JƐRƖMAAYA 11:4 - WƖA TENIŊ

⁴ wɩalɩŋ mɩ sɩ joŋo dagɛ ma naabalɩmaba bʋa-la lɛ mɩ fa sɩ laaba ta Ijipiti tɩŋŋaa nɩsɩŋ lɛ a kɛmba kʋ lɩɩ, lee-la ba fa sɩ chaasa nɩna hɛɛŋ.’ Mɩ fa bʋla pɩba, ‘Má to mɩ niiŋ a ŋaa wɩalɩŋ mɩ sɩ dagɛma. Dɩ ma nɛ ŋaa ŋɩɩ, ma jaŋ ŋaa mɩ nɩaa, dɩ mɩ ma ŋaa ma Wɩa.’

JƐRƖMAAYA 11:4 ပူးပေါင်းရင်းမြစ်များ

WƖAA DƖ-SUOMUŊ 17:8

Kɛnaŋ tinteeŋ deeŋ lɛ ŋ sɩ hɛ a ŋaa nʋhʋɔrʋ ŋ-la, mɩ jaŋ joŋu pɩ ŋ dɩ ŋ doho nɩaa dɩ ʋ ŋaa ma kʋŋ a kaa mʋ wuu dɩ mɩ ŋaa ba Wɩa.”

1 KUOROO 8:51

Ba ŋaa ŋ nɩaa nɛ. Ba nɛ ŋ laata Ijipiti tɩŋŋaa nɩsɩŋ lɛ, lee-la ba fa sɩ hɛ a nɩna hɛɛŋ sɩ nagɛ nyiŋgeliŋ sɩɩ dii.

2 KUOROO 18:6

Ʋ fa joŋ ʋ wʋtɩtɩɩ kala hɛ La TƖƖNA lɛ nɛ, a tuto wɩalɩŋ kala La TƖƖNA sɩ joŋo dagɛ Mosis ʋ ŋmʋnsa bil dɩ nɩaa tuto.

MOSIS KƐŊ IZIRAL TƖŊŊAA LƖƖ 20:6

Ama nɩalɩŋ sɩ chomi a tuto mɩ niiriŋ, mɩ jaŋ dagɛ mɩ chonuŋ a pɩba arɩ ba biiriŋ arɩ ba nihee arɩ ba nihi-lɩɛrɛba a kaa mʋ wuu.

AZAAYA 30:6

Wɩɩ-la Wɩa sɩ bʋla pɩmɛ a mʋ tɩgɛ tintee-hɩlɩɩ-la ba sɩɩ yɩrɛ Nɛgɛf pʋsʋŋ lɛ nɛ ŋ-la: “Má kɛsɛ kakusuŋ arɩ bʋntaŋŋaba nɛ a kaa chʋŋ ma dʋa a to tintee-la sɩ kɛŋ kʋbɔŋŋɔɔ dɩŋŋaa sɩ kɛŋ huoŋ woruŋ arɩ naachigee a mʋmʋ

AZAAYA 48:10

Mɩ joŋ hɛɛŋ sɩ nagɛ nyiniŋ nɛ a hɛ ma lɛ a magɩsɛ ma, arɩ ba sɩ joŋ hɔpʋla a chɔ dɩ ba lɩɩsɛ hɔɔ-bɩnɩŋ ŋɩɩ.

JƐRƖMAAYA 11:7

A chɩŋ bʋa-la lɛ mɩ fa sɩ kɛŋ ma naabalɩmaba a lɩɩ Ijipiti tinteeŋ lɛ a kaa kʋ yi jɩnɩŋ, mɩ kpʋrɩsɛ ba dɩgɩlaa bʋlɩa bʋlɩa nɛ a bʋl: Má to mɩ niiŋ.

JƐRƖMAAYA 24:7

Mɩ jaŋ pɩba tʋɔ-la sɩ jaŋ leŋ dɩ ba jɩŋ arɩ mɩ nɛ ba TƖƖNA. Ba jaŋ ŋaa mɩ nɩaa, dɩ mɩ ma ŋaa ba Wɩa, bɛɛ wɩaa ba jaŋ mɩɩra kɔ mɩ teeŋ arɩ ba tʋɔŋ kala.

JƐRƖMAAYA 26:13

Lɛɛlɛ, má bɩrɩmɛ ma mɛlɛ arɩ ma wʋŋaalaa aŋ to ma TƖƖNA Wɩa niiŋ. Dɩ ma nɛ ŋaa ŋɩɩ, La TƖƖNA jaŋ kɛŋ ʋ tʋɔbɩɩnaa bɩrɩmɛ, ʋ bɩra bɩ jaŋ kɛŋ wʋlɔrʋ-la wɩaa ʋ sɩ bʋla kʋ hɛ ma lɛ.

