JƐRƖMAAYA 14:10 - WƖA TENIŊ

¹⁰ Wɩɩ-la La TƖƖNA sɩ bʋla tɩgɛ nɩaa deemba lɛ nɛ ŋ-la: “Ba chaasa cho dɩ ba gɔllɔɔ baarɛ nɛ. Ba naasɩŋ bɩ lee-kala buo. Ŋɩɩ wɩaa mɩ-na ma TƖƖNA bɩ ba laa. Lɛɛlɛ nɛ mɩ jaŋ liisi ba tʋɔhɛɛ wɩalɩŋ ba sɩ ŋaa, a dɔgɩsɛba a tɩŋ ba wʋbɔŋŋɔɔ wɩaa.”

JƐRƖMAAYA 14:10 ပူးပေါင်းရင်းမြစ်များ

1 KUOROO 17:18

Haal-la pɩɛsɛ Ɩlaaja, “Wɩa wʋlaabʋllʋ, bɛɛ nɛ ŋ ŋaa mɩ lɛ ŋ-la? Ŋ kɔ dɩ ŋ kpʋ mɩ nanʋala nɛ a liisimi mɩ wʋbɔŋŋɔɔ wɩaa?”

WƖA YƖƖLAA 119:101

Mɩ lɩɩsɛ mɩ tɩtɩa wʋbɔŋ kala wombiiŋ lɛ nɛ, bɛɛ wɩaa mɩɩ chɛ mɩ to ŋ niiŋ nɛ.

WƖA YƖƖLAA 95:10

Mɩ na baanɩŋ jɩsɩŋ mahɩŋ balɩa nɛ ba nyuŋ a bʋl, “Nɩalɩŋ tʋɔbɩɩnaa kɛmba yeŋŋi nɛ, ba bɩ mɩ wombiee jɩŋ.”

MOSIS KƐŊ IZIRAL TƖŊŊAA LƖƖ 32:34

Ŋɩɩ wɩaa, mʋ a kɛŋ nɩalɩŋ mʋ lee-la wɩaa mɩ sɩ bʋla pɩŋ, mɩ tɩndaara jaŋ laa ma sɩpaaŋ. Ama dɩ bʋa-la nɛ kʋ yi a magɛ dɩ mɩ dɔgɩsɛba a tɩŋ ba wʋbɔŋ-la wɩaa, mɩ jaŋ dɔgɩsɛba.”

JƐRƖMAAYA 2:36

Bɛɛ nɛ tɩɩ ma bɩ dɩ-bala chɩna aŋ kɛŋ ma wʋŋaalaa bɩbɩrɩmɛ ŋɩɩ? Asiiria tɩŋŋaa fa sɩ leŋe ma dii hɩɩsɩŋ ŋɩɩ, ŋɩɩ tɩtɩa nɛ Ijipiti tɩŋŋaa ma jaŋ leŋ dɩ ma dii hɩɩsɩŋ.

JƐRƖMAAYA 3:13

Má-na sɛɩ arɩ ma cheye nɛ. Ma fa vɩa mɩ-na ma Tɩɩna Wɩa niiŋ nɛ. Ma joŋ ŋɩɩ ma sɩ chomi a pɩ vesiŋ nɛ tɩɩ-lugunuŋ bʋbʋɔŋ, aŋ vɩa dɩ ma to mɩ niiŋ. Mɩ-na ma TƖƖNA nɛ bʋla.’ ”

JƐRƖMAAYA 31:34

Nʋʋkala bɩra bɩ jaŋ dagɛ ʋ dɔŋɔ tɩɩna koo ʋ naambii ŋɩɩ ʋ sɩ jaŋ ŋaa a jɩmmɛ, bɛɛ wɩaa ba kala jaŋ jɩmmɛ, a chɩŋ nɩbiisiŋ lɛ a kaa jɩl nɩbalaa. Mɩ jaŋ joŋ ba wʋbɔŋŋɔɔ chɛba. Mɩ bɩra bɩ jaŋ liliisi ba wʋbɔŋŋɔɔ wɩaa. Mɩ-na ma Tɩɩna nɛ bʋla.”

JƐRƖMAAYA 6:20

Kʋsʋɔrʋsʋ-la ba sɩ kaa lɩɩ taŋ-la ba sɩɩ yɩrɛ Sɩɩba arɩ tegisi-la dɔnsʋŋ sʋɔra sɩ sɩma ba kaa lɩɩ tintee-la sɩ bolie kʋʋ pɩmɛ, ba bɩ bʋbʋɔ kala kɛnɛ mɩ teeŋ. Mɩ bɩ ma kʋnyɩgaa Wɩɩsʋlʋŋ kɩaa ka laa. Mɩ tʋɔŋ bɩ pʋsʋ-la ma sɩ yie kpʋ pɩmɛ nyuŋ ka tɔrɛ.”

JƐRƖMAAYA 8:5

Bɛɛ nɛ saa tɩɩ nɩaa deemba vɩa dɩ ba mɩɩra kɔ mɩ teeŋ? Bɛɛ nɛ tɩɩ Jerusalɛm nɩaa yie mɩɩrɛ mɩ harɩŋ? Ba nyʋa mɛrɛ vʋɩyaa sɩɩ nyɩsɛba lɛ nɛ, aŋ vɩa dɩ ba mɩɩra kɔ mɩ teeŋ.

