JƐRƖMAAYA 12:10 - WƖA TENIŊ

¹⁰ Sɩpaalaaraa yʋga a jaŋ chei mɩ girep tɩɩsɩŋ baga a nʋɔsɛ mɩ tinteeŋ kpal. Ba jaŋ ŋaa dɩ mɩ tintee-la sɩ sɩma mɩɩra bɩrɩmɛ kʋŋkʋlʋŋ a pɩŋ hoi.

JƐRƖMAAYA 12:10 ပူးပေါင်းရင်းမြစ်များ

AZAAYA 3:14

La TƖƖNA jaŋ dii ʋ nɩaa nɩhɩasɩŋ arɩ ba sɩpaalaaraa sarɩya. Ʋ sɩ, “Ma dii mɩ tinteeŋ kala kpʋ nɛ, a gɩrɩma laa summoo kɩaa a kaa mʋ su ma dɩɩsɩŋ.”

AZAAYA 43:28

Ŋɩɩ wɩaa, mɩ jaŋ leŋ dɩ ma Wɩɩchʋɔlɛ dɩa nɩhɩasɩŋ dii hɩɩsɩŋ. Mɩ jaŋ chei Iziral kala aŋ leŋ dɩ nɩaa tʋʋsɛ ʋ joŋŋoo.”

AZAAYA 63:18

La-na ŋ nɩaa nɛ tɩɩ ŋ dɩɩ-zɔŋ-la, ama la bɩ diene ka la dʋndɔŋŋɔɔ kʋ ŋmoo ʋ kala lo.

JƐRƖMAAYA 23:1

La TƖƖNA sɩ, “Wɩɩŋ puu sɩpaalaara-la sɩɩ chei mɩ nɩaa, a ŋaa ba pɩpɩsɛ.

JƐRƖMAAYA 25:37

Tintee-la sɩ fɩɛla pɩŋ sɔm kala jaŋ chei, a tɩŋ La TƖƖNA sɩ faasa na baanɩŋ wɩaa.

JƐRƖMAAYA 25:38

La Tɩɩna jaŋ sii a nagɛ naachigiŋ sɩ sii ʋ dɩpɩnɩŋ, a leŋ dɩ ba tinteeŋ pɩŋ hoi a tɩŋ laal-la sɩ jʋʋba arɩ La TƖƖNA sɩ faasa na baanɩŋ a dɔgɩsɛba wɩaa.

JƐRƖMAAYA 25:9

mɩ jaŋ yɩrɛ nɩaa kala sɩ hɛ wɩɩpɔsʋŋ nagʋa arɩ mɩ tɩntɩnna Babɩlɔŋ kuoro Nebukadineza a hɛ dɔŋɔ, a kɛmba kʋ hɛ tinteeŋ deeŋ arɩ ʋ nɩaa arɩ tinteye-la kala sɩ gollu lɛ. Mɩ-na ma TƖƖNA nɛ bʋla. Mɩ jaŋ chei ba kala gbelem gbelem dɩ ba ŋaa mɔmɩa dɩ nɩaa sisieri ba lɛ, nɩaa jaŋ naba dɩ fawʋllʋŋ kɛmba dɩ ba hihirigi. Ba jaŋ pɩŋ jikpeeŋ a kaa mʋ wuu.

JƐRƖMAAYA 3:19

Mɩ-na tɩtɩa nɛ fa sɩ, “Mɩ tʋɔŋ fa jaŋ tɔrɛ dɩ mɩ kɛmma a nagɛ mɩ biiriŋ, a joŋ tinteeŋ sɩ zɔmɔ woruŋ a pɩma. Tintee-la nɛ zɔmɔ kɩɩ tintee kala dʋnɩa lɛ. Mɩ fa bɩɩna ma jaŋ kɛmmɛ yɩrɛ ‘Ma Nyɩmma’, aŋ bɩra bɩ jaŋ mɩɩrɛ mɩ harɩŋ.

