JƐRƖMAAYA 14:9 - WƖA TENIŊ

⁹ Bɛɛ nɛ tɩɩ ŋ nagɛ nʋʋ ba sɩ ŋaa wɩaa a dɩ ʋ lɛ a nagɛ laalɩyuori wajɩa sɩ bɩ doluŋ kɛnɛ dɩ ʋ laa nɩaa ta? La TƖƖNA, ŋ hɛ la tʋɔŋ nɛ, la ŋaa ŋ nɩaa nɛ, sɩ́ la vɩa ta.

JƐRƖMAAYA 14:9 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 7:14

dɩ mɩ nɩaa nɛ jaŋ kɛŋ ba tɩtɩa muuri a sʋla chɩchɛmɛ, aŋ bɩrɩma lɩɩ ba wʋbɔŋŋɔɔ lɛ, mɩ hɛ mɩ jaŋ lɛ nɛ, mɩ jaŋ nɩɩ ba sʋla a joŋ ba wʋbɔŋŋɔɔ chɛba aŋ leŋ dɩ ba tinteeŋ fɩɛlɛ.

WƖA YƖƖLAA 10:1

La Tɩɩna, bɛɛ nɛ tɩɩ mɩ dɩŋ pɛgɛ bol? Bɛɛ nɛ tɩɩ ŋ kɛŋ ŋ tɩtɩa faala, bʋa-la lɛ wɩaa sɩ jʋʋla?

WƖA YƖƖLAA 27:9

Sɩ́ ŋ tɩtɩa kaa faamɛ. Sɩ́ baanɩŋ na a kiri mɩ-na ŋ tɩntɩnna ta. Ŋ nɛ ŋaa Nɩɩ-la sɩɩ pɛ mɩ lɛ. Mɩ Wɩa arɩ mɩ Laataara, sɩ́ mɩ vɩa ta.

WƖA YƖƖLAA 46:5

Wɩa hɛ tabal-la lɛ nɛ, ʋ bɩ jaŋ tel. Dɩ taŋ nɛ pʋlaa kɔ, Wɩa jaŋ pɛ ʋ lɛ.

AZAAYA 12:6

Nɩalɩŋ sɩ hɛ Jerusalɛm lɛ, má faasa yɩɩ yɩɩlaa arɩ tʋɔtɔrʋŋ, bɛɛ wɩaa Iziral tɩŋŋaa Wɩɩ-balɩŋ sɩ bɩ disiniŋ kɛnɛ hɛ ma tʋɔŋ nɛ.”

AZAAYA 43:7

Ba ŋaa mɩ nɩaa nɛ, mɩ nɛ ŋaaba, mɩ nɛ mɛba dɩ ba dagɛ mɩ tʋla.”

AZAAYA 51:9

La TƖƖNA, sii a pɛ la lɛ arɩ ŋ doluŋ a laala ta. Sii ŋaa ŋɩɩ tɩtɩa ŋ fa sɩ ŋaa pɩ la bumbuŋ nɩaa. Ŋ dee fa bɩ mʋga tʋɔŋ peribanyeŋŋu ba sɩɩ yɩrɛ Rahab kaa keri muno muno ŋɩɩ?

AZAAYA 59:1

La TƖƖNA bɩ nɩpʋgʋ ŋaa a bɩ ma wuo laa tɩta. Ʋ dɩgɩlaa ma bɩ kparɩma, ʋ sɩ bɩ jaŋ wuo nɩɩ ma sɩɩ yɩrʋ dɩ ʋ pɛ ma lɛ.

AZAAYA 63:19

La ŋaa ŋ nɩaa nɛ faafaa kala, ka ŋ ŋaa wɩaa la lɛ a nagɛ ŋ ha bɩ la bene aŋ ka koo ŋ ha bɩ la kaa yɩrɛ ŋ nɩaa.

JƐRƖMAAYA 15:16

Ŋ sɩ bʋl ŋ wɩaa pɩmɛ, mɩ jegile nɩɩ nɛ. Wɩalɩŋ nɩɩ pɩmɛ tʋɔtɔrʋŋ, mɩ choba woruŋ, bɛɛ wɩaa mɩ ŋaa ŋ nʋʋ nɛ, La TƖƖNA Wɩa doluŋ kala Tɩɩna.

JƐRƖMAAYA 51:5

Mɩ-na ma TƖƖNA Wɩa, doluŋ kala Tɩɩna, bɩ Iziral tɩŋŋaa arɩ Juda nɩaa vɩa ta, arɩ ba sɩ ŋaa wʋbɔŋŋɔɔ mɩ-na ba Iziral tɩŋŋaa Wɩa sɩ bɩ disiniŋ kɛnɛ sɩpaaŋ, ba tinteeŋ kala lɛ.

JƐRƖMAAYA 8:19

Jegile nɩɩ mɩ nɩaa nii-ŋmobo tintee-bolii-la lɛ. La TƖƖNA tuo Zaayɔŋ lɛɛ? Ʋ kuoru-balɩŋ bɩra tuoo?” La TƖƖNA pɩɛsɛ “Bɛɛ nɛ tɩɩ ba kɛŋ kɩalɩŋ ba sɩ mɛ ŋaa mɩ baanɩŋ sii, ba vʋɩ-pɛɩba-la ba sɩ kaa lɩɩ tawogusuŋ?”

JEMBIEE 5:20

Bɛɛ nɛ tɩɩ ŋ yie yʋ la wɩaa? Bɛɛ nɛ tɩɩ ŋ vɩala ta a dieni ŋɩɩ?

