JƐRƖMAAYA 11:20 - WƖA TENIŊ

²⁰ Ama La TƖƖNA, doluŋ kala Tɩɩna, ŋ nɛ yie dii sarɩya arɩ tʋɔpʋla, a magɩsɛ nɩaa tʋɔbɩɩnaa arɩ wɩalɩŋ sɩ hɛ ba nyuŋ lɛ a jɩmba. Leŋ dɩ mɩ na ŋɩɩ ŋ sɩ jaŋ joŋ ŋ baanɩŋ a tiŋ ba lɛ, bɛɛ wɩaa mɩ joŋ mɩ wɩɩkala hɛ ŋ nɩsɩŋ lɛ nɛ.

JƐRƖMAAYA 11:20 ပူးပေါင်းရင်းမြစ်များ

WƖAA DƖ-SUOMUŊ 18:25

Ʋ bɩ kɩsɛ dɩ ŋ kpʋ tʋɔpʋl tɩŋŋaa arɩ nɩbɔŋŋɔɔ kala hɛ dɔŋɔ lɛɛ? Ŋɩɩ bɩ kɩsɛɛ, Nɩɩ-la sɩ jaŋ dii dʋnɩa kala sarɩya sɩ jaŋ ŋaa ŋɩɩ?”

2 KUOROO 19:14

Hezikaaya sɩ laa teniŋ tɩndaara-la teeŋ a karɩmɛ, ʋ sii kaa jɩl La TƖƖNA dɩɩ-bal-la sɩ hɛ Jerusalɛm lɛ a kaa jɛrɛ La TƖƖNA sɩpaaŋ,

1 IZIRAL TƖŊŊAA NAABARƖŊ 28:9

Ŋɩɩ nɛ Devit bʋla pɩ ʋ nanʋala Solomoŋ ma, “Mɩ bii, to ŋ nyɩmma Wɩa a tɩma pʋ arɩ ŋ tʋɔŋ arɩ ŋ wɩɩwɩɩ kala. La TƖƖNA jɩŋ la tʋɔbɩɩnaa arɩ la wʋchɛɛlɛɛ kala nɛ. Dɩ ŋ nɛ chɛʋ, ŋ jaŋ naʋ, ama dɩ ŋ nɛ vɩaʋ, ʋ ma jaŋ vɩaŋ a kaa mʋ wuu.

1 IZIRAL TƖŊŊAA NAABARƖŊ 29:17

Mɩ Wɩa, mɩ jɩma ŋ yie magɩsɛ nʋʋkala tʋɔŋ nɛ. Ŋ tʋɔŋ tɔrɛ nɩalɩŋ kala sɩ kɛŋ wʋtɩtɩɩ nyuŋ nɛ. Tʋɔpʋla arɩ wʋtɩtɩɩ nɛ mɩ kaa joŋ kɩaa deemba kala pɩŋ. Ŋ nɩaa ma kala sɩ hilimi daha tʋɔŋ tɔrɔ nɛ ba sɩ kɛŋ kɩaa kʋ pɩŋ.

JOB 5:8

Ama dɩ mɩ-na nɛ fa kaŋ, mɩ fa jaŋ mʋ Wɩa teeŋ a joŋ mɩ wɩɩŋ bil ʋ sɩpaaŋ.

WƖA YƖƖLAA 139:23

Mɩ Wɩa, beŋ mɩ tʋɔŋ woruŋ, a na wɩɩ-la kala sɩ hɛ nɩmɛ. Magɩsɛmɛ a na wɩɩ-la mɩ sɩ kɛnɛ mɩ tʋɔŋ lɛ.

WƖA YƖƖLAA 35:2

Paa ŋ laalɩyuori kɩaa vɔɔ a joŋ hɔɔtaala-la laalɩyuoroo sɩ kaa kɛrɛɛ laa bayuori hɛŋŋɛɛ a kʋ laamɛ ta.

WƖA YƖƖLAA 43:1

La Wɩa, leŋ dɩ nɩaa jɩŋ arɩ mɩ bɩ wɩɩ cheye, a chɩŋ mɩ harɩŋ dɩ nɩalɩŋ sɩ bɩŋ ka to sɩ́ mɩ wuo. Laamɛ ta nɩbɔŋŋɔɔ arɩ wʋnyɩɛraa nɩsɩŋ lɛ.

WƖA YƖƖLAA 57:1

Fá mɩ nenige, Wɩa, fá mɩ nenige mɩ kʋ yuoruŋ nɛ. Mɩ jʋʋ ŋ kɩŋkɛŋɛ nɛ dɩ ŋ tɔ hɛ mɩ lɛ, dɩ wʋlɔrʋŋ deeŋ bal.

WƖA YƖƖLAA 58:10

Tʋɔpʋl tɩŋŋaa tʋɔŋ jaŋ tɔrɛ, dɩ nɩbɔŋŋɔɔ nɛ na hɛɛ-la sɩ maga dɩ ba na. Ba jaŋ kɛŋ nɩbɔmɔ-la chalɩŋ sɔŋ ba naasɩŋ.

