JƐRƖMAAYA 12:14 - WƖA TENIŊ

¹⁴ Wɩɩ-la La TƖƖNA sɩ bʋla nɛ ŋ-la: “Nɩbɔmɔ-la sɩ jʋʋ kpɩkpagɛ mɩ nɩaa Iziral tɩŋŋaa, a kɛŋ dʋa-la mɩ sɩ joŋo pɩba kaa laa, mɩ jaŋ churi nɩbɔmɔ-la ba tinteeŋ lɛ a nagɛ mɩ sɩ churi Juda nɩaa ba tinteeŋ lɛ ŋɩɩ.

JƐRƖMAAYA 12:14 ပူးပေါင်းရင်းမြစ်များ

WƖA YƖƖLAA 105:15

Ʋ sɩ, “Má pʋpɔ má sɩ́ mɩ nɩaa mɩ sɩ lɩɩsa digu, a sɩ́ mɩ wʋlaabʋllaa ma wʋbɔŋ kala ŋaa.”

WƖA YƖƖLAA 106:47

Laala ta, La Tɩɩna Wɩa. Kɛnla lɩɩ tinteyee nɩaa tʋɔŋ a kʋ hɛ dɔŋɔ, dɩ la wuo lɔllʋŋ a dɛnnɛ ŋ yɩrɩ-balɩŋ sɩ bɩ disiniŋ kɛnɛ.

JƐRƖMAAYA 2:3

Iziral tɩmma, ma fa bɩ disiniŋ kɛnɛ mɩ-na ma TƖƖNA teeŋ. Ma nɛ mɩ laa sɩpaaŋ lɩɩsɛ, a nagɛ paara sɩ ŋaa ʋ kʋdii falaa. Mɩ fa joŋ cheeriŋ pɩ nɩalɩŋ kala sɩɩ dɔgɩsɛma nɛ a leŋ wʋlɔrʋŋ faasa jʋʋba. Mɩ-na ma TƖƖNA nɛ bʋla.”

JƐRƖMAAYA 25:9

mɩ jaŋ yɩrɛ nɩaa kala sɩ hɛ wɩɩpɔsʋŋ nagʋa arɩ mɩ tɩntɩnna Babɩlɔŋ kuoro Nebukadineza a hɛ dɔŋɔ, a kɛmba kʋ hɛ tinteeŋ deeŋ arɩ ʋ nɩaa arɩ tinteye-la kala sɩ gollu lɛ. Mɩ-na ma TƖƖNA nɛ bʋla. Mɩ jaŋ chei ba kala gbelem gbelem dɩ ba ŋaa mɔmɩa dɩ nɩaa sisieri ba lɛ, nɩaa jaŋ naba dɩ fawʋllʋŋ kɛmba dɩ ba hihirigi. Ba jaŋ pɩŋ jikpeeŋ a kaa mʋ wuu.

JƐRƖMAAYA 3:18

Bʋa-la lɛ Juda nɩaa jaŋ mʋ pɛ Iziral nɩaa lɛ. Ba kala jaŋ to dɔŋɔ a lɩɩ wɩɩpɔsʋŋ nagʋa tintee-la a kɔ tintee-la mɩ sɩ joŋo pɩ ma naabalɩmaba ʋ ŋaa ba kʋŋ.”

JƐRƖMAAYA 32:37

Mɩ jaŋ sɛnɛ kɛsɛba hɛ dɔŋɔ lɛ a kaa lɩɩ tinteye-la kala lɛ mɩ sɩ chaasa na baanɩŋ mɩ yaraa hosi mɩ kiriba hɛ lɛ. Mɩ jaŋ kɛmba mɩɩra kɔ leriŋ deeŋ dɩ ba hɔŋ sɔm.

JƐRƖMAAYA 48:1

Wɩalɩŋ sɩ mʋ tɩgɛ Mʋab lɛ nɛ ŋ-la: Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: “Wɩɩŋ puu Nebo, bɛɛ wɩaa ʋ jaŋ pɩŋ jikpeeŋ. Ba jaŋ yuo dii Kɩrɩatam, a yigi ʋ dɩ-duoruŋ lo, dɩ hɩɩsɩŋ dii ʋ nɩaa.

JƐRƖMAAYA 48:47

Ama tapʋlaa ka kɔ nɛ, mɩ jaŋ bɩra joŋ Mʋab tɩŋŋaa dʋa pɩba ba tinteeŋ lɛ. Mɩ-na ma TƖƖNA nɛ bʋla.” Wɩalɩŋ sɩ jaŋ puu Mʋab tɩŋŋaa dɩdɛrɩŋ nɛ ŋ-la.

JƐRƖMAAYA 49:1

Wɩalɩŋ sɩ mʋ tɩgɛ Amɔŋ tɩŋŋaa lɛ nɛ ŋ-la: Wɩɩ-la La TƖƖNA sɩ bʋla nɛ ŋ-la: “Iziral bɩ hambolibiisiŋ kɛnɛɛ? Ʋ bɩ nɩalɩŋ sɩ jaŋ dii ʋ dʋa kɛnɛɛ? Bɛɛ nɛ saa tɩɩ vene-la ba sɩɩ yɩrɛ Mɔlɛk laa Gad tinteeŋ? Bɛɛ nɛ tɩɩ ʋ nɩaa hɔŋ Gad tasɩŋ lɛ?

