JƐRƖMAAYA 15:1 - WƖA TENIŊ

¹ Ŋɩɩ nɛ La TƖƖNA bʋla pɩmɛ, “Dɩ Mosis arɩ Samʋɛl nɛ fa paala kʋ chɩŋ mɩ sɩpaaŋ a sʋlmɛ ma, mɩ bɩ jaŋ fá nɩaa deemba nenige. Kiriba ta dɩ ba sʋrɩsɛ mɩ sɩpaaŋ! Leŋ dɩ ba mʋ!

JƐRƖMAAYA 15:1 ပူးပေါင်းရင်းမြစ်များ

WƖAA DƖ-SUOMUŊ 19:27

Chʋchʋɔ-fɩɛla Abɩraham sii folo mʋ lee-la ʋ fa sɩ chɩŋ La TƖƖNA sɩpaaŋ.

2 KUOROO 17:20

Ŋɩɩ nɛ La TƖƖNA vɩa Iziral tɩŋŋaa kala ta, aŋ dɔgɩsɛba a leŋ ba dʋndɔŋŋɔɔ sɩ kɛŋ tʋɔhɛɛŋ kɛsɛba a kaa viiri.

WƖA YƖƖLAA 106:23

Ŋ sɩ na baanɩŋ ŋ nɩaa nyuŋ a chɩchɛ ŋ cheiba, ŋ tɩntɩnna Mosis, nɩɩ-la ŋ sɩ lɩɩsa ʋ ŋaa ba sɩpaa-laarʋ, ʋ nɛ sii chɩŋ ŋ sɩpaaŋ a sʋlʋŋ, dɩ ŋ sɩ́ ba chei.

WƖA YƖƖLAA 99:6

Mosis arɩ Arɔŋ ma fa ŋaa Wɩɩsʋllɩ sɩpaalaaraa nɛ. Samʋɛl ma fa ŋaa nɩalɩŋ sɩ bunso pɩpɩ Wɩa dɔŋɔ nɛ. Ba yie ŋmoo niiŋ pɩ La Tɩɩna, ʋ laa ba sʋla.

NAMAGABA 14:35

Kuoro tʋɔŋ yie tɔrɛ ʋ tɩntɩnnʋ-la sɩ kɛŋ wʋjɩmɩŋ a ŋɩŋaa wɩaa nyuŋ nɛ, ama ʋ baanɩŋ yie sii tɩntɩnnʋ-la sɩɩ hɛʋ hɩɩsɩŋ nyuŋ nɛ.

JƐRƖMAAYA 10:18

Wɩɩ-la La TƖƖNA sɩ bʋla nɛ ŋ-la: “Bʋa deeŋ lɛ, mɩ jaŋ joŋ nɩalɩŋ sɩ hɛ tinteeŋ deeŋ lɛ a yuo ta. Mɩ jaŋ joŋ hɛɛŋ yʋgɛ a hɛ ba lɛ, dɩ ba yuo kɛsɛba.”

JƐRƖMAAYA 11:14

Jɛrɩmaaya, sɩ́ mɩ sʋla pɩ nɩaa deemba, sɩ́ ba naasɩŋ lɛ chɩna sʋlmɛ chɩchɛ dɩ mɩ ŋaa wɩɩkala a pɩba, bɛɛ wɩaa mɩ bɩ jaŋ jegile nɩɩ ba teeŋ bʋa-la lɛ hɛɛŋ sɩ jaŋ jʋʋba dɩ ba yɩrɛmɛ.

JƐRƖMAAYA 14:11

Ŋɩɩ nɛ La TƖƖNA bɩra bʋla pɩmɛ, “Sɩ́ mɩ sʋla chɩchɛ dɩ wɩaa vɛŋ woruŋ a pɩ nɩaa deemba.

JƐRƖMAAYA 14:12

Arɩ ba sɩɩ vɔɔ niiŋ ma kala, mɩ bɩ jaŋ jegile nɩɩ ba yele. Ba ŋaa kʋnyɩgaa Wɩɩsʋlʋŋ arɩ mɩaa Wɩɩsʋlʋŋ pɩpɩmɛ ma nɛ, ama mɩ bɩ jaŋ laaba. Mɩ jaŋ mɩɩra joŋ laalɩŋ, losuŋ arɩ nyanyalɩŋ a hɛ ba lɛ dɩ ba sʋʋ.”

