JƐRƖMAAYA 14:12 - WƖA TENIŊ

¹² Arɩ ba sɩɩ vɔɔ niiŋ ma kala, mɩ bɩ jaŋ jegile nɩɩ ba yele. Ba ŋaa kʋnyɩgaa Wɩɩsʋlʋŋ arɩ mɩaa Wɩɩsʋlʋŋ pɩpɩmɛ ma nɛ, ama mɩ bɩ jaŋ laaba. Mɩ jaŋ mɩɩra joŋ laalɩŋ, losuŋ arɩ nyanyalɩŋ a hɛ ba lɛ dɩ ba sʋʋ.”

JƐRƖMAAYA 14:12 ပူးပေါင်းရင်းမြစ်များ

JOB 27:9

Dɩ wɩaa nɛ jʋʋ-ʋ dɩ ʋ yele pɩ Wɩa, ma bɩɩna ʋ jaŋ jegile nɩɩ ʋ teeŋ?

NAMAGABA 1:28

ŋɩɩ lɛ nɛ ma jaŋ yɩra chɩchɛmɛ dɩ mɩ pɛ ma lɛ, ama mɩ bɩ jaŋ sɛɩ. Ma jaŋ beŋ lee-kala a chɩchɛmɛ, ama ma bɩ jaŋ namɛ.

NAMAGABA 15:8

La Tɩɩna bɛrɛ nɩbɔmʋŋ sɩ kpʋ pʋna a ŋaa Wɩɩsʋlʋŋ nɛ, ama ʋ tʋɔŋ ka tɔrɛ tʋɔpʋl tɩɩna-na Wɩɩsʋlʋŋ nyuŋ nɛ.

NAMAGABA 21:27

La Tɩɩna bɛrɛ nɩbɔmʋŋ Wɩɩsʋlʋŋ kɩaa nɛ, a saa bibeŋ dɩ ʋ kɛŋ kɩalɩŋ kɔ arɩ tʋɔbɩɩŋ bɔmʋŋ.

NAMAGABA 28:9

Dɩ nʋʋ nɛ bɩ chɛ ʋ jegili Wɩa wombiiŋ wɩaa, ʋ Wɩɩsʋlʋŋ paala sʋɔrɛ nɛ.

AZAAYA 58:3

Ba sɩ, ‘Bɛɛ nɛ tɩɩ la yie vɔɔ niiŋ, a kɛŋ la tɩtɩa muuri ka La TƖƖNA bɩ laa tɔgʋmɛ?’ ” La TƖƖNA bɩra sɩ, “Wʋtɩtɩɩ nɛ, bʋa-la ma sɩ yie vɔɔ niiŋ, ma yie ŋɩŋaa ma tɩtɩa tʋɔtɔrɛ wɩaa nɛ, aŋ dʋdɔgɩsɛ ma tɩntɩnnaa.

JƐRƖMAAYA 11:11

Ŋɩɩ wɩaa, wɩɩ-la mɩ-na ma TƖƖNA sɩ bʋla nɛ ŋ-la: ‘Mɩ jaŋ kɛŋ wʋlɔrʋŋ ba sɩ́ bɩ jaŋ wuo fá kagɛ a kʋ hɛ ba lɛ. Ba jaŋ ŋmoo niiŋ mɩ teeŋ, ama mɩ bɩ jaŋ jegile nɩɩ ba teeŋ.

JƐRƖMAAYA 11:14

Jɛrɩmaaya, sɩ́ mɩ sʋla pɩ nɩaa deemba, sɩ́ ba naasɩŋ lɛ chɩna sʋlmɛ chɩchɛ dɩ mɩ ŋaa wɩɩkala a pɩba, bɛɛ wɩaa mɩ bɩ jaŋ jegile nɩɩ ba teeŋ bʋa-la lɛ hɛɛŋ sɩ jaŋ jʋʋba dɩ ba yɩrɛmɛ.

JƐRƖMAAYA 15:1

Ŋɩɩ nɛ La TƖƖNA bʋla pɩmɛ, “Dɩ Mosis arɩ Samʋɛl nɛ fa paala kʋ chɩŋ mɩ sɩpaaŋ a sʋlmɛ ma, mɩ bɩ jaŋ fá nɩaa deemba nenige. Kiriba ta dɩ ba sʋrɩsɛ mɩ sɩpaaŋ! Leŋ dɩ ba mʋ!

