JƐRƖMAAYA 12:11 - WƖA TENIŊ

¹¹ Ba jaŋ ŋaa dɩ ʋ lɩɩ, a hɩla pɩŋ hoi mɩ sɩpaaŋ. Tintee-la kala jaŋ pɩŋ kʋŋkʋlʋŋ bɛɛ wɩaa nʋʋkala tuo dɩ ʋ beŋ ʋ nyuŋ.

JƐRƖMAAYA 12:11 ပူးပေါင်းရင်းမြစ်များ

TƖƖCHA 7:2

Nʋʋ sɩ mʋ lee-la ba sɩɩ yel nɛ kpɩa nʋʋ sɩ mʋ lee-la ba sɩ dii kɩaa a gbigbieli, bɛɛ wɩaa sʋʋŋ ŋaa nuhuobiiŋ kala kʋŋ nɛ. Nʋʋkala sɩ weye maga dɩ ʋ jɩŋ ŋɩɩ lɛ.

AZAAYA 42:25

Ŋɩɩ nɛ ʋ na baanɩŋ woruŋ ba nyuŋ, laalɩŋ jʋʋba. Ʋ baaŋ-la nagɛ nyiniŋ nɛ a joŋ Iziral tɩŋŋaa kala dii, ka ba ha bɩ wɩɩ-la bʋbʋɔŋ jɩŋ. Nyiŋ-la diiba ŋɩɩ ma nɛ, ka ba ha vɩa dɩ ba joŋ wɩɩ-la a hɛ ba nyuŋ lɛ.

AZAAYA 57:1

Tʋɔpʋl tɩɩna yie sʋʋ, ka nʋʋkala sɩpaaŋ tuo, ba bɩ jɩŋ wɩɩ-la sɩ tɩɩ ʋ sʋʋ. Ama tʋɔpʋl tɩɩna yie sʋʋ a fori wʋbɔŋŋɔɔ nɩsɩŋ lɛ nɛ.

JƐRƖMAAYA 10:22

Má jegile nɩɩ goŋ-la ba sɩ ŋaa kʋkɔ. Yuo-bal nɛ sii wɩɩpɔsʋŋ nagʋa tinteeŋ a kʋkɔ. Ʋ jaŋ ŋaa dɩ Juda tinteeŋ tasɩŋ pɩŋ hoi, a bɩrɩmɛ jolluŋ dɩjʋʋlʋŋ.

JƐRƖMAAYA 10:25

Na baanɩŋ tinteye-la nɩaa sɩ bɩŋ jɩŋ nyuŋ, nɩalɩŋ sɩ bɩ ŋ yɩrɩŋ ka yɩrɛ. Ba kpʋ Iziral nɩaa nɛ. Ba kpʋ ba kala nɛ gbelem gbelem, aŋ chei ba tinteeŋ kala.

JƐRƖMAAYA 14:2

“Juda tinteeŋ nɩaa ka yel nɛ, ʋ tabalaa nɩaa ma bɩbal nɩsɩŋ. Baa yel tintee-la wɩaa nɛ, a yele lɩlɩɩ Jerusalɛm lɛ.

JƐRƖMAAYA 19:8

Mɩ jaŋ chei tabalɩŋ deeŋ dɩ ʋ ŋaa kʋŋ nɩaa sɩ jaŋ mʋmɔŋ. Ʋ wɩaa jaŋ kperi nɩalɩŋ kala sɩ to nɩmɛ bɩbal, dɩ ba sisieri ʋ lɛ a tɩŋ ŋɩɩ ba sɩ cheyu.

JƐRƖMAAYA 23:10

Tintee-la kala nɛ suo arɩ hachɔrʋmɔɔ, bɛɛ wɩaa ŋmɩaŋ dii nɩalɩŋ nɛ, tintee-la kala hɩl. Yaŋ-la sɩ hɛ tintee-hɩlɩŋ lɛ kala nɛ hɩla. Wɩa wʋlaabʋlla-la ka to nɩbɔŋ wombiee nɛ, a dɩdagɛ ba doluŋ ŋɩɩ sɩ bɩ maga.

JƐRƖMAAYA 25:11

Tintee-la kala jaŋ pɩŋ jikpeeŋ a ŋaa hoi. Ma dɩ tinteye-la nɩaa jaŋ tɩma pɩ Babɩlɔŋ kuoro jɩsɩŋ mahɩŋ batori arɩ fii.

JƐRƖMAAYA 4:20

Wʋlɔrʋnʋ-la lɩa aŋ ka pɩpɩ dɔŋɔ nɛ. Tintee-la kala pɩŋ jikpeeniŋ nɛ. Ba guu chei mɩ lɛŋŋɛɛ nɛ, a kɩɛsɛ ba patɩɩsamba kala muno muno.