JƐRƖMAAYA 49:7

Wɩɩ-la La TƖƖNA doluŋ kala Tɩɩna sɩ bʋla a tɩgɛ Ɛdɔm lɛ nɛ ŋ-la: “Wʋjɩnnʋ kala bɩra tuo Tɛmaŋ lɛɛ? Wʋjɩnnʋ bɩra tuo a bʋl wɩaa chɩchagɩlɛ nɩaa? Ba wʋjɩmɩŋ dɛrɛ nɛɛ?

ƐZƖKƖƐL 28:25

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Dɩ mɩ nɛ kɛŋ Iziral tɩŋŋaa lɩɩ lere-la kala ba sɩ pɩsa hɛ a kaa kʋ hɛ dɔŋɔ, tinteye-la jaŋ jɩŋ arɩ mɩ bɩ disiniŋ kɛnɛ. Iziral tɩŋŋaa jaŋ hɔŋ ba tɩtɩa tinteeŋ lɛ, tintee-la mɩ fa sɩ joŋo pɩ mɩ tɩntɩnna Jekɔb.

ƐZƖKƖƐL 28:26

Ba jaŋ hɔŋ nɩmɛ, wɩɩkala bɩ baa walɩmɛ, a saa dɩɩsɩŋ a pɛrɛ girep tɩɩsɩŋ bagɩsɩŋ. Mɩ jaŋ dɔgɩsɛ nɩalɩŋ kala sɩ hɔnɔ kpagɛba a bene gʋʋnɛba. Iziral tɩŋŋaa jaŋ hɔŋ sɔm, ŋɩɩ nɛ ba jaŋ jɩŋ arɩ mɩ nɛ ba TƖƖNA.”

ƐZƖKƖƐL 36:24

Mɩ jaŋ kɛmma lɩɩ tintee-wogusuŋ kala tʋɔŋ, a kɛmma mɩɩra kɔ ma tɩtɩa tinteeŋ.

ƐZƖKƖƐL 36:5

Mɩ-na ma TƖƖNA Wɩɩjarɩbakɔ na baanɩŋ nɛ tinteye-la sɩ gollima arɩ Ɛdɔm tinteeŋ kala nyuŋ. Ba mɔŋ mɩ nɩaa nɛ a sieri ba lɛ, a laa mɩ tinteeŋ ma ʋ ŋaa ba kʋŋ a kɛŋ ʋ pʋsʋŋ dɩ-diilee ma kaa laa.

ƐZƖKƖƐL 37:21

Bʋla pɩba, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ jaŋ mʋ kɛsɛ mɩ nɩaa kala hɛ dɔŋɔ tinteye-la ba sɩ pɩsa hɛ lɛ, a kɛmba kaa mɩɩra kɔ ba tɩtɩa tinteeŋ.

HOSIA 1:11

Juda nɩaa arɩ Iziral tɩŋŋaa jaŋ bɩra kɛŋ nii-bala. Ba jaŋ lɩɩsɛ sɩpaa-laarɩ bala, ba jaŋ pʋŋa pɛ a dʋa ba tinteeŋ lɛ, dɩ ŋɩɩ ŋaa tapʋl-bal a pɩ Jɛzɩrɛl.”

ZƐKARƖYA 1:15

Ama mɩ baanɩŋ chaasa sisii tinteye-la sɩ hɔnɔ wɩɩkala bɩ baa walɩmɛ nyuŋ nɛ. Mɩ fa na baanɩŋ mʋa nɛ mɩ nɩaa nyuŋ, ka nɩalɩŋ mɩɩra leŋ ba hɛɛŋ yʋgɛ.’

ZƐKARƖYA 2:8

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la, “Ʋ sɩ zilmi harɩŋ lɛ nɛ, ʋ tɩmmɛ tinteye-la sɩ yuo paa ma kɩaa teeŋ. Nɩɩ-la kala sɩ digima, ʋ tʋʋ mɩ-na Wɩa sɩɩŋ lɛ nɛ ŋɩɩ.

MOSIS BƖRA WULLI WƖA WOMBIIŊ 28:63

La TƖƖNA tʋɔŋ sɩ tɔrɔ ʋ ŋaa ma pʋŋ a kɛŋ dʋa ŋɩɩ, ŋɩɩ tɩtɩa nɛ ʋ tʋɔŋ jaŋ tɔrɛ dɩ ʋ cheima. Ba jaŋ kirima tintee-la ma sɩɩ jʋʋ dɩ ma tɩɩ lɛ.

MOSIS BƖRA WULLI WƖA WOMBIIŊ 30:3

ma TƖƖNA Wɩa jaŋ fá ma nenige a lɩɩsɛma tinteye-la lɛ ʋ sɩ ŋmooma pɩsa hɛ a kɛmma kʋ hɛ dɔŋɔ aŋ leŋ dɩ ma bɩra dʋa.