JƐRƖMAAYA 14:8 - WƖA TENIŊ

⁸ Ŋ nɛ la Iziral tɩŋŋaa yɩyɩɛlɛ, ŋ nɛ la Laataara, a lɩlɩɩsɛla la wʋjʋʋlaa lɛ. Bɛɛ nɛ tɩɩ ŋ nagɛ nʋhʋɔrʋ tintee-la lɛ a nagɛ wombii-vɛnnʋ sɩ mʋ chʋa leriŋ tapʋl bala?

JƐRƖMAAYA 14:8 ပူးပေါင်းရင်းမြစ်များ

WƖA YƖƖLAA 10:1

La Tɩɩna, bɛɛ nɛ tɩɩ mɩ dɩŋ pɛgɛ bol? Bɛɛ nɛ tɩɩ ŋ kɛŋ ŋ tɩtɩa faala, bʋa-la lɛ wɩaa sɩ jʋʋla?

WƖA YƖƖLAA 138:7

Wɩaa sɩ jʋʋmɛ, ŋ nɛ pɔ mɩ mɩɩsɩŋ. Mɩ dʋndɔŋŋɔɔ sɩ na baanɩŋ mɩ nyuŋ, ŋ naduo-la nɛ ŋ kaa laamɛ ta ba nɩsɩŋ lɛ.

WƖA YƖƖLAA 46:1

Wɩa nɛ ŋaa la dɩɩ-duoŋ arɩ la doluŋ. Ʋ kɛŋ ʋ tɩtɩa hɛ dɔŋɔ nɛ dɩ ʋ pɛ la lɛ bʋa na-kala dɩ wɩaa nɛ jʋʋla.

WƖA YƖƖLAA 46:2

Ŋɩɩ wɩaa, fawʋllʋŋ bɩ jaŋ kɛnla dɩ tinteeŋ nɛ paala zigili, dɩ peelee gire mʋʋ tuu mʋgʋ-balɩŋ ma,

WƖA YƖƖLAA 50:15

Má yɩrɛmɛ tapʋlɩɩ-la wɩaa sɩ jʋʋma, mɩ jaŋ laama ta dɩ ma zilmi.”

WƖA YƖƖLAA 71:5

Mɩ Tɩɩna Wɩɩjarɩbakɔ, mɩ yɩɛlaa kala hɛ ŋ lɛ nɛ. Mɩ laaŋ dii nɛ mɩ bapʋɔsʋŋ kala lɛ.

WƖA YƖƖLAA 9:9

La Tɩɩna nɛ nɩalɩŋ wɩaa sɩ nyaga bil yie fá mʋ yuori, ʋ nɛ dɩ-duo-la nɩaa sɩ yie fá mʋ dɩ wɩaa nɛ jʋʋba.

WƖA YƖƖLAA 91:15

Dɩ ba nɛ yɩrɛmɛ, mɩ jaŋ sɛɩ. Dɩ ba nɛ jʋʋ wɩɩ ma, mɩ jaŋ hɛ ba teeŋ, a laaba ta a zilba.

AZAAYA 33:2

La TƖƖNA, fá la nenige. La yɩɛlaa kala hɛ ŋ lɛ nɛ. Ŋ nɛ la doluŋ tapʋlɩɩ kala. Ŋ nɛ la Laataara la wʋjʋʋlaa lɛ.

AZAAYA 43:11

Mɩ dʋndʋŋa nɛ ma TƖƖNA, laataarʋ kala tuo a pɛ mɩ lɛ.

AZAAYA 43:3

Mɩ nɛ ma TƖƖNA, ma Laataara, ma Iziral tɩŋŋaa Wɩa sɩ bɩ disiniŋ kɛnɛ. Mɩ jaŋ joŋ Ijipiti tɩŋŋaa arɩ tasɩ-la ba sɩɩ yɩrɛ Kus arɩ Sɛba, time laama ta.

AZAAYA 45:15

Iziral tɩŋŋaa Wɩa sɩ ŋaa ba Laataara, kɛŋ ʋ tɩtɩa faa nɛ.

AZAAYA 45:21

Má kɔ sarɩya dɩ-diiliŋ a bʋl wɩɩ-la ma sɩ kɛnɛ dɩ mɩ nɩɩ. Kʋbɛɛ nɛ bʋla faafaa kala arɩ wɩɩŋ deeŋ jaŋ ŋaa? Mɩ-na ma TƖƖNA dee? Wɩa dɔŋ tuo a pɛ mɩ lɛ. Mɩ nɛ Wɩa sɩ kɛŋ tʋɔpʋla a laa nɩaa tɩta. Wɩa dɔŋ tuo a pɛ mɩ lɛ.

