JƐRƖMAAYA 14:3 - WƖA TENIŊ

³ Nɩyuŋoo tɩŋ ba tɩntɩnnaa nɛ dɩ ba mʋ ŋaa lɩɩŋ. Ba mʋ vilee, aŋ bɩ lɩɩŋ na. Ba mɩɩra kɛŋ nyuvii-hɩlaa nɛ kɔ. Ba tʋɔŋ chei, ba nandaasɩŋ yʋɔrɛ, hɩɩsɩŋ kɛmba, ba kɛŋ kɩaa tɔ ba nyusuŋ.

JƐRƖMAAYA 14:3 ပူးပေါင်းရင်းမြစ်များ

2 SAMƲƐL 15:30

Ka Devit kiele jɩl peel-la ba sɩɩ yɩrɛ Olif peeliŋ, aŋ yiyel, aŋ joŋ kʋa tɔ ʋ nyuŋ a vɩvɛŋ naabirimee a dɩdagɛ tʋɔ-cheeŋ. Nɩalɩŋ ma kala sɩɩ to ʋ harɩŋ paa kɩaa tɔ ba nyusuŋ aŋ ma yele tuto.

2 SAMƲƐL 19:4

Kuoro fa paa nɩsaa nɛ a tɔ ʋ sɩaa, aŋ faasa yiyel, “Mɩ bii Abɩsalɔm! Abɩsalɔm, mɩ bii, mɩ bii!”

1 KUOROO 17:7

Bʋa kʋbala lɛ lɩɩ-libe-la sɩɩ pɛllʋ hʋ, a tɩŋ duonuŋ sɩ bɩ tintee-la lɛ ka nɩɩ.

2 KUOROO 18:31

Má sɩ́ Hezikaaya teeŋ jegilu. Asiiria kuoro sɩ: Má kɔ mɩ teeŋ dɩ la ŋaa sɩma, ŋɩɩ nɛ ma kʋŋkala jaŋ wuo dii ma tɩtɩa girep nɛnɛɛ aŋ nyʋa ma vilee ma lɩɩŋ,

ƐSƖTA 6:12

Hamaŋ sɩ ŋaa ŋɩɩ dɛrɛ, Modikaaya mɩɩra mʋ hɔŋ kuoro-dɩa boiŋ niiŋ, ka hɩɩsɩŋ kɛŋ Hamaŋ ʋ kɛŋ nyuŋ gʋrɛ a fá mʋ dɩa.

JOB 6:20

ama ba tʋɔŋ cheye nɛ, bɛɛ wɩaa ba yɩɛlaa kala ŋaa pɛɩ nɛ, ba sɩ mʋ fuo-la leriŋ, ba bɩ wɩɩ-la ba sɩɩ chɛ na.

WƖA YƖƖLAA 109:29

Leŋ dɩ mɩ dʋndɔŋŋɔɔ hɛ hɩɩsɩŋ lɛ, leŋ dɩ hɩɩsɩ-la tɔba a nagɛ gɛrɩŋ ba sɩ laala.

WƖA YƖƖLAA 40:14

Leŋ dɩ hɩɩsɩŋ dii nɩalɩŋ sɩɩ chɛ dɩ ba kpʋmɛ, dɩ ba wɩaa vʋgʋmɛ. Leŋ dɩ nɩalɩŋ sɩɩ chɛ dɩ ba lɩɩsɛ mɩ mɩɩsɩŋ mɩɩra dii hɩɩsɩŋ.

JƐRƖMAAYA 14:4

Tinteeŋ yɛrɛ nɛ, bɛɛ wɩaa duonuŋ bɩ tintee-la lɛ nɩa. Paaraa nandaasɩŋ yʋɔra nɛ, ba kɛŋ kɩaa tɔ ba nyuŋ.

JƐRƖMAAYA 15:18

Bɛɛ nɛ tɩɩ mɩ hɛɛŋ bɩ dɛrɛ, mɩ naawɩɩlaa ma faasa verigi a bɩ fɩɛlɛ? Ŋ chɛ ŋ nyɩsɛmɛ a nagɛ fuoŋ sɩ yie hɩl wulumuŋ lɛ nɛ koo a nagɛ lɩɩ-bul-sɩɩŋ sɩ tɔ nɛɛ?

JƐRƖMAAYA 2:13

Wʋbɔŋŋɔɔ balɩa nɛ mɩ nɩaa ŋaa. Mɩ nɩɩ pɩba mɩɩsɩŋ a nagɛ lɩɩ-bulo, ka ba vɩamɛ, aŋ lu ba tɩtɩa vilee, vil-kpaarɩŋ lɩɩŋ sɩ bɩ ba tʋɔŋ wuo chɩŋ.

JƐRƖMAAYA 2:37

Ma jaŋ paa ma nɩsaa chʋŋ ma nyuŋ lɛ a lɩɩ tinteeŋ lɛ, bɛɛ wɩaa mɩ-na ma TƖƖNA vɩa nɩalɩŋ lɛ ma sɩ joŋ ma yɩɛlaa hɛ nɛ. Ba bɩ jaŋ pɛ ma lɛ.”

JƐRƖMAAYA 20:11

Ama La TƖƖNA hɛ mɩ teeŋ nɛ a nagɛ laalɩyuori babii-balɩŋ. Ŋɩɩ wɩaa, nɩalɩŋ sɩ to naasɩŋ dʋdɔgɩsɛmɛ jaŋ gɛrɛ tel, ba bɩ jaŋ yuo diimi. Ba jaŋ yuo lɔl, dɩ hɩɩsɩŋ chaasa diiba. Nɩaa bɩ jaŋ kɔ dɩ ba yʋ hɩɩsɩ-la sɩ diiba wɩaa.

JƐRƖMAAYA 3:3

Ŋɩɩ nɛ tɩɩ mɩ kɛrɛ duonuŋ ŋɩɩ, a pɔ dɩ duoŋ-puso sɩ́ nɩɩ. Ama ma paala nagɛ hachɔrʋŋ nɛ, a bɩ hɩɩsɩŋ ka fá.

JEMBIEE 4:4

Mɩ nɩaa leŋe lɩɩnyʋasʋŋ kɛŋ ba bii-mulluŋ nɛ ba nandelimee jɩla mɛrɛ tilimee lɛ. Hambiisiŋ sʋsʋl kʋdiilee ka nʋʋ bɩ baa pa.

HOSIA 2:3

Ŋɩɩ dee, mɩ jaŋ wuri ʋ kɩaa ka dɩ ʋ kɛŋ yarɩ-biree a nagɛ tapʋlɩɩ-la ba sɩ lʋlʋ. Mɩ jaŋ leŋ dɩ ʋ nagɛ tintee-hɩlɩŋ a nagɛ tinteeŋ sɩ hɩla kori-kori dɩ lɩɩnyʋasʋŋ kpʋʋ dɩ ʋ sʋʋ.

JOWƐL 1:20

Bagɩlaa ma paala yele pɩpɩŋ nɛ, a chɩchɛ lɩɩŋ, bɛɛ wɩaa fuonuŋ kala hʋa nɛ, nyiniŋ dii yaŋ kala.

AMƆS 4:7

Ʋ sɩ ka chɛnsɩŋ batori ka dɩ ma ŋaa ma baga kɩaa, mɩ bɩ leŋe duonuŋ nɩɩ. Bʋa dɔŋɔ lɛ mɩ yie leŋ ʋ nɩɩ taŋ dɔŋɔ lɛ aŋ bɩ dɔŋɔ lɛ nɩa. Mɩ yie leŋ ʋ nɩɩ baga dɔŋɔ lɛ, aŋ bɩ dɔŋɔ ma lɛ nɩa, ʋ kɩaa kala sʋʋ.

AMƆS 4:8

Nɩaa yie lɩɩ tasɩŋ dɔnsʋŋ lɛ a baara mʋ taŋ-la sɩ kɛŋ lɩɩŋ a chɩchɛ dɩ ba nyʋa, aŋ bɩ na nyʋa vʋvɔgɛ. Ka ma ha vɩa dɩ ma mɩɩra kɔ mɩ teeŋ. Mɩ-na ma TƖƖNA nɛ bʋla.

ZƐKARƖYA 14:17

Dɩ dʋnɩa tinteye-la kʋŋkala nɩaa nɛ bɩ Jerusalɛm mʋa a chʋɔlɛ kuoro sɩ ŋaa La TƖƖNA doluŋ kala Tɩɩna, duonuŋ bɩ jaŋ nɩɩ pɩba.