JƐRƖMAAYA 15:19

Ŋɩɩ wɩaa, wɩɩ-la La TƖƖNA sɩ bʋla pɩ Jɛrɩmaaya nɛ ŋ-la: “Dɩ ŋ nɛ bɩrɩma lɩɩ ŋ wʋbɔŋŋɔɔ ŋaanɩŋ lɛ, mɩ jaŋ leŋ dɩ ŋ bɩra kʋ tɩma pɩpɩmɛ. Dɩ ŋ nɛ jaŋ leŋ wʋtɔɔnʋŋ bʋlʋŋ, aŋ bʋbʋl wɩaa sɩ kɛŋ bʋbʋɔŋ, ŋ jaŋ ŋaa mɩ wʋlaabʋllʋ. Leŋ dɩ nɩaa deemba nɛ mɩɩra kʋ toŋ, ama ʋ bɩ maga dɩ ŋ nɛ toba.

JƐRƖMAAYA 16:13

Ŋɩɩ wɩaa, mɩ jaŋ lɩɩsɛma tinteeŋ deeŋ lɛ a kaa mʋ tintee dɔŋ, ma-na koo ma naabalɩmaba sɩ bɩ jɩŋ. Nɩmɛ nɛ, ma jaŋ tuto vesiŋ wɩɩhɛyɛ arɩ tɩtaŋɩŋ kala. Mɩ bɩ jaŋ kɔ dɩ mɩ fá ma nenige.”

JƐRƖMAAYA 16:5

Wɩɩ-la La TƖƖNA bɩra sɩ bʋla nɛ ŋ-la: “Pʋpɔ ŋ sɩ́ dɩa kala lɛ ba sɩɩ ŋaa yoho kʋdiilee jʋʋ. Pʋpɔ ŋ sɩ́ yel koo a nyagɛ nɩalɩŋ sɩɩ yel bɔyɛ, bɛɛ wɩaa, mɩ leŋ ŋɩɩ mɩ fa sɩɩ pɛ ba lɛ nɛ. Mɩ fa sɩ choba ŋɩɩ a fɩfá ba nisusuŋ, ŋɩɩ bɩra tuo. Mɩ-na ma TƖƖNA nɛ bʋla.

JƐRƖMAAYA 18:20

Ʋ maga dɩ ba joŋ wʋbɔmʋŋ a tiŋ wʋzɔmʋŋ chɩmɩŋ nɛɛ? Ama ba lu bʋa nɛ a bil mɩ lɛ. La Tɩɩna, liise yi arɩ mɩ chɩŋ ŋ sɩpaaŋ nɛ a laa ba wɩaa bʋl, dɩ ŋ leŋ baaŋ-la ŋ fa sɩ na ba nyuŋ.

JƐRƖMAAYA 22:28

Mɩ bʋl: Jehoyakim mɩɩra nagɛ pupoiŋ sɩ yɛrɛ ba joŋo yuo ta nɛ. Ʋ mɩɩra nagɛ kʋŋ nʋʋkala sɩ bɩ chɛ nɛ. Bɛɛ nɛ tɩɩ ba kiri ʋ dɩ ʋ biiriŋ kala ta, ba mʋ hɛ tintee ba sɩ bɩ jɩŋ lɛ?

JƐRƖMAAYA 23:39

Ŋɩɩ wɩaa, mɩ jaŋ sɛnɛ yʋ ma wɩaa aŋ kirima ta mɩ sɩpaaŋ, aŋ vɩa tabal-la ma mɩ sɩ joŋo pɩ ma dɩ ma naabalɩmaba a ta.

JƐRƖMAAYA 35:19

Ŋɩɩ wɩaa, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Rekab nanʋala Jonadab jaŋ kɛŋ hambolibie bʋa na-kala dɩ ʋ tɩma pɩpɩmɛ.’ ”

JƐRƖMAAYA 52:3

La TƖƖNA baanɩŋ fa chaasa sii Jerusalɛm arɩ Juda tinteeŋ nɩaa nyuŋ nɛ kɩŋkɛŋ, ʋ vɩaba ta. Bʋa deeŋ lɛ dɩ Zedikaaya vɩa Babɩlɔŋ kuoro niiŋ.

JƐRƖMAAYA 9:19

La nɩa dɩ baa ŋmoo niiŋ nɛ Zaayɔŋ lɛ a bʋbʋl, ‘La cheye dɛrɛ nɛ. La hɩɩsɩŋ chaasa yʋgɛ nɛ. Ʋ maga dɩ la lɩɩ la tinteeŋ lɛ nɛ, bɛɛ wɩaa la dɩɩsɩŋ kala nɛ ba ŋmoo lo.’ ”

ƐZƖKƖƐL 14:14

Dɩ nɩaa deemba batori, Nowa, Danɩɛl arɩ Job nɛ fa paala hɛ tintee-la lɛ ma, ba tʋɔpʋla jaŋ wuo laa ba tɩtɩa mɩɩsɩŋ nɛ, ama nʋʋkala dee. La TƖƖNA Wɩɩjarɩbakɔ nɛ bʋla.

