JƐRƖMAAYA 13:27 - WƖA TENIŊ

²⁷ a tɩŋ ma wʋchɔrʋmɔɔ arɩ ma sɩaa wʋchoolie-la ma sɩ hiine chɛ, arɩ hɩɩsɩ wɩalɩŋ ma sɩ ŋaa lɛ. Mɩ na wʋkɩsɩa-la ma sɩɩ ŋaa nɛ dundolluŋ arɩ bagɩsɩŋ lɛ. Jerusalɛm tɩmma, wɩɩŋ puuma. Ɛɛ nɛ maa chɛ dɩ ma kɛŋ disiniŋ a diene magɛ?”

JƐRƖMAAYA 13:27 ပူးပေါင်းရင်းမြစ်များ

WƖA YƖƖLAA 94:4

Wʋbɔŋ ŋaara-la kala ka bigisi ba tɩtɩa lɛ nɛ, a bʋbʋl babiibal wɩaa.

WƖA YƖƖLAA 94:8

Ma nɩyaara-la sɩ guoli nɩaa tʋɔŋ, má jegili, chɛ bɛɛ nɛ ma jaŋ jɩŋ wɩaa?

NAMAGABA 1:22

“Nɩyaaraa, ɛɛ nɛ maa chɛ dɩ ma yaara diene magɛ? Ɛɛ nɛ maa chɛ dɩ ma sieri wʋjɩmɩŋ lɛ a diene magɛ? Ɛɛ nɛ maa chɛ dɩ ma bɛrɛ wʋjɩmɩŋ a diene magɛ?

AZAAYA 57:7

Ma ŋaa ma dɩ-pɩnaa peelee sɩ leŋie nyusuŋ nɛ, a kpʋkpaarɛ ma tɔŋŋɔɔ nɩmɛ.

AZAAYA 65:7

Mɩ jaŋ dɔgɩsɛba a tɩŋ ma naabalɩmaba arɩ ma tɩtɩa wʋbɔŋŋɔɔ kala wɩaa. Mɩ-na ma TƖƖNA nɛ bʋla. Ba nyɩgɛ kʋsʋɔrʋsʋŋ nɛ peelee arɩ dundolluŋ kala nyuŋ a jolimimi. Mɩ jaŋ dɔgɩsɛba a magɛ ba faafaa wʋbɔmɔ-la ba fa sɩ ŋaa cheimi.”

JƐRƖMAAYA 11:15

Wombii bɛɛ nɛ nɩalɩŋ mɩ sɩ cho kɛŋ dɩ ba hɛ mɩ dɩɩ-balɩŋ lɛ a ŋɩŋaa wɩaa, ba sɩ gɔllɔ to ŋaa wʋbɔŋŋɔɔ a yʋga magɛ ŋ-la? Ba bɩɩna ba jaŋ giri wʋlɔrʋ-la ta dɩ ba nɛ hɛ niiriŋ aŋ kpʋ pʋsʋŋ a ŋɩŋaa Wɩɩsʋlʋŋ. Wɩaa deemba jaŋ wuo leŋ dɩ ba tʋɔŋ tɔrɛɛ?

JƐRƖMAAYA 3:6

Bʋa-la lɛ Josaaya sɩ dii kuoruŋ nɛ La Tɩɩna pɩɛsɛmɛ, “Ŋ na wɩɩ-la Iziral tɩŋŋaa sɩ bɩ wʋtɩtɩɩ kɛnɛ sɩ ŋaa nɛɛ? Ba mʋ dundolo kala sɩ leŋie nyuŋ nɛ, arɩ tɩɩ-lugu na-kala bʋbʋɔŋ a ŋaa wʋchɔrʋmɔɔ nɩmɛ.

ƐZƖKƖƐL 16:23

Mɩ-na ma TƖƖNA Wɩɩjarɩbakɔ nɛ bʋla, wɩɩŋ puuŋ nɛ. A pɛ nɩbɔŋ wɩalɩŋ kala ŋ sɩ ŋaa lɛ,

ƐZƖKƖƐL 2:10

ʋ kaa suri mɩ sɩpaaŋ. Teŋ-la sɛsɩŋ balɩa kala lɛ, ba ŋmʋnsɛ tʋɔ-chee wɩaa arɩ wʋlɔrʋnʋŋ nɛ a hɛ.

