JƐRƖMAAYA 15:10 - WƖA TENIŊ

¹⁰ Mɩ naaŋ, ŋ lʋlmɛ hɛ wɩaa lɛ nɛ, mɩ ŋaa nʋʋ tintee-la nɩaa kala kaa yuyuo yuosuŋ. Mɩ ha bɩ kʋŋ joŋo chɩŋ nʋʋ, mɩ bɩ nʋʋ ma chɩŋ die, ka nʋʋkala ŋmɩɛsa hɩhɛ mɩ lɛ.

JƐRƖMAAYA 15:10 ပူးပေါင်းရင်းမြစ်များ

1 KUOROO 21:20

Ahab na Ɩlaaja a bʋl, “Mɩ nɛ ŋ kɛŋ ŋ-la mɩ dʋndɔŋ.” Ɩlaaja bʋl, “Oo mɩ kɛnɩŋ nɛ, a tɩŋ ŋ sɩ ŋaa wʋbɔmɔ-la La TƖƖNA sɩɩŋ lɛ.

1 KUOROO 22:8

Iziral kuoro Ahab bʋla pɩ Jehosafat, “Nʋʋ dɔŋ ha hɛ nɩmɛ la sɩ jaŋ wuo to ʋ lɛ a pɩɛsɛ La TƖƖNA na. Ʋ yɩrɩŋ nɛ Mɩkaaya, a ŋaa Imila nanʋala. Ama mɩ bɛrʋ nɛ, bɛɛ wɩaa ʋ ha bɩ wʋzɔŋ kala bʋla pɩmɛ Wɩa doluŋ lɛ, see wʋbɔŋ.” Ŋɩɩ nɛ Jehosafat bʋl, “Kuoro, sɩ́ ŋɩɩ bʋl.”

WƖA YƖƖLAA 109:28

Dɩ ba nɛ kalɩbaa hɛ mɩ lɛ ma, ŋ-na jaŋ pɛ mɩ lɛ. Dɩ ba nɛ golloo yuomi, ba jaŋ dii hɩɩsɩŋ. Ama mɩ-na ŋ tɩntɩnna jaŋ jʋjʋɔsɛ.

WƖA YƖƖLAA 15:5

Ba yie joŋ ba moribiee a chɩŋ nɩaa aŋ bɩ nyʋʋrʋŋ kaa pɛ. Ba bɩ kpalaa laa aŋ joŋ nɩalɩŋ sɩ bɩ wɩɩ cheye hɩhɛ wɩaa lɛ. Nɩalɩŋ sɩɩ ŋaa wɩaa deemba bʋa na-kala lɛ, ba jaŋ chɩŋ kpaŋkpaŋ, wɩɩkala bɩ ba wuo jigisi.

WƖA YƖƖLAA 69:4

Nɩalɩŋ sɩ bɛrɛmɛ, ka mɩ bɩ wɩɩ cheye, ba yʋga kɩɩ mɩ nyu-pʋnaa. Doluŋ nɛ mɩ dʋndɔŋŋɔɔ didii mɩ lɛ dɩ ba cheimi. Baa fʋgɛmɛ nɛ dɩ mɩ tiŋ kɩalɩŋ mɩ sɩ bɩ gaa.

MOSIS KƐŊ IZIRAL TƖŊŊAA LƖƖ 22:25

Dɩ ma kʋŋ nɛ joŋ moribiee chɩŋ ʋ naambie sɩ ŋaa summu, ʋ bɩ maga dɩ ʋ chɩchɛ nyʋʋrʋŋ arɩ nɩaa dɔnsʋŋ sɩ yie joŋ moribiee chɩŋ ba dɔnsʋŋ aŋ chɩchɛ nyʋʋrʋŋ ŋɩɩ.

NAMAGABA 26:2

Dɩ ŋ nɛ bɩ wɩɩ ŋaa ka dɩ nʋʋ ŋmɩɛsa hɛ ŋ lɛ, ŋmɩaŋ-la bɩ jaŋ diiŋ. Ʋ nagɛ zaarɩ-kokobie koo kampiliŋ diibie sɩɩ fil a bɩ togili nɛ.