AZAAYA 63:8

Ʋ fa sɩ, “Ba ŋaa mɩ nɩaa nɛ, ba jaŋ kɛŋ wʋtɩtɩɩ mɩ teeŋ.” Ŋɩɩ nɛ ʋ laaba ta.

JƐRƖMAAYA 16:19

La TƖƖNA, mɩ doluŋ arɩ mɩ dɩ-duoŋ, ŋ nɛ mɩ yie yuori dɩ hɛɛŋ nɛ jʋʋmɛ. Tinteyee nɩaa jaŋ kɔ ŋ teeŋ, a lɩɩ dʋnɩa sɛmɛ na-kala a bʋl, La naabalɩmaba bɩ kʋŋkala kɛnɛ see vesiŋ sɩ bɩ wʋtɩtɩɩ kɛnɛ, tɔŋŋɔɔ sɩ ŋaa kʋpɛɩba a bɩ wʋzɔŋ kala ŋaa pɩba.

JƐRƖMAAYA 17:13

La TƖƖNA, ŋ lɛ nɛ Iziral tɩŋŋaa yɩɛlaa kala hɛ. Hɩɩsɩŋ jaŋ dii nɩalɩŋ kala sɩ joŋ harɩŋ yɩaŋ. Nɩalɩŋ kala sɩ mɩɩrɛ ŋ harɩŋ yɩrɩŋ jaŋ lɛl a nagɛ ba sɩ ŋmʋnsɛ nɩa yɩrɩŋ bil hagɩla lɛ, a tɩŋ ba sɩ vɩa La TƖƖNA sɩɩ pɩba mɩɩsɩŋ a nagɛ lɩɩ-bulo.

JƐRƖMAAYA 30:7

Tapʋlɩɩ-la chaasa lɔrɛ nɛ. Tapʋlɩɩ dɔŋ jaŋ tuo a nagʋ. Bʋa-la lɛ wʋwalɩmaa jaŋ jʋʋ Jekɔb, ama ʋ jaŋ lɩɩ ba lɛ suoo.”

JƐRƖMAAYA 50:7

Nʋʋ na-kala sɩ naba yie kpʋba nɛ. Ba dʋndɔŋŋɔɔ sɩ, ‘La bɩ cheeriŋ kɛnɛ, bɛɛ wɩaa ba ŋaa wʋbɔŋ nɛ ba TƖƖNA teeŋ, Nɩɩ-la sɩɩ pɩba kʋdiilee. La TƖƖNA lɛ nɛ ba nyɩmmaba fa joŋ ba yɩɛlaa hɛ.’

JOWƐL 3:16

La TƖƖNA jaŋ chaŋ Zaayɔŋ lɛ, a hɛ Jerusalɛm lɛ aŋ kpɩa goŋ. Tinteeŋ arɩ wɩa-nyuŋ jaŋ jigisi. Ama La TƖƖNA jaŋ tɔ hɛ ʋ nɩaa lɛ, ʋ jaŋ ŋaa dɩ-duo a pɩ Iziral tɩŋŋaa.

ZƐKARƖYA 9:12

Má mɩɩra mʋ ma dɩɩ-duoruŋ, ma-na dansarɩkaba sɩ kɛŋ yɩɛlaa. Lɛɛlɛ mɩ heele bʋl arɩ mɩ jaŋ bɩra pɩma kɩaa magɛ ŋɩɩ ma fa sɩ kɛnɛ naansɩɩŋ bʋlɩa.

Tɩntɩŋŋaa 28:20

Ŋ-la nɛ tɩɩ mɩ sɩ mɩ jaŋ nama dɩ la bʋl wɩaa. Ba kɛŋ chɔrʋmɔɔ deemba vɔɔmɛ a tɩŋ nɩɩ-la wɩaa ma Iziral tɩŋŋaa sɩɩ yɩɛlʋ arɩ ʋ jaŋ kɔ lɛ nɛ.”

1 Timoti 1:1

Mɩ-na Pɔɔl nɛ ŋmʋnsɛ teniŋ deeŋ. La Tɩɩna Wɩa sɩ ŋaa la Laataara doluŋ lɛ nɛ ʋ lɩɩsɛmɛ dɩ mɩ ŋaa Kirisito Yesu nanzɔɔ. Kirisito Yesu lɛ nɛ la yɩɛlaa hɛ.

SƖPAALAARAA 19:17

Banɩhɩaŋ-la sɩ na Levi doho nɩɩ-la, ʋ jɩŋ arɩ wombii vɛnnʋ nɛ. Ʋ mʋ a pɩɛsɛ, “Nɩɩ nɛ ma lɩɩ, a mʋmʋ nɩɩ?”