JƐRƖMAAYA 11:8 - WƖA TENIŊ

⁸ Ama ba bɩ jegile nɩɩ, aŋ vɩa dɩ ba tomi, ba mɩɩra to ba nyuduoŋ arɩ tʋɔbɩɩŋ bɔŋŋɔɔ harɩŋ nɛ. Ŋɩɩ nɛ mɩ joŋ ŋmɩaŋ-la kala sɩ hɛ nii-la sɩ hɛ mɩ dɩ ba pɛgɛ a hɛ ba lɛ. Nii-la mɩ fa sɩ sɩ ba to ka ba bɩ to.’ ”

JƐRƖMAAYA 11:8 ပူးပေါင်းရင်းမြစ်များ

NƐHƖMAAYA 9:26

Ama ba vɩa ŋ niiŋ nɛ a lɩɩ ŋ harɩŋ, a joŋ harɩŋ yɩa ŋ wombiiŋ ŋ sɩ bile dɩ ba tuto. Ba kpʋ ŋ wʋlaabʋllaa nɛ, nɩalɩŋ sɩ bʋl wɩaa kpʋrɩsɛ ba dɩgɩlaa dɩ ba mɩɩra kʋ toŋ. Ba chaasa tʋʋsɛ ŋ joŋoo nɛ.

NƐHƖMAAYA 9:29

Ŋ chagɩlɛ ba nɛ arɩ ba mɩɩra kʋ to ŋ wombiiŋ ŋ sɩ bile dɩ ba tuto, ama ba bigisi ba tɩtɩa lɛ nɛ a bɩ ŋ niiŋ to. Ba vɩa ŋ wombie-la nɩa sɩ jaŋ to a kɛŋ mɩɩsɩŋ nɛ, aŋ ha ŋɩŋaa wʋbɔŋŋɔɔ. Ba kɛŋ nyuduoŋ arɩ dɩgɩlɩŋ-bɩnɩɩ nɛ a joŋ harɩŋ yɩaŋ a bɩ chɛ dɩ ba jegile nɩɩ.

JƐRƖMAAYA 13:10

Nɩbɔŋŋɔɔ deemba sɩ vɩa dɩ ba jegile nɩɩ mɩ wɩaa, nɩalɩŋ sɩɩ to ba nyuduoŋ harɩŋ, a kire tuto vʋɩyaa harɩŋ a tɩma pɩpɩba a kpʋkpaarɛba jaŋ nagɛ tɩŋgɛnnɛ deeŋ. Ba jaŋ chei a chaasa ŋaa nɩpɛɩba.

JƐRƖMAAYA 3:17

Bʋa-la lɛ ba jaŋ yɩrɛ Jerusalɛm La Tɩɩna kuoru kpasa. Ŋɩɩ nɛ tinteyee nɩaa kala jaŋ kɔ Jerusalɛm a zil mɩ-na ma TƖƖNA. Ba bɩra bɩ jaŋ tuto ba nyuduoŋ arɩ ba tʋɔbɔmʋŋ harɩŋ.

JƐRƖMAAYA 31:32

Ʋ bɩ jaŋ nagɛ nii-la mɩ fa sɩ bile mɩ dɩ ba naabalɩmaba pɛgɛ, bʋa-la lɛ mɩ sɩ kɛmba kaa kʋʋ lɩɩ Ijipiti tinteeŋ lɛ. Mɩ fa ŋaa ba bala nɛ, aŋ ka ba ha pɛ vɩa aŋ chei nii-la sɩ hɛ mɩ dɩ ba pɛgɛ. La TƖƖNA nɛ bʋla.”

JƐRƖMAAYA 32:23

Ba kʋ jʋʋ tintee-la nɛ a tɩɩʋ, ama ba bɩ ŋ niiŋ sɛyɛ koo a to wombii-la ŋ sɩ bile dɩ ba tuto. Ba bɩ wɩalɩŋ ŋ sɩ daga dɩ ba ŋaa kʋŋkala ŋaa. Ŋɩɩ nɛ ŋ kɛŋ wʋlɔrʋŋ deeŋ kala kʋ hɛ ba lɛ.

JƐRƖMAAYA 34:14

Jɩsɩŋ balɩpɛ na-kala lɛ, ma kʋŋkala maga ŋ joŋ Hiburu tɩɩna sɩ ŋaa ŋ yomo ta nɛ, nɩalɩŋ sɩ joŋ ba tɩtɩa yalla pɩma. Dɩ ʋ nɛ tɩma pɩŋ jɩsɩŋ balɩdʋ, ʋ maga ŋ joŋu ta nɛ dɩ ʋ mʋ. Ama ma naabalɩmaba bɩ jegile nɩɩ mɩ teeŋ koo a kaa tɩŋ.

JƐRƖMAAYA 35:15

Mɩ tɩŋ mɩ wʋlaabʋllaa kala ma teeŋ nɛ bʋlɩa bʋlɩa. Ba bʋla pɩma, ‘Ma kʋŋkala maga ma bɩrɩma lɩɩ ma wʋbɔŋŋɔɔ lɛ nɛ, a bɩrɩmɛ ma wʋŋaalaa. Má sɩ́ vesiŋ to, dɩ ma nɛ ŋaa ŋɩɩ, ma jaŋ hɔŋ tintee-la mɩ sɩ joŋo pɩ ma dɩ ma naabalɩmaba lɛ.’ Ama ma bɩ jegile nɩɩ mɩ teeŋ koo a kaa tɩŋ.

