JƐRƖMAAYA 14:15 - WƖA TENIŊ

¹⁵ Ŋɩɩ wɩaa, wɩɩ-la mɩ-na ma TƖƖNA sɩ bʋla tɩgɛ nɩalɩŋ sɩɩ bʋl wɩaa mɩ yɩrɩŋ lɛ nɛ ŋ-la: Mɩ dee bɩ ba hɛ, ka ba bʋbʋl, ‘Laalɩŋ koo losuŋ bɩ jaŋ jʋʋ tinteeŋ deeŋ.’ Laalɩŋ jaŋ kpʋ wʋlaabʋllaa deemba tɩtɩa, dɩ losuŋ ma kɛŋ dɔnsʋŋ dɩ ba sʋʋ.

JƐRƖMAAYA 14:15 ပူးပေါင်းရင်းမြစ်များ

1 KUOROO 22:25

Mɩkaaya bʋl, “Tapʋlɩɩ-la ŋ jaŋ kɛŋ ŋ tɩtɩa jʋʋ faa dɩa sɩpaaŋ, ŋɩɩ nɛ ŋ jaŋ jɩŋ arɩ mɩ bʋl wʋtɩtɩɩ.”

JƐRƖMAAYA 20:6

Ŋ-na Pasɩhɔ, arɩ nɩalɩŋ kala sɩ hɛ ŋ dɩa lɛ jaŋ mʋ yoŋ-baga Babɩlɔŋ lɛ. Ŋ jaŋ sʋʋ nɩmɛ dɩ ba huguŋ, ŋ dɩ ŋ nandɔnsʋ-la kala ŋ sɩ nyɩɛ wɩaa pa.’ ”

JƐRƖMAAYA 23:30

Ŋɩɩ wɩaa, mɩ chɩŋ mɩ wʋlaabʋlla-la sɩ yie nɩɩ wɩaa dɔŋɔ ba teeŋ, a kaa mʋ bʋl arɩ mɩ-na nɛ bʋla lɛ nɛ. La TƖƖNA nɛ bʋla.

JƐRƖMAAYA 27:15

La TƖƖNA sɩ, ‘Mɩ dee bɩ ba tɩma. Baa nyɩɛ wɩaa nɛ mɩ yɩrɩŋ lɛ. Ŋɩɩ wɩaa mɩ jaŋ kirima ta dɩ ma sʋʋ, ma dɩ nɩalɩŋ sɩ sɩ ba ŋaa mɩ wʋlaabʋllaa kala a bʋl wɩaa pɩpɩma.’ ”

JƐRƖMAAYA 6:15

Wʋkɩsɩa-la ba sɩɩ ŋaa, hɩɩsɩŋ kɛmba nɛɛ? Aɩ, ba paala bɩ hɩɩsɩŋ ka fá. Ba paala bɩ jɩŋ ŋɩɩ ba sɩ jaŋ kɛŋ sɩaa chei. Ŋɩɩ wɩaa ba jaŋ sʋʋ, a pɛ nɩalɩŋ sɩ sʋba lɛ. Mɩ jaŋ dɔgɩsɛba a kɛmba muuri. Mɩ-na ma TƖƖNA nɛ bʋla.”

JƐRƖMAAYA 8:12

Wʋkɩsɩa-la ba sɩɩ ŋaa, hɩɩsɩŋ kɛmba nɛɛ? Aɩ, ba paala bɩ hɩɩsɩŋ ka fá. Ba paala bɩ jɩŋ ŋɩɩ ba sɩ jaŋ kɛŋ sɩaa chei. Ŋɩɩ wɩaa ba jaŋ sʋʋ, a pɛ nɩalɩŋ sɩ sʋba lɛ. Mɩ jaŋ dɔgɩsɛba a kɛmba muuri. Mɩ-na ma TƖƖNA nɛ bʋla.

JƐRƖMAAYA 8:13

Mɩ jaŋ leŋ dɩ ba kʋpɛrɛɛ birigi. Girep tɩɩsɩŋ bɩ jaŋ kɛŋ nɛŋ kala. Tutogo ma bɩ jaŋ nɛŋ tutogi-nambɩlaa, ba pɩpaarɩŋ jaŋ yuori. Kɩalɩŋ kala mɩ sɩ joŋo pɩba, mɩ jaŋ laaba ba teeŋ. Mɩ-na ma TƖƖNA nɛ bʋla.”

JEMBIEE 1:19

Mɩ yɩrɛ mɩ sɩŋŋaa, ka ba vɩa dɩ ba pɛ mɩ lɛ. Mɩ Wɩɩsʋllɩ sɩpaalaaraa arɩ mɩ nɩhɩasɩŋ, sʋba nɛ tabal-la lɛ bʋa-la lɛ ba sɩ gɔllɔɔ chɛ kʋdiilee dɩ ba dii a kɛŋ mɩɩsɩŋ.

JEMBIEE 2:20

La TƖƖNA, beŋ mɩ wɩɩŋ a na: Kʋbɛɛ nɛ ŋ ha ŋaa ʋ na hɛɛŋ ŋ-la? Haalaa kɛsɛ ba biiriŋ didii, biiri-la ba sɩ dɩɛsa. Ba kpʋkpʋ ŋ Wɩɩsʋllɩ sɩpaalaaraa arɩ ŋ wʋlaabʋllaa ŋ dɩɩ-balɩŋ lɛ.

ƐZƖKƖƐL 13:14

Mɩ jaŋ yigi jee-la ma sɩ joŋ tʋɔrʋŋ bʋgɛ a lo, a yɛrɛ ʋ kala muno muno ka dɩ ʋ gentine nyɩɩsɛ, dɩ jee-la nɛ tele, ʋ jaŋ kpʋ ma kala. Ŋɩɩ lɛ nɛ ma jaŋ jɩŋ arɩ mɩ nɛ ma TƖƖNA.

