JƐRƖMAAYA 15:16 - WƖA TENIŊ

¹⁶ Ŋ sɩ bʋl ŋ wɩaa pɩmɛ, mɩ jegile nɩɩ nɛ. Wɩalɩŋ nɩɩ pɩmɛ tʋɔtɔrʋŋ, mɩ choba woruŋ, bɛɛ wɩaa mɩ ŋaa ŋ nʋʋ nɛ, La TƖƖNA Wɩa doluŋ kala Tɩɩna.

JƐRƖMAAYA 15:16 ပူးပေါင်းရင်းမြစ်များ

NƐHƖMAAYA 8:12

Ŋɩɩ nɛ nɩalɩŋ kala mʋ dɩ ba dii kɩaa aŋ nyʋa kɩaa a gbieli arɩ tʋɔtɔrʋŋ, aŋ pɛ ŋaa kʋdiile-la pɩ ba dɔnsʋŋ tɩŋŋaa, bɛɛ wɩaa ba nɩɩ wɩalɩŋ kala ba sɩ karɩma pɩba sɩaa nɛ.

JOB 23:12

Mɩ bɩ ʋ niiŋ wʋdagaa vɩa. Mɩ cho ʋ niiŋ wɩalɩŋ a kɩɩ mɩ kʋdiilee.

WƖA YƖƖLAA 119:111

Wɩalɩŋ ŋ sɩ daga ŋaa dʋa nɛ a pɩmɛ a kaa mʋ wuu, ba nɛ leŋe mɩ tʋɔŋ tʋtɔrɛ.

WƖA YƖƖLAA 119:16

Mɩ tʋɔŋ tɔrɛ wɩalɩŋ ŋ sɩ daga nyuŋ nɛ, mɩ bɩ jaŋ kɔ dɩ mɩ yʋ ŋ niiŋ wɩaa.

WƖA YƖƖLAA 119:72

Wombii-la ŋ sɩ bile dɩ la tuto kɛŋ nyʋʋrʋŋ mɩ teeŋ, a kɩɩ moribie-la kala sɩ hɛ dʋnɩa lɛ.

WƖA YƖƖLAA 119:97

Mɩ chaasa cho wombii-la ŋ sɩ bile dɩ la tuto nɛ woruŋ. Mɩ kɛnʋ chʋchɔgɩsɛ mɩ tʋɔŋ lɛ nɛ tapʋlɩɩ kala.

WƖA YƖƖLAA 19:10

Ba nɛ yuŋŋie kɩɩ sɛlɩmɛ, ba nɛ zɔmɔ kɩɩ sɛlɩmɛ sɩ chaasa zɔŋ. Ba nɛ sɩma ma a kɩɩ tʋʋŋ, ba nɛ sɩma kɩɩ tʋʋ-pɛɛŋ.

JƐRƖMAAYA 14:9

Bɛɛ nɛ tɩɩ ŋ nagɛ nʋʋ ba sɩ ŋaa wɩaa a dɩ ʋ lɛ a nagɛ laalɩyuori wajɩa sɩ bɩ doluŋ kɛnɛ dɩ ʋ laa nɩaa ta? La TƖƖNA, ŋ hɛ la tʋɔŋ nɛ, la ŋaa ŋ nɩaa nɛ, sɩ́ la vɩa ta.

ƐZƖKƖƐL 2:8

Ama ŋ-na nuhuobiiŋ, jegile nɩɩ mɩ teeŋ, pʋpɔ ŋ sɩ́ mɩ niiŋ vɩa a nagɛ nɩalɩŋ sɩ vɩa mɩ niiŋ ŋɩɩ. Kɛŋ ŋ niiŋ suri a dii kʋ-la mɩ sɩ jaŋ joŋo pɩŋ.”

MƖKA 2:7

Ʋ bɩ maga dɩ ŋ bʋla pɩ Jekɔb doho nɩaa arɩ La TƖƖNA na baanɩŋ nɛ ba nyuŋ. Ʋʋ ŋaa wʋyiriba-la nɛɛ? Ʋ niiŋ wɩaa bɩ wʋzɔmɔ nɛ ŋaa a pɩ nɩalɩŋ sɩɩ ŋaa wɩaa ba bʋa lɛɛ?”