JƐRƖMAAYA 30:22

Ma jaŋ ŋaa mɩ nɩaa, dɩ mɩ ma ŋaa ma Wɩa.”

JƐRƖMAAYA 32:28

Ŋɩɩ wɩaa, wɩɩ-la mɩ-na ma TƖƖNA sɩ bʋla nɛ ŋ-la: Mɩɩ chɛ mɩ joŋ tabalɩŋ deeŋ hɛ Babɩlɔŋ kuoro Nebukadineza arɩ ʋ nɩaa nɩsɩŋ lɛ nɛ dɩ ba yuo diiu.

JƐRƖMAAYA 38:20

Ŋɩɩ nɛ Jɛrɩmaaya bʋl, “Ba bɩ jaŋ joŋuŋ hɛ ba nɩsɩŋ lɛ, sɛɩ La TƖƖNA niiŋ a ŋaa wɩɩ-la mɩ sɩ bʋla pɩŋ. Dɩ ŋ nɛ ŋaa ŋɩɩ, wɩaa jaŋ vɛŋ woruŋ a pɩŋ, dɩ ŋ laa ŋ mɩɩsɩŋ.

ƐZƖKƖƐL 11:20

Ŋɩɩ nɛ ba jaŋ to mɩ wʋdagaa a fɩɛlɛ ba sɩaa a to mɩ wombie-la mɩ sɩ bile dɩ ba tuto. Ba jaŋ ŋaa mɩ nɩaa, dɩ mɩ ma ŋaa ba Wɩa.

ƐZƖKƖƐL 14:11

Ŋɩɩ nɛ jaŋ leŋ dɩ Iziral nɩaa bɩra sɩ́ mɩ vɩa, koo a ŋaa wʋbɔŋ a kɛŋ disiniŋ. Ba jaŋ ŋaa mɩ nɩaa, dɩ mɩ ma ŋaa ba Wɩa. Mɩ-na ma TƖƖNA Wɩɩjarɩbakɔ nɛ bʋla.’ ”

ƐZƖKƖƐL 36:28

Ma jaŋ hɛ tintee-la mɩ sɩ joŋo pɩ ma naabalɩmaba lɛ. Ma jaŋ ŋaa mɩ nɩaa, dɩ mɩ ma ŋaa ma Wɩa.

ƐZƖKƖƐL 37:23

Ba bɩra bɩ jaŋ kpaarɛ tɔŋŋɔɔ arɩ kɩalɩŋ mɩ sɩɩ kɩsʋ a ŋaa disiniŋ hɛ ba tɩtɩa lɛ koo a ŋaa wʋbɔŋŋɔɔ dɔnsʋŋ a chei ba tɩtɩa. Mɩ jaŋ laaba ta ba wʋbɔmɔ-la kala ba fa sɩ ŋaa a lɩɩ mɩ harɩŋ lɛ. Mɩ jaŋ pɩɩsɛ ba disiniŋ ta. Ba jaŋ ŋaa mɩ nɩaa, dɩ mɩ ma ŋaa ba Wɩa.

ƐZƖKƖƐL 37:27

Mɩ dɩjʋʋlʋŋ jaŋ hɛ ba tʋɔŋ, dɩ mɩ ŋaa ba Wɩa, dɩ ba ma ŋaa mɩ nɩaa.

DANƖƐL 3:26

Ŋɩɩ nɛ Nebukadineza mʋ kpagɛ nyiŋ-bal-la niiŋ aŋ kpɩa yɩrɛ, “Sadɩrak, Mɛsak arɩ Abedinego, Wɩa sɩ kɩɩ kʋŋkala tɩntɩnnaa, má kʋ lɩɩ a kɔ daha.” Ŋɩɩ nɛ Sadɩrak, Mɛsak arɩ Abedinego kʋ lɩɩ nyiŋ-la tʋɔŋ.

LEVI DOHO NƖAA 26:12

Mɩ jaŋ hɛ ma tʋɔŋ a ŋaa ma Wɩa dɩ ma ma ŋaa mɩ nɩaa.

