JƐRƖMAAYA 15:15 - WƖA TENIŊ

¹⁵ La TƖƖNA, ŋ jɩŋ wɩɩkala sɩaa nɛ, liisi mɩ wɩaa aŋ beŋ mɩ nyuŋ. Laa mɩ yuosuŋ yuo pɩmɛ nɩalɩŋ sɩ to naasɩŋ dɔgɩsɛmɛ lɛ. Sɩ́ nyalɩma bibeŋ ka dɩ ba kpʋmɛ. Liise yi ŋɩɩ mɩ sɩ dii hɩɩsɩŋ ŋ wɩaa.

JƐRƖMAAYA 15:15 ပူးပေါင်းရင်းမြစ်များ

NƐHƖMAAYA 13:22

Ŋɩɩ nɛ mɩ bʋla pɩ Levi doho nɩaa dɩ ba pɩɩsɛ ba disiniŋ ta aŋ mʋ pʋpɔ boi-baalaa dɩ chɛ-wiesii-la ŋaa chɛ-zɔŋ. Mɩ Wɩa ŋ chonuŋ sɩ yʋga wɩaa, tɩŋ wɩɩŋ deeŋ ma wɩaa a fá mɩ nenige.

NƐHƖMAAYA 13:31

Mɩ bɩra dagɛ nɩalɩŋ bʋa-la lɛ sɩ maga dɩ ba kɛŋ daasɩŋ arɩ ba kʋdii falaa kɔ Wɩa dɩɩ-balɩŋ. Mɩ Wɩa, liisi wɩaa deemba kala mɩ sɩ ŋaa aŋ pɛ mɩ lɛ.

NƐHƖMAAYA 5:19

Mɩ Wɩa, liisi mɩ wɩaa aŋ pɛ mɩ lɛ a tɩŋ wɩalɩŋ kala mɩ sɩ ŋaa pɩ nɩaa deemba.

NƐHƖMAAYA 6:14

Ŋɩɩ nɛ mɩ chʋɔlɛ Wɩa a bʋl, “Mɩ Wɩa, liisi wɩalɩŋ Tobia arɩ Sambalat sɩ ŋaa, liisi haal-la sɩ ŋaa Wɩa wʋlaabʋllʋ baa yɩrɛ Nʋadɩa arɩ Wɩa wʋlaabʋlla-la dɔnsʋŋ kala sɩɩ chɛ dɩ ba fugusimi wɩaa.”

JOB 10:7

Ŋ jɩma mɩ bɩ wɩɩkala ŋaa cheyiŋ, a jɩŋ dɩ nʋʋkala ma bɩ jaŋ wuo laamɛ ta ŋ nɩsɩŋ lɛ.

WƖA YƖƖLAA 102:24

Ŋɩɩ nɛ mɩ bʋl, “Wɩa, sɩ́ leŋe dɩ mɩ buuro sʋʋ, dɩ mɩ tapʋlaa bɩ yie. Ŋ nɛ hɛ nɩmɛ a kaa mʋ wuu.

WƖA YƖƖLAA 106:4

La Tɩɩna, sɩ́ mɩ wɩaa yʋ dɩ ŋ nɩɩ pɛ ŋ nɩaa lɛ. Kɛmmɛ pɛ ba lɛ dɩ ŋ nɛ laaba tɩta.

WƖA YƖƖLAA 119:84

Ɛɛ nɛ ŋ chɛ dɩ mɩ-na ŋ tɩntɩnna gbɛrɛ a diene magɛ? Bʋa bɛɛ lɛ nɛ ŋ jaŋ dɔgɩsɛ nɩalɩŋ sɩ to naasɩŋ dʋdɔgɩsɛmɛ?

WƖA YƖƖLAA 17:3

Ŋ jɩŋ mɩ tʋɔŋ nɛ. Ŋ kɔ mɩ teeŋ nɛ tɩtaŋɩŋ a bemmi woruŋ a na dɩ mɩ bɩ wɩɩkala jɩŋ. Mɩ kɛŋ mɩ tʋɔŋ lɛ nɛ arɩ mɩ bɩ jaŋ bʋbʋl wʋbɔŋŋɔɔ.

WƖA YƖƖLAA 39:13

Bɩra sɩ́ baanɩŋ na mɩ nyuŋ, leŋ dɩ mɩ tʋɔŋ bɩra tɔrɛ, ka dɩ mɩ na sʋʋ a mʋ.”

WƖA YƖƖLAA 44:22

Tapʋlɩɩ kala nɛ la sʋsʋʋ ŋ wɩaa. La nagɛ piesee ba sɩ kaa lɩɩ dɩ ba kpʋ nɛ.

