JƐRƖMAAYA 12:12 - WƖA TENIŊ

¹² Laalɩyuoro-la sɩɩ chei leriŋ jaŋ kʋ waala tɔ dundollu-la kala sɩ hɛ tintee-hɩlɩŋ lɛ, mɩ-na ma TƖƖNA tokobiiŋ jaŋ chɩŋ tintee-la sɛmɛ dɔŋɔ, a kpʋ nɩaa deeŋ deeŋ a mʋ yi sɛmɛ dɔŋɔ. Nʋʋkala bɩ jaŋ wiesi.

JƐRƖMAAYA 12:12 ပူးပေါင်းရင်းမြစ်များ

AZAAYA 34:6

La TƖƖNA tokobiiŋ kala tɔ chalɩŋ arɩ nʋʋŋ nɛ a nagɛ ba sɩ kpʋ pie-pɔrɔɔ arɩ bʋʋnaa a ŋaa Wɩɩsʋlʋŋ. La TƖƖNA kpʋ Wɩɩsʋlʋŋ pʋsʋŋ nɛ woruŋ tabal-la ba sɩɩ yɩrɛ Bozira, Ɛdɔm tinteeŋ lɛ.

AZAAYA 57:21

Wɩa bɩra sɩ, “Nɩbɔŋŋɔɔ bɩ jaŋ na wiese mʋapɩlɩɩ ma.”

JƐRƖMAAYA 15:2

Dɩ ba nɛ pɩɛsɩŋ, ‘Nɩɩ nɛ la jaŋ mʋ?’ bʋla pɩba, Wɩɩ-la mɩ-na ma TƖƖNA sɩ bʋla nɛ ŋ-la: ‘Nɩalɩŋ nyanyal bɔŋŋɔɔ sɩ jaŋ kpʋ, ba jaŋ kpʋ. Nɩalɩŋ sɩ jaŋ sʋʋ laalɩŋ lɛ, ba jaŋ sʋʋ. Nɩalɩŋ losuŋ sɩ jaŋ kɛŋ dɩ ba sʋʋ, ba jaŋ sʋʋ. Nɩalɩŋ ma ba sɩ jaŋ kɛsɛ mʋ yoŋ-baga, ba jaŋ kɛsɛ mʋ.’

JƐRƖMAAYA 16:5

Wɩɩ-la La TƖƖNA bɩra sɩ bʋla nɛ ŋ-la: “Pʋpɔ ŋ sɩ́ dɩa kala lɛ ba sɩɩ ŋaa yoho kʋdiilee jʋʋ. Pʋpɔ ŋ sɩ́ yel koo a nyagɛ nɩalɩŋ sɩɩ yel bɔyɛ, bɛɛ wɩaa, mɩ leŋ ŋɩɩ mɩ fa sɩɩ pɛ ba lɛ nɛ. Mɩ fa sɩ choba ŋɩɩ a fɩfá ba nisusuŋ, ŋɩɩ bɩra tuo. Mɩ-na ma TƖƖNA nɛ bʋla.

JƐRƖMAAYA 25:11

Tintee-la kala jaŋ pɩŋ jikpeeŋ a ŋaa hoi. Ma dɩ tinteye-la nɩaa jaŋ tɩma pɩ Babɩlɔŋ kuoro jɩsɩŋ mahɩŋ batori arɩ fii.

JƐRƖMAAYA 3:2

Má beŋ dundol kpʋlaa nyuŋ na, lee hɛ nɩmɛ ma sɩ bɩ wʋchɔrʋmɔɔ ŋaa? Ma yie hɔŋ wombiiŋ sɛmɛ nɛ a gbɩgbɛrɛ ma hɩɩlaba. Ma nagɛ nɩaa sɩ gɔllɔɔ baarɛ tintee-hɩlɩŋ lɛ nɛ. Ma ŋaa wʋchɔrʋmɔɔ arɩ tʋɔhɛɩ wɩaa a leŋ tintee-la kɛŋ disiniŋ nɛ.

JƐRƖMAAYA 3:21

Nɩaa nɩɩ yel dundol kpʋlaa nyuŋ, Iziral tɩŋŋaa nɩɩ yel ŋɩɩ aŋ sʋsʋl dɩ mɩ joŋo chɛba, bɛɛ wɩaa ba yʋ mɩ-na ba TƖƖNA Wɩa wɩaa nɛ a vɩa mɩ wombiiŋ.