JƐRƖMAAYA 15:20

Mɩ jaŋ leŋ dɩ ŋ nagɛ jeeŋ nɩaa deemba teeŋ, ŋ jaŋ nagɛ kɔlɩɩŋ ba sɩ kaa saa jeeŋ gollo chu. Ba jaŋ yuoŋ, ama ba bɩ jaŋ wuo yuo diiŋ, bɛɛ wɩaa mɩ hɛ ŋ teeŋ nɛ, mɩ jaŋ pɔŋ a laaŋ ta. Mɩ-na ma TƖƖNA nɛ bʋla.

LEVI DOHO NƖAA 25:36

Má fá mɩ-na ma Wɩa a leŋ dɩ ma naambie guoli ma tʋɔŋ. Dɩ ma nɛ joŋ kʋŋ chɩmʋ, má sɩ́ leŋe dɩ ʋ tiŋ kʋŋ daŋ.

LEVI DOHO NƖAA 25:37

Má sɩ́ moribiee koo kʋdiilee joŋ chɩmʋ aŋ chɩchɛ nyʋʋrʋŋ.

HABAKU 1:3

Bɛɛ nɛ tɩɩ ŋ leŋ mɩ na wɩaa sɩ bɩ ba bʋa lɛ ŋaa? Bɛɛ nɛ tɩɩ ŋ sɛɩ wʋbɔŋŋɔɔ ŋaanɩŋ su leriŋ kala? Ŋ leŋ mɩ bibeŋ ka leriŋ chichei doluŋ didiila mɩ sɛmɛ na-kala ka yuosuŋ arɩ kaalɛrɛ ma pʋrɩgɛ.

Matiu 24:9

Ba jaŋ kɛsɛma a jomma hɛ nɩaa nɩsɩŋ lɛ dɩ ba dɔgɩsɛma aŋ kpʋ ma dɔnsʋŋ. Tinteyee nɩaa kala jaŋ bɛrɛma a tɩŋ mɩ wɩaa.

Matiu 5:44

Ama lɛɛlɛ mɩ jaŋ bʋla pɩma, má cho ma dʋndɔŋŋɔɔ a chʋɔlɛ Wɩa pɩpɩ nɩalɩŋ sɩ to naasɩŋ dɔgɩsɛma.

Luuk 2:34

Ŋɩɩ nɛ Simioŋ chʋɔlɛ Wɩa pɩba dɩ ʋ pɛ ba lɛ aŋ bʋla pɩ ʋ naaŋ Mɛɛrɩ, “Wɩa lɩɩsɛ ŋ bie deeŋ dɩ ʋ kʋ dɔgɩsɛ nɩalɩŋ sɩ bɩ ʋ wɩaa laa dii nɛ, aŋ laa nɩalɩŋ sɩ laa ʋ wɩaa dii ta Iziral tɩŋŋaa tʋɔŋ. Wɩa ta bie deeŋ dɩ ʋ ŋaa magɩl nɛ. Nɩaa yʋga sɩ jaŋ joŋ ba harɩŋ yɩaʋ,

Luuk 6:22

Dɩ nɩaa nɛ bɛrɛma a lɩɩsɛma ta ba tʋɔŋ a tʋtʋʋsɛma a chichei ma yɩrɩŋ a bʋl dɩ ma ŋaa nɩbɔmɔ nɛ, dɩ ba nɛ bʋl ŋɩɩ a tɩŋ ma sɩɩ to mɩ-na Nuhuobiine Bie harɩŋ wɩaa, Wɩa ma jaŋ pɛ ma lɛ.

Tɩntɩŋŋaa 28:22

Ama la jɩma arɩ lee-na kala nɩaa yie bʋbʋl wʋbɔŋŋɔɔ a mʋ tɩgɛ Wɩɩchʋɔlɛ wombii-la ŋ sɩɩ to lɛ nɛ. Ŋɩɩ nɛ tɩɩ la chɩchɛ dɩ la nɩɩ wɩalɩŋ ŋ sɩ laa dii.”