JƐRƖMAAYA 13:14 - WƖA TENIŊ

¹⁴ Mɩ jaŋ paaba yagɛ a daŋ dɔŋɔ lɛ, nyɩmmaba arɩ biiriŋ kala. Mɩ-na ma TƖƖNA nɛ bʋla. Mɩ bɩ jaŋ lemba, mɩ bɩ jaŋ fá ba nenige koo ba nisusuŋ, mɩ jaŋ kpʋba.’ ”

JƐRƖMAAYA 13:14 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 20:23

Amɔŋ tɩŋŋaa arɩ Mʋab tɩŋŋaa mɩɩra gʋra yuo Ɛdɔm laalɩyuoroo a kpʋ ba kala. Ba sɩ kpʋ Ɛdɔm nɩalɩŋ dɛrɛ, ba ma tɩtɩa gʋra kpʋ dɔŋɔ.

JOB 27:22

Pel-la jaŋ tuu ʋ lɛ, ʋ bɩ jaŋ fá ʋ nenige, ka dɩ ʋ nɩnɛrɩgɛ dɩ ʋ fori pel-la doluŋ lɛ a fá.

WƖA YƖƖLAA 2:9

Ŋ jaŋ bemba arɩ hɔɔ-daaŋ, a kɛnʋ yɛrɛba a nagɛ ba sɩ yie ŋmoo pupoiŋ ʋ yɛrɛ ŋɩɩ muno muno.’ ”

AZAAYA 27:11

Dɩ tɩɩsɩ-la naakelee nɛ hɩla a boro tel, haalaa yie paa mʋ hɛ nyiniŋ nɛ. Nɩaa deemba bɩ wɩɩkala jɩŋ, ŋɩɩ nɛ tɩɩ Wɩa sɩ ŋaaba bɩ ba nenige fá ŋɩɩ a bɩ ba lɛ pɛ.

JƐRƖMAAYA 15:5

Jerusalɛm nɩaa, kʋbɛɛ nɛ jaŋ fá ma nenige? Kʋbɛɛ nɛ jaŋ bunsi ma wɩaa? Kʋbɛɛ nɛ jaŋ chɩna pɩɛsa na ma yarɩfɩɛlaa wɩaa?

JƐRƖMAAYA 15:6

Ma vɩamɛ nɛ. Mɩ-na ma TƖƖNA nɛ bʋla. Ma joŋ harɩŋ yɩyɩamɛ nɛ. Ŋɩɩ wɩaa mɩ jaŋ joŋ nɩsɩŋ daŋ ma lɛ a cheima. Mɩ bɩra bɩ jaŋ wuo fá ma nisusuŋ.

JƐRƖMAAYA 16:5

Wɩɩ-la La TƖƖNA bɩra sɩ bʋla nɛ ŋ-la: “Pʋpɔ ŋ sɩ́ dɩa kala lɛ ba sɩɩ ŋaa yoho kʋdiilee jʋʋ. Pʋpɔ ŋ sɩ́ yel koo a nyagɛ nɩalɩŋ sɩɩ yel bɔyɛ, bɛɛ wɩaa, mɩ leŋ ŋɩɩ mɩ fa sɩɩ pɛ ba lɛ nɛ. Mɩ fa sɩ choba ŋɩɩ a fɩfá ba nisusuŋ, ŋɩɩ bɩra tuo. Mɩ-na ma TƖƖNA nɛ bʋla.

JƐRƖMAAYA 21:7

La TƖƖNA sɩ, “Ŋɩɩ harɩŋ, mɩ jaŋ joŋ Juda kuoro Zedikaaya, ʋ tɩntɩnnɩ-hɩasɩŋ arɩ nɩalɩŋ sɩ hɛ tabalɩŋ deeŋ lɛ, nɩalɩŋ nyanyal-bɔŋ-la, laalɩŋ arɩ losuŋ sɩ bɩ kpʋa a hɛ Babɩlɔŋ kuoro Nebukadineza nɩsɩŋ lɛ, arɩ ba dʋndɔmɔ-la sɩɩ chɛ dɩ ba lɩɩsɛ ba mɩɩsɩŋ. Ʋ jaŋ kpʋba. Ʋ bɩ jaŋ fá ba nisusuŋ koo ba nenige, ʋ tʋɔŋ bɩ jaŋ wɩɩ ba lɛ.