JƐRƖMAAYA 30:5

“Mɩ nɩɩ nɩaa sɩɩ yel fawʋllʋ yele nɛ, yele-la chaasa kɛŋ fawʋllʋŋ nɛ, ba fɩɛla dee.

JƐRƖMAAYA 34:17

Ŋɩɩ wɩaa, wɩɩ-la mɩ-na ma TƖƖNA sɩ bʋla nɛ ŋ-la: Ma bɩ mɩ niiŋ to, ma bɩ ma dɔnsʋŋ tɩŋŋaa sɩ ŋaa ma yosuŋ joŋo ta. Ŋɩɩ wɩaa mɩ-na jaŋ jomma ta: Mɩ jaŋ leŋ dɩ laalɩŋ, losuŋ arɩ nyanyal-bɔmʋŋ kpʋma. Mɩ jaŋ leŋ dɩ ma nagɛ kʋŋ sɩɩ sʋɔrʋ kuori-gentisiŋ kala sɩ hɛ dʋnɩa lɛ teeŋ.

JƐRƖMAAYA 4:27

Wɩɩ-la mɩ-na ma TƖƖNA sɩ bʋla nɛ ŋ-la: “Tintee-la kala jaŋ pɩŋ jikpeeŋ, ama, mɩ ta bɩ jaŋ chei ʋ kala gbelem gbelem.

JƐRƖMAAYA 46:10

Ama tapʋlɩɩ-la ŋaa mɩ-na ma TƖƖNA doluŋ kala Tɩɩna kʋa nɛ, tapʋlɩɩ-la mɩ sɩ jaŋ joŋ mɩ baanɩŋ tiŋ mɩ dʋndɔŋŋɔɔ lɛ. Mɩ tokobiiŋ jaŋ dii nɩaa ŋɩɩ a vɔgɛ, a nyʋa ba chalɩŋ ma ŋɩɩ a vɔgɛ. Mɩ-na ma TƖƖNA doluŋ kala Tɩɩna jaŋ kpʋ mɩ dʋndɔŋŋɔɔ wɩɩpɔsʋŋ nagʋa dɩɩrɩŋ tintee-la lɛ a kpagɛ Yufireti fuo-la.

JƐRƖMAAYA 47:6

Ma yie yel a bʋl, ‘La TƖƖNA tokobiiŋ, ɛɛ nɛ ŋ chɛ ŋ kerila a diene magɛ?’ Mɩɩra jʋʋ ŋ pɛɛŋ, a pɩŋ sɔm.

JƐRƖMAAYA 48:2

Nɩaa bɩra bɩ jaŋ bɛsɛ Mʋab lɛ. Hɛsɩbɔŋ lɛ, nɩaa jaŋ chɛ ŋɩɩ ba sɩ jaŋ ŋaa dɩ ʋ tel a bʋl: ‘Má kɔ dɩ la dɛrɛ tinteeŋ deeŋ.’ Taŋ-la ba sɩɩ yɩrɛ Madɩmɛŋ ma jaŋ ŋaa chɩm. Laalɩŋ jaŋ kire to ʋ harɩŋ.

JƐRƖMAAYA 8:15

La faa yɩɛlʋ arɩ la jaŋ hɔŋ arɩ fɩɛlɩŋ nɛ, ama la bɩ ŋɩɩ na. Bʋa-la sɩ maga dɩ la duoro lɩɩ wɩaa lɛ, fawʋllʋŋ mɩɩra jʋʋla yʋgɛ nɛ.

JEMBIEE 3:17

Ʋ pɔ mɩ sɩ́ fɩɛlɩŋ na nɛ, mɩ yʋ sɩma wɩaa.