ƐZƖKƖƐL 48:35

Kɛrɛ-la sɩ golli tabal-la chu, ʋ duomuŋ kala jaŋ ŋaa naakieliŋ bʋɩ nibi, a chɩŋ bʋa-la lɛ a kaa mʋ tabal-la yɩrɩŋ jaŋ ŋaa ‘LA TƖƖNA HƐ DƖMƐ.’ ”

HABAKU 1:2

“La TƖƖNA, ɛɛ nɛ mɩ yɩrɛ ŋ yɩrɩŋ diene ŋɩɩ dɩ ŋ pɛ la lɛ, ka ŋ bɩ jegile nɩɩ? Ɛɛ nɛ mɩ ŋmoo niiŋ pɩŋ ŋɩɩ, ka ŋ bɩ la laa ta ba sɩɩ dii doluŋ la lɛ?

ZƐKARƖYA 2:5

Mɩ tɩtɩa jaŋ nagɛ kɛrɛ sɩ kɛŋ nyiniŋ a gollu, mɩ jaŋ hɛ ʋ tʋɔŋ a ŋaa ʋ tʋla.’ ” La TƖƖNA nɛ bʋla.

ZƐKARƖYA 8:3

Wɩɩ-la La TƖƖNA sɩ bʋla nɛ ŋ-la: “Mɩ jaŋ mɩɩra kɔ Zaayɔŋ a hɛ Jerusalɛm lɛ. Ŋɩɩ nɛ ba jaŋ yɩyɩrɛ Jerusalɛm tabal-la sɩ kɛŋ wʋtɩtɩɩ. Ba jaŋ yɩyɩrɛ mɩ-na ma TƖƖNA doluŋ kala Tɩɩna peeliŋ ma, Peel-la sɩ bɩ disiniŋ kɛnɛ.”

NAMBABA 11:23

Ŋɩɩ nɛ La TƖƖNA bʋla pɩ Mosis, “Ŋ bɩɩna mɩ bɩ doluŋ kɛnɛ nɛ koo? Ŋ jaŋ na wɩɩ-la mɩ sɩ bʋla pɩŋ jaŋ ŋaa koo ʋ bɩ jaŋ ŋaa.”

Tɩntɩŋŋaa 15:17

Mɩ jaŋ ŋaa ŋɩɩ dɩ dʋnɩa nɩaa nɩkaanaa ma kʋ chɛmɛ a tomi, nɩalɩŋ mɩ sɩ tʋɔsa nɩalɩŋ sɩ bɩ Juu tɩŋŋaa ŋaa tʋɔŋ dɩ ba ŋaa mɩ nɩaa. Ba ma jaŋ kʋ chɛ mɩ a tomi.’

2 Kɔrɩntɩ Nɩaa 6:16

La ŋaa Wɩa-la sɩ weye dɩa nɛ, ʋ hɛ la lɛ. Ŋ bɩ jaŋ wuo jʋʋ Wɩa dɩa a kpaarɛ vʋɩyaa nɩmɛ. Ŋ-la nɛ Wɩa tɩtɩa bʋl ʋ teniŋ tʋɔŋ. Ʋ sɩ, “Mɩ jaŋ hɛ mɩ nɩaa tʋɔŋ a gʋgɔllɛ. Mɩ nɛ jaŋ ŋaa ba Wɩa, dɩ ba ma ŋaa mɩ nɩaa.

MOSIS BƖRA WULLI WƖA WOMBIIŊ 23:14

Má leŋ dɩ ma dɩhɔnʋŋ zɔŋ ma TƖƖNA Wɩa sɩaa lɛ, bɛɛ wɩaa ʋ hɛ ma tʋɔŋ nɛ ma dɩ-hɔnɩɩ-la lɛ, a pʋpɔma, a leŋ ma yuo didii ma dʋndɔŋŋɔɔ. Ma pɔ dɩ má sɩ́ wɩɩkala sɩ kɛŋ disiniŋ ŋaa dɩ ŋɩɩ leŋ dɩ ʋ mɩɩrɛ ma harɩŋ.

MOSIS BƖRA WULLI WƖA WOMBIIŊ 28:10

Dʋnɩa nɩaa kala jaŋ na La TƖƖNA sɩ lɩɩsɛma ma ŋaa ʋ nɩaa ŋɩɩ dɩ ba fɩfáma.

Hiburu TƖŊŊAA 13:5

Má sɩ́ faasa cho moribiee kɩŋkɛŋ. Kɩalɩŋ ma sɩ kɛnɛ, má leŋ dɩ ma sɩɩŋ suba. Ŋ-la nɛ Wɩa bʋl ʋ teniŋ tʋɔŋ. Ʋ sɩ, “Mɩ bɩ jaŋ vɩama ta. Mɩ bɩ jaŋ kɔ dɩ mɩ lɩɩ ma harɩŋ.”

Jɔɔŋ Wʋnaalaa 21:3

Ŋɩɩ nɛ aŋ ka mɩ nɩɩ nʋʋ yikori-balɩŋ dɩ ʋ lɩɩ kuoru kpasa-la sɛmɛ a bʋl, “Má bee na, lɛɛlɛ Wɩa kɔ nuhuobiine teeŋ nɛ. Ʋ jaŋ hɔŋ ba tʋɔŋ. Ba nɛ jaŋ ŋaa ʋ nɩaa. Wɩa tɩtɩa jaŋ hɔŋ ba teeŋ a ŋaa ba Wɩa.

1 SAMƲƐL 12:22

A tɩŋ La TƖƖNA yɩrɩ-balɩŋ wɩaa, ʋ bɩ jaŋ kɔ dɩ ʋ vɩa ʋ nɩaa ta, ʋ tʋɔtɔrʋŋ lɛ nɛ ʋ lɩɩsɛma ma ŋaa ʋ nɩaa.