ƐZƖKƖƐL 13:15

Mɩ jaŋ joŋ mɩ baanɩŋ fɩɩsɛ jee-la arɩ nɩalɩŋ sɩ joŋ tʋɔrʋŋ bʋgʋ kala nyuŋ a cheiba. Mɩ jaŋ bʋla pɩma: Jee-la arɩ nɩalɩŋ sɩ joŋ tʋɔrʋŋ bʋgʋ kala lɛlɛ nɛ.

ƐZƖKƖƐL 13:9

Mɩ jaŋ dɔgɩsɛ ma nɩalɩŋ sɩ nyɩɛ wɩaa arɩ maa na wɩaa a nagɛ duosoo tʋɔŋ nɛ, a vʋgaa nyɩɛ wɩaa. Ma bɩra bɩ jaŋ guoli mɩ nɩalɩŋ sɩ yie hilime vʋvʋʋrɛ wɩaa tʋɔŋ, koo dɩ ba ŋmʋnsɛ ma yɩraa hɛ Iziral tɩŋŋaa tʋɔŋ koo ma jʋʋ Iziral tinteeŋ. Ŋɩɩ nɛ ma jaŋ jɩŋ arɩ mɩ nɛ ma TƖƖNA Wɩɩjarɩbakɔ.

ƐZƖKƖƐL 14:10

Mɩ jaŋ dɔgɩsɛ nɩɩ-la sɩ mʋ mɩ wʋlaabʋllʋ-la teeŋ dɩ ʋ pɩɛsa na wɩaa arɩ mɩ wʋlaabʋllʋ-la kala a magɛ dɔŋɔ.

ƐZƖKƖƐL 14:9

Dɩ nʋʋ nɛ nyɩsɛ mɩ wʋlaabʋllʋ hɛ dɩ ʋ nyɩɛ bʋl wɩaa mɩ doluŋ lɛ, mɩ-na ma TƖƖNA tɩtɩa nɛ nyɩsʋ ŋɩɩ. Ama mɩ jaŋ lɩɩsɛ mɩ nɩsɩŋ liesu a cheyu a lɩɩsʋ ta mɩ nɩaa Iziral tɩŋŋaa tʋɔŋ.

ƐZƖKƖƐL 33:6

Ama dɩ nɩɩ-la sɩ pɔ leriŋ a bibeŋ nɛ na dʋndɔmɔ-la dɩ baa kɔ ka dɩ ʋ vɩa dɩ ʋ ŋmoo bunso, ka dɩ ba kʋ kpʋ nɩalɩŋ kʋŋkala a tɩŋ ʋ wʋbɔŋŋɔɔ wɩaa, tɩɩna sʋba nɛ, ama nɩɩ-la sɩ pɔ leriŋ a bibeŋ nɛ jaŋ laa cheeriŋ.

AMƆS 7:17

Ŋɩɩ wɩaa jegile nɩɩ wɩalɩŋ La Tɩɩna sɩ bʋla a tɩgɛ ŋ lɛ: ‘Ŋ haala jaŋ ŋaa hachɔrʋŋ ma tabalɩŋ lɛ, ka ba kpʋ ŋ hambolibiisiŋ arɩ ŋ toloo ma laalɩŋ lɛ, aŋ kɛŋ ŋ tinteeŋ kpaa dɔŋɔ. Ŋ ma tɩtɩa jaŋ sʋʋ tintee-la nɩaa sɩ bɩ Wɩa ka to lɛ. Ka dɩ ba kɛsɛ Iziral tɩŋŋaa kala lɩɩ ba tinteeŋ lɛ a mʋ yoŋ-baga.’ ”

MƖKA 3:5

Wɩɩ-la La TƖƖNA sɩ bʋla nɛ ŋ-la: “Ma nɩalɩŋ sɩ sɩ ma ŋaa mɩ wʋlaabʋllaa nɛ aa nyɩsɛ mɩ nɩaa. Dɩ ba nɛ pɩma kʋdiilee, ma yie bʋl, ‘Wɩa jaŋ leŋ dɩ ma hɔŋ arɩ fɩɛlɩŋ.’ Dɩ ba nɛ bɩ ma kʋŋ pa, ma bʋl arɩ laalɩŋ jaŋ kʋ jʋʋba.

MOSIS BƖRA WULLI WƖA WOMBIIŊ 18:20

Ama dɩ mɩ wʋlaabʋllʋ kala nɛ bʋl wɩɩ mɩ yɩrɩŋ lɛ, ka mɩ dee bɩ ʋ hɛ, koo dɩ vene dɔŋ yɩrɩŋ lɛ nɛ ʋ ŋaa ŋɩɩ, ʋ maga dɩ ma kpʋʋ nɛ.”

Jɔɔŋ Wʋnaalaa 19:20

Nɩɩ-la sɩ jɩl jɔɔ-la arɩ ʋ laalɩyuoroo yuo dii baga kʋ-la a kɛŋ ʋ dɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ kala. Nɩɩ-la fa sɩ ŋaa wʋmagɩlaa baga kʋ-la nyuŋ a wuo nyɩsɛ nɩalɩŋ sɩ kɛŋ baga kʋ-la magɩlɩŋ, aa chʋɔlɛ baga kʋ-la nagɩsɩŋ ba sɩ mɛ bil. Nɩaa deemba balɩa kʋweyee nɛ ba joŋo yuo hɛ Wɩa nyiŋ-la sɩɩ dii a nagɛ jiribiiŋ lɛ.