JƐRƖMAAYA 16:4

“Nyanyal bɔŋŋɔɔ jaŋ kpʋba. Ba bɩ jaŋ hugiba koo a yel ba yoho. Ba jaŋ nagɛ nʋsʋrʋŋ a pɩŋ tinteeŋ. Ba jaŋ kpʋ dɔnsʋŋ laalɩŋ lɛ, dɩ losuŋ ma kɛŋ dɔnsʋŋ dɩ ba sʋʋ. Ba kʋsʋʋnʋŋ jaŋ bɩrɩmɛ zaaraa arɩ baga kɩaa kʋdiilee.”

JƐRƖMAAYA 21:6

Mɩ jaŋ kpʋ nɩalɩŋ sɩ hɛ tabalɩŋ deeŋ lɛ, nuhuobiinee arɩ pʋsʋŋ kala. Nyanyal-bɔŋ nɛ jaŋ kpʋba.’ ”

JƐRƖMAAYA 24:10

Mɩ jaŋ joŋ laalɩŋ, losuŋ arɩ nyanyalɩɩ a hɛ ba lɛ, a cheiba ŋɩɩ halɩɩ dɩ ba dɛrɛ tintee-la mɩ sɩ joŋo pɩ ba dɩ ba naabalɩmaba lɛ.”

JƐRƖMAAYA 32:24

Bee na ŋɩɩ ba sɩ saa vaŋkumba dɩ ba yuo dii tabal-la. A tɩŋ laalɩŋ, losuŋ arɩ nyanyalɩŋ wɩaa, tabal-la jaŋ jʋʋ Babɩlɔŋ tɩmma-la sɩɩ yuou nɩsɩŋ. Wɩɩ-la ŋ sɩ bʋla sɛnɛ ŋaa nɛ, ʋ nɛ ŋ nɩna ŋɩɩ lɛɛlɛ.

JƐRƖMAAYA 6:20

Kʋsʋɔrʋsʋ-la ba sɩ kaa lɩɩ taŋ-la ba sɩɩ yɩrɛ Sɩɩba arɩ tegisi-la dɔnsʋŋ sʋɔra sɩ sɩma ba kaa lɩɩ tintee-la sɩ bolie kʋʋ pɩmɛ, ba bɩ bʋbʋɔ kala kɛnɛ mɩ teeŋ. Mɩ bɩ ma kʋnyɩgaa Wɩɩsʋlʋŋ kɩaa ka laa. Mɩ tʋɔŋ bɩ pʋsʋ-la ma sɩ yie kpʋ pɩmɛ nyuŋ ka tɔrɛ.”

JƐRƖMAAYA 8:13

Mɩ jaŋ leŋ dɩ ba kʋpɛrɛɛ birigi. Girep tɩɩsɩŋ bɩ jaŋ kɛŋ nɛŋ kala. Tutogo ma bɩ jaŋ nɛŋ tutogi-nambɩlaa, ba pɩpaarɩŋ jaŋ yuori. Kɩalɩŋ kala mɩ sɩ joŋo pɩba, mɩ jaŋ laaba ba teeŋ. Mɩ-na ma TƖƖNA nɛ bʋla.”

JƐRƖMAAYA 9:16

Mɩ jaŋ kɛmba pɩsa hɛ tinteyee lɛ ba dɩ ba nyɩmmaba kʋŋkala ha sɩ bɩ jɩŋ. Mɩ jaŋ kire to ba harɩŋ arɩ tokobiiŋ see dɩ mɩ kpʋba.”

ƐZƖKƖƐL 14:19

Koo dɩ nyanyal-bɔŋ sɩɩ kpʋ nɩaa nɛ mɩ na baanɩŋ a joŋo hɛ tintee-la lɛ, dɩ ʋ kpʋkpʋ tintee-la nɩaa arɩ ba pʋsʋŋ kala,

ƐZƖKƖƐL 14:21

Wɩɩ-la mɩ-na ma TƖƖNA Wɩɩjarɩbakɔ sɩɩ bʋl nɛ ŋ-la: Ʋ jaŋ ŋaa wʋlɔrʋ a pɩ Jerusalɛm nɩaa dɩ mɩ nɛ joŋ wɩaa deemba banɛsɛ dɔgɩsɛba: laalɩŋ, losuŋ, baga kɩaa arɩ nyanyal bɔŋŋɔɔ, dɩ ba kpʋ ʋ nɩaa arɩ ʋ pʋsʋŋ.

ƐZƖKƖƐL 8:18

Ŋɩɩ wɩaa, mɩ jaŋ dagɛba arɩ baanɩŋ, mɩ bɩ jaŋ fá ba nenige koo a lemba. Ba jaŋ faasa suri ba yikoro a sʋsʋlmɛ, ama mɩ bɩ jaŋ jegili ba teeŋ.”

HOSIA 5:6

Dɩ ba nɛ kɛŋ ba piesee arɩ nɛsɩŋ mʋ dɩ ba ŋaa Wɩɩsʋlʋŋ a chɛ na La TƖƖNA, ba bɩ jaŋ naʋ, bɛɛ wɩaa ʋ mɩɩrɛ ba harɩŋ nɛ.

AMƆS 5:21

La TƖƖNA sɩ, “Mɩ bɛrɛ ma Wɩɩchʋɔlɛ gbieli-la nɛ, mɩ sɩɩŋ bɩ baa su. Mɩ mɩɩsɩŋ fɩɩ ŋɩɩ ma sɩ yie hilimi a dɩdɛnnɛmɛ nɛ.

MƖKA 3:4

Bʋa kʋbala jaŋ yi dɩ ma ŋmoo niiŋ a pɩ ma TƖƖNA, ama ʋ jaŋ fʋʋla yagɛma. Bʋa-la lɛ ʋ jaŋ kɛŋ ʋ tɩtɩa faama, bɛɛ wɩaa wʋbɔŋ nɛ ma ŋaa.”

ZƐKARƖYA 7:13

Mɩ fa sɩ bʋl wɩaa pɩba, ba bɩ jegile nɩɩ, ŋɩɩ wɩaa ba ma sɩ yɩrɛmɛ, mɩ bɩ jegile nɩɩ. Mɩ-na ma TƖƖNA doluŋ kala Tɩɩna nɛ bʋla.

MALAKAƖ 1:10

Mɩ fa cho dɩ ma dɔŋɔ kɛŋ mɩ dɩɩ-bal-la borusuŋ kaa yagɛ nɛ, dɩ ŋɩɩ leŋ dɩ ma sɩ́ kɩaa sɩ bɩ bʋbʋɔ kɛnɛ nyɩgʋ mɩ koruŋ nyuŋ. Mɩ tʋɔŋ bɩ ma Wɩɩsʋllɩ sɩpaalaaraa nyuŋ tɔrɔ, ŋɩɩ wɩaa mɩ bɩ jaŋ laa ma Wɩɩsʋlʋŋ. Mɩ-na ma TƖƖNA doluŋ kala Tɩɩna nɛ bʋla.

MALAKAƖ 2:13

Wɩɩ-la dɔŋɔ ma sɩ ŋaa nɛ ŋ-la: Ma yie yel sɩlɩɩrɩŋ su La TƖƖNA koruŋ nɛ, a chaasa yiyel a ŋmuŋmoo niiŋ a tɩŋ ʋ bɩra sɩ bɩ ma Wɩɩsʋlʋŋ ka laa wɩaa.

Jɔɔŋ Wʋnaalaa 6:8

Ŋɩɩ nɛ mɩ beŋ a na jaaba dɩ nʋʋ hɔŋ ʋ nyuŋ. Jɔɔ-la fa ŋaa kʋbʋgʋ nɛ. Nɩɩ-la sɩ hɔŋ ʋ nyuŋ yɩrɩŋ nɛ sʋʋŋ, ka lɛlɛɛ-jaŋ tuto ʋ harɩŋ. Ŋɩɩ nɛ Wɩa pɩba doluŋ dɩ ba kpʋ nuhuobiinee kala sɩ hɛ dʋnɩa sɛsɩ-la banɛsɛ dɔŋɔ. Ba jaŋ kɛŋ tokobii-la a kpʋ dɔnsʋŋ, dɩ losuŋ ma kpʋ dɔnsʋŋ, ka dɩ nyanyalaa arɩ baga kɩaa ma kpʋ dɔnsʋŋ.