JƐRƖMAAYA 14:17 - WƖA TENIŊ

¹⁷ Ʋ fa bɩra bʋla pɩmɛ nɛ dɩ mɩ bʋl wɩɩŋ deeŋ pɩba: “Mɩ sɩaa ka pɛllɛ sɩlɩɩrɩŋ tɩtaŋɩŋ arɩ wɩɩhɛyɛ kala nɛ a bɩ kɛrɛ, bɛɛ wɩaa mɩ nɩaa chaasa bolimi nɛ a nɩna hɛɛŋ woruŋ.

JƐRƖMAAYA 14:17 ပူးပေါင်းရင်းမြစ်များ

2 KUOROO 19:21

Wɩɩ-la mɩ-na ma TƖƖNA sɩ bʋla a tɩgɛ ʋ lɛ nɛ ŋ-la: Zaayɔŋ nɩaa ka mɔŋ Sɛnakɛrɩb nɛ a sisieri ʋ lɛ. Jerusalɛm nɩaa kɛŋ nyuŋ kpukpegisi nɛ, ka ʋ fɩfá dɩ ʋ laa ʋ mɩɩsɩŋ.

WƖA YƖƖLAA 119:136

Dɩ nɩaa nɛ vɩa dɩ ba to wombii-la ŋ sɩ bile dɩ la tuto, ŋɩɩ yie leŋ mɩ yel nɛ, mɩ sɩaa kala fo sɩlɩɩrɩŋ.

WƖA YƖƖLAA 39:10

Bɩra sɩ́ mɩ dɔgɩsʋ, ŋ ŋmoomi nɛ, mɩ chɩchɛ mɩ sʋʋ.

AZAAYA 37:22

Wɩɩ-la mɩ-na ma TƖƖNA sɩ bʋla a tɩgɛ ʋ lɛ nɛ ŋ-la: Zaayɔŋ nɩaa ka mɔŋ Sɛnakɛrɩb nɛ a sisieri ʋ lɛ. Jerusalɛm nɩaa kɛŋ nyuŋ kpukpegisi nɛ, ka ʋ fɩfá dɩ ʋ laa ʋ mɩɩsɩŋ.

JƐRƖMAAYA 10:19

Wɩaa puumi, mɩ sɩ bolimo wɩaa. Mɩ naawɩɩlɩŋ bɩ kʋfɩɛlɩɩ ŋaa, ka mɩ ha bʋl mɩ tɩtɩa lɛ, “Mɩ nyanyalɩŋ nɛ ŋ-la, ʋ maga dɩ mɩ nyalɩmɛ nɛ.”

JƐRƖMAAYA 13:17

Ama dɩ ma nɛ bɩ jegile nɩɩ, mɩ jaŋ lʋara yel a tɩŋ ma babii-ballɩŋ wɩaa. Mɩ jaŋ chaasa yel woruŋ, dɩ mɩ sɩaa pɩpɛllɛ sɩlɩɩrɩŋ, bɛɛ wɩaa ba jaŋ yuo kɛsɛ La TƖƖNA nɩaa kaa viiri.

JƐRƖMAAYA 18:13

Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: “Ma pɩɛsɛ tinteyee lɛ a na, kʋbɛɛ nɛ ha nɩɩ wʋdoho deeŋ? Iziral tɩŋŋaa ŋaa wɩɩ sɩ chaasa lɔrɛ nɛ.

JƐRƖMAAYA 8:18

Jɛrɩmaaya bʋl, “Mɩ tʋɔŋ cheye yʋgɛ nɛ, nʋʋ bɩ mɩ bɔyɛ wuo nyagɛ, mɩ daagaa chaasa viisi nɛ.

JƐRƖMAAYA 8:21

Mɩ tʋɔŋ faasa chei nɛ a tɩŋ mɩ nɩaa tʋɔŋ sɩ cheye wɩaa. Mɩ yel, aŋ tuo bibeŋ.

JƐRƖMAAYA 9:1

Mɩ fa cho dɩ mɩ nyuŋ nagɛ lɩɩ-bul-sɩɩŋ nɛ dɩ mɩ sɩaa ma fa bubul sɩlɩɩrɩŋ. Mɩ fa jaŋ yel tɩtaŋɩŋ arɩ wɩɩhɛyɛ kala a tɩŋ ba sɩ kpʋ mɩ nɩaa wɩaa.

JƐRƖMAAYA 9:18

Leŋ dɩ ba ŋaa lɩma kɔ a kʋ yel hagɔgʋŋ pɩla, a mʋ yi bʋa-la lɛ la sɩaa sɩ jaŋ pɩpɛllɛ arɩ sɩlɩɩrɩŋ, dɩ la sɩaa kala ŋaa lɩɩ.

JEMBIEE 2:11

Mɩ yele, mɩ sɩaa bɩra bɩ na, mɩ tʋɔŋ kala chei. Mɩ kala nɛ bɛsɩmɛ arɩ tʋɔ-cheeŋ a tɩŋ ba sɩ chei mɩ nɩaa wɩaa. Hambiisiŋ arɩ bii-mulluŋ yiege nɛ a pɩŋ tabal-la womporunuŋ lɛ.

JEMBIEE 2:13

Jerusalɛm nɩaa, wʋbɛɛ nɛ mɩ jaŋ wuo bʋla pɩma? Bɛɛ kʋŋ nɛ mɩ jaŋ kɛmma kaa magɩsɛ? Ɛɛ nɛ mɩ jaŋ ŋaa nyagɛ ma bɔyɛ dɩ ma tʋɔŋ pɩŋ dɩ-bala? Ma naawɩɩlɩŋ luŋie a nagɛ mʋga nɛ. Kʋbɛɛ nɛ jaŋ wuo vaarɛma?

JEMBIEE 2:18

Jerusalɛm, leŋ dɩ ŋ kɛrɩsɩŋ ŋmoo niiŋ a pɩ la TƖƖNA a nagɛ nɩaa sɩɩ yel. Leŋ dɩ ma sɩlɩɩrɩŋ pɛllɛ a nagɛ fuoŋ wɩɩhɛyɛ arɩ tɩtaŋɩŋ kala. Má sɩ́ wiesu, a sɩ́ leŋe dɩ ma sɩaa ma wiesi.

AMƆS 5:2

“Iziral tɩmma, ma tele nɛ a bɩra bɩ wuo sii, ba vɩama ta nɛ ma pɩŋ ma tɩtɩa tinteeŋ lɛ, nʋʋkala tuo dɩ ʋ kɛmma dɩ ma sii.”

MƖKA 6:13

Ŋɩɩ wɩaa, mɩ suomo dɩ mɩ cheima nɛ, mɩɩ cheima a tɩŋ ma wʋbɔŋŋɔɔ wɩaa nɛ.