JƐRƖMAAYA 13:10 - WƖA TENIŊ

¹⁰ Nɩbɔŋŋɔɔ deemba sɩ vɩa dɩ ba jegile nɩɩ mɩ wɩaa, nɩalɩŋ sɩɩ to ba nyuduoŋ harɩŋ, a kire tuto vʋɩyaa harɩŋ a tɩma pɩpɩba a kpʋkpaarɛba jaŋ nagɛ tɩŋgɛnnɛ deeŋ. Ba jaŋ chei a chaasa ŋaa nɩpɛɩba.

JƐRƖMAAYA 13:10 ပူးပေါင်းရင်းမြစ်များ

WƖA YƖƖLAA 78:8

Dɩ ba sɩ́ ba naabalɩmaba-la sɩ kɛŋ nyuduoŋ a vɩa Wɩa niiŋ ŋɩɩ nagʋ. Ba ŋaa nɩa fa sɩ bɩ ba tʋɔŋ pʋlla pɩ Wɩa nɛ, a bɩ ʋ laa dii.

TƖƖCHA 11:9

Bapʋɔsɛ bie, leŋ dɩ ŋ tʋɔŋ tɔrɛ ŋ bapʋɔsʋŋ lɛ, nɩɩ sɩma ŋ hambiriŋ lɛ. Ŋaa wɩalɩŋ kala ŋ sɩɩ chɛ arɩ wɩɩ na-kala ŋ sɩ na, ama jɩŋ dɩ wɩaa deemba kala ŋ sɩɩ ŋaa lɛ Wɩa jaŋ diiŋ sarɩya.

AZAAYA 3:24

Bʋa kʋbala jaŋ yi, ba sɩɩ chɛ dɩ ba yaraa sʋɔra sɩŋ ŋɩɩ, ba jaŋ mɩɩra sʋsʋɔrɛ kʋpʋɔŋ. Ba sɩ cho dɩ baa vɔɔ gɛrɩpɛlɩɛɛ-bii-zɔŋŋɔɔ ŋɩɩ, ba jaŋ mɩɩra vʋvɔɔ ŋmɛsɩŋ. Ba sɩ cho dɩ ba nyu-pʋnaa mɩɛla ŋɩɩ, ba nyusoo jaŋ mɩɩra puori. Ba sɩ cho baa vɔɔ gɛrɩ-zɔŋŋɔɔ ŋɩɩ, gɛrɛ-kɔsʋmɔɔ nɛ ba jaŋ mɩɩra vʋvɔɔ. Ba zɔmʋŋ kala jaŋ lɛl ka dɩ ba yaraa kala ŋaa fʋfʋʋnʋŋ.

JƐRƖMAAYA 11:10

Ba mɩɩra ŋɩŋaa wʋbɔmɔ-la ba naabalɩmaba-la fa sɩ vɩa dɩ ba jegile nɩɩ mɩ niiŋ wɩaa aŋ ŋaa nɛ. Ba to vʋɩyaa nɛ a kpaarɛba. Juda arɩ Jerusalɛm nɩaa kala chei nii-la mɩ fa sɩ bile mɩ dɩ ba naabalɩmaba pɛgɛ nɛ.

JƐRƖMAAYA 11:18

La TƖƖNA nɛ joŋo dagɛmɛ ŋɩɩ ba sɩ pagɛ mɩ lɛ. Bʋa-la lɛ, ʋ dagɛmɛ wɩalɩŋ ba sɩɩ ŋaa nɛ.

JƐRƖMAAYA 13:7

Ŋɩɩ nɛ mɩ mʋ Pɛraf lee-la mɩ fa sɩ joŋ tɩŋgɛnnɛ-la faa, a lɩɩsɛ dɩ ʋ kala cheye ŋ bɩra bɩ jaŋ wuo kaa ŋaa wɩɩkala.

JƐRƖMAAYA 16:12

Ama ma nɛ paala ŋaa wʋbɔŋŋɔɔ a kɩɩ ma naabalɩmaba-la. Ma kʋŋkala kɛŋ nyuduoŋ nɛ a to ʋ tʋɔbɔmʋŋ harɩŋ, aŋ vɩa dɩ ʋ sɛɩ mɩ niiŋ.