ƐZƖKƖƐL 20:28

Bʋa-la lɛ mɩ sɩ kɛmba kʋ jʋʋ tintee-la mɩ fa sɩ hɛ niiŋ arɩ mɩ jaŋ joŋo pɩba, dɩ ba nɛ na dundolo kala koo tɩɩ-lugu kala nɩmɛ, ba yie kpʋkpaarɛ vʋɩyaa nɩmɛ nɛ. Ba yie joŋ kɩaa pɩpɩba, a nyɩnyɩgɛ kʋsʋɔrʋsʋŋ sʋɔra sɩ sɩma a ŋaa kʋnyʋalaa pɩpɩba a ŋaa mɩ baanɩŋ sii.

ƐZƖKƖƐL 24:12

Mɩ ŋaa ŋɩɩ ma kala nɛ, ka ʋ sɩ chaasa sʋ ŋɩɩ ha bɩ lɩa, arɩ mɩ sɩ joŋo chɔ nyiniŋ lɛ ma kala.

ƐZƖKƖƐL 24:13

Jerusalɛm, ŋ disiniŋ nɛ ŋaa hachɔrʋŋ wɩalɩŋ ŋ sɩ ŋaa. Mɩ hɛ doluŋ dɩ mɩ chɛsɛ disiŋ-la ta nɛ, ama ŋ bɩ sɛyɛ. Ŋ disiniŋ bɩra bɩ jaŋ lɩɩ, see dɩ mɩ joŋ baaŋ-la kala mɩ sɩ na ŋ nyuŋ a fɩɩsɛ ŋ lɛ ŋɩɩ deeŋ deeŋ dɩ ʋ mʋ fɩɛlɛ.

ƐZƖKƖƐL 24:6

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Wɩɩŋ puu tabal-la nɩaa sɩ ŋaa nɩkpʋʋraa. Ʋ nagɛ pupoiŋ sɩ faasa fisi nɛ, ba bɩ jaŋ wuo paasɛ dɩ ʋ lɩɩ. Liliiri nammɩa-la kʋŋ kʋŋ a sɩ́ bagɩsʋ ka dɩ ba dɛrɛ.

ƐZƖKƖƐL 36:25

Mɩ jaŋ joŋ lɩɩzɔmʋŋ a mɩsɛma, dɩ ʋ ŋaa dɩ ma zɔŋ. Mɩ jaŋ pɩɩsɛ tɔmɔ-la ma sɩ kpaara a kɛŋ disiniŋ arɩ disiŋ dɔŋ kala ma sɩ ŋaa a ta.

ƐZƖKƖƐL 36:37

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: “Mɩ jaŋ bɩra jegile nɩɩ Iziral tɩŋŋaa sʋla a pɛ ba lɛ. Mɩ jaŋ leŋ dɩ ba faasa pʋŋa yʋgɛ a nagɛ pie-laalɩŋ.

ƐZƖKƖƐL 6:13

Sʋʋnʋŋ jaŋ jaasa pɩŋ ba tɔŋŋɔɔ arɩ ba korunuŋ, ba dundolluŋ arɩ ba peelee nyuŋ, tɩɩ-lugunuŋ arɩ tɩɩ-balaa bʋbʋɔŋ arɩ lere-la kala ba sɩ nyɩgɛ kʋsʋɔrʋsʋŋ sʋɔra sɩ sɩma pɩpɩ ba tɔŋŋɔɔ. Ŋɩɩ nɛ ba jaŋ jɩŋ arɩ mɩ nɛ ba TƖƖNA.

HOSIA 1:2

La TƖƖNA sɩ suomo dɩ ʋ to Hosia lɛ a bʋl wɩaa pɩ Iziral tɩŋŋaa, ʋ bʋla pʋ, “Mʋ jaa hachɔrʋmʋŋ dɩ ʋ lʋl mɛŋgaa-biiriŋ, bɛɛ wɩaa ŋɩɩ tɩtɩa nɛ mɩ nɩaa vɩa mɩ-na ba TƖƖNA aŋ kpʋkpaarɛ vʋɩyaa.”

