JƐRƖMAAYA 12:7 - WƖA TENIŊ

⁷ Mɩ jaŋ vɩa mɩ nɩaa Iziral tɩŋŋaa ta, Mɩ jaŋ vɩa mɩ nɩtɩɩlaa ta. Mɩ jaŋ joŋ mɩ nɩchooloo hɛ ba dʋndɔŋŋɔɔ nɩsɩŋ lɛ.

JƐRƖMAAYA 12:7 ပူးပေါင်းရင်းမြစ်များ

2 KUOROO 21:14

Mɩ jaŋ vɩa mɩ nɩaa nɩkaana-la ma sɩ bɩ sʋba, aŋ jomba hɛ ba dʋndɔŋŋɔɔ nɩsɩŋ lɛ. Ba dʋndɔŋŋɔɔ jaŋ yuo diiba a paa ba kɩaa kaa viiri,

WƖA YƖƖLAA 106:40

Ŋɩɩ wɩaa nɛ La Tɩɩna na baanɩŋ ʋ nɩaa nyuŋ, ʋ tʋɔŋ lɩɩ ʋ nɩtɩɩlaa.

WƖA YƖƖLAA 78:62

Ʋ leŋ ba kpʋ ʋ nɩaa laalɩŋ lɛ ʋ fa chaasa na baanɩŋ nɛ ʋ nɩtɩɩlaa nyuŋ.

AZAAYA 2:6

La TƖƖNA, ŋ vɩa ŋ nɩaa nɛ, Jekɔb doho nɩalɩŋ, bɛɛ wɩaa baa ŋaa vʋgʋrʋ wɩaa nɛ, wɩalɩŋ nɩalɩŋ sɩ hɛ wɩɩpɔsʋŋ dɩɩrɩŋ arɩ Fɩlɩsɩtɩa tɩŋŋaa sɩɩ ŋaa. Baa to nɩwogusuŋ naabarɩŋ wombiee nɛ.

JƐRƖMAAYA 11:15

Wombii bɛɛ nɛ nɩalɩŋ mɩ sɩ cho kɛŋ dɩ ba hɛ mɩ dɩɩ-balɩŋ lɛ a ŋɩŋaa wɩaa, ba sɩ gɔllɔ to ŋaa wʋbɔŋŋɔɔ a yʋga magɛ ŋ-la? Ba bɩɩna ba jaŋ giri wʋlɔrʋ-la ta dɩ ba nɛ hɛ niiriŋ aŋ kpʋ pʋsʋŋ a ŋɩŋaa Wɩɩsʋlʋŋ. Wɩaa deemba jaŋ wuo leŋ dɩ ba tʋɔŋ tɔrɛɛ?

JƐRƖMAAYA 14:19

Ŋ vɩa Juda nɩaa ta biri biri nɛɛ? Ŋ bɛrɛ Jerusalɛm nɩaa nɛɛ? Bɛɛ nɛ tɩɩ ŋ bolimi la ŋɩɩ kɩŋkɛŋ, dɩ ba sɩ́ wuo vaarɛla? La faa yɩɛlɛ dɩ la hɔŋ arɩ fɩɛlɩŋ nɛ, ama la bɩ ŋɩɩ na. Bʋa-la sɩ maga dɩ la duoro lɩɩ wɩaa lɛ, fawʋllʋŋ nɛ mɩɩra faasa kɛnla.

JƐRƖMAAYA 17:4

A tɩŋ ma tɩtɩa cheeriŋ wɩaa, dʋa-la mɩ sɩ joŋo pɩma jaŋ lɛl ma nɩsɩŋ lɛ. Mɩ jaŋ leŋ dɩ ma ŋaa ma dʋndɔŋŋɔɔ yosi, tintee-la ma sɩ bɩ jɩŋ lɛ. Ma leŋe mɩ baanɩŋ faasa sii ma nyuŋ nɛ, ʋ saa bɩ jaŋ fɩɛlɛ.”

JƐRƖMAAYA 22:5

Ama dɩ ma nɛ bɩ wɩaa deemba mɩ sɩ dagɛma ka to, mɩ-na ma TƖƖNA nɛ bʋla, mɩ ŋmɩɛsa, kuoru dɩa deeŋ jaŋ pɩŋ jikpeeŋ.’ ”

JƐRƖMAAYA 23:33

La TƖƖNA bʋla pɩ Jɛrɩmaaya, “Dɩ nɩaa deemba, koo mɩ wʋlaabʋllʋ koo nʋʋ sɩ kpʋ pʋsʋŋ pɩpɩmɛ nɛ pɩɛsɩŋ, ‘Wʋbɛɛ nɛ La TƖƖNA bʋl?’ Bʋla pɩba, ‘Ma ŋaa chʋga nɛ a pɩ ma TƖƖNA, ʋ jaŋ vɩama ta.’

