JƐRƖMAAYA 15:13 - WƖA TENIŊ

¹³ Ma dʋa arɩ ma kɩaa kala, mɩ jaŋ leŋ dɩ nɩaa kʋ paaba viiri, ba bɩ jaŋ tiŋ kʋŋkala a tɩŋ wʋbɔmɔ-la ma sɩ ŋaa ma tinteeŋ kala lɛ wɩaa.

JƐRƖMAAYA 15:13 ပူးပေါင်းရင်းမြစ်များ

WƖA YƖƖLAA 44:12

Ŋ joŋ ŋ nɩaa yallɛ nɛ, aŋ bɩ nyʋʋrɩɩ kala na.

AZAAYA 52:3

La TƖƖNA bʋla pɩ ʋ nɩaa, “Bʋa-la lɛ ba sɩ kɛmma mʋ yoŋ-baga, ba bɩ moribii kala time aŋ kɛmma mʋ. Ŋɩɩ tɩtɩa nɛ ma bɩ jaŋ tiŋ moribii kala ka dɩ ba jomma ta.”

AZAAYA 52:5

La TƖƖNA sɩ, “Bɛɛ kʋŋ nɛ mɩ kɛŋ daha lɛɛlɛ? Ba kɛsɛ mɩ nɩaa mʋ yoŋ-baga nɛ pɛɩ. Nɩalɩŋ sɩɩ bemba sisieri mɩ lɛ aŋ chichei mɩ yɩrɩŋ bʋa na-kala.

JƐRƖMAAYA 15:8

Mɩ jaŋ leŋ dɩ ba yo-haalaa faasa pʋrɩgɛ, a kɩɩ mʋgʋ-balɩŋ niiŋ hagɩlɩ-bumbugulo. Mɩ jaŋ kɛŋ nɩalɩŋ sɩɩ chei leriŋ kʋ hɛ ba lɛ wɩɩhɛɩ-siesee, dɩ ba kpʋ ba bapʋɔsɛ-biisiŋ, ka dɩ ba naamba bibeŋ. Mɩ jaŋ guu lɛrɛ tʋɔ-cheeŋ arɩ wɩaa sɩ faasa kɛŋ fawʋllʋŋ kɩŋkɛŋ a kʋ hɛ ba lɛ.

JƐRƖMAAYA 17:3

Mɩ peeliŋ sɩ hɛ tintee-la lɛ, ma dʋa arɩ ma kɩaa kala, mɩ jaŋ leŋ dɩ nɩaa laa ba kala, a pɛ ma vesiŋ dɩ-kpaaraa kala lɛ a tɩŋ wʋbɔmɔ-la ma sɩ ŋaa ma tinteeŋ kala lɛ wɩaa.

JƐRƖMAAYA 20:5

Mɩ jaŋ joŋ ba tabalɩŋ deeŋ dʋa kala a pɩ ba dʋndɔŋŋɔɔ, ba kʋŋaalaa, ba kʋyuŋŋoo arɩ Juda kuoroo dʋa kala. Ba jaŋ yuo laa ba kala a kaa mʋ Babɩlɔŋ.

ƐZƖKƖƐL 38:13

Sɛba tɩŋŋaa arɩ Dɛdaŋ tɩŋŋaa, a pɛ Taasɩs arɩ ʋ tabiisiŋ kala bayalaa jaŋ pɩɛsɩŋ, ‘Ŋ kɛŋ ŋ laalɩyuoroo kɔ dɩ ma yuo aŋ paa kɩaa nɛɛ? Ŋŋ chɛ ŋ paa hɔpʋla arɩ sɛlɩmɛ, a kɛsɛ pʋsʋŋ a laa kɩaa yʋgɛ a kaa viiri nɛ koo?’ ”

ZEFANAAYA 1:13

Ba dʋndɔŋŋɔɔ jaŋ kɛŋ ba dʋa laa, aŋ ŋmoo ba dɩɩsɩŋ lo. Ba jaŋ saa dɩɩsɩŋ aŋ bɩ jaŋ jʋʋba. Ba jaŋ chɔnsɛ girep tɩɩsɩŋ, aŋ bɩ jaŋ nyʋa tɩɩsɩ-la sɩnɩŋ.”