JƐRƖMAAYA 16:4

“Nyanyal bɔŋŋɔɔ jaŋ kpʋba. Ba bɩ jaŋ hugiba koo a yel ba yoho. Ba jaŋ nagɛ nʋsʋrʋŋ a pɩŋ tinteeŋ. Ba jaŋ kpʋ dɔnsʋŋ laalɩŋ lɛ, dɩ losuŋ ma kɛŋ dɔnsʋŋ dɩ ba sʋʋ. Ba kʋsʋʋnʋŋ jaŋ bɩrɩmɛ zaaraa arɩ baga kɩaa kʋdiilee.”

JƐRƖMAAYA 20:4

Wɩɩ-la La TƖƖNA sɩ bʋla nɛ ŋ-la: ‘Mɩ jaŋ leŋ dɩ fawʋllʋŋ kɛnɩŋ dɩ ŋ ma leŋ dɩ fawʋllʋŋ kɛŋ ŋ nandɔnsʋŋ. Ŋ sɩɩŋ lɛ, ŋ nandɔnsʋ-la dʋndɔŋŋɔɔ jaŋ kpʋba. Mɩ jaŋ joŋ Juda nɩaa kala hɛ Babɩlɔŋ kuoro nɩsɩŋ lɛ. Ʋ jaŋ kpʋ dɔnsʋŋ a kɛŋ dɔnsʋŋ ma mʋ Babɩlɔŋ tinteeŋ.

JƐRƖMAAYA 22:21

Mɩ chagɩlɛma nɛ bʋa-la lɛ wɩaa fa sɩ vɛŋ woruŋ aa pɩma, ama ma sɩ, ‘La bɩ jaŋ jegile nɩɩ.’ Ŋɩɩ nɛ ma nagɛ ma hambiriŋ kala lɛ, ma bɩ mɩ niiŋ sɛyɛ.

JƐRƖMAAYA 23:17

Ba yie bʋla pɩpɩ nɩalɩŋ sɩ bɩ mɩ kaa tɩtɩŋ, ‘La TƖƖNA sɩ: Má jaŋ hɔŋ arɩ fɩɛlɩŋ.’ Ba yie bʋla pɩ nɩalɩŋ ma kala sɩɩ to ba nyuduoŋ harɩŋ, ‘Wʋbɔŋ kala bɩ jaŋ ŋaa ma lɛ.’

JƐRƖMAAYA 3:17

Bʋa-la lɛ ba jaŋ yɩrɛ Jerusalɛm La Tɩɩna kuoru kpasa. Ŋɩɩ nɛ tinteyee nɩaa kala jaŋ kɔ Jerusalɛm a zil mɩ-na ma TƖƖNA. Ba bɩra bɩ jaŋ tuto ba nyuduoŋ arɩ ba tʋɔbɔmʋŋ harɩŋ.

JƐRƖMAAYA 35:15

Mɩ tɩŋ mɩ wʋlaabʋllaa kala ma teeŋ nɛ bʋlɩa bʋlɩa. Ba bʋla pɩma, ‘Ma kʋŋkala maga ma bɩrɩma lɩɩ ma wʋbɔŋŋɔɔ lɛ nɛ, a bɩrɩmɛ ma wʋŋaalaa. Má sɩ́ vesiŋ to, dɩ ma nɛ ŋaa ŋɩɩ, ma jaŋ hɔŋ tintee-la mɩ sɩ joŋo pɩ ma dɩ ma naabalɩmaba lɛ.’ Ama ma bɩ jegile nɩɩ mɩ teeŋ koo a kaa tɩŋ.

JƐRƖMAAYA 44:16

“La bɩ jaŋ jegile nɩɩ tɩndaarɩ-la ŋ sɩ bʋla pɩla La TƖƖNA yɩrɩŋ lɛ.

JƐRƖMAAYA 44:5

Ama ba bɩ jegile nɩɩ, aŋ vɩa dɩ ba tomi. Ba bɩ bɩrɩma lɩɩ ba wʋbɔŋŋɔɔ lɛ koo a leŋ kʋsʋɔrʋsʋŋ nyɩga pɩ vesiŋ.

