26 Mɩ jaŋ polli ma gɛnnɩŋ ta, ka dɩ nɩaa na ma hɩɩsɩŋ,
Ma jaŋ kɛŋ yarɩ-biree a dii hɩɩsɩŋ. Mɩ jaŋ joŋ mɩ baanɩŋ fɩɩsɛ ma lɛ. Mɩ bɩ jaŋ leŋ ma kʋbala ma ta.”
Dɩ ma nɛ pɩɛsɛ ma tɩtɩa, “Bɛɛ nɛ tɩɩ wɩɩŋ deeŋ ŋaa la lɛ?” Ma wʋbɔŋŋɔɔ sɩ yʋga wɩaa nɛ tɩɩ ba kɩɛsɛ ma gɛnnɩŋ aŋ dɔgɩsɛma ŋɩɩ.
Ama mɩ-na jaŋ gbegisi Ɛsɔ, ka dɩ ʋ kɛŋ yarɩ-biree. Mɩ jaŋ suri lee-la ʋ sɩɩ faa, dɩ ʋ bɩra sɩ́ ʋ tɩtɩa wuo kaa faa. Ʋ biiriŋ, ʋ naambiiriŋ arɩ nɩalɩŋ sɩ jʋʋ kpɩkpagʋ kala jaŋ sʋʋ, dɩ ʋ doho kala dɛrɛ.
Jerusalɛm nɩaa ŋaa wʋbɔŋŋɔɔ kɩŋkɛŋ nɛ, ŋɩɩ leŋ ʋ kɛŋ disiniŋ. Nɩalɩŋ kala fa sɩɩ zilu mɩɩra kɛnʋ gbigbesi nɛ, bɛɛ wɩaa ba na ʋ bʋbʋɔŋ kala nɛ. Ʋ tɩtɩa hʋʋnɛ aŋ gʋrɛ nyuŋ.
Ŋɩɩ wɩaa, mɩ jaŋ kɛŋ ŋ hɩɩlaba-la kala sɩma ŋ sɩ nɩa kʋ hɛ dɔŋɔ, nɩalɩŋ ŋ sɩ cho arɩ nɩalɩŋ ŋ sɩ bɛrɛ. Mɩ jaŋ kɛmba kʋ golluŋ aŋ wuri ŋ gɛnnɩŋ ba sɩpaaŋ aŋ leŋ dɩ ba na ŋ yarɩ-biree.
Ba jaŋ joŋ nɩ-bɛrɛ wɩaa ŋaa ŋ lɛ a laa kʋŋ na-kala ŋ sɩ tɩma na. Ba jaŋ wuri ŋ gɛnnɩŋ ka dɩ ŋ kɛŋ yarɩ-biree dɩ hɩɩsɩŋ kɛnɩŋ a tɩŋ ŋ hachɔrʋŋ wɩalɩŋ wɩaa, dɩ nʋʋkala na. Ŋ wʋlɩɩlɩŋ arɩ hachɔrʋŋ wɩalɩŋ ŋ sɩ ŋaa nɛ
Mɩ jaŋ wuri ʋ gɛnnɩŋ kala ʋ hɩɩlaba-la kala sɩpaaŋ, ka nʋʋ tuo sɩ jaŋ laaʋ mɩ nɩsɩŋ lɛ.
Mɩ jaŋ chei ʋ girep nɛnɛɛ bagɩsɩŋ arɩ ʋ tutogusuŋ, kɩalɩŋ ʋ sɩ sɩ ʋ hɩɩlaba joŋo timu. Mɩ jaŋ leŋ dɩ ba lugo kɛŋ dɔŋɔ woruŋ a nagɛ tiiŋ, dɩ baga kɩaa joŋo dii.
Ŋɩɩ nɛ La TƖƖNA doluŋ kala Tɩɩna bʋl, “Mɩ chɩŋ ŋ lɛ nɛ. Mɩ jaŋ kɛŋ ŋ gondoŋ wuro tɔ ŋ sɩaa, aŋ leŋ dɩ tinteyee nɩaa na ŋ yarɩ-biree, dɩ ŋ hɩɩsɩŋ lɩɩ.