JƐRƖMAAYA 25:16

Dɩ ba nɛ nyʋaʋ, ba jaŋ gɩgɛrɛ a mʋ nyaasɛ a tɩŋ laal-la mɩ sɩ jaŋ lɔgɔ hɛ ba lɛ wɩaa.”

JƐRƖMAAYA 47:3

dɩ ba nɛ nɩɩ janɩŋ naasɩŋ dɔmɔ, dɩ ba nɛ nɩɩ ba dʋndɔŋŋɔɔ laalɩŋ janɩŋ torukoba dɔmɔ, arɩ ba gɩrɩŋgɩrɩmba dɔmɔ. Nyɩmmaba bɩ jaŋ pɛ ba biiriŋ lɛ, ba nɩsaa jaŋ sʋʋ mɛrɛ ba sɛsɩŋ lɛ.

JƐRƖMAAYA 48:12

La TƖƖNA sɩ, “Ama tapʋlaa ka kɔ nɛ, mɩ jaŋ tɩŋ nɩaa dɩ ba kʋ bɩsɛ Mʋab ta a nagɛ girep nɛnɛɛ sɩnɩŋ. Ba jaŋ leŋ dɩ ʋ pupoyee wuoli a yɛrɛba.

JƐRƖMAAYA 6:21

Ŋɩɩ wɩaa, wɩɩ-la La TƖƖNA bɩra sɩ bʋla nɛ ŋ-la: “Mɩ jaŋ joŋ baŋkɛŋ wɩaa kɛrɛ nɩaa deemba. Bii-lʋllaa arɩ ba biiriŋ jaŋ gɛrɛba tel. Pɛ-jʋʋraa arɩ ba nandɔnsʋŋ ma jaŋ sʋʋ.”

JEMBIEE 2:21

Hambiisiŋ arɩ nɩhɩasɩŋ pɩna hɛ dɔŋɔ kʋŋkɔlʋŋ lɛ womporunuŋ nyuŋ. Dʋndɔŋŋɔɔ kpʋ mɩ bapʋɔsaa arɩ mɩ hatoloo bil nɛ. Tapʋlɩɩ-la ŋ sɩ na baanɩŋ nɛ ŋ kpʋba a bɩ ba nenige fá.

ƐZƖKƖƐL 24:14

Mɩ-na ma TƖƖNA nɛ bʋla. Bʋa-la yie nɛ dɩ mɩ ŋaa wɩaa. Mɩ bɩ jaŋ leŋ, mɩ bɩ jaŋ fá nʋʋ nenige, koo a kɛŋ mɩ tʋɔbɩɩnaa bɩrɩmɛ. Mɩ jaŋ dɔgʋsʋŋ a tɩŋ ŋɩɩ ŋ mɛlɛ arɩ ŋ wʋŋaalaa sɩ naga. Mɩ-na ma TƖƖNA Wɩɩjarɩbakɔ nɛ bʋla.”

ƐZƖKƖƐL 7:3

Lɛɛlɛ, ma cheyiŋ kɔ nɛ, mɩ jaŋ joŋ mɩ baanɩŋ a fɩɩsɛ ma lɛ. Mɩ jaŋ dii ma sarɩya a mʋ tɩgɛ ma wʋŋaalaa lɛ, a joŋ wʋkɩsɩa-la kala ma sɩ ŋaa chɩmɩŋ a tiŋ ma lɛ.

ƐZƖKƖƐL 7:4

Mɩ bɩ jaŋ fá ma nenige koo a lemma. Mɩ jaŋ dɔgɩsɛma a tiŋ ma wʋŋaalaa arɩ wʋkɩsɩa-la ma sɩ ŋaa chɩmɩŋ. Ŋɩɩ nɛ ma jaŋ jɩŋ arɩ mɩ nɛ ma TƖƖNA.”

