JƐRƖMAAYA 14:21 - WƖA TENIŊ

²¹ A tɩŋ ŋ yɩrɩŋ wɩaa, sɩ́ la vɩa ta. Sɩ́ hɩɩsɩŋ joŋo hɛ ŋ kuoru kpasa sɩ kɛŋ yɩrɩŋ lɛ. Liise yi nii-la ŋ sɩ hɛ la dɩ ŋ pɛgɛ lɛ a sɩ́ ʋ chei.

JƐRƖMAAYA 14:21 ပူးပေါင်းရင်းမြစ်များ

WƖA YƖƖLAA 106:40

Ŋɩɩ wɩaa nɛ La Tɩɩna na baanɩŋ ʋ nɩaa nyuŋ, ʋ tʋɔŋ lɩɩ ʋ nɩtɩɩlaa.

WƖA YƖƖLAA 106:45

Ʋ tɩŋ ba wɩaa a liise yi nii-la sɩ hɛ ʋ dɩ ba pɛgɛ lɛ nɛ arɩ ʋ chono-la sɩ bɩ dɛrɛ lɛ, aŋ bɩrɩmɛ ʋ tʋɔbɩɩnaa.

WƖA YƖƖLAA 145:11

Ba jaŋ bʋl ŋ kuoruŋ sɩ yʋga wɩaa a pɩ nɩaa, aŋ bʋl ŋ doluŋ ma wɩaa.

WƖA YƖƖLAA 25:11

La Tɩɩna, tɩŋ ŋ yɩrɩŋ wɩaa a joŋ mɩ wʋbɔŋŋɔɔ chɛmɛ, ba lɔrɔ kieli.

WƖA YƖƖLAA 51:11

Sɩ́ mɩ kiru ŋ sɩpaaŋ, sɩ́ ŋ Dɩŋ-zɔmʋŋ kaa laa mɩ teeŋ.

MOSIS KƐŊ IZIRAL TƖŊŊAA LƖƖ 32:13

Liisi ŋ tɩntɩnnaa Abɩraham, Aɩzɩk arɩ Jekɔb wɩaa. Ba nɛ ŋ kɛŋ ŋ tɩtɩa yɩrɩŋ kaa ŋmɩɛsa pa arɩ ŋ jaŋ leŋ dɩ ba doho nɩaa pʋŋ a nagɛ chɛnwʋlaa sɩ hɛ wɩa-nyuŋ, aŋ joŋ tinteeŋ deeŋ ma kala a pɩba dɩ ʋ ŋaa ba dɩ ba doho nɩaa kʋŋ a kaa mʋ wuu.”

AZAAYA 62:6

Jerusalɛm, mɩ leŋe nɩaa nɛ sagɛ ŋ je-kɛrɩsɩŋ nyuŋ a pʋpɔŋ. Ba bɩ maga dɩ ba tɔrɛ ba niiŋ wɩɩhɛyɛ koo tɩtaŋɩŋ. Ma nɩalɩŋ sɩɩ yɩrɛ La TƖƖNA yɩrɩŋ, má sɩ́ wiesu.

JƐRƖMAAYA 14:19

Ŋ vɩa Juda nɩaa ta biri biri nɛɛ? Ŋ bɛrɛ Jerusalɛm nɩaa nɛɛ? Bɛɛ nɛ tɩɩ ŋ bolimi la ŋɩɩ kɩŋkɛŋ, dɩ ba sɩ́ wuo vaarɛla? La faa yɩɛlɛ dɩ la hɔŋ arɩ fɩɛlɩŋ nɛ, ama la bɩ ŋɩɩ na. Bʋa-la sɩ maga dɩ la duoro lɩɩ wɩaa lɛ, fawʋllʋŋ nɛ mɩɩra faasa kɛnla.

JƐRƖMAAYA 14:7

La wʋbɔŋŋɔɔ daga arɩ la ŋaa chei nɛ. La TƖƖNA, tɩŋ ŋ yɩrɩŋ wɩaa a ŋaa wɩɩ pɩla. La vɩa ŋ harɩŋ tonuŋ a yʋgɛ nɛ, la ŋaa wʋbɔŋŋɔɔ nɛ ŋ lɛ.

