JƐRƖMAAYA 15:14 - WƖA TENIŊ

¹⁴ Mɩ jaŋ leŋ dɩ ma ŋaa ma dʋndɔŋŋɔɔ yosi, tintee-la ma sɩ bɩ jɩŋ lɛ. Mɩ baanɩŋ jaŋ sii a nagɛ nyiniŋ ma nyuŋ a diima.”

JƐRƖMAAYA 15:14 ပူးပေါင်းရင်းမြစ်များ

WƖA YƖƖLAA 21:9

Bʋa-la lɛ ŋ sɩ jaŋ kɔ, ŋ jaŋ cheiba a nagɛ nyiniŋ sɩ dii kɩaa. Ŋ-na La Tɩɩna baanɩŋ jaŋ nagɛ nyiŋgeliŋ a jomba dii.

AZAAYA 42:25

Ŋɩɩ nɛ ʋ na baanɩŋ woruŋ ba nyuŋ, laalɩŋ jʋʋba. Ʋ baaŋ-la nagɛ nyiniŋ nɛ a joŋ Iziral tɩŋŋaa kala dii, ka ba ha bɩ wɩɩ-la bʋbʋɔŋ jɩŋ. Nyiŋ-la diiba ŋɩɩ ma nɛ, ka ba ha vɩa dɩ ba joŋ wɩɩ-la a hɛ ba nyuŋ lɛ.

JƐRƖMAAYA 14:18

Dɩ mɩ nɛ jɩl pɔkɔŋ nyuŋ, mɩ yie na nɩalɩŋ ba sɩ kpʋa laalɩŋ lɛ nɛ. Dɩ mɩ nɛ jʋʋ tabal-la tʋɔŋ ma, mɩ yie na nɩaa losuŋ sɩ kɛnɛ ba sʋʋ nɛ. Wɩa wʋlaabʋllaa arɩ Wɩɩsʋllɩ sɩpaalaaraa kala mʋ tintee-la ba sɩ bɩ jɩŋ nɛ.”

JƐRƖMAAYA 15:4

Mɩ jaŋ ŋaa dɩ ba nagɛ kʋŋ sɩɩ sʋɔrʋ dʋnɩa kuoroo kala teeŋ, a tɩŋ wɩalɩŋ Hezikaaya nanʋala Manasɛ sɩ dii Juda tinteeŋ kuoruŋ a ŋaa Jerusalɛm lɛ wɩaa.

JƐRƖMAAYA 16:13

Ŋɩɩ wɩaa, mɩ jaŋ lɩɩsɛma tinteeŋ deeŋ lɛ a kaa mʋ tintee dɔŋ, ma-na koo ma naabalɩmaba sɩ bɩ jɩŋ. Nɩmɛ nɛ, ma jaŋ tuto vesiŋ wɩɩhɛyɛ arɩ tɩtaŋɩŋ kala. Mɩ bɩ jaŋ kɔ dɩ mɩ fá ma nenige.”

JƐRƖMAAYA 17:4

A tɩŋ ma tɩtɩa cheeriŋ wɩaa, dʋa-la mɩ sɩ joŋo pɩma jaŋ lɛl ma nɩsɩŋ lɛ. Mɩ jaŋ leŋ dɩ ma ŋaa ma dʋndɔŋŋɔɔ yosi, tintee-la ma sɩ bɩ jɩŋ lɛ. Ma leŋe mɩ baanɩŋ faasa sii ma nyuŋ nɛ, ʋ saa bɩ jaŋ fɩɛlɛ.”

JƐRƖMAAYA 4:4

Má joŋ ma tɩtɩa hɛ mɩ-na ma TƖƖNA nɩsɩŋ lɛ. Má Juda arɩ Jerusalɛm nɩaa, má pʋllɛ ma tʋɔŋ, dɩ ŋɩɩ dee, mɩ baanɩŋ jaŋ sii ma nyuŋ a nagɛ nyiniŋ a diima a tɩŋ wʋbɔmɔ-la ma sɩ ŋaa wɩaa. Dɩ nyiŋ-la nɩɩ diima, nʋʋkala bɩ jaŋ wuo dɩsʋ.

JƐRƖMAAYA 52:27

Rɩbɩla tinteeŋ lee-la ba sɩɩ yɩrɛ Hamaf lɛ nɛ kuoro leŋ ba kpʋba. Ŋɩɩ nɛ Juda nɩaa mʋ yoŋ-baga a kagɛ ba tinteeŋ lɛ.

AMƆS 5:27

Ŋɩɩ wɩaa ma jaŋ pɛ paa ma vesi-la dɩ mɩ nɛ kɛmma mʋmʋ yoŋ-baga a kieli tabal-la ba sɩɩ yɩrɛ Damasɩkʋs,” La Tɩɩna nɛ bʋla, ʋ yɩrɩŋ nɛ Wɩa doluŋ kala Tɩɩna.

MOSIS BƖRA WULLI WƖA WOMBIIŊ 28:25

La TƖƖNA jaŋ leŋ dɩ ma dʋndɔŋŋɔɔ yuo diima. Ma jaŋ to dɩ-bala a mʋ dɩ ma yuoba, ama ba jaŋ kirima dɩ ma fá pɩsɛ a chɩchɛ dɩ ma laa ma tɩtɩa. Dʋnɩa nɩaa kala jaŋ na wɩɩ-la sɩ ŋaa ma lɛ dɩ fawʋllʋŋ faasa kɛmba.

MOSIS BƖRA WULLI WƖA WOMBIIŊ 28:36

La TƖƖNA jaŋ kiri ma dɩ ma kuoro kala a mʋ hɛ tintee-wogo lɛ ma dɩ ma nyɩmmaba ha sɩ bɩ jɩŋ. Nɩmɛ ma jaŋ kpaarɛ vesiŋ ba sɩ kɛŋ daasɩŋ arɩ tabɩaa a ŋaa.

MOSIS BƖRA WULLI WƖA WOMBIIŊ 28:64

La TƖƖNA jaŋ kɛmma pɩsa hɛ dʋnɩa tinteyee kala lɛ. Nɩmɛ nɛ ma jaŋ kpaarɛ vesiŋ ba sɩ kɛŋ daaŋ arɩ tabɩaa a ŋaa, vesi-la ma dɩ ma naabalɩmaba sɩ bɩ jɩŋ.

MOSIS BƖRA WULLI WƖA WOMBIIŊ 29:23

Tintee-la kala jaŋ nagɛ yɩsɩŋ arɩ jiribiiŋ, ba bɩ kʋŋ wuo duu nɩmɛ. Kʋŋkala bɩ jaŋ wuo nyʋ nɩmɛ. Ʋ jaŋ nagɛ Sodom, Gomora, Adɩma arɩ Zeboyim tasɩ-la La TƖƖNA fa sɩ faasa na baanɩŋ a chei.

MOSIS BƖRA WULLI WƖA WOMBIIŊ 32:22

Mɩ baanɩŋ jaŋ sii a nagɛ nyiŋgeliŋ a dii kʋŋkala sɩ hɛ tinteeŋ lɛ. Ʋ jaŋ dii a tuu yi lɛlɛɛ-jaŋ, a dii peelee kala. Kʋdiilii kala jaŋ tuo.

Hiburu TƖŊŊAA 12:29

bɛɛ wɩaa Wɩa nagɛ nyiŋgeliŋ nɛ a didii kɩaa.