JƐRƖMAAYA 15:11 - WƖA TENIŊ

¹¹ La TƖƖNA sɩ, “Wʋtɩtɩɩ, mɩ jaŋ laaŋ ta wʋzɔŋ wɩaa. Wʋtɩtɩɩ, mɩ jaŋ leŋ dɩ ŋ dʋndɔŋŋɔɔ kʋ sʋlʋŋ dɩ ŋ pɛ ba lɛ, bʋa-la lɛ wʋlɔrʋŋ arɩ hɛɛŋ sɩ jaŋ jʋʋba.

JƐRƖMAAYA 15:11 ပူးပေါင်းရင်းမြစ်များ

WƖA YƖƖLAA 106:46

Ʋ leŋe nɩalɩŋ kala sɩ yuo kɛsɛba fá ba nisusuŋ nɛ.

WƖA YƖƖLAA 138:3

Mɩ sɩ sʋlʋŋ dɩ ŋ pɛ mɩ lɛ, ŋ laa mɩ sʋla nɛ, a leŋ mɩ nyuŋ nyaasɛ, mɩ yaraa polli.

NAMAGABA 16:7

Dɩ nʋʋ wʋŋaalaa nɩɩ tɔrɛ La Tɩɩna tʋɔŋ, ʋ yie leŋ ʋ dɩ ʋ dʋndɔŋŋɔɔ kala ŋaa sɩma nɛ.

NAMAGABA 21:1

Kuoro tʋɔbɩɩnaa kala hɛ La Tɩɩna nɩsɩŋ lɛ nɛ. Ʋ yie kɛnʋ dagɛ wombii-la kala ʋ sɩ cho dɩ ʋ to, a nagɛ lɩɩŋ sɩɩ to lɩɩ-libe ŋɩɩ.

TƖƖCHA 8:12

Dɩ nɩbɔmʋŋ nɛ jaŋ ŋaa wʋbɔŋŋɔɔ zɔlɔ aŋ ha hɛ ʋ mɩɩsɩŋ lɛ a dieni, mɩ jɩma nɩalɩŋ sɩɩ fá Wɩa a zizilu, ba-na wɩaa jaŋ vɛŋ woruŋ pɩba.

AZAAYA 41:10

Má sɩ́ fawʋllʋŋ fá, mɩ hɛ ma teeŋ nɛ. Má sɩ́ leŋe dɩ ma tʋɔŋ vʋgʋmɛ, mɩ nɛ ma Wɩa. Mɩ jaŋ pɛ ma lɛ a pɩma doluŋ, mɩ jaŋ pɔma a laama ta.

JƐRƖMAAYA 21:2

“Chɛ na wɩaa La TƖƖNA teeŋ a pɩla, bɛɛ wɩaa Babɩlɔŋ kuoro Nebukadineza ka yuola nɛ. Kapo La TƖƖNA jaŋ ŋaa wʋkpuŋkpere pɩla arɩ ʋ fa sɩɩ ŋaa ŋɩɩ, dɩ ʋ mʋ aŋ ka la.”

JƐRƖMAAYA 37:17

Ŋɩɩ nɛ kuoro Zedikaaya tɩŋ ba mʋ kɛnʋ kaa kɔ kuoro dɩa. Nɩmɛ nɛ ʋ lʋara pɩɛsʋ, “La TƖƖNA bɩ wɩɩ bʋlaa?” Jɛrɩmaaya sɩ, “Oo ʋ bʋla nɛ, ʋ jaŋ joŋuŋ hɛ Babɩlɔŋ kuoro nɩsɩŋ lɛ.”

JƐRƖMAAYA 37:3

Ama kuoro Zedikaaya mɩɩra tɩŋ Sɛlɛmaaya nanʋala Jehukal arɩ Maasɛya nanʋala Zefanaaya sɩ ŋaa Wɩɩsʋllɩ sɩpaalaara dɩ ba kɛŋ tɩndaarɩŋ deeŋ mʋ pɩ Jɛrɩmaaya: “Laa sʋlʋŋ, sʋl La TƖƖNA Wɩa pɩla.”

JƐRƖMAAYA 38:14

Kuoro Zedikaaya tɩŋ ba mʋ yɩrɛ Wɩa wʋlaabʋlla Jɛrɩmaaya kɔ La TƖƖNA dɩɩ-bal-la boi-nii-tori-la leriŋ. Kuoro bʋla pɩ Jɛrɩmaaya, “Mɩɩ chɛ mɩ pɩɛsɩŋ wɩɩ nɛ, pʋpɔ ŋ sɩ́ wɩɩkala joŋo faamɛ.”

JƐRƖMAAYA 42:2

kala mʋ Wɩa wʋlaabʋlla Jɛrɩmaaya teeŋ a bʋla pʋ, “Laa sʋlʋŋ, jegile nɩɩ wɩɩ-la la sɩ kɛnɛ, a sʋl ŋ TƖƖNA Wɩa a pɩ la nɩkaanaa deemba. Ŋ tɩtɩa sɩɩŋ na la nɛ lɛɛlɛ, la fa yʋga nɛ woruŋ, ama lɛɛlɛ la baŋmɛnɛ nɛ ka.