AZAAYA 38:3

“Mɩ Tɩɩna, liisi ŋɩɩ mɩ sɩ kɛŋ wʋtɩtɩɩ a toŋ arɩ mɩ tʋɔŋ kala, a ŋaa wɩalɩŋ sɩɩ tɔrɛ ŋ tʋɔŋ.” Ʋ bʋl ŋɩɩ aŋ chaasa yel woruŋ.

JƐRƖMAAYA 12:3

La TƖƖNA, ŋ jɩmmɛ nɛ, ŋ namɛ nɛ a magɩsɛ mɩ tʋɔbɩɩnaa na a tɩgɛ ŋ lɛ. Lɛrɛ nɩbɔmɔ-la a nagɛ ba sɩ lɛrɛ piesee mʋmʋ dɩ ba kpʋ. Pɔrɛba bil a gbɛrɛ tapʋlɩɩ-la ba sɩ jaŋ kpʋba.

JƐRƖMAAYA 15:10

Mɩ naaŋ, ŋ lʋlmɛ hɛ wɩaa lɛ nɛ, mɩ ŋaa nʋʋ tintee-la nɩaa kala kaa yuyuo yuosuŋ. Mɩ ha bɩ kʋŋ joŋo chɩŋ nʋʋ, mɩ bɩ nʋʋ ma chɩŋ die, ka nʋʋkala ŋmɩɛsa hɩhɛ mɩ lɛ.

JƐRƖMAAYA 15:20

Mɩ jaŋ leŋ dɩ ŋ nagɛ jeeŋ nɩaa deemba teeŋ, ŋ jaŋ nagɛ kɔlɩɩŋ ba sɩ kaa saa jeeŋ gollo chu. Ba jaŋ yuoŋ, ama ba bɩ jaŋ wuo yuo diiŋ, bɛɛ wɩaa mɩ hɛ ŋ teeŋ nɛ, mɩ jaŋ pɔŋ a laaŋ ta. Mɩ-na ma TƖƖNA nɛ bʋla.

JƐRƖMAAYA 17:16

Mɩ bɩ ŋ harɩŋ mɩɩra a vɩa dɩ mɩ ŋaa ŋ pie-daarʋ. Mɩ ha bɩ bɩɩna arɩ maachie wʋlɔrʋŋ jaŋ jʋʋ ŋ nɩaa. Ŋ jɩŋ wɩalɩŋ kala mɩ sɩɩ bʋl nɛ.

JƐRƖMAAYA 18:23

La TƖƖNA, ŋ jɩŋ ŋɩɩ kala ba sɩ vʋʋra dɩ ba kpʋmɛ nɛ. Sɩ́ ba wʋbɔŋŋɔɔ joŋo chɛba, sɩ́ ŋ sɩaa lɩɩsɛ ba wʋbɔŋŋɔɔ lɛ. Leŋ dɩ ba tele bilimi ŋ sɩpaaŋ. Na baanɩŋ a dɔgɩsɛba.

JƐRƖMAAYA 20:11

Ama La TƖƖNA hɛ mɩ teeŋ nɛ a nagɛ laalɩyuori babii-balɩŋ. Ŋɩɩ wɩaa, nɩalɩŋ sɩ to naasɩŋ dʋdɔgɩsɛmɛ jaŋ gɛrɛ tel, ba bɩ jaŋ yuo diimi. Ba jaŋ yuo lɔl, dɩ hɩɩsɩŋ chaasa diiba. Nɩaa bɩ jaŋ kɔ dɩ ba yʋ hɩɩsɩ-la sɩ diiba wɩaa.

JƐRƖMAAYA 20:12

La TƖƖNA doluŋ kala Tɩɩna, ŋ nɛ yie magɩsɛ tʋɔpʋl tɩŋŋaa, a jɩŋ wɩalɩŋ sɩ hɛ ba tʋɔŋ arɩ ba nyuŋ lɛ. Leŋ dɩ mɩ na ŋɩɩ ŋ sɩ jaŋ joŋ ŋ baanɩŋ timba, bɛɛ wɩaa, mɩ joŋ mɩ wɩɩkala hɛ ŋ nɩsɩŋ lɛ nɛ.

JƐRƖMAAYA 20:8

Dɩ mɩ nɛ bʋl wɩaa bʋa na-kala, mɩ yie yel nɛ a heele bʋbʋl doluŋ sɩ diila arɩ cheeriŋ sɩ puula. La TƖƖNA niiŋ wɩaa joŋ joŋŋoo arɩ hɩɩsɩŋ nɛ a hɩhɛ mɩ lɛ tapʋlɩɩ kala.

JEMBIEE 3:64

La TƖƖNA, joŋ wɩɩ-la sɩ maga a tiŋ ba lɛ wɩɩ-la ba sɩ ŋaa.

JEMBIEE 3:66

La TƖƖNA, kire to ba harɩŋ arɩ baanɩŋ a cheiba, dɩ ba bɩra sɩ́ dʋnɩa lɛ hɛ.

Matiu 10:22

Nʋʋkala jaŋ bɛrɛma a tɩŋ mɩ wɩaa. Ama nɩɩ-la kala sɩ nyalɩma a mʋ dɛrɛ, Wɩa jaŋ laaʋ ta.

Matiu 19:29

Bɩra, nɩɩ-la kala sɩ leŋ ʋ dɩɩsɩŋ koo ʋ naambiiriŋ koo ʋ nyɩmma koo ʋ naaŋ koo ʋ biiriŋ koo ʋ bagɩsɩŋ a tɩŋ mɩ wɩaa, ʋ tɩɩna jaŋ bɩra na kɩaa deemba naansɩɩŋ zɔlɔ, aŋ pɛ kɛŋ mɩɩsɩ-la sɩ bɩ dɛrɛ.

Luuk 21:17

Nʋʋkala jaŋ bɛrɛma a tɩŋ mɩ wɩaa.

Rom Tɩŋŋaa 12:19

Mɩ nandɔsɛ, dɩ nɩaa nɛ ŋaa wʋbɔŋŋɔɔ ma lɛ, má sɩ́ ba chɩmɩŋ tiŋ. Má leŋ dɩ Wɩa nɛ na baanɩŋ ba nyuŋ, a tiŋ ba chɩmɩŋ. Ba ŋmʋnsɛ ŋɩɩ Wɩa teniŋ tʋɔŋ arɩ Wɩa sɩ, “Mɩ jaŋ laa yuo pɩma, a tiŋ ma chɩmɩŋ.”

Rom Tɩŋŋaa 8:35

Kirisito sɩ chola ŋɩɩ, bɛɛ kʋŋ nɛ jaŋ bɩra ŋaa dɩ Kirisito sɩ́ la cho? Wahala koo wʋjʋʋlaa, koo dɩ ba to naasɩŋ dʋdɔgɩsɛla, koo dɩ losuŋ kpʋla, koo dɩ la bɩ gɛnnɩŋ kɛnɛ dɩ la laalɛ, koo dɩ wʋbɔŋ nɛ gbɛrɛla, koo dɩ la nɛ jaŋ sʋʋ? Wɩaa deemba kʋŋkala bɩ jaŋ wuo ŋaa dɩ Kirisito bɩra sɩ́ la cho.

2 Kɔrɩntɩ Nɩaa 5:11

Laa fá Wɩa nɛ, ŋɩɩ nɛ tɩɩ la bʋl ʋ wɩaa pɩpɩ nɩaa, dɩ ba bɩrɩma lɩɩ ba wʋbɔŋŋɔɔ lɛ a kʋ to Wɩa. Wɩa nɛ jɩŋ ŋɩɩ la sɩ naga. Mɩ saa jɩma arɩ ma tʋɔbɩɩnaa lɛ ma jɩŋ ŋɩɩ la sɩ naga nɛ.

2 Timoti 4:14

Libiru kʋbala ba sɩɩ yɩrɛ Alɛkɩzanda dɔgɩsɛmɛ nɛ woruŋ. Ʋ sɩ ŋaamɛ ŋɩɩ, Wɩa jaŋ fɩsɛ ʋ puruŋ.

Jɔɔŋ Wʋnaalaa 18:20

Ma nɩalɩŋ sɩ hɛ Wɩa-jaŋ lɛ, má jʋjʋɔsɛ Babɩlɔŋ wɩaa. Ma Wɩa nɩaa arɩ Wɩa nanzɔɔba arɩ Wɩa wʋlaabʋllaa, má jʋjʋɔsɛ. Wɩa joŋ wɩalɩŋ Babɩlɔŋ sɩ ŋaa ma lɛ chɩmɩŋ a tiŋ ʋ lɛ nɛ.”

Jɔɔŋ Wʋnaalaa 6:10

Ŋɩɩ nɛ ba ŋmoo niiŋ vɩl vɩl aa bʋl, “La Tɩɩna Wɩɩjarɩbakɔ, ŋ ŋaa wʋtɩtɩɩ Tɩɩna nɛ a bɩ disiniŋ kɛnɛ, bʋa bɛɛ lɛ nɛ ŋ jaŋ dii dʋnɩa nɩaa sarɩya, aŋ dɔgɩsɛ nɩalɩŋ sɩ kpʋla?”

SƖPAALAARAA 16:28

Ŋɩɩ nɛ Samɩsɩŋ sʋl La TƖƖNA a bʋl, “Ou, mɩ TƖƖNA Wɩɩjarɩbakɔ, liisi mɩ wɩaa. Wɩa, mɩɩ sʋlʋŋ, bɩra pɩmɛ doluŋ bala dɩ mɩ wuo ŋmoo Fɩlɩsɩtɩa tɩŋŋaa deemba bɩra, a tiŋ mɩ sɩaa chɩmɩŋ.”