LEVI DOHO NƖAA 26:3

Dɩ ma nɛ fɩɛlɛ ma sɩaa aa to mɩ niiŋ arɩ wombie-la mɩ sɩ dagɛma,

ZƐKARƖYA 13:9

Kʋbala deeŋ ma, mɩ jaŋ joŋu hɛ nyiniŋ lɛ. Mɩ jaŋ wasɛba ta a nagɛ ba sɩ yie joŋ hɔpʋla hɛ nyiniŋ lɛ a lɩɩsɛ ʋ hɔɔ-bɩnɩŋ ta ŋɩɩ. Mɩ jaŋ magɩsɛba na a nagɛ ba sɩ yie joŋ sɛlɩmɛ hɛ nyiniŋ lɛ a magɩsa na ʋ zɔmʋŋ ŋɩɩ. Ba jaŋ yɩrɛmɛ dɩ mɩ sɛɩ. Mɩ jaŋ bʋl, ‘Ba ŋaa mɩ nɩaa nɛ,’ dɩ ba ma bʋl, ‘La TƖƖNA nɛ la Wɩa.’ ”

ZƐKARƖYA 6:15

Nɩalɩŋ sɩ hɛ dɩ-bolii jaŋ kʋ pɛ dɩ ma saa La TƖƖNA dɩɩ-bal-la, dɩ ŋɩɩ nɛ ŋaa, ma jaŋ jɩŋ arɩ La TƖƖNA doluŋ kala Tɩɩna nɛ tɩmmɛ ma teeŋ. Wɩɩŋ deeŋ jaŋ ŋaa dɩ ma nɛ chaasa to ma TƖƖNA Wɩa niiŋ.

ZƐKARƖYA 8:8

Mɩ jaŋ kɛmba mɩɩra kɔ dɩ ba hɔŋ Jerusalɛm lɛ. Ba jaŋ ŋaa mɩ nɩaa, dɩ mɩ kɛŋ wʋtɩtɩɩ arɩ tʋɔpʋla ba teeŋ a ŋaa ba Wɩa.”

Matiu 28:20

Má dagɛba a leŋ dɩ ba to wɩalɩŋ kala mɩ sɩ bʋla pɩma dɩ ma to. Mɩ jaŋ hɛ ma teeŋ bʋa na-kala lɛ a kaa mʋ dʋnɩa dɩdɛrɩŋ.”

2 Kɔrɩntɩ Nɩaa 6:16

La ŋaa Wɩa-la sɩ weye dɩa nɛ, ʋ hɛ la lɛ. Ŋ bɩ jaŋ wuo jʋʋ Wɩa dɩa a kpaarɛ vʋɩyaa nɩmɛ. Ŋ-la nɛ Wɩa tɩtɩa bʋl ʋ teniŋ tʋɔŋ. Ʋ sɩ, “Mɩ jaŋ hɛ mɩ nɩaa tʋɔŋ a gʋgɔllɛ. Mɩ nɛ jaŋ ŋaa ba Wɩa, dɩ ba ma ŋaa mɩ nɩaa.

MOSIS BƖRA WULLI WƖA WOMBIIŊ 11:27

Wɩalɩŋ ma sɩ jaŋ ŋaa dɩ Wɩa pɛ ma lɛ nɛ ŋ-la: dɩ ma nɛ to ma TƖƖNA Wɩa wɩalɩŋ mɩ sɩɩ dagɛma jɩnɩŋ.

MOSIS BƖRA WULLI WƖA WOMBIIŊ 4:20

Ma nɛ ŋaa nɩalɩŋ La TƖƖNA sɩ laa ta Ijipiti tɩŋŋaa nɩsɩŋ lɛ, lee-la ma fa sɩ chaasa na hɛɛŋ. Ʋ laama dɩ ma ŋaa ʋ nɩaa nɛ arɩ ma sɩ ŋaa ʋ nɩaa ŋɩɩ jɩnɩŋ.

MOSIS BƖRA WULLI WƖA WOMBIIŊ 5:6

Mɩ nɛ ŋaa ma TƖƖNA Wɩa, mɩ nɛ kɛmma kaa kʋ lɩɩ Ijipiti tinteeŋ lɛ, lee-la ma fa sɩ hɛ a ŋaa yosi.

Hiburu TƖŊŊAA 5:9

Ʋ sɩ to Wɩa niiŋ kala dɛrɛ, ʋ kʋ ŋaa nɩalɩŋ kala ma sɩɩ to ʋ niiŋ sɩpaalaara, a laaba ta a kaa mʋ deeŋ deeŋ.

1 SAMƲƐL 15:22

Samʋɛl pɩɛsɛ, “Wʋbɛɛ nɛ La TƖƖNA chɩchɛ, kʋnyɩgaa Wɩɩsʋlʋŋ koo ba sɩ kpʋ pʋsʋŋ a sʋl Wɩɩsʋlʋŋ koo nʋʋ sɩ to ʋ niiŋ lɛ nɛ? Dɩ ŋ nɛ to ʋ niiŋ ʋ nɛ kpɩa ŋ sɩ kpʋ pie-belliŋ sɩ zɔmɔ a nyɩga ŋaa Wɩɩsʋlʋŋ pʋ.