JƐRƖMAAYA 4:27

Wɩɩ-la mɩ-na ma TƖƖNA sɩ bʋla nɛ ŋ-la: “Tintee-la kala jaŋ pɩŋ jikpeeŋ, ama, mɩ ta bɩ jaŋ chei ʋ kala gbelem gbelem.

JƐRƖMAAYA 4:28

Dʋnɩa nɩaa jaŋ yel, dɩ wɩa-nyuŋ ma biri lim, bɛɛ wɩaa, wɩɩ-la mɩ sɩ bʋla, mɩ bɩ jaŋ kɛŋ mɩ tʋɔbɩɩnaa bɩrɩmɛ. Mɩ kɛŋ tʋɔŋ dɩ mɩ ŋaa nɛ, mɩ bɩ jaŋ mɩɩrɛ harɩŋ.”

JƐRƖMAAYA 6:8

Jerusalɛm tɩmma, má jegile nɩɩ ŋɩɩ mɩ sɩɩ chagɩlɛma, dɩ ŋɩɩ dee, mɩ jaŋ lɩɩ ma harɩŋ, a leŋ dɩ ma tinteeŋ pɩŋ hoi dɩ nʋʋkala sɩ́ wuo hɔŋ nɩmɛ.”

JƐRƖMAAYA 9:10

Ŋɩɩ nɛ mɩ bʋl, “Mɩ jaŋ yele pɩ peelee aŋ ta jembiiŋ tɩgɛ ba pʋsʋŋ dɩ-diilee lɛ. Ba pɩna nɛ hoi, nʋʋkala bɩ nɩmɛ ka vɛŋ, ŋ bɩra bɩ nɛsɩŋ yele ka nɩɩ nɩmɛ. Diibiisiŋ kala file lɛl nɛ, bagɩlaa ma fá viiri.”

JƐRƖMAAYA 9:11

La TƖƖNA sɩ, “Mɩ jaŋ leŋ dɩ Jerusalɛm pɩŋ jikpeeŋ, a ŋaa jolluŋ dɩjʋʋlʋŋ. Mɩ jaŋ leŋ dɩ Juda tasɩŋ pɩŋ hoi, dɩ nʋʋkala sɩ́ wuo hɔŋ lee-la.”

JƐRƖMAAYA 9:9

Bɛɛ nɛ tɩɩ mɩ bɩ jaŋ dɔgɩsɛba a tɩŋ wɩɩŋ deeŋ wɩaa?” Mɩ-na ma TƖƖNA nɛ bʋla. “Bɛɛ nɛ jaŋ tɩɩ mɩ bɩ jaŋ joŋ mɩ baanɩŋ tiŋ tintee doho deeŋ lɛ?”

JOWƐL 1:10

Bagɩsɩŋ kala cheye nɛ, tinteeŋ kala hɩl. Mɩaa kala nɛ cheye, girep nɛnɛɛ sɩ-falɩŋ ma dɛrɛ, nʋʋŋ ma lɛl.

LEVI DOHO NƖAA 26:32

Mɩ jaŋ leŋ dɩ ma tinteeŋ pɩŋ jikpeeŋ dɩ ʋ ŋaa wʋkpuŋkpere a pɩ ma dʋndɔmɔ-la sɩ hɛ lee-la.

ZƐKARƖYA 7:5

“Pɩɛsɛ tintee-la nɩaa arɩ Wɩɩsʋllɩ sɩpaalaaraa kala: Ma sɩ vɔɔ niiŋ a yel chɛŋ-nɔŋ arɩ chɛŋ-pɛɩ tʋɔŋ jɩsɩŋ mahɩŋ batori arɩ fii-la kala sɩ bala lɛ, mɩ wɩaa nɛ ma sɛnɛ vɔɔ nii-la?

MALAKAƖ 2:2

Dɩ ma nɛ bɩ jegile nɩɩ, a bɩ ma tʋɔŋ kɛnɛ dɩ ma zilmi, mɩ jaŋ joŋ ŋmɩaŋ hɛ ma lɛ a kɛŋ wʋzɔmɔ-la mɩ fa sɩ ŋaa pɩma kaa bɩrɩmɛ ŋmɩaŋ, dɩ ʋ dii ma kala. Wʋtɩtɩɩ, mɩ paala daŋa ŋmɩɛsa hɛ ma lɛ nɛ, bɛɛ wɩaa ma bɩ ma tʋɔŋ kɛnɛ dɩ ma zilmi.

Rom Tɩŋŋaa 8:22

La jɩma arɩ dʋnɩa kɩaa kala haa huuni nɛ, arɩ haala sɩɩ chɛ dɩ ʋ lʋl aa huuni ŋɩɩ.