ƐZƖKƖƐL 14:17

Koo dɩ laalɩyuoroo nɛ mɩ kaa kʋ jʋʋ tintee-la aŋ bʋl, ‘Má gɔllɛ tintee-la kala, a kpʋ ʋ nɩaa arɩ ba pʋsʋŋ kala,’

ƐZƖKƖƐL 21:28

Nuhuobiiŋ, bʋl wɩaa mɩ doluŋ lɛ, wɩɩ-la mɩ-na ma TƖƖNA Wɩɩjarɩbakɔ sɩ bʋla a tɩgɛ Amɔŋ tɩmma-la sɩɩ tʋʋsɛ Iziral joŋoo lɛ nɛ ŋ-la: ‘Tokobiiŋ, tokobiiŋ nɛ ba lɩɩsɛ dɩ ba kaa kpʋ nɩaa. Ba chɛsʋ nɛ ʋ tʋtʋl a lɩlɩgɩsɛ a nagɛ duonuŋ sɩɩ lɩgɩsʋ.

ƐZƖKƖƐL 21:4

Mɩ jaŋ kɛŋ mɩ tokobii-la kpʋ ŋ nɩalɩŋ a chɩŋ wɩɩpɔsʋŋ nadiiŋ a kaa mʋ wɩɩpɔsʋŋ nagʋa.

ƐZƖKƖƐL 21:8

La TƖƖNA bɩra bʋl wɩaa pɩmɛ, ʋ sɩ:

ƐZƖKƖƐL 21:9

“Nuhuobiiŋ, bʋl wɩaa mɩ doluŋ lɛ a pɩ Iziral tɩŋŋaa, wɩɩ-la mɩ-na ma TƖƖNA sɩ bʋla nɛ ŋ-la: ‘Tokobiiŋ, tokobiiŋ nɛ ba taa a chɛsɛ ʋ tʋtʋl.

ƐZƖKƖƐL 5:2

Dɩ tapʋlɩa-la ŋ sɩ golli tabal-la a yuyuo nɛ kʋ dɛrɛ, joŋ pʋna-la sɛmɛ dɔŋɔ nyɩgɛ tabal-la tʋɔŋ. Joŋ pʋna-la sɛmɛ dɔŋɔ ma a kɛŋ tokobii-la ta kikeri aŋ gugolli tabal-la. Joŋ sɛmɛ dɔŋɔ ma yuo dɩ peliŋ kaa jaasɛ. Mɩ jaŋ leŋ dɩ laalɩŋ kire to ba harɩŋ.

LEVI DOHO NƖAA 26:33

Mɩ jaŋ leŋ dɩ laalɩŋ kirima dɩ ma fá a pɩsa jʋʋ tintee-wogusuŋ, ka ma tinteeŋ arɩ ma tasɩŋ pɩŋ jikpeeŋ.

AMƆS 9:4

Dɩ ba dʋndɔŋŋɔɔ nɛ yuo kɛsɛba kaa mʋ yoŋ-baga ma, mɩ jaŋ leŋ dɩ ba kpʋba nɩmɛ. Mɩ jaŋ joŋ mɩ sɩaa pɛsɛ ba lɛ a ŋaaba wʋbɔŋ, wʋzɔŋ dee.”

ZEFANAAYA 2:12

La TƖƖNA sɩ, “Ma Kus tɩŋŋaa ma, mɩ jaŋ leŋ dɩ ba kpʋma laalɩŋ lɛ.”

MOSIS BƖRA WULLI WƖA WOMBIIŊ 32:42

Mɩ to-hɛŋŋɛɛ jaŋ jʋʋba dɩ ba chalɩŋ jaasɛ, mɩ jaŋ kɛŋ tokobiiŋ a kpʋ nɩalɩŋ kala, nɩalɩŋ sɩ pɩra arɩ nɩalɩŋ ba sɩ yuo kɛsɛ arɩ ba sɩpaalaaraa kala.”

Jɔɔŋ Wʋnaalaa 6:4

Ŋɩɩ nɛ mɩ bee a na jaaba dɔŋɔ dɩ ʋ kʋ lɩɩ. Jɔɔ-la ŋaa ja-fɩaŋ nɛ a faasa fɩɛsɛ, ka nʋʋ hɔŋ ʋ nyuŋ. Ŋɩɩ nɛ ba pɩ tɩɩna wombiiŋ dɩ ʋ kɛŋ yuosuŋ kaa kɔ dʋnɩa, dɩ nɩaa yuyuo dɔŋɔ a kpʋkpʋ dɔŋɔ. Ba joŋ tokobii-bal nɛ a hɛ ʋ nɩsɩŋ lɛ.