JƐRƖMAAYA 12:13 - WƖA TENIŊ

¹³ Ba jaŋ duu mɛmpɛ aŋ kʋŋ sɔsʋŋ. Ba jaŋ lɔl woruŋ, ama ba bɩ jaŋ na kʋŋkala. Ba jaŋ dii hɩɩsɩŋ a mʋ tɩgɛ ba kʋpɛrɛɛ lɛ, bɛɛ wɩaa mɩ-na ma TƖƖNA faasa na baanɩŋ nɛ ba nyuŋ.”

JƐRƖMAAYA 12:13 ပူးပေါင်းရင်းမြစ်များ

WƖA YƖƖLAA 78:62

Ʋ leŋ ba kpʋ ʋ nɩaa laalɩŋ lɛ ʋ fa chaasa na baanɩŋ nɛ ʋ nɩtɩɩlaa nyuŋ.

AZAAYA 55:2

Bɛɛ nɛ tɩɩ ma chichei moribiee kɩalɩŋ sɩ tuo kʋdiilee lɛ, a lʋlɔl ma tɩtɩa kɩalɩŋ sɩ bɩ jaŋ vɔgɩma lɛ? Má jegile nɩɩ mɩ teeŋ woruŋ, ŋɩɩ nɛ ma jaŋ dii kʋdii-zɔŋŋɔɔ tɩtɩa a nɩɩ sɩma.

JƐRƖMAAYA 17:10

Mɩ-na ma TƖƖNA nɛ yie beŋ nɩa tʋɔŋ a magɩsʋ na wɩalɩŋ sɩ hɛ ʋ nyuŋ lɛ aŋ timu a mʋ tɩgɛ ʋ mɛlɛ, arɩ ʋ wʋŋaalaa sɩ nagɛ ŋɩɩ lɛ.”

JƐRƖMAAYA 4:26

Mɩ sɩ bene, tintee-la fa sɩ sɩma mɩɩra bɩrɩmɛ tintee-hɩlɩɩ nɛ. Ʋ tasɩŋ kala pɩŋ jikpeeniŋ nɛ, a tɩŋ la TƖƖNA sɩ na baanɩŋ kɩŋkɛŋ wɩaa.

JƐRƖMAAYA 9:5

Nandɔŋɔ yie nyɩsɛ ʋ nandɔŋɔ. Ba kʋŋkala bɩ wʋtɩtɩɩ ka bʋl. Ba niiree mal wʋnyɩɛrɩŋ nɛ. Baa lɔl ba tɩtɩa nɛ wʋbɔŋŋɔɔ ŋaanɩŋ lɛ.

HOSIA 8:7

Kɩalɩŋ ŋ sɩ duo ba nɛ ŋ jaŋ kʋma yʋgɛ, dɩ mɩɩŋ nɛ bɩ lʋla ʋ bɩ bɩɩ. Dɩ ʋ nɛ fa paala hɛ biee ma, nʋhʋɔraa nɛ jaŋ joŋo dii.

LEVI DOHO NƖAA 26:16

ŋ-la nɛ mɩ jaŋ ŋaama: Mɩ jaŋ leŋ dɩ wʋlɔrʋnʋŋ jʋʋma. Mɩ jaŋ joŋ nyanyalaa sɩ bɩ daalusuŋ kɛnɛ hɛ ma lɛ, arɩ yarɩ-lɩŋŋaa sɩ jaŋ leŋ dɩ ma nyʋlɩmɛ dɩ ma yaraa kala yʋɔlɛ ŋɩɩ dɩ ma mʋ sʋʋ. Ma jaŋ duu kɩaa aŋ bɩ jaŋ dii kɩalɩŋ, bɛɛ wɩaa ma dʋndɔŋŋɔɔ nɛ jaŋ diiba.

LEVI DOHO NƖAA 26:20

Ma jaŋ tɩŋ pɛɩ, ma baga kɩaa bɩ jaŋ wasɛ, ma tɩɩnɛnɛɛ ma bɩ jaŋ nɛŋ.

MƖKA 6:15

Ma jaŋ duu kɩaa aŋ bɩ jaŋ ŋaa kɩalɩŋ, ma jaŋ tugi nʋʋŋ aŋ bɩ nʋʋ-la jaŋ tɩsɛ. Ma jaŋ chagɛ girep nɛnɛɛ sɩnɩŋ aŋ bɩ jaŋ nyʋa,

HABAKU 2:13

La TƖƖNA doluŋ kala Tɩɩna nɛ fa leŋe nyiniŋ joŋ kɩalɩŋ nɩalɩŋ sɩ lɔlɔ na dii tinteyee nɩaa lɔlɔ tɩta.

HAGAƖ 1:6

Ma duu kɩaa a yʋgɛ nɛ, ama kɩalɩŋ ma sɩ kʋma bɩ wɩɩ maga. Ma yie dii kɩaa, ama ma bɩ vɔgɛ. Ma yie nyʋa kɩaa, ama ma bɩ vɔgɛ. Ma yie laalɛ gɛnnɩŋ, ama ba bɩ ma waarɩŋ ka tɔ. Ma yie laa time, ʋ dɛrɛ a nagɛ ma joŋo hɛ gɛrɩ-fehe sɩ luro lɛ nɛ.”

HAGAƖ 1:9

Ma faa yɩɛlɛ dɩ ma na ma baga kɩaa a yʋgɛ nɛ, aŋ mɩɩra na mʋa. Mʋa-la ma ma sɩ kaa kɔ dɩa, mɩ ŋmooba ta nɛ. Bɛɛ nɛ tɩɩ? Mɩ-na ma TƖƖNA doluŋ kala Tɩɩna nɛ pɩɛsa. Mɩ dɩɩ-bal-la sɩ pɩŋ jikpeeŋ, ka nʋʋkala fɩɛsɛ sɩɩŋ ʋ tɩtɩa dɩa wɩaa nɛ tɩɩ.

Rom Tɩŋŋaa 6:21

Wɩaa deemba ma fa sɩɩ ŋaa, nyʋʋrʋ bɛɛ nɛ ma na? Wɩalɩŋ mɩɩra ŋaa hɩɩsɩŋ kɛmma nɛ lɛɛlɛ. Ba dɩdɛrɩŋ nɛ saa ŋaa sʋʋŋ.

MOSIS BƖRA WULLI WƖA WOMBIIŊ 28:38

Ma jaŋ duu kɩaa a yʋgɛ ma bagɩsɩŋ lɛ, ama kɩalɩŋ ma sɩ jaŋ ŋaa bɩ jaŋ yʋgɛ, bɛɛ wɩaa hɔbɔ jaŋ diiba.