JƐRƖMAAYA 11:17 - WƖA TENIŊ

¹⁷ Mɩ-na ma TƖƖNA, doluŋ kala Tɩɩna sɩ leŋe ma hɛ nɩmɛ, bʋla arɩ wʋlɔrʋŋ jaŋ jʋʋma, bɛɛ wɩaa ma Iziral arɩ ma Juda nɩaa ŋaa wʋbɔŋŋɔɔ nɛ a nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal a ŋaa mɩ baanɩŋ sii.”

JƐRƖMAAYA 11:17 ပူးပေါင်းရင်းမြစ်များ

2 SAMƲƐL 7:10

Mɩ jaŋ joŋ leriŋ a pɩ mɩ nɩaa Iziral tɩŋŋaa, a leŋ ba hɔŋ nɩmɛ dɩ ʋ ŋaa ba tɩtɩa lee, dɩ nʋʋ bɩra sɩ́ ba walɩmʋ. Nɩbɔŋŋɔɔ bɩra bɩ jaŋ dɔgɩsɛba arɩ ba fa sɩ ŋaaba ŋɩɩ bumbuŋ-la,

2 IZIRAL TƖŊŊAA NAABARƖŊ 28:25

Juda taŋ kala lɛ ʋ saa vesiŋ dɩ-kpaaraa ba kpʋkpaarɛ vesiŋ, a nyɩgɛ kʋsʋɔrʋsʋŋ a pɩpɩ vesi-la. Ʋ ŋaa ŋɩɩ nɛ La TƖƖNA, ʋ naabalɩmaba Wɩa baanɩŋ chaasa sii ʋ nyuŋ woruŋ.

WƖA YƖƖLAA 44:2

Ŋ kɛŋ ŋ naduo-la nɛ kiri tinteyee nɩaa ta aŋ leŋ la naabalɩmaba hɔŋ ba tinteeŋ lɛ. Ŋ leŋe wɩaa jʋʋ nɩalɩŋ nɛ, ka la naabalɩmaba dʋa woruŋ.

WƖA YƖƖLAA 80:15

Ŋ tɩtɩa nɛ chɔnsʋ a leŋ ʋ naapoloo tuu tinteeŋ. Ŋ leŋ ʋ waa a ŋaa ŋ kʋŋ.

WƖA YƖƖLAA 80:8

La nagɛ girep tɩa nɛ, ŋ kɛnla kaa lɩɩ Ijipiti tinteeŋ lɛ. Ŋ kiri tinteyee dɔnsʋŋ nɩaa nɛ aŋ jonla chɔnsɛ.

AZAAYA 5:2

Ŋɩɩ nɛ ʋ bugili baga-la tinteeŋ kala a tʋɔsɛ tabɩaa ta, aŋ chɔnsɛ tɩɩsɩ-la ʋ sɩ cho baga-la lɛ, a saa dɩɩ-leŋiŋ ʋ sɩ jaŋ chɩŋ ʋ nyuŋ aŋ bibeŋ baga-la, aŋ lu buotuoŋ ba sɩ jaŋ tɔrɛ tɩɩnɛnɛ-la hɛ a chɩchagɛ ba lɩɩŋ. Ŋɩɩ nɛ ʋ gbɛrɛ dɩ tɩɩsɩ-la nɛŋ nɛŋ-zɔŋŋɔɔ, ba mɩɩra nɛŋ nɛŋ-lɔrʋnʋŋ dʋndʋŋa.

AZAAYA 61:3

Tʋɔ-chei-la nɩalɩŋ sɩ hɛ Zaayɔŋ lɛ sɩ kɛnɛ, ʋ jaŋ leŋ dɩ ba mɩɩra kɛŋ tʋɔtɔrʋŋ, dɩ tʋɔ-chei-la lɛl. Ba tʋɔŋ fa sɩ chei ŋɩɩ, ba jaŋ mɩɩra yɩɩ tʋɔtɔrɛ yɩɩlaa. Ba kala jaŋ nagɛ tɩɩsɩŋ La TƖƖNA tɩtɩa sɩ chɔnsɔ. Ba jaŋ ŋaa wɩalɩŋ sɩ zɔmɔ a leŋ dɩ La TƖƖNA yɩrɩŋ yɩrɛ.

JƐRƖMAAYA 1:14

La TƖƖNA bʋla pɩmɛ, “Wʋlɔrʋŋ jaŋ lɩɩ wɩɩpɔsʋŋ nagʋa a kʋ jʋʋ nɩalɩŋ kala sɩ hɛ tintee-la lɛ.

JƐRƖMAAYA 11:11

Ŋɩɩ wɩaa, wɩɩ-la mɩ-na ma TƖƖNA sɩ bʋla nɛ ŋ-la: ‘Mɩ jaŋ kɛŋ wʋlɔrʋŋ ba sɩ́ bɩ jaŋ wuo fá kagɛ a kʋ hɛ ba lɛ. Ba jaŋ ŋmoo niiŋ mɩ teeŋ, ama mɩ bɩ jaŋ jegile nɩɩ ba teeŋ.

JƐRƖMAAYA 11:13

Ma Juda nɩaa kɛŋ vʋɩyaa yʋga magɛ tasɩ-la ma sɩ kɛnɛ nɛ. Korunu-la ma sɩ saa dɩ ma nyɩgɛ kʋsʋɔrʋsʋŋ pɩpɩ ma hɩɩsɛ vene-la ba sɩɩ yɩrɛ Baal ma yʋga nɛ a magɛ Jerusalɛm womporunuŋ.’

JƐRƖMAAYA 12:2

Ŋ chɔnsɛba a nagɛ tɩa ba sɩ chɔnsɔ nɛ, ba naapoloo tuu woruŋ, ba waa a nɛŋ nɛnɛɛ. Ŋ wɩaa hɛ ba niiree lɛ aŋ bol arɩ ba tʋɔŋ.

JƐRƖMAAYA 18:15

Ama mɩ nɩaa yʋ mɩ wɩaa nɛ. Ba nyɩgɛ kʋsʋɔrʋsʋŋ a pɩpɩ tɔŋŋɔɔ sɩ ŋaa kʋpɛɩba nɛ. Tɔmɔ-la nɛ leŋe ba titel ba wʋŋaalaa lɛ, a bɩ wombii-bɩnɩa-la ka to. Tɔmɔ-la leŋe ba vɩvɛŋ wombiee ba sɩ vɩa ta lɛ nɛ, wombiee ba sɩ bɩ wasa.

JƐRƖMAAYA 18:8

dɩ tintee-la nɩaa mɩ sɩ bʋl ŋɩɩ pa nɛ bɩrɩma lɩɩ ba wʋbɔŋŋɔɔ lɛ, ŋɩɩ-na mɩ jaŋ lemba, mɩ bɩra bɩ jaŋ joŋ wʋlɔrʋŋ hɛ ba lɛ arɩ mɩ sɩ bɩɩnɛ ŋɩɩ.

JƐRƖMAAYA 19:15

“Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Má jegile nɩɩ, mɩ jaŋ kɛŋ wʋlɔrʋnʋ-la mɩ sɩ daga a kʋ hɛ tabalɩŋ deeŋ arɩ tabiisi-la kala sɩ gollu lɛ, bɛɛ wɩaa ba kɛŋ nyuduoŋ nɛ a bɩ chɛ ba jegile nɩɩ mɩ niiŋ wɩaa.’ ”

JƐRƖMAAYA 2:21

Mɩ fa leŋe ma chɩŋ nɛ a nagɛ girep tɩa naakeliŋ sɩ chaasa zɔŋ ba kere chɔnsɛ. Bɛɛ nɛ saa tɩɩ ma mɩɩra chɩŋ mɩ lɛ a nagɛ girep tɩa sɩ yalɩba a bɩ bʋbʋɔ kɛnɛ?

JƐRƖMAAYA 24:6

Mɩ jaŋ beŋ ba nyuŋ dɩ wɩaa zɔmɔ pɩba, a kɛmba mɩɩra kɔ tinteeŋ deeŋ. Mɩ jaŋ leŋ dɩ ba chɩŋ, mɩ bɩ jaŋ leŋ dɩ ba tel. Mɩ jaŋ leŋ dɩ ba naapoloo jʋʋ tinteeŋ, mɩ bɩ jaŋ churiba.

JƐRƖMAAYA 26:13

Lɛɛlɛ, má bɩrɩmɛ ma mɛlɛ arɩ ma wʋŋaalaa aŋ to ma TƖƖNA Wɩa niiŋ. Dɩ ma nɛ ŋaa ŋɩɩ, La TƖƖNA jaŋ kɛŋ ʋ tʋɔbɩɩnaa bɩrɩmɛ, ʋ bɩra bɩ jaŋ kɛŋ wʋlɔrʋ-la wɩaa ʋ sɩ bʋla kʋ hɛ ma lɛ.

JƐRƖMAAYA 26:19

Juda tinteeŋ kuoro Hezikaaya koo Juda nʋʋ dɔŋ fa kpʋʋ nɛɛ? Hezikaaya fá La TƖƖNA nɛ, a sʋlʋ dɩ ʋ pɛ ʋ lɛ. Ʋ sɩ ŋaa ŋɩɩ, La TƖƖNA leŋ wʋlɔrʋnʋ-la ʋ fa sɩ sɩ ʋ jaŋ ŋaa ba lɛ nɛ. Laa chɛ dɩ la lɛrɛ wɩɩ sɩ chaasa lɔrɛ nɛ a kʋ hɛ la tɩtɩa lɛ.”

JƐRƖMAAYA 32:29

Babɩlɔŋ tɩmma-la sɩɩ yuo tabalɩŋ deeŋ jaŋ kʋ jʋʋ joŋ nyiniŋ hɛʋ. Ba jaŋ nyɩgʋ dɩ ʋ dii tel, a pɛ dɩɩsɩ-la nɩaa sɩ kaa ŋaa wɩaa mɩ baanɩŋ sii lɛ. Dɩɩsɩ-la nyuŋ nɛ ba nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal, aŋ pɛ ŋaa kʋnyʋalaa Wɩɩsʋlʋŋ ma aa pɩ vesiŋ.

JƐRƖMAAYA 32:30

Iziral tɩŋŋaa arɩ Juda nɩaa hambiiriŋ kala lɛ a kaa kɔ ŋ-la, ba bɩ wʋzɔŋ kala ŋaa mɩ sɩɩŋ lɛ, see wʋbɔŋ. Wʋtɩtɩɩ, Iziral tɩŋŋaa bɩ wʋzɔŋ kala ŋaa, ba mɩɩra kɛŋ vesi-la ba tɩtɩa sɩ ŋaa nɛ a leŋ mɩ baanɩŋ sii. Mɩ-na ma TƖƖNA nɛ bʋla.

JƐRƖMAAYA 35:17

Ŋɩɩ wɩaa, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Má jegile nɩɩ, mɩ jaŋ kɛŋ wʋlɔrʋnʋ-la kala wɩaa mɩ sɩ bʋla a kaa kʋ hɛ Juda arɩ nɩalɩŋ kala sɩ hɛ Jerusalɛm lɛ. Mɩ bʋl wɩaa pɩba nɛ, ama ba bɩ jegile nɩɩ. Mɩ yɩrɛba nɛ, ama ba bɩ sɛyɛ.”

JƐRƖMAAYA 36:7

Kapo ba jaŋ kɔ La TƖƖNA sɩpaaŋ a sʋlʋ aŋ bɩrɩma lɩɩ ba wʋbɔŋŋɔɔ lɛ, bɛɛ wɩaa La TƖƖNA sɩ na baanɩŋ a bʋl wɩalɩŋ tɩgɛ nɩaa deemba lɛ bɩ bana kɛnɛ.”

JƐRƖMAAYA 40:2

Laalɩyuoro-la sɩɩ pɔ kuoro kʋhɩaŋ-la sɩ na Jɛrɩmaaya, ʋ bʋla pʋ, “Ŋ TƖƖNA Wɩa nɛ sɩ ʋ jaŋ joŋ wʋlɔrʋŋ deeŋ hɛ leriŋ deeŋ lɛ.

JƐRƖMAAYA 40:3

Lɛɛlɛ La TƖƖNA leŋe wɩɩ-la ŋaa nɛ. Ʋ ