JƐRƖMAAYA 14:22 - WƖA TENIŊ

²² Tinteyee nɩaa vʋɩ pɛɩba-la kʋŋ jaŋ wuo leŋ dɩ duonuŋ nɩɩ? Wɩa-nyuŋ ma tɩtɩa bɩ jaŋ wuo ŋaa dɩ duonuŋ nɩɩ. Ŋ-na La TƖƖNA Wɩa nɩɩ ŋaa wɩaa deemba kala. Ŋɩɩ wɩaa, la joŋ la yɩɛlaa hɛ ŋ lɛ nɛ, bɛɛ wɩaa ŋ nɩɩ ŋaa wɩaa deemba kala.

JƐRƖMAAYA 14:22 ပူးပေါင်းရင်းမြစ်များ

1 KUOROO 17:1

Wɩa wʋlaabʋllʋ kʋbala nɛ fa hɛ nɩmɛ baa yɩrɛ Ɩlaaja, a lɩɩ taŋ-la ba sɩɩ yɩrɛ Tɩsɩbɩ sɩ hɛ Gɩlɩad tinteeŋ lɛ. Ʋ fa bʋla pɩ kuoro Ahab, “La TƖƖNA Iziral tɩŋŋaa Wɩa sɩ weye wɩaa, nɩɩ-la mɩ sɩ tɩma pɩpa, jɩsɩŋ baŋmɛnɛ lɛ, nyalɩŋ bɩ jaŋ nyal koo dɩ duonuŋ nɩɩ, see dɩ mɩ pa wombiiŋ.”

1 KUOROO 17:14

Wɩɩ-la La TƖƖNA Iziral tɩŋŋaa Wɩa sɩ bʋla nɛ ŋ-la: ‘Muŋ-la sɩ hɛ gbaŋa-la lɛ bɩ jaŋ dɛrɛ, nʋʋ-la ma sɩ hɛ loŋ lɛ bɩ jaŋ dɛrɛ a kaa mʋ tapʋlɩɩ-la mɩ sɩ jaŋ leŋ dɩ duonuŋ nɩɩ tinteeŋ deeŋ lɛ.’ ”

1 KUOROO 18:1

Duonuŋ sɩ bɩ nɩa a dieni ŋɩɩ, jɩ-tori lɛ La TƖƖNA bʋla pɩ Ɩlaaja, “Kɛŋ ŋ tɩtɩa a mʋ dagɛ kuoro Ahab, aŋ ka dɩ mɩ leŋ dɩ duonuŋ nɩɩ tintee-la lɛ.”

1 KUOROO 8:36

ŋ hɛ ŋ jaŋ lɛ nɛ, jegile nɩɩ a joŋo chɛba. Iziral tɩŋŋaa ŋaa ŋ tɩntɩnnaa nɛ, ŋɩɩ wɩaa dagɛba dɩ ba ŋɩŋaa wɩaa ba bʋa lɛ, aŋ leŋ dɩ duonuŋ bɩra nɩɩ tintee-la lɛ ŋ sɩ joŋo pɩba ʋ ŋaa ba kʋŋ.

JOB 28:26

Wɩa nɩɩ dagɛ duonuŋ wombie-la sɩ maga dɩ ʋ to, aa dagɛ taŋ lɩgɩsɩŋ ma ʋ wɛnɩŋ.

JOB 5:10

Ʋ nɛ leŋe duonuŋ nɩnɩɩ tinteeŋ lɛ, a nɩɩ hɩhɛ kɩaa lɛ.

WƖA YƖƖLAA 130:5

Mɩ kɛŋ mɩ tʋɔŋ kala nɛ a gbɛrɛ La Tɩɩna. Mɩ gbɛrɛ nɛ dɩ ʋ pɛ mɩ lɛ. Mɩ joŋ mɩ yɩɛlaa kala hɛ ʋ niiŋ wɩaa lɛ nɛ.

WƖA YƖƖLAA 135:7

Ʋ yie leŋ duoŋ-bɩlɩmbaanaa lɩɩ wɩa-nyuŋ lee-kala. Ʋ yie leŋ duonuŋ nɩnɩɩ aŋ lɩlɩgɩsɛ, a leŋ peliŋ lɩɩ ʋ dɩ-faalɩŋ a lulu.

WƖA YƖƖLAA 147:8

Ʋ nɛ leŋe duoŋ-bɩlɩmbaanaa tɔ wɩa-nyuŋ. Ʋ nɛ leŋe duonuŋ nɩnɩɩ a ŋaa yaŋ nyʋ tinteeŋ lɛ.

WƖA YƖƖLAA 25:21

Mɩɩ toŋ nɛ arɩ mɩ tʋɔŋ kala, a laa dii arɩ ŋ jaŋ laamɛ ta.

WƖA YƖƖLAA 25:3

Nɩalɩŋ sɩ joŋ ba yɩɛlaa hɛ ŋ lɛ, hɩɩsɩŋ bɩ jaŋ diiba. Ama hɩɩsɩŋ jaŋ dii nɩalɩŋ sɩ bɩ wʋtɩtɩɩ kɛnɛ.

WƖA YƖƖLAA 27:14

Má kɛŋ yɩɛlaa a gbɛrɛ La Tɩɩna. Má nyɩrɛ bɔyɛ a kɛŋ tʋɔ-doluŋ a gbɛrɛ La Tɩɩna.

AZAAYA 30:18

La TƖƖNA ka gbɛrɛ nɛ dɩ ʋ dagɛma ʋ zile, ʋ jaŋ fá ma nenige. La TƖƖNA Wɩa kɛŋ wʋtɩtɩɩ nɛ woruŋ, ʋ jaŋ pɛ nɩalɩŋ kala sɩɩ gbɛrʋ lɛ.

AZAAYA 30:23

Ʋ jaŋ leŋ dɩ duonuŋ nɩɩ dɩ ma duu kɩaa dɩ ba wasɛ woruŋ, dɩ kʋdiilee pʋrɩgɛ. Bʋa-la lɛ ma nɛsɩŋ jaŋ na yaŋ a dii woruŋ.

AZAAYA 41:29

Ba kala ŋaa wʋnyɩɛra nɛ. Ba wɩaa bɩ bʋbʋa kala kɛnɛ. Ba tɔmɔ-la nagɛ peliŋ nɛ.”

JƐRƖMAAYA 10:12

Wɩa kɛŋ ʋ doluŋ nɛ a ŋaa tinteeŋ, a kɛŋ ʋ wʋjɩmɩŋ ma a ŋaa dʋnɩa. Ʋ sɩ jɩŋ wɩaa sɩaa ma lɛ nɛ ʋ to a ŋaa wɩa-nyuŋ a leŋ ʋ jɛrɛ.

JƐRƖMAAYA 10:13

Dɩ ʋ nɛ kpɩa wɩaa, lɩɩ-la sɩ hɛ wɩa-nyuŋ yie huuri nɛ. Ʋ yie leŋ duoŋ-bɩlɩmbaanaa lɩɩ dʋnɩa dɩdɛrɩŋ nɛ a kʋ hɛ dɔŋɔ. Ʋ leŋ duonuŋ nɩnɩɩ, aŋ lɩlɩgɩsɛ, a leŋ peliŋ ma lɩɩ ʋ lee-la lɛ ʋ sɩ bilu a lulu.

JƐRƖMAAYA 10:15

Ba bɩ bʋbʋɔ kala kɛnɛ. Ba ŋaa kɩaa sɩ kɛŋ mɔmʋŋ nɛ. Dɩ ba sarɩya diiniŋ tapʋlʋŋ nɛ yie, ba jaŋ cheiba.

JƐRƖMAAYA 10:3

Nɩalɩŋ naabarɩŋ bɩ bʋbʋɔ kɛnɛ. Ba yie keri tɩa nɛ duuŋ lɛ, saara kɛŋ ʋ saaŋ saa daa-la a kaa bɩrɩmɛ vʋɩŋ.

JƐRƖMAAYA 16:19

La TƖƖNA, mɩ doluŋ arɩ mɩ dɩ-duoŋ, ŋ nɛ mɩ yie yuori dɩ hɛɛŋ nɛ jʋʋmɛ. Tinteyee nɩaa jaŋ kɔ ŋ teeŋ, a lɩɩ dʋnɩa sɛmɛ na-kala a bʋl, La naabalɩmaba bɩ kʋŋkala kɛnɛ see vesiŋ sɩ bɩ wʋtɩtɩɩ kɛnɛ, tɔŋŋɔɔ sɩ ŋaa kʋpɛɩba a bɩ wʋzɔŋ kala ŋaa pɩba.

JƐRƖMAAYA 5:12

Ba nyɩɛ wɩaa a tɩgɛ La TƖƖNA lɛ nɛ. Ba sɩ, “Ʋ bɩ jaŋ ŋaala wɩɩkala. Wʋbɔŋ kala bɩ jaŋ ŋaa la lɛ. Laalɩŋ koo losuŋ bɩ jaŋ jʋʋla.

JƐRƖMAAYA 5:24

Ba vɩa dɩ ba bʋl, ‘Má leŋ dɩ la zil La TƖƖNA Wɩa, ʋ nɛ leŋe duonuŋ nɩɩ pɩpɩla ʋ bʋa lɛ. Ʋ nɛ yie leŋ la kɩaa wasɛ woruŋ la ŋaa.’

JƐRƖMAAYA 51:16

Dɩ ʋ nɛ kpɩa goŋ, lɩɩ-la sɩ hɛ wɩa-nyuŋ yie huuri nɛ. Ʋ yie leŋ duoŋ-bɩlɩmbaanaa lɩɩ dʋnɩa dɩdɛrɩŋ a kʋ hɛ dɔŋɔ. Ʋ leŋ duonuŋ nɩnɩɩ, aŋ lɩlɩgɩsɛ, a leŋ peliŋ ma lɩɩ ʋ lee-la lɛ ʋ sɩ bilu a lulu.

HOSIA 2:7

Ʋ jaŋ kire to ʋ hɩɩlaba harɩŋ, ama ʋ bɩ jaŋ puuba. Ʋ jaŋ bee chɛba, ama ʋ bɩ jaŋ naba. Ŋɩɩ nɛ ʋ jaŋ bʋl, ‘Mɩ jaŋ mɩɩra mʋ mɩ bala teeŋ, mɩ faafaa-la nɛ kpɩa mɩ lɛɛlɛ.’

JOWƐL 2:23

Zaayɔŋ nɩaa, má leŋ dɩ ma tʋɔŋ tɔrɛ, má jʋjʋɔsɛ ma TƖƖNA Wɩa lɛ, bɛɛ wɩaa ʋ pɩma duoŋ-puso ŋɩɩ sɩ maga nɛ. Ʋ chaasa pɩma duonuŋ nɛ, duoŋ-puso arɩ yibiiŋ duonuŋ kala, arɩ ʋ fa sɩ vɛnɛ pɩpɩma ŋɩɩ.

AMƆS 4:7

Ʋ sɩ ka chɛnsɩŋ batori ka dɩ ma ŋaa ma baga kɩaa, mɩ bɩ leŋe duonuŋ nɩɩ. Bʋa dɔŋɔ lɛ mɩ yie leŋ ʋ nɩɩ taŋ dɔŋɔ lɛ aŋ bɩ dɔŋɔ lɛ nɩa. Mɩ yie leŋ ʋ nɩɩ baga dɔŋɔ lɛ, aŋ bɩ dɔŋɔ ma lɛ nɩa, ʋ kɩaa kala sʋʋ.

MƖKA 5:6

Ba jaŋ yuo dii Asiiria tinteeŋ, a jaŋ chei Nɩmɩrɔd tintee-la. Ba jaŋ laala ta Asiiria tɩŋŋaa nɩsɩŋ lɛ, dɩ ba nɛ kʋ jʋʋ la tinteeŋ a yuyuola.

MƖKA 7:7

Ama mɩ-na, mɩɩ beŋ La TƖƖNA lɛ nɛ a yɩyɩɛlʋ. Mɩ gbɛrɛ Wɩa nɛ, mɩ Laataara, mɩ Wɩa jaŋ jegile nɩɩ mɩ teeŋ.

Matiu 5:45

Dɩ ma nɛ ŋaa ŋɩɩ, ma jaŋ wuo ŋaa ma Nyɩmma Wɩa sɩ hɛ Wɩa-jaŋ biiriŋ. Ʋ leŋe Wɩa pɔsɛ hɩhɛ nɩbɔŋŋɔɔ arɩ nɩzɔŋŋɔɔ kala lɛ nɛ a leŋ duonuŋ nɩɩ pɩpɩ nɩzɔŋŋɔɔ arɩ nɩbɔŋŋɔɔ kala.

MOSIS BƖRA WULLI WƖA WOMBIIŊ 28:12

La TƖƖNA jaŋ suri duonuŋ a leŋ dɩ ʋ nɩɩ ʋ bʋa lɛ a pɩma tintee-la lɛ, aŋ pɛ ma lɛ ma tɩntɩmɩɩ-kala lɛ. Tinteyee jaŋ yʋgɛ a chɩŋ kɩaa ma teeŋ, ama ma-na bɩ jaŋ chɩŋ kʋŋ nʋʋkala teeŋ.

MOSIS BƖRA WULLI WƖA WOMBIIŊ 32:21

Ba leŋe mɩ yaraa bieri ba veŋ-kpaarɩɩ-la lɛ nɛ, mɩ na baanɩŋ ba nyuŋ. Mɩ jaŋ leŋ dɩ nɩalɩŋ ba sɩ bene dɩ ba bɩ nɩa ŋaa, ma ŋaa dɩ ba yaraa bieri. Mɩ jaŋ leŋ dɩ tintee-la nɩaa sɩ bɩ wɩɩkala jɩŋ ŋaa dɩ ba baanɩŋ sii.