ƐZƖKƖƐL 7:9

Mɩ bɩ jaŋ fá ma nenige koo a lemma. Mɩ jaŋ dɔgɩsɛma a tiŋ ma wʋŋaalaa arɩ wʋkɩsɩa-la ma sɩ ŋaa chɩmɩŋ. Ŋɩɩ nɛ ma jaŋ jɩŋ arɩ mɩ-na ma TƖƖNA nɛ dɔgɩsɛma.

ƐZƖKƖƐL 8:18

Ŋɩɩ wɩaa, mɩ jaŋ dagɛba arɩ baanɩŋ, mɩ bɩ jaŋ fá ba nenige koo a lemba. Ba jaŋ faasa suri ba yikoro a sʋsʋlmɛ, ama mɩ bɩ jaŋ jegili ba teeŋ.”

ƐZƖKƖƐL 9:10

Ŋɩɩ wɩaa, mɩ bɩ jaŋ kɔ dɩ mɩ fá ba nisusuŋ koo a lemba, ama mɩ jaŋ joŋ wɩalɩŋ ba sɩ ŋaa a tiŋ ba lɛ.”

ƐZƖKƖƐL 9:5

Ŋɩɩ nɛ mɩ nɩɩ dɩ ʋ bʋla pɩ nɩalɩŋ dɔnsʋŋ ma, “Má to ʋ harɩŋ a gɔllɛ tabal-la a kpʋ nʋʋkala sɩ bɩ magɩlɩŋ kɛnɛ. Má sɩ́ nʋʋkala nenige fá koo a leŋ nʋʋ.

HOSIA 2:4

Mɩ bɩ jaŋ dagɛ mɩ chonuŋ ʋ biiriŋ lɛ, bɛɛ wɩaa ba ŋaa mɛŋgaa biiriŋ nɛ.

ZƐKARƖYA 11:6

Mɩ ma bɩra bɩ jaŋ fá tintee-la nɩaa nenige, mɩ-na ma TƖƖNA nɛ bʋla. Mɩ jaŋ joŋ nʋʋkala hɛ ʋ dɔŋɔ tɩɩna arɩ ʋ kuoro nɩsɩŋ lɛ. Nɩaa deemba jaŋ chei tintee-la, ka mɩ bɩ jaŋ laa nɩalɩŋ ta ba nɩsɩŋ lɛ.”

Matiu 10:21

Naambiiriŋ jaŋ kɛŋ dɔŋɔ a kaa mʋ pa dɩ ba kpʋ. Nyɩmmaba ma jaŋ ŋaa ŋɩɩ ba biiriŋ lɛ. Biiriŋ ma jaŋ ŋaa ŋɩɩ a kɛsɛ ba nyɩmmaba arɩ ba naamba a kaa mʋ pa dɩ ba kpʋ.

Maak 13:12

Naambiiriŋ jaŋ kɛŋ dɔŋɔ kaa mʋ pa dɩ ba kpʋ. Nyɩmmaba ma jaŋ ŋaa ŋɩɩ ba biiriŋ lɛ. Biiriŋ ma jaŋ kɛsɛ ba nyɩmmaba arɩ ba naamba, a kaa mʋ pa dɩ ba kpʋ.

MOSIS BƖRA WULLI WƖA WOMBIIŊ 29:20

La TƖƖNA bɩ jaŋ joŋo chɛ nɩɩ-la, ʋ jaŋ faasa na baanɩŋ ʋ nyuŋ. Ŋmɩaŋ bɔmɔ-la kala ba sɩ ŋmʋnsa hɛ teniŋ deeŋ tʋɔŋ jaŋ diiu, dɩ La TƖƖNA leŋ dɩ ʋ yɩrɩŋ lɛl dʋnɩa lɛ.

1 SAMƲƐL 14:16

Sɔɔl laalɩyuoro-la sɩɩ pɔba Gɩbɩa sɩ hɛ Bɛnjamɩŋ tinteeŋ lɛ, beŋ a na dɩ Fɩlɩsɩtɩa nɩaa laalɩyuoroo wɩɩkala vʋgʋma, ba fá pɩsɛ leriŋ kala.