JƐRƖMAAYA 14:14 - WƖA TENIŊ

¹⁴ Ŋɩɩ nɛ La TƖƖNA bɩra bʋla pɩmɛ, “Nɩaa deemba bɩ mɩ wʋlaabʋllaa ŋaa, baa nyɩɛ wɩaa nɛ mɩ yɩrɩŋ lɛ. Mɩ bɩ ba tɩma koo a lɩɩsɛba koo a bʋl wɩɩ pɩba. Wɩalɩŋ ba sɩ na a nagɛ duosoo tʋɔŋ a bʋla pɩma ŋaa wʋnyɩɛrɩŋ nɛ, wʋyaayaasɩ-la ba sɩ vʋga nɩna, arɩ ba tɩtɩa tʋɔbɩɩnaa wɩalɩŋ ka nyɩsɛba nɛ.

JƐRƖMAAYA 14:14 ပူးပေါင်းရင်းမြစ်များ

AZAAYA 56:10

Nɩalɩŋ kala sɩ maga dɩ ba bibeŋ Iziral tɩŋŋaa, ba nyʋlɩma nɛ. Ba bɩ wɩɩkala jɩŋ, ba nagɛ vasɩŋ sɩɩ pɔ leriŋ aŋ bɩ huosi nɛ. Ba yie pɩŋ nɛ a duduosi. Ba cho doŋ-pɩnɩŋ kɩŋkɛŋ.

AZAAYA 9:15

Ba nɩhɩasɩŋ arɩ ba nɩbala-la nɛ ŋaa nyuŋ-la, Wɩa wʋlaabʋlla-la ma sɩɩ nyɩɛ wɩaa nɛ ŋaa bʋbʋɔ-doho-la.

JƐRƖMAAYA 20:6

Ŋ-na Pasɩhɔ, arɩ nɩalɩŋ kala sɩ hɛ ŋ dɩa lɛ jaŋ mʋ yoŋ-baga Babɩlɔŋ lɛ. Ŋ jaŋ sʋʋ nɩmɛ dɩ ba huguŋ, ŋ dɩ ŋ nandɔnsʋ-la kala ŋ sɩ nyɩɛ wɩaa pa.’ ”

JƐRƖMAAYA 28:11

aŋ bʋl ŋ-la nɩalɩŋ sɩpaaŋ, “Wɩɩ-la La TƖƖNA sɩ bʋla nɛ ŋ-la: ‘Ŋɩɩ tɩtɩa nɛ mɩ jaŋ bori daa-la Babɩlɔŋ kuoro Nebukadineza sɩ joŋo laalɛ tinteyee nɩaa kala baŋŋaa lɛ jɩsɩŋ balɩa pɛgɛ.’ ” Ŋɩɩ lɛ nɛ Wɩa wʋlaabʋlla Jɛrɩmaaya viiri.

JƐRƖMAAYA 28:13

“Mʋ a bʋla pɩ Hananaaya, ‘Wɩɩ-la mɩ-na ma TƖƖNA sɩ bʋla nɛ ŋ-la: Ŋ bori daa-la nɛ, ama hɔɔŋ nɛ jaŋ mɩɩra lɩɩ chɩŋ daa-la nyuŋ lɛ.

JƐRƖMAAYA 28:15

Ŋɩɩ nɛ Wɩa wʋlaabʋlla Jɛrɩmaaya bʋla pɩ wʋnyɩɛrɩ Wɩa wʋlaabʋlla Hananaaya, “Hananaaya, jegile nɩɩ, La TƖƖNA dee bɩŋ tɩma, ka ŋ nyɩɛ wɩaa a leŋ tinteeŋ deeŋ nɩaa laa ŋ wʋnyɩɛrɩ-la dii.

JƐRƖMAAYA 29:21

Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla tɩgɛ Kolaaya nanʋala Ahab arɩ Maasɛya nanʋala Zedikaaya lɛ nɛ ŋ-la. Ba nyɩɛ wɩaa nɛ pɩpɩma mɩ yɩrɩŋ lɛ: Mɩ jaŋ jomba hɛ Babɩlɔŋ kuoro Nebukadineza nɩsɩŋ lɛ dɩ ʋ kpʋba ma sɩɩŋ lɛ.