JƐRƖMAAYA 5:23

Ama nɩaa deemba kɛŋ nyuduoŋ nɛ, a bɩ dagɩŋ ka nɩɩ. Ba fa vɩamɛ nɛ a joŋ harɩŋ yɩamɛ.

JƐRƖMAAYA 7:13

La TƖƖNA bɩra sɩ, “Ma fa sɩɩ ŋaa wɩaa deemba kala, mɩ fa chagɩlɛma nɛ bʋlɩa bʋlɩa, ka ma bɩ nɩa. Mɩ fa yɩrɛma nɛ, ka ma vɩa dɩ ma sɛɩ.

JƐRƖMAAYA 7:6

dɩ ma nɛ bɩ nʋhʋɔraa, biisinsiŋ arɩ yo-haalaa ka wʋrʋgɛ, a bɩ nɩaa sɩ bɩ wɩɩ cheye maa kpʋ tinteeŋ deeŋ lɛ, a bɩ vesiŋ sɩ jaŋ ŋaama wʋbɔŋ harɩŋ ka to,

JƐRƖMAAYA 8:5

Bɛɛ nɛ saa tɩɩ nɩaa deemba vɩa dɩ ba mɩɩra kɔ mɩ teeŋ? Bɛɛ nɛ tɩɩ Jerusalɛm nɩaa yie mɩɩrɛ mɩ harɩŋ? Ba nyʋa mɛrɛ vʋɩyaa sɩɩ nyɩsɛba lɛ nɛ, aŋ vɩa dɩ ba mɩɩra kɔ mɩ teeŋ.

JƐRƖMAAYA 9:13

La TƖƖNA sɩ, “Ba sɩ vɩa wombii-la mɩ sɩ bile pɩba dɩ ba tuto wɩaa nɛ tɩɩ. Ba bɩ mɩ niiŋ sɛyɛ a bɩ mɩ wombii-la mɩ sɩ bile to.

JƐRƖMAAYA 9:14

Ama ba mɩɩra to ba nyuduoŋ harɩŋ nɛ. Ba fa to vene-la ba sɩɩ yɩrɛ Baal nɛ, arɩ ba nyɩmmaba fa sɩ dagɛba ŋɩɩ.

JƐRƖMAAYA 9:6

Jɛrɩmaaya, ŋ tagɩlɛ nɩ-nyɩsɛraa tʋɔŋ nɛ. Ba sɩɩ nyɩsɛ nɩaa ŋɩɩ, ba bɩ mɩ kaa tɩtɩŋ. Mɩ-na ma TƖƖNA nɛ bʋla.”

NAMBABA 14:11

La TƖƖNA pɩɛsɛ Mosis, “Ɛɛ nɛ nɩaa deemba chɛ dɩ ba vɩamɛ a diene magɛ? Bɛɛ nɛ tɩɩ nɩaa deemba bɩ mɩ laa dii arɩ mɩ sɩ ŋaa wʋkpuŋkperisiŋ arɩ wʋmagɩlaa magɛ ŋɩɩ ba tʋɔŋ?

Tɩntɩŋŋaa 7:51

Ŋɩɩ nɛ Sɩtɩɩvɩŋ bʋl, “Ma nyuŋ dolie kɩŋkɛŋ nɛ. Ma dɩgɩlaa ma kparɩmɛ. Ma tʋɔŋ ma dol arɩ nɩalɩŋ sɩ bɩ Wɩa jɩŋ. Ma ma yie vɩa ma to Wɩa Dɩŋ-zɔmʋŋ lɛ, arɩ ma naabalɩmaba fa sɩ ŋaa ŋɩɩ.

Hiburu TƖŊŊAA 12:25

Má jegile nɩɩ wɩalɩŋ Yesu sɩɩ bʋl. Má sɩ́ ba vɩa arɩ Iziral tɩŋŋaa sɩ vɩa wɩalɩŋ Mosis fa sɩ bʋla pɩba, Wɩa dɔgɩsɛba ŋɩɩ. Ŋɩɩ wɩaa, dɩ la nɛ vɩa wɩalɩŋ Yesu Kirisito sɩ bʋla, Wɩa jaŋ dɔgɩsɛla a kɩɩ ŋɩɩ ʋ sɩ dɔgɩsɛ Iziral tɩŋŋaa.