WƖA YƖƖLAA 7:10

Wɩa nɩɩ pɔmɛ, ʋ nɩɩ pɔ nɩalɩŋ kala sɩ kɛŋ tʋɔpʋla.

WƖA YƖƖLAA 7:8

La Tɩɩna, ŋ nɩɩ dii nʋʋkala sarɩya, dii mɩ ma sarɩya a dagɛ arɩ mɩ ŋaa tʋɔpʋl tɩɩna nɛ a bɩ wʋcheeli kala kɛnɛ.

WƖA YƖƖLAA 7:9

Mɩ Wɩa, ŋ ŋaa tʋɔpʋl Tɩɩna nɛ, a jɩŋ nɩaa tʋɔbɩɩnaa arɩ ba wʋchɛɛlɛɛ. Leŋ dɩ nɩbɔŋŋɔɔ leŋ wʋbɔŋŋɔɔ ŋaanɩŋ aŋ pɔ tʋɔpʋl tɩŋŋaa.

WƖA YƖƖLAA 98:9

Leŋ dɩ ba yɩɩ yɩɩlaa La Tɩɩna sɩpaaŋ, bɛɛ wɩaa ʋ kɔ dɩ ʋ dii dʋnɩa nɩaa sarɩya nɛ. Ʋ jaŋ dii dʋnɩa nɩaa sarɩya arɩ tʋɔpʋla arɩ wʋtɩtɩɩ.

JƐRƖMAAYA 12:1

La TƖƖNA, ŋ kɛŋ tʋɔpʋla nɛ bʋa na-kala lɛ, dɩ mɩ nɛ kɛŋ wɩɩ kɔ ŋ teeŋ. Ama mɩ ha jaŋ pɩɛsɩŋ wɩaa a mʋ tɩgɛ ŋ wʋtɩtɩɩ lɛ: Bɛɛ nɛ tɩɩ nɩbɔŋŋɔɔ wɩaa vɩvɛŋ woruŋ? Bɛɛ nɛ tɩɩ nɩalɩŋ kala sɩ bɩ wʋtɩtɩɩ kɛnɛ ŋ teeŋ hɔŋ, wɩɩ bɩ baa walɩmɛ?

JƐRƖMAAYA 12:3

La TƖƖNA, ŋ jɩmmɛ nɛ, ŋ namɛ nɛ a magɩsɛ mɩ tʋɔbɩɩnaa na a tɩgɛ ŋ lɛ. Lɛrɛ nɩbɔmɔ-la a nagɛ ba sɩ lɛrɛ piesee mʋmʋ dɩ ba kpʋ. Pɔrɛba bil a gbɛrɛ tapʋlɩɩ-la ba sɩ jaŋ kpʋba.

JƐRƖMAAYA 15:15

La TƖƖNA, ŋ jɩŋ wɩɩkala sɩaa nɛ, liisi mɩ wɩaa aŋ beŋ mɩ nyuŋ. Laa mɩ yuosuŋ yuo pɩmɛ nɩalɩŋ sɩ to naasɩŋ dɔgɩsɛmɛ lɛ. Sɩ́ nyalɩma bibeŋ ka dɩ ba kpʋmɛ. Liise yi ŋɩɩ mɩ sɩ dii hɩɩsɩŋ ŋ wɩaa.

JƐRƖMAAYA 17:10

Mɩ-na ma TƖƖNA nɛ yie beŋ nɩa tʋɔŋ a magɩsʋ na wɩalɩŋ sɩ hɛ ʋ nyuŋ lɛ aŋ timu a mʋ tɩgɛ ʋ mɛlɛ, arɩ ʋ wʋŋaalaa sɩ nagɛ ŋɩɩ lɛ.”

JƐRƖMAAYA 17:18

Leŋ dɩ nɩalɩŋ sɩ to naasɩŋ dɔgɩsɛmɛ dii hɩɩsɩŋ, ama lɩɩsɛ mɩ-na hɩɩsɩŋ lɛ. Leŋ dɩ fawʋllʋŋ kɛmba, ama lɩɩsɛ mɩ-na wɩalɩŋ sɩ kɛŋ fawʋllʋŋ lɛ. Leŋ dɩ wʋlɔrʋŋ kʋ jʋʋba. Cheiba naansɩɩŋ bʋlɩa.

JƐRƖMAAYA 20:12

La TƖƖNA doluŋ kala Tɩɩna, ŋ nɛ yie magɩsɛ tʋɔpʋl tɩŋŋaa, a jɩŋ wɩalɩŋ sɩ hɛ ba tʋɔŋ arɩ ba nyuŋ lɛ. Leŋ dɩ mɩ na ŋɩɩ ŋ sɩ jaŋ joŋ ŋ baanɩŋ timba, bɛɛ wɩaa, mɩ joŋ mɩ wɩɩkala hɛ ŋ nɩsɩŋ lɛ nɛ.

JEMBIEE 3:58

La TƖƖNA, ŋ chɩŋ mɩ harɩŋ nɛ a laa mɩ mɩɩsɩŋ pɩmɛ.

JEMBIEE 3:59

La TƖƖNA, ŋ na wʋbɔŋ-la ba sɩ joŋo ŋaa mɩ lɛ nɛ. Laa mɩ wɩɩŋ jɩma pɩmɛ.

JEMBIEE 3:64

La TƖƖNA, joŋ wɩɩ-la sɩ maga a tiŋ ba lɛ wɩɩ-la ba sɩ ŋaa.

ƐZƖKƖƐL 11:5

Ŋɩɩ nɛ Wɩa Dɩma-la kʋ jʋʋmɛ a bʋla pɩmɛ dɩ mɩ bʋla pɩba, “Wɩɩ-la La TƖƖNA sɩ bʋla nɛ ŋ-la: Iziral tɩmma, mɩ jɩŋ wɩɩ-la ma sɩɩ bʋl arɩ wɩɩ-la ma sɩɩ bɩɩnʋ nɛ.

Tɩntɩŋŋaa 17:31

bɛɛ wɩaa ʋ hɛ tapʋlɩɩ nɛ ʋ sɩ jaŋ dii dʋnɩa nɩaa kala sarɩya arɩ wʋtɩtɩɩ. Ʋ jaŋ to nuhuobiiŋ-la ʋ sɩ lɩɩsa lɛ nɛ a dii sarɩya-la. Nɩɩ-la sɩ sʋba, ʋ chɩsʋ sʋʋŋ lɛ a leŋ nʋʋkala jɩŋ arɩ wʋtɩtɩɩ nɛ.”

Fɩlɩpa Nɩaa 4:6

Má sɩ́ leŋe dɩ kʋŋkala wɩaa wʋwalɩmɛma, ama dɩ ma nɩɩ chɛ kʋŋkala, má sʋl Wɩa a mʋ tɩgɛ kʋ-la lɛ. Má lʋlɔllɛ Wɩa, aŋ joŋ wɩalɩŋ ma sɩɩ chɛ aa bil ʋ sɩpaaŋ.

2 Timoti 4:14

Libiru kʋbala ba sɩɩ yɩrɛ Alɛkɩzanda dɔgɩsɛmɛ nɛ woruŋ. Ʋ sɩ ŋaamɛ ŋɩɩ, Wɩa jaŋ fɩsɛ ʋ puruŋ.

1 Pɩɩta 2:23

Arɩ nɩaa sɩ tʋʋsʋ ma kala, ʋ bɩ laa tʋʋsɛ. Ba sɩ dɔgɩsʋ kala ma, ʋ bɩ bʋla arɩ ʋ ma jaŋ dɔgɩsɛba. Ʋ ta joŋ wɩɩkala a hɛ Wɩa nɩsɩŋ lɛ nɛ, nɩɩ-la sɩ jaŋ kɛŋ wʋtɩtɩɩ a dii nɩaa sarɩya.

Jɔɔŋ Wʋnaalaa 18:20

Ma nɩalɩŋ sɩ hɛ Wɩa-jaŋ lɛ, má jʋjʋɔsɛ Babɩlɔŋ wɩaa. Ma Wɩa nɩaa arɩ Wɩa nanzɔɔba arɩ Wɩa wʋlaabʋllaa, má jʋjʋɔsɛ. Wɩa joŋ wɩalɩŋ Babɩlɔŋ sɩ ŋaa ma lɛ chɩmɩŋ a tiŋ ʋ lɛ nɛ.”

Jɔɔŋ Wʋnaalaa 2:23

Mɩ jaŋ ŋmoo ʋ harɩ-tooroo kala kpʋ. Dɩ mɩ nɛ ŋaa ŋɩɩ, nɩalɩŋ kala sɩ laa Yesu wɩaa dii aa hilimi jaŋ jɩŋ arɩ mɩ jɩŋ nʋʋkala tʋɔbɩɩnaa nɛ. Nʋʋkala sɩ tɩma magɛ ŋɩɩ, ŋɩɩ nɛ mɩ jaŋ timu magɛ.

1 SAMƲƐL 16:7

La TƖƖNA bʋla pɩ Samʋɛl, “Sɩ́ ŋɩɩ ʋ sɩ zɔmɔ koo ʋ sɩ waayi lɛ beŋ, ʋ dee mɩ lɩɩsɛ. Mɩ-na ma TƖƖNA bɩ kɩalɩŋ nuhuobiine sɩɩ beŋ nɩɩ beŋ. Nuhuobiine yie beŋ yaraa zɔmʋŋ lɛ nɛ, ka mɩ-na ma TƖƖNA ma bibeŋ tʋɔŋ lɛ.”

1 SAMƲƐL 24:15

La TƖƖNA nɛ jaŋ dii mɩ dɩŋ pɛgɛ sarɩya. Ʋ nɛ jaŋ beŋ mɩ wɩɩŋ tʋɔŋ, aŋ chɩŋ mɩ harɩŋ a laamɛ ta ŋ nɩsɩŋ lɛ.”