JƐRƖMAAYA 29:31

“Tɩŋ tɩndaarɩŋ deeŋ a pɩ nɩalɩŋ sɩ hɛ yoŋ-baga lɛ: ‘Wɩɩ-la mɩ-na ma TƖƖNA sɩ bʋla tɩgɛ Sɛmaaya sɩ lɩɩ Nehelam lɛ nɛ ŋ-la: A tɩŋ Sɛmaaya sɩ bʋl wɩaa pɩma ka mɩ dee bɩ ʋ tɩma, a leŋ ma laa ʋ wʋnyɩɛrɩ-la dii,

JƐRƖMAAYA 37:19

Nɩɩ nɛ ŋ Wɩa wʋlaabʋlla-la sɩ bʋl wɩaa pɩŋ hɛ, nɩalɩŋ sɩ sɩ, ‘Babɩlɔŋ kuoro bɩ jaŋ kʋ yuoŋ koo a yuo tinteeŋ deeŋ?’

JƐRƖMAAYA 5:31

Mɩ wʋlaabʋllaa sɩ nyɩɛ wɩaa arɩ baa bʋl wɩaa Wɩa doluŋ lɛ nɛ. Ka Wɩɩsʋllɩ sɩpaalaaraa ma mɩɩra ŋɩŋaa wɩaa ba tɩtɩaba doluŋ lɛ. Mɩ nɩaa ma cho ŋɩɩ ba sɩɩ ŋaa. Ama wʋbɛɛ nɛ ma jaŋ ŋaa wɩaa deemba dɩdɛrɩŋ?”

JƐRƖMAAYA 8:10

Ŋɩɩ wɩaa mɩ jaŋ laa ba haalaa pɩ ba-wogusuŋ, ka dɩ nɩtanɩa ma laa ba bagɩsɩŋ tɩɩ. Ba nɩbiisiŋ arɩ ba nɩbalaa kala kɛŋ yarɩ-bieriŋ nɛ a chɩchɛ kɩaa. Mɩ wʋlaabʋllaa arɩ Wɩɩsʋllɩ sɩpaalaaraa ma nagɛ ŋɩɩ tɩtɩa nɛ a kala nyɩnyɩsɛ nɩaa.

JƐRƖMAAYA 8:11

Ba yie kɛŋ sɛntɛrɩŋ nɛ a chɛsɛ mɩ nɩaa naawɩɩlaa a nagɛ ba firise nɛ. Ba yie bʋl, ‘Fɩɛlɩŋ hɛ nɩmɛ, Fɩɛlɩŋ hɛ nɩmɛ, aŋ ka fɩɛlɩŋ tuo.’

JEMBIEE 2:14

Wɩalɩŋ ma Wɩa wʋlaabʋllaa sɩ na arɩ duosoo tʋɔŋ, ŋaa wʋnyɩɛrɩŋ nɛ a bɩ bʋbʋɔ kala kɛnɛ. Ba bɩ leŋe ma jɩŋ dɩ ma ŋaa wʋbɔŋŋɔɔ, dɩ ŋɩɩ fa leŋ dɩ ma sɩ́ yoŋ-baga mʋ. Wɩalɩŋ ba sɩ bʋla pɩma ŋaa wʋnyɩɛrɩŋ nɛ a kɛmma yeŋŋi.

JEMBIEE 2:9

Zaayɔŋ boi-baalaa tele nɛ hagɩla tɔ, ba daadoloo bori a chei. Ba kɛŋ ʋ kuoro arɩ ʋ sɩpaalaaraa mʋ yoŋ-baga nɛ, ba guoli tinteyee nɩaa tʋɔŋ. Ba bɩra bɩ wɩalɩŋ ba sɩ ŋmʋnsa bil dɩ ba tuto ka dagɛ. Wɩa wʋlaabʋlla-la sɩ hɛ ʋ lɛ bɩra bɩ wɩaa ka na arɩ duosoo tʋɔŋ La TƖƖNA teeŋ.

ƐZƖKƖƐL 12:24

Iziral tinteeŋ lɛ, nɩaa bɩra bɩ jaŋ nyɩɛ wɩaa arɩ ba na wɩaa a nagɛ duosoo tʋɔŋ, koo dɩ ba tʋɔŋ nʋʋ hɛ nɩmɛ a vʋga nyɩɛ wɩaa a leŋ dɩ nɩaa yiyeŋŋi.

ƐZƖKƖƐL 13:2

“Nuhuobiiŋ, bʋl wɩaa mɩ doluŋ lɛ a hɛ nɩalɩŋ sɩɩ nyɩɛ wɩaa arɩ ba ŋaa mɩ wʋlaabʋllaa nɛ a hɛ Iziral tinteeŋ lɛ a bʋbʋl wɩaa naabʋɔsʋŋ deemba lɛ. Bʋla pɩ nɩalɩŋ sɩɩ bʋl ba tɩtɩa tʋɔbɩɩnaa wɩaa: ‘Má jegile nɩɩ wɩɩ-la mɩ-na ma TƖƖNA sɩ bʋla.’

ƐZƖKƖƐL 13:23

Ŋɩɩ wɩaa, ma bɩra bɩ jaŋ nyɩɛ wɩaa arɩ maa na wɩaa a nagɛ duosoo tʋɔŋ nɛ, koo a ŋaa vʋgʋra. Mɩ jaŋ laa mɩ nɩaa ta ma nɩsɩŋ lɛ. Ŋɩɩ nɛ ma jaŋ jɩŋ arɩ mɩ nɛ ma TƖƖNA.’ ”

ƐZƖKƖƐL 21:29

Má sɩ́ wɩalɩŋ ba sɩ na a nagɛ duosoo tʋɔŋ arɩ wɩalɩŋ ba sɩ vʋga na a tɩgɛ ma lɛ kaa tɩŋ. Ba ŋaa wʋnyɩɛrɩŋ nɛ. Ma ŋaa nɩbɔmɔ nɛ a ŋɩŋaa wʋbɔŋŋɔɔ. Tapʋlɩɩ-la ba sɩ jaŋ dɔgɩsɛma yie nɛ. Tokobiiŋ nɛ ba jaŋ kaa keri ma baŋŋaa.

MƖKA 3:11

Ma sɩpaalaara-la yie laa kpalaa nɛ aŋ dii sarɩya, ma Wɩɩsʋllɩ sɩpaalaaraa yie dagɛ nɩaa Wɩa wombiiŋ aa chɛ time. Ma nɩalɩŋ sɩ sɩ ma ŋaa Wɩa wʋlaabʋllaa yie bʋl wɩalɩŋ ma sɩ na aa laa moribiee. Ka ma ha yie bʋl dɩ ma yelli La TƖƖNA nɛ. Ma yie bʋl, “La TƖƖNA hɛ la teeŋ nɛ, wʋlɔrʋ kala bɩ jaŋ jʋʋla.”

ZƐKARƖYA 10:2

Tɔŋŋɔɔ ka nyɩsɛ nɩaa nɛ, vʋgʋraa ma nɩna wʋnyɩɛrɩ wɩaa a nagɛ duosoo tʋɔŋ. Ba yie bʋl duosoo wɩaa sɩ ŋaa wʋnyɩɛrɩŋ nɛ. Ba yie nyagɛ nɩaa bɔyɛ pɛɩ nɛ. Ŋɩɩ leŋ nɩalɩŋ bɩbaarɛ a nagɛ piesee, ba nyagɛba bil a tɩŋ ba sɩ bɩ sɩpaalaara kɛnɛ wɩaa.

ZƐKARƖYA 13:3

Dɩ nʋʋkala nɛ ha pɛsɛ a nyɩɛ bʋbʋl wɩaa mɩ yɩrɩŋ lɛ, ʋ nyɩmma arɩ ʋ naaŋ-la sɩ lʋlʋ jaŋ bʋla pʋ, ‘Ʋ maga ba kpʋŋ nɛ, bɛɛ wɩaa ŋ nyɩɛ wɩaa nɛ La TƖƖNA yɩrɩŋ lɛ.’ Dɩ ʋ nɛ nyɩɛ bʋl wɩaa mɩ yɩrɩŋ lɛ, ʋ nyɩmma arɩ ʋ naaŋ jaŋ tɔbʋ kpʋ.

MOSIS BƖRA WULLI WƖA WOMBIIŊ 18:20

Ama dɩ mɩ wʋlaabʋllʋ kala nɛ bʋl wɩɩ mɩ yɩrɩŋ lɛ, ka mɩ dee bɩ ʋ hɛ, koo dɩ vene dɔŋ yɩrɩŋ lɛ nɛ ʋ ŋaa ŋɩɩ, ʋ maga dɩ ma kpʋʋ nɛ.”

1 Timoti 4:2

Ba fugo dɩdagɛ Wɩa wɩaa nɛ, ama ba ŋaa wʋnyɩɛra nɛ. Ba ŋaa tʋɔ-togi tɩmma nɛ.

1 Jɔɔŋ 4:1

Mɩ bii-chooloo, dɩ nɩaa nɛ sɩ dɩ ba kɛŋ doluŋ a wuo bʋl wɩaa, Wɩa Dɩŋ-zɔŋ-la doluŋ lɛ, má sɩ́ guu laa dii arɩ baa bʋl wʋtɩtɩɩ nɛ. Má laa sɩpaaŋ magɩsɛba na arɩ ba sɛnɛ ŋaa Wɩa wʋlaabʋllaa nɛɛ. Bɛɛ wɩaa wʋnyɩɛrɩ Wɩa wʋlaabʋllaa yʋga nɛ a hɛ dʋnɩa lɛ.