ƐZƖKƖƐL 22:30

Mɩ beŋ ba tʋɔŋ a chɩchɛ nʋʋ sɩ jaŋ saa jeeŋ a chɩŋ mɩ sɩpaaŋ wuol-la sɩ hɛ mɩ dɩ ba pɛgɛ lɛ, a pɔ tintee-la dɩ mɩ sɩ́ ʋ chei, ama mɩ bɩ nʋʋ na.

HOSIA 9:15

La TƖƖNA sɩ, “Ba suomi ba nɩbɔŋ wɩaa kala Gɩlɩgal lɛ nɛ, nɩmɛ nɛ mɩ chɩna bɛrɛba. Wʋbɔmɔ-la ba sɩɩ ŋaa wɩaa, mɩ jaŋ kiriba ta mɩ tinteeŋ lɛ. Mɩ bɩra bɩ jaŋ choba, ba sɩpaalaaraa kala vɩa mɩ niiŋ nɛ.

ZƐKARƖYA 3:3

Josua fa laalɛ gɛnnɩŋ sɩ kɛŋ nyɛsɩŋ nɛ a chɩŋ Wɩa tɩndaarʋ-la sɩpaaŋ.

MOSIS BƖRA WULLI WƖA WOMBIIŊ 9:26

Mɩ sʋllʋ a bʋl, “Mɩ Tɩɩna Wɩɩjarɩbakɔ, sɩ́ ŋ nɩaa ŋ tɩtɩa sɩ lɩɩsa chei. Ŋ nɛ laaba arɩ ŋ doluŋ Ijipiti tɩŋŋaa nɩsɩŋ lɛ a kɛmba kaa lɩɩ Ijipiti tinteeŋ lɛ.

Hiburu TƖŊŊAA 9:24

Ʋ bɩ naga Kirisito jʋʋ lɛbɩ-la nuhuobiinee sɩ ŋaa nɛ. Nɩalɩŋ fa sɩ ŋaa lɛbɩ-la, ka chesi Wɩa dɩ-zɔŋ-la nɛ. Ama Kirisito jʋʋ Wɩa-jaŋ tɩtɩa nɛ, dɩ ʋ chɩŋ la nyuŋ Wɩa sɩpaaŋ.

SƖPAALAARAA 5:9

Mɩɩ dɛnnɛ La TƖƖNA, mɩ tʋɔŋ tɔrɛ Iziral laalɩyuoroo sɩpaalaara-la nyuŋ arɩ laalɩyuoro-la sɩ sɛyɛ a kɛŋ ba tɩtɩa kʋ lɩɩ dɩ ba yuo laalɩŋ.

1 SAMƲƐL 12:19

Ba kala bʋla pɩ Samʋɛl, “Laa sʋlʋŋ, sʋl ŋ TƖƖNA Wɩa a pɩ la-na ŋ tɩntɩnnaa dɩ la sɩ́ sʋʋ, bɛɛ wɩaa la na dɩ la ŋaa wʋbɔŋ nɛ a pɛ la wʋbɔŋŋɔɔ lɛ, la sɩ bʋla arɩ laa chɛ kuoro nɛ.”

1 SAMƲƐL 12:23

Mɩ-na bɩ jaŋ kɔ dɩ mɩ vɩa dɩ mɩ sʋl Wɩa pɩma. Dɩ mɩ nɛ ŋaa ŋɩɩ, mɩ jaŋ ŋaa wʋbɔŋ La TƖƖNA lɛ. Mɩ jaŋ dagɛma wɩalɩŋ sɩ zɔmɔ a magɛ dɩ ma ŋɩŋaa.

1 SAMƲƐL 7:9

Ŋɩɩ nɛ Samʋɛl kɛŋ pie-bie ha sɩɩ wasɛ yɩlɩŋ a kpʋ a nyɩgɛ ʋ kala a ŋaa kʋnyɩgaa Wɩɩsʋlʋŋ pɩ La TƖƖNA, aŋ bunso pɩ La TƖƖNA a tɩŋ Iziral tɩŋŋaa wɩaa. Ŋɩɩ nɛ La TƖƖNA nɩɩ ʋ bunso.