɩ wombiiŋ a ŋɩŋaa wɩalɩŋ mɩ sɩɩ chɛ, ŋɩɩ-na ŋ jaŋ bibeŋ mɩ dɩa arɩ ʋ kaalɩsɩŋ kala. Mɩ jaŋ pɩŋ dɩchɩnɩŋ nɩaa deemba kala sɩ hɛ daha tʋɔŋ.

Luuk 1:19

Ŋɩɩ nɛ Wɩa tɩndaarʋ-la bʋla pʋ, “Mɩ yɩrɩŋ nɛ Gebiral a hɔŋ Wɩa sɛmɛ. Ʋ nɛ tɩmmɛ dɩ mɩ kʋ bʋl wʋzɔmʋŋ deeŋ a pɩŋ.

Luuk 10:16

Ŋɩɩ nɛ aŋ ka ʋ bɩra bʋla pɩ ʋ harɩ-tooro-la, “Nɩɩ-la kala sɩ jegile nɩɩ ma teeŋ, ʋ jegile nɩɩ mɩ ma teeŋ nɛ. Nʋʋkala sɩ vɩama, ʋ vɩa mɩ ma nɛ. Nɩɩ-la kala ma sɩ vɩamɛ, ʋ ma vɩa Nɩɩ-la sɩ tɩmmɛ nɛ.”

Luuk 12:12

Bʋa-la tɩtɩa lɛ Wɩa Dɩŋ-zɔmʋŋ jaŋ dagɛma wɩɩ-la ma sɩ jaŋ bʋl.”

Luuk 21:15

bɛɛ wɩaa mɩ jaŋ joŋ wʋjɩmɩŋ a hɛ ma nyuŋ lɛ dɩ ma bʋl wɩalɩŋ ma dʋndɔŋŋɔɔ sɩ bɩ jaŋ wuo kaalɛrɛ arɩ wʋtɩtɩɩ dee.

Luuk 21:36

Má pɔ a chʋchʋɔlɛ Wɩa bʋa na-kala lɛ. Dɩ ma nɛ ŋaa ŋɩɩ, ma jaŋ kɛŋ doluŋ a lɩɩ wɩalɩŋ kala sɩ jaŋ ŋaa lɛ arɩ yarɩfɩɛlaa a wuo chɩŋ mɩ-na Nuhuobiine Bie sɩpaaŋ.”

Tɩntɩŋŋaa 20:27

bɛɛ wɩaa mɩ bʋl wɩalɩŋ kala Wɩa sɩɩ chɛ nɛ a pɩma.

2 Kɔrɩntɩ Nɩaa 5:16

Ŋɩɩ wɩaa, a lɩɩ jɩnɩŋ kaa mʋmʋ la bɩ chɛ la beŋ nɩaa arɩ dʋnɩa nɩaa sɩɩ beŋ nɩaa ŋɩɩ. Bʋa kʋbala lɛ, la faa beŋ Kirisito ŋɩɩ nɛ, ama lɛɛlɛ la bɩra bɩ ʋ beŋ arɩ la fa sɩɩ benu ŋɩɩ.

Galiisia Nɩaa 1:10

Ma bɩɩna arɩ mɩ bʋl wɩɩŋ deeŋ a chɩchɛ dɩ mɩ laa yɩrɩŋ nɩaa teeŋ nɛɛ? Wɩa teeŋ nɛ mɩ chɩchɛ mɩ laa yɩrɩŋ. Ma bɩɩna mɩɩ chɛ dɩ nɩaa nɛ zizilmii? Dɩ mɩ nɛ faa chɛ dɩ nɩaa zizilmi, mɩ fa bɩ jaŋ ŋaa Kirisito tɩntɩnnʋ.

Galiisia Nɩaa 2:5

Ama la bɩ sɛyɛ pɩba mʋapɩlɩɩ ma, dɩ wʋtɩtɩɩ-la Wɩa wʋzɔmɔ-la sɩ daga sɩ́ lɛl ma teeŋ.

Hiburu TƖŊŊAA 5:14

Nɩhɩasɩŋ nɛ wuo kʋduoruŋ didii. Nɩalɩŋ sɩ waa dɛrɛ Wɩa wɩaa lɛ nagɛ nɩhɩasɩŋ nɛ. Ŋɩɩ nɛ tɩɩ ba yie wuo jɩŋ wʋbɔŋŋɔɔ arɩ wʋzɔŋŋɔɔ pɛgɛ, bɛɛ wɩaa ba vɛnɛɛ ŋaa wʋzɔŋŋɔɔ nɛ.

Juud 1:24

Má leŋ la zizil Wɩa. Ʋ nɛ kɛŋ doluŋ, ʋ jaŋ wuo pɛ ma lɛ dɩ ma sɩ́ wʋbɔŋŋɔɔ ŋaa, a pɛ ma lɛ dɩ ma sɩ́ wʋcheeli kala kɛŋ ʋ sɩpaaŋ, a kɛŋ tʋɔtɔrʋŋ woruŋ.