JƐRƖMAAYA 17:12

Dɩ-suomuŋ kala nɛ la Wɩa kuoru kpasa kɛŋ tʋla a leŋie kɩɩ kʋŋkala. Ʋ nɛ ŋaa la Wɩa dɩɩ-balɩŋ sɩ bɩ disiniŋ kɛnɛ.

JƐRƖMAAYA 3:17

Bʋa-la lɛ ba jaŋ yɩrɛ Jerusalɛm La Tɩɩna kuoru kpasa. Ŋɩɩ nɛ tinteyee nɩaa kala jaŋ kɔ Jerusalɛm a zil mɩ-na ma TƖƖNA. Ba bɩra bɩ jaŋ tuto ba nyuduoŋ arɩ ba tʋɔbɔmʋŋ harɩŋ.

JEMBIEE 1:10

Jerusalɛm dʋndɔmɔ kɛŋ ʋ dʋa kala laa nɛ. Ʋ na dɩ tinteye-la nɩaa sɩɩ kpaarɛ vʋɩyaa jʋʋ Wɩa dɩɩ-bal-la sɩ hɛ ʋ lɛ tʋɔŋ, nɩalɩŋ fa sɩɩ kɩsɛ dɩ ba jʋʋ lee-la ŋ nɩaa sɩɩ hilimu.

JEMBIEE 2:20

La TƖƖNA, beŋ mɩ wɩɩŋ a na: Kʋbɛɛ nɛ ŋ ha ŋaa ʋ na hɛɛŋ ŋ-la? Haalaa kɛsɛ ba biiriŋ didii, biiri-la ba sɩ dɩɛsa. Ba kpʋkpʋ ŋ Wɩɩsʋllɩ sɩpaalaaraa arɩ ŋ wʋlaabʋllaa ŋ dɩɩ-balɩŋ lɛ.

ƐZƖKƖƐL 20:22

Ama a tɩŋ mɩ yɩrɩŋ wɩaa, mɩ fa kɛŋ mɩ tɩtɩa nɛ dɩ mɩ sɩ́ wɩɩ ŋaa sɩ jaŋ leŋ dɩ mɩ yɩrɩŋ chei tinteye-la nɩaa sɩpaaŋ, nɩalɩŋ fa sɩɩ beŋ ka mɩ kɛŋ Iziral tɩŋŋaa kaa lɩɩ Ijipiti tinteeŋ lɛ.

ƐZƖKƖƐL 24:21

Bʋla pɩ Iziral tɩŋŋaa, ‘Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩɩ chɛ dɩ mɩ chei mɩ dɩɩ-bal-la nɛ, dɩ-duo-la ma sɩ kɛnɛ a kɛŋ babii-ballɩŋ ma tʋɔŋ tɔrɛ ʋ nyuŋ ma chou woruŋ. Ma hambolibiisiŋ arɩ ma hantolibiisi-la ma sɩ leŋe ta Jerusalɛm lɛ, ba jaŋ kpʋba laalɩŋ lɛ.

ƐZƖKƖƐL 39:25

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Lɛɛlɛ, mɩ jaŋ fá Jekɔb doho nɩaa sɩ ŋaa Iziral tɩŋŋaa nenige, a leŋ dɩ ba mɩɩra lɩɩ yoŋ-baga kɔ, a tɩɩ ba tinteeŋ. Mɩ tʋɔŋ ka wɩɩ mɩ yɩrɩ zɔmʋŋ lɛ nɛ.

ƐZƖKƖƐL 43:7

Ʋ sɩ, “Nuhuobiiŋ, mɩ kuoru kpasa arɩ mɩ naasɩŋ dɩ-wiesi nɛ ŋ-la. Leriŋ deeŋ nɛ mɩ jaŋ hɛ a guoli Iziral tɩŋŋaa tʋɔŋ a kaa mʋ wuu. Iziral tɩŋŋaa bɩra bɩ jaŋ chei mɩ yɩrɩ-zɔŋ-la. Ba tɩtɩa koo ba kuoroo bɩra bɩ jaŋ kpʋkpaarɛ vesiŋ dundolluŋ nyuŋ, koo a saa ba kuoroo vaamaa a kpʋkpaarɛ.

DANƖƐL 9:7

La TƖƖNA, ŋ ŋaa tʋɔpʋl Tɩɩna nɛ, ama jɩnɩŋ hɩɩsɩŋ kɛŋ la Juda nɩaa arɩ Jerusalɛm nɩaa arɩ Iziral tɩŋŋaa kala nɛ, nɩalɩŋ sɩ kpaga arɩ nɩalɩŋ kala sɩ hɛ dɩ-boloo, tinteye-la lɛ ŋ sɩ kɛnla pɩsa hɛ a tɩŋ la sɩ bɩ wʋtɩtɩɩ kɛnɛ ŋ teeŋ wɩaa.

LEVI DOHO NƖAA 26:11

Mɩ jaŋ hɛ ma tʋɔŋ, mɩ bɩ jaŋ lemma ta.

AMƆS 6:8

La Tɩɩna Wɩɩjarɩbakɔ ŋmɩɛsɛ ʋ tɩtɩa nɛ. La TƖƖNA doluŋ kala Tɩɩna sɩ: “Ma Jekɔb doho nɩaa, mɩ bɛrɛ ma babii-ballɩɩ-la nɛ, a bɛrɛ ma moribiee dɩɩ-bala-la ma. Mɩ jaŋ joŋ ma tabal-la arɩ ʋ kɩaa kala pɩ ma dʋndɔŋŋɔɔ.”

Luuk 1:72

Ʋ bʋla arɩ ʋ jaŋ fá la doho nɩaa nenige, a liise yi nii-zɔŋ-la ʋ sɩ bile ʋ dɩ la naabalɩmaba pɛgɛ.

Luuk 21:24

Ba jaŋ kpʋ dɔnsʋŋ arɩ tokobiee, aŋ kɛsɛ dɔnsʋŋ dɩ ba ma ŋaa yosuŋ tinteyee-dɔnsʋŋ lɛ, ka nɩalɩŋ sɩ bɩ Juu tɩŋŋaa ŋaa fɩrɩgɛ Jerusalɛm taŋ-la kala, see bʋa-la Wɩa sɩ daga yie.”

Ɛfɛsɩs Nɩaa 2:7

Wɩa ŋaa ŋɩɩ, dɩ ʋ wuo dagɛla ʋ lahɔrɩmɔ sɩ bɩ magɩa kɛnɛ nɛ, arɩ ŋɩɩ ʋ sɩɩ fá nɩaa nenige a kaa mʋ maachie kala. Ʋ to Kirisito lɛ a dagɛ ʋ zile sɩ yʋga ŋɩɩ la lɛ.

MOSIS BƖRA WULLI WƖA WOMBIIŊ 32:19

La TƖƖNA sɩ na wɩalɩŋ ʋ biiriŋ sɩ ŋaa, ʋ baanɩŋ sii ba nyuŋ nɛ ʋ vɩaba.

Jɔɔŋ Wʋnaalaa 11:2

ama sɩ́ Wɩa dɩa-la kaala-na magɩsʋ, bɛɛ wɩaa ba joŋ lee-la pɩ nɩalɩŋ sɩ bɩ Juu tɩŋŋaa ŋaa nɛ, ba jaŋ fɩrɩgɛ tabal-la sɩ bɩ disiniŋ kɛnɛ chɛnsɩŋ mahɩŋ balɩa arɩ balɩa.

1 SAMƲƐL 12:22

A tɩŋ La TƖƖNA yɩrɩ-balɩŋ wɩaa, ʋ bɩ jaŋ kɔ dɩ ʋ vɩa ʋ nɩaa ta, ʋ tʋɔtɔrʋŋ lɛ nɛ ʋ lɩɩsɛma ma ŋaa ʋ nɩaa.