JƐRƖMAAYA 39:3

Ŋɩɩ nɛ Babɩlɔŋ kuoro tɩntɩnnɩ-hɩasɩ-la hɔŋ tʋtʋɔbaanɩŋ boi-baal-la lɛ. Ba yɩraa nɛ ŋ-la: Nɛgal-Sarɛza a lɩɩ Samɩga, Nebo-Sasɛkɩm, ʋ ŋaa ʋ tɩntɩnnaa nɩhɩaŋ nɛ, Nɛgal-Sarɛza, ʋ ma ŋaa tɩntɩnnɩ-hɩaŋ nɛ a saa pɛ Babɩlɔŋ kuoro tɩntɩnnɩ-hɩasɩ-la dɔnsʋŋ lɛ.

JƐRƖMAAYA 6:3

Sɩpaalaaraa arɩ ba nɩaa jaŋ kɔ ʋ lɛ, a hɛ ba lɛŋŋɛɛ a gollu, dɩ ba kʋŋkala hɔŋ lee-la ba sɩ kere pʋ.”

JƐRƖMAAYA 9:10

Ŋɩɩ nɛ mɩ bʋl, “Mɩ jaŋ yele pɩ peelee aŋ ta jembiiŋ tɩgɛ ba pʋsʋŋ dɩ-diilee lɛ. Ba pɩna nɛ hoi, nʋʋkala bɩ nɩmɛ ka vɛŋ, ŋ bɩra bɩ nɛsɩŋ yele ka nɩɩ nɩmɛ. Diibiisiŋ kala file lɛl nɛ, bagɩlaa ma fá viiri.”

ƐZƖKƖƐL 34:2

Nuhuobiiŋ, mɩ doluŋ lɛ, bʋl wɩalɩŋ sɩ jaŋ ŋaa Iziral tɩŋŋaa sɩpaalaaraa lɛ. Bʋla pɩba, “Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Wɩɩŋ puu Iziral tɩŋŋaa sɩpaalaara-la sɩ chɩl ba dʋndʋŋa wɩaa. Mɩ bɩɩna pie-daara nɛ yie bibeŋ ʋ piesee nyuŋ?

ƐZƖKƖƐL 34:5

Ba fá pɩsɛ nɛ a tɩŋ ba sɩ bɩ pie-daara kɛnɛ. Ba sɩ pɩsa ŋɩɩ, ba mɩɩra bɩrɩmɛ baga kɩaa kʋdiilee.

DANƖƐL 8:13

Ŋɩɩ nɛ mɩ nɩɩ dɩ Wɩa tɩndaaraa ka bʋl wɩaa, dɔŋɔ pɩɛsɛ ʋ dɔŋɔ, “Ɛɛ nɛ wɩaa deemba mɩ sɩ na a nagɛ duosoo tʋɔŋ jaŋ diene magɛ aŋ na ŋaa? Ɛɛ nɛ wʋbɔŋ-la sɩ leŋe ba bɩra bɩ pʋsʋŋ kpʋ ŋaa Wɩɩsʋlʋŋ tapʋlɩɩ kala jaŋ ŋaa a diene magɛ? Ɛɛ nɛ ba jaŋ ŋaa disiniŋ hɛ Wɩa dɩɩ-balɩŋ lɛ aŋ nʋɔsɛ Wɩa nɩaa a diene magɛ?”

ZƐKARƖYA 7:14

Mɩ leŋe pel-duo nɛ kɛmba pɩsa hɛ tinteyee lɛ, ba ŋaa nʋhʋɔra. Tintee-la fa pɩŋ hoi nɛ, nʋʋkala bɩ nɩmɛ ka mʋ koo a lɩɩ nɩmɛ kʋkɔ. Wɩalɩŋ ba sɩ ŋaa a leŋ tintee-zɔŋ-la pɩŋ hoi nɛ ŋɩɩ.”

Luuk 21:14

Má kɛŋ ma tɩtɩa hɛ dɔŋɔ lɛ a sɩ́ leŋe dɩ ʋ walɩmɛma ŋɩɩ ma sɩ jaŋ bʋl wɩaa a laa ma tɩtɩa,

Jɔɔŋ Wʋnaalaa 11:2

ama sɩ́ Wɩa dɩa-la kaala-na magɩsʋ, bɛɛ wɩaa ba joŋ lee-la pɩ nɩalɩŋ sɩ bɩ Juu tɩŋŋaa ŋaa nɛ, ba jaŋ fɩrɩgɛ tabal-la sɩ bɩ disiniŋ kɛnɛ chɛnsɩŋ mahɩŋ balɩa arɩ balɩa.