ƐZƖKƖƐL 29:16

Ijipiti tinteeŋ bɩra bɩ jaŋ ŋaa lee Iziral tɩŋŋaa sɩ jaŋ joŋ ba yɩɛlaa hɛ. Ama ba jaŋ liliisi wʋbɔmɔ-la ba sɩ ŋaa, ba sɩ kɛŋ ba tɩtɩa mʋ mɛrɛ Ijipiti tɩŋŋaa lɛ dɩ ba pɛ ba lɛ. Ŋɩɩ nɛ Iziral tɩŋŋaa jaŋ jɩŋ arɩ mɩ nɛ ba TƖƖNA Wɩɩjarɩbakɔ.”

HOSIA 11:7

Mɩ nɩaa kɛŋ ba tʋɔŋ dɩ ba mɩɩrɛ mɩ harɩŋ nɛ. Dɩ ba nɛ paala sʋla yɩrɛ mɩ-na Wɩa sɩ kɩɩ kʋŋkala ma, mɩ bɩ jaŋ pɛ ba lɛ.

HOSIA 11:9

Mɩ bɩra bɩ jaŋ faasa na baanɩŋ, mɩ bɩra bɩ jaŋ chei Efirem. Mɩ nɛ Wɩa, mɩ bɩ nuhuobiiŋ ŋaa, mɩ bɩ disiniŋ kɛnɛ, mɩ hɛ ma tʋɔŋ nɛ. Mɩ bɩ jaŋ kɛŋ baanɩŋ a kɔ ma lɛ.

HOSIA 7:13

Wɩɩŋ puuba, bɛɛ wɩaa ba yeŋŋe nɛ mɩ teeŋ. Mɩ jaŋ cheiba, bɛɛ wɩaa ba vɩa mɩ niiŋ nɛ. Mɩ fa cho dɩ mɩ laaba ta nɛ, ama ba nyɩɛ wɩaa nɛ pɩpɩmɛ.

HOSIA 7:2

Ama ba bɩ jɩŋ dɩ mɩɩ liisi ba wʋbɔŋŋɔɔ kala nɛ. Ba wʋbɔŋŋɔɔ golliba nɛ, ba hɛ mɩ sɩpaaŋ bʋa na-kala.

HOSIA 8:13

Ba yie kpʋ pʋsʋŋ a ŋaa Wɩɩsʋlʋŋ pɩmɛ, aŋ joŋ nammɩa-la chaŋ, ama mɩ-na ba TƖƖNA tʋɔŋ bɩ ba Wɩɩsʋlʋŋ-la nyuŋ tɔrɔ. Lɛɛlɛ mɩ jaŋ liise yi ba nɩbɔŋ wɩalɩŋ lɛ a dɔgɩsɛba a tɩŋ ba wʋbɔŋŋɔɔ wɩaa. Ba jaŋ mɩɩra mʋ Ijipiti tinteeŋ.

HOSIA 9:9

Ba wɩɩŋ nɛ wʋbɔŋŋɔɔ ŋaanɩŋ, a nagɛ bʋa-la ba sɩ hɛ Gɩbɩa lɛ. Wɩa jaŋ liise yi ba nɩbɔŋ wɩalɩŋ lɛ, a dɔgɩsɛba a tɩŋ ba wʋbɔmɔ-la wɩaa.

AMƆS 3:2

Ʋ sɩ, “Tinteye-la kala sɩ hɛ dʋnɩa lɛ, ma dʋndʋŋa nɛ mɩ lɩɩsɛ. Ŋɩɩ wɩaa nɛ tɩɩ mɩ jaŋ dɔgɩsɛma a tɩŋ ma wʋbɔŋŋɔɔ wɩaa.

AMƆS 5:22

Mɩ bɩ jaŋ laa ma kʋnyɩgaa Wɩɩsʋlʋŋ arɩ ma mɩaa Wɩɩsʋlʋŋ. Mɩ bɩ pʋŋ-nɛrɛɛ-la ma sɩ yie kpʋ a sʋl nii-magɛ dɔŋɔ Wɩɩsʋlɩɩ-la ma ka chɛ.

Hiburu TƖŊŊAA 8:12

Mɩ jaŋ joŋ ba wʋbɔŋŋɔɔ chɛba. Mɩ bɩra bɩ jaŋ liliisi ba wʋbɔŋŋɔɔ wɩaa.”

1 SAMƲƐL 15:2

Wɩalɩŋ La TƖƖNA doluŋ kala Tɩɩna sɩ bʋla nɛ ŋ-la: ‘Mɩ jaŋ dɔgɩsɛ Amalɛk tɩŋŋaa a tɩŋ ba fa sɩ kɛrɛ Iziral tɩŋŋaa wombiiŋ lɛ, bʋa-la lɛ ba sɩ lɩɩ Ijipiti tinteeŋ kʋkɔ.