JƐRƖMAAYA 35:17

Ŋɩɩ wɩaa, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Má jegile nɩɩ, mɩ jaŋ kɛŋ wʋlɔrʋnʋ-la kala wɩaa mɩ sɩ bʋla a kaa kʋ hɛ Juda arɩ nɩalɩŋ kala sɩ hɛ Jerusalɛm lɛ. Mɩ bʋl wɩaa pɩba nɛ, ama ba bɩ jegile nɩɩ. Mɩ yɩrɛba nɛ, ama ba bɩ sɛyɛ.”

JƐRƖMAAYA 38:20

Ŋɩɩ nɛ Jɛrɩmaaya bʋl, “Ba bɩ jaŋ joŋuŋ hɛ ba nɩsɩŋ lɛ, sɛɩ La TƖƖNA niiŋ a ŋaa wɩɩ-la mɩ sɩ bʋla pɩŋ. Dɩ ŋ nɛ ŋaa ŋɩɩ, wɩaa jaŋ vɛŋ woruŋ a pɩŋ, dɩ ŋ laa ŋ mɩɩsɩŋ.

JƐRƖMAAYA 44:16

“La bɩ jaŋ jegile nɩɩ tɩndaarɩ-la ŋ sɩ bʋla pɩla La TƖƖNA yɩrɩŋ lɛ.

JƐRƖMAAYA 44:17

La jaŋ sɛnɛ ŋaa wɩalɩŋ kala la sɩ sɩ la jaŋ ŋaa. La jaŋ nyɩgɛ kʋsʋɔrʋsʋŋ a pɩ wɩa-nyuŋ veŋ ha-kuoru-la aŋ wansɛ kʋnyʋalaa ma a pʋ, a nagɛ la dɩ la naabalɩmaba, la kuoroo arɩ la tɩntɩnnɩ-hɩasɩŋ fa sɩ ŋaa ŋɩɩ Juda tasɩŋ arɩ Jerusalɛm womporunuŋ lɛ. Bʋa-la lɛ, la fa kɛŋ kʋdiilee nɛ woruŋ a kɛŋ kɩaa, wɩɩkala bɩ laa walɩmɛ.

JƐRƖMAAYA 44:5

Ama ba bɩ jegile nɩɩ, aŋ vɩa dɩ ba tomi. Ba bɩ bɩrɩma lɩɩ ba wʋbɔŋŋɔɔ lɛ koo a leŋ kʋsʋɔrʋsʋŋ nyɩga pɩ vesiŋ.

JƐRƖMAAYA 7:13

La TƖƖNA bɩra sɩ, “Ma fa sɩɩ ŋaa wɩaa deemba kala, mɩ fa chagɩlɛma nɛ bʋlɩa bʋlɩa, ka ma bɩ nɩa. Mɩ fa yɩrɛma nɛ, ka ma vɩa dɩ ma sɛɩ.

JƐRƖMAAYA 7:24

Ama ba fa bɩ jegile nɩɩ koo a kaa tɩŋ. Ba fa mɩɩra to ba nyuduoŋ arɩ ba tʋɔbɩɩŋ bɔŋŋɔɔ harɩŋ nɛ. Ba fa mɩɩra mʋ harɩŋ nɛ, ba bɩ sɩpaaŋ mʋa.

JƐRƖMAAYA 7:26

Ama ba fa bɩ mɩ teeŋ jegile nɩɩ, a vɩa dɩ ba tomi. Ba fa kɛŋ nyuduoŋ nɛ a wasa ŋaa wʋbɔŋŋɔɔ a kɩɩ ba naabalɩmaba.

ƐZƖKƖƐL 20:8

Ama ba vɩa mɩ niiŋ nɛ a bɩ jegile nɩɩ mɩ teeŋ. Ba bɩ tɔmɔ-la sɩ ŋaa disiŋ kɩa ka ba choba joŋo ta, ba bɩra bɩ Ijipiti tɩŋŋaa tɔŋŋɔɔ ma leŋe. Ŋɩɩ nɛ mɩ sɩ mɩ jaŋ na baanɩŋ ba nyuŋ a ŋaa baaŋ wɩaa ba lɛ Ijipiti tintee-la lɛ.

ZƐKARƖYA 1:4

Má sɩ́ ma naabalɩmaba nagʋ, ba nɛ mɩ wʋlaabʋlla-la laa sɩpaaŋ kʋ bʋla pa ŋɩɩ: Wɩɩ-la mɩ-na ma TƖƖNA doluŋ kala Tɩɩna sɩ bʋla nɛ: ‘Má bɩrɩma lɩɩ ma wombii-bɔŋŋɔɔ arɩ wʋbɔmɔ-la ma sɩɩ ŋaa lɛ.’ Ama ba bɩ jegile nɩɩ mɩ teeŋ koo a kaa tɩŋ. Mɩ-na ma TƖƖNA nɛ bʋla.

ZƐKARƖYA 7:11

Ama ba vɩa dɩ ba jegile nɩɩ nɛ. Ba kɛŋ nyuduoŋ nɛ a joŋ harɩŋ yɩa wɩalɩŋ a bɩ chɛ ba jʋʋ ba dɩgɩlaa.