JƐRƖMAAYA 15:17 - WƖA TENIŊ

¹⁷ Mɩ ha bɩ nɩalɩŋ sɩɩ nɩɩ sɩma a yie hɔnɔ ŋɩŋaa goŋ harɩŋ to, mɩ dɩ ba ha bɩ hɔnɔ dii kɩaa a gbieli. Mɩ yie hɔŋ mɩ dʋndʋŋ nɛ, bɛɛ wɩaa ŋ nɛ kɛmmɛ tɩtɩŋ, ŋ joŋ ŋ baanɩŋ hɛ mɩ lɛ.

JƐRƖMAAYA 15:17 ပူးပေါင်းရင်းမြစ်များ

WƖA YƖƖLAA 1:1

Wɩa jaŋ pɛ nɩalɩŋ sɩ bɩ nɩbɔŋŋɔɔ niiŋ ka to lɛ, a bɩ wʋbɔŋ ŋaaraa harɩŋ ka to, a bɩ nɩalɩŋ ma sɩɩ sieri Wɩa lɛ tʋɔŋ ka guoli.

WƖA YƖƖLAA 102:7

Mɩ bɩ doŋ ka pɩŋ, mɩ nagɛ zaarɩ-kokobie dʋndʋŋa sɩ sagɛ dɩa nyuŋ nɛ.

JƐRƖMAAYA 1:10

Jɩnɩŋ, mɩ lɩɩsɩŋ nɛ a leŋ ŋ kɛŋ doluŋ tinteyee arɩ kuoroo tinteyee lɛ, dɩ ŋ wuo churiba a yigiba lo, dɩ ŋ wuo cheiba a yuo diiba, dɩ ŋ wuo saaba a leŋ dɩ ba chɩŋ.”

JƐRƖMAAYA 13:17

Ama dɩ ma nɛ bɩ jegile nɩɩ, mɩ jaŋ lʋara yel a tɩŋ ma babii-ballɩŋ wɩaa. Mɩ jaŋ chaasa yel woruŋ, dɩ mɩ sɩaa pɩpɛllɛ sɩlɩɩrɩŋ, bɛɛ wɩaa ba jaŋ yuo kɛsɛ La TƖƖNA nɩaa kaa viiri.

JƐRƖMAAYA 16:8

Pʋpɔ ŋ sɩ́ dɩa kala lɛ ba sɩ ŋaa kʋdiilee dii aŋ gbigbieli jʋʋ, a hɔŋ nɩmɛ dii kɩaa aŋ nyʋa kɩaa.

JƐRƖMAAYA 6:11

La TƖƖNA, baaŋ-la ŋ sɩ na ba nyuŋ chaasa tʋgʋmɛ nɛ. Mɩ bɩ jaŋ wuo nyagʋ bil. Ŋɩɩ nɛ La TƖƖNA bʋla pɩmɛ, “Joŋ ŋ baaŋ-la fɩɩsɛ ba biiriŋ sɩ hɛ womporuŋ lɛ, arɩ bapʋɔsɩa-la sɩ hilime. Sɩ́ baalaa arɩ ba haalaa ma lɩɩsa ta. Sɩ́ nɩalɩŋ sɩ faasa hɩɛsɛ ma lɩɩsa ta.

JEMBIEE 3:28

Dɩ La TƖƖNA nɛ joŋ chʋga chʋŋ nʋʋ, ʋ maga dɩ ʋ fɩɛla hɔŋ chɩm.

DANƖƐL 7:28

Wɩɩ-la dɩdɛrɩŋ nɛ ŋ-la. Mɩ-na Danɩɛl tʋɔbɩɩnaa walɩmɛmɛ nɛ woruŋ, mɩ sɩaa biri, ka mɩ joŋ wɩɩ-la hɛ mɩ tʋɔŋ lɛ.

ZƐKARƖYA 1:12

Ŋɩɩ nɛ La TƖƖNA tɩndaarʋ-la bʋl, “La TƖƖNA doluŋ kala Tɩɩna, ɛɛ nɛ ŋŋ chɛ ŋ vɩa Jerusalɛm nɩaa arɩ Juda tasɩŋ nenige fanɩŋ a diene magɛ, nɩalɩŋ nyuŋ ŋ sɩ na baanɩŋ jɩsɩŋ mahɩŋ batori arɩ fii?”

2 Kɔrɩntɩ Nɩaa 6:17

Ŋɩɩ wɩaa má lɩɩsɛ ma tɩtɩa nɩalɩŋ sɩ bɩ Yesu wɩaa laa dii tʋɔŋ, a hɔŋ ma dʋndʋŋ. Má sɩ́ kɩalɩŋ sɩ kɛŋ disiniŋ digu. Dɩ ma nɛ lɩɩsɛ ma tɩtɩa wɩaa deemba lɛ, mɩ jaŋ laa ma.