HOSIA 4:2

Ma yie ŋmɩɛsa hɩhɛ nɩaa lɛ, a nyɩnyɩɛ wɩaa, a kpʋkpʋ nɩaa, a gɩgaa nɩaa kɩaa, a ŋɩŋaa hachɔrʋŋ arɩ bachɔrʋŋ wɩaa ma. Ma yie ŋaa wɩalɩŋ kala ba sɩ sɩ dɩ ma sɩ́ ŋaa nɛ, a kpʋ nɩaa tɩtɩgɛ dɔŋɔ lɛ.

HOSIA 8:5

Samarɩa tɩmma, má joŋ tɔŋ-la ma sɩ libe ʋ nagɛ nɛ-bie a yuo ta. Mɩ baanɩŋ ka sii ma nyuŋ nɛ. Ɛɛ nɛ ʋ jaŋ dieni magɛ ka dɩ ma leŋ disiniŋ ŋaanɩŋ?

ZEFANAAYA 3:1

Wɩaa puu Jerusalɛm, ʋ nyagɛ nɩaa bil nɛ, a vɩa dagɩŋ aŋ ŋaa wɩaa a kɛŋ disiniŋ.

Matiu 11:21

“Ma Kɔrazɩŋ tɩŋŋaa, ma jaŋ na hɛɛŋ. Bɛtɩsaada tɩŋŋaa, ma ma jaŋ na hɛɛŋ. Wʋmagɩla-la mɩ sɩ ŋaa ma teeŋ, dɩ mɩ nɛ fa ŋaaba Taaya arɩ Sɩdɔŋ nɩaa teeŋ, wɩa magɛ ŋ-la ba fa hɔnɔ tɛllɛ naasɩŋ a ŋaa tʋɔrʋŋ bʋgɛ ba tɩtɩa, a dɩdagɛ arɩ ba bɩrɩma lɩɩ ba wʋbɔŋŋɔɔ lɛ nɛ.

2 Kɔrɩntɩ Nɩaa 12:21

Mɩ bɔyɛ ka joŋ nɛ dɩ mɩ nɛ bɩra kɔ ma teeŋ, Wɩa jaŋ leŋ dɩ hɩɩsɩŋ kɛmmɛ ma wɩaa, dɩ mɩ yel a tɩŋ ma wʋbɔŋŋɔɔ wɩaa. Nɩaa yʋga a hɛ ma tʋɔŋ a ŋaa wʋbɔŋŋɔɔ, a ŋaa disiniŋ, a ŋaa wʋlɩɩlɩŋ, a gɔllɔ chɛ nɩaa haalaa, aŋ bɩrɩma lɩɩ ba lɛ.

2 Kɔrɩntɩ Nɩaa 7:1

Mɩ naambii-kpɩanaba, Wɩa sɩ folo bʋl dɩ ʋ jaŋ ŋaa wɩaa deemba kala pɩla, má leŋ dɩ la lɩɩsɛ la tɩtɩa disiŋ-na kala lɛ. Dɩ la nɛ bɩ disiŋ kala ŋaa, ŋɩɩ jaŋ dagɛ arɩ wʋtɩtɩɩ, la sɛnɛ ka fá Wɩa nɛ.

Jeems 4:4

Ma nagɛ haala bɩra sɩ bɩ ʋ bala niiŋ ka to nɛ. Ma bɩ jɩŋ arɩ nɩɩ-la kala sɩ joŋ ʋ nyuŋ kala hɛ dʋnɩa kɩaa lɛ ŋaa Wɩa dʋndɔŋ nɛɛ? Wʋtɩtɩɩ, nɩɩ-la kala sɩ joŋ ʋ nyuŋ hɛ dʋnɩa kɩaa lɛ bɩrɩmɛ Wɩa dʋndɔŋ nɛ.

Jɔɔŋ Wʋnaalaa 8:13

Ŋɩɩ nɛ mɩ beŋ a na kachuuŋ dɩ ʋʋ fil wɩa-nyuŋ dɩ-bolii, mɩ nɩɩ dɩ ʋ faasa yiyel, aa bʋl, “Wɩɩŋ puuma, wɩɩŋ puuma, wɩɩŋ puu ma nɩalɩŋ sɩ hɛ tinteeŋ lɛ, a tɩŋ Wɩa tɩndaarɩ-kaana-la batori sɩ jaŋ ŋmʋʋ nyilli-la wɩaa.”