JƐRƖMAAYA 23:39

Ŋɩɩ wɩaa, mɩ jaŋ sɛnɛ yʋ ma wɩaa aŋ kirima ta mɩ sɩpaaŋ, aŋ vɩa tabal-la ma mɩ sɩ joŋo pɩ ma dɩ ma naabalɩmaba a ta.

JƐRƖMAAYA 51:5

Mɩ-na ma TƖƖNA Wɩa, doluŋ kala Tɩɩna, bɩ Iziral tɩŋŋaa arɩ Juda nɩaa vɩa ta, arɩ ba sɩ ŋaa wʋbɔŋŋɔɔ mɩ-na ba Iziral tɩŋŋaa Wɩa sɩ bɩ disiniŋ kɛnɛ sɩpaaŋ, ba tinteeŋ kala lɛ.

JƐRƖMAAYA 7:14

Ŋɩɩ wɩaa, wɩɩ-la mɩ sɩ joŋo ŋaa Sɩlɔ lɛ, ʋ tɩtɩa nɛ mɩ jaŋ joŋo ŋaa dɩɩ-balɩŋ deeŋ mɩ yɩrɩŋ sɩ hɛ lɛ, mɩ-na Wɩa dɩɩ-bal-la ma sɩ joŋ ma yɩɛlaa hɛ, lee-la mɩ sɩ joŋo pɩ ma dɩ ma naabalɩmaba.

JƐRƖMAAYA 7:29

Jerusalɛm tɩmma, má kɛ ma nyu-pʋnaa a yuo ta, aŋ jɩl dundol kpʋlaa nyuŋ a ta jembiee a yiyel, bɛɛ wɩaa mɩ-na ma TƖƖNA baanɩŋ sii doho deeŋ nɩaa nyuŋ nɛ, mɩ vɩaba ta.

ƐZƖKƖƐL 24:21

Bʋla pɩ Iziral tɩŋŋaa, ‘Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩɩ chɛ dɩ mɩ chei mɩ dɩɩ-bal-la nɛ, dɩ-duo-la ma sɩ kɛnɛ a kɛŋ babii-ballɩŋ ma tʋɔŋ tɔrɛ ʋ nyuŋ ma chou woruŋ. Ma hambolibiisiŋ arɩ ma hantolibiisi-la ma sɩ leŋe ta Jerusalɛm lɛ, ba jaŋ kpʋba laalɩŋ lɛ.

HOSIA 11:1

LA TƖƖNA sɩ, “Iziral fa sɩ ŋaa bii-bie, mɩ chou nɛ, a yɩrʋ a kaa lɩɩ Ijipiti tinteeŋ lɛ.

HOSIA 9:15

La TƖƖNA sɩ, “Ba suomi ba nɩbɔŋ wɩaa kala Gɩlɩgal lɛ nɛ, nɩmɛ nɛ mɩ chɩna bɛrɛba. Wʋbɔmɔ-la ba sɩɩ ŋaa wɩaa, mɩ jaŋ kiriba ta mɩ tinteeŋ lɛ. Mɩ bɩra bɩ jaŋ choba, ba sɩpaalaaraa kala vɩa mɩ niiŋ nɛ.

JOWƐL 2:15

Má ŋmʋʋ banyile Zaayɔŋ lɛ, má leŋ dɩ ba vɔɔ nii-la sɩ zɔmɔ Wɩa teeŋ, má hilimi Wɩa yɩrɩŋ lɛ.

JOWƐL 3:2

Mɩ jaŋ kɛŋ tinteyee kala kʋ hɛ dɔŋɔ, a kɛmba kʋ tuu fuonaa-la ba sɩɩ yɩrɛ Jehosafat. (Ʋ bʋbʋɔŋ nɛ La TƖƖNA dii nɩaa sarɩya.) Nɩmɛ nɛ mɩ jaŋ diiba sarɩya, a mʋ tɩgɛ mɩ nɩaa Iziral tɩŋŋaa lɛ, nɩalɩŋ mɩ sɩ lɩɩsa, bɛɛ wɩaa ba ŋaa mɩ nɩaa pɩsa hɛ tinteyee lɛ nɛ a kɛŋ mɩ tinteeŋ kpaa.

Luuk 21:24

Ba jaŋ kpʋ dɔnsʋŋ arɩ tokobiee, aŋ kɛsɛ dɔnsʋŋ dɩ ba ma ŋaa yosuŋ tinteyee-dɔnsʋŋ lɛ, ka nɩalɩŋ sɩ bɩ Juu tɩŋŋaa ŋaa fɩrɩgɛ Jerusalɛm taŋ-la kala, see bʋa-la Wɩa sɩ daga yie.”

MOSIS BƖRA WULLI WƖA WOMBIIŊ 33:12

Bɛnjamɩŋ doho ma lɛ ŋ-la nɛ ʋ bʋl: “Nɩalɩŋ La TƖƖNA sɩ cho nɛ ŋ-la a leŋ ba hɔŋ sɔm. Ʋ hɛ ba teeŋ nɛ bʋa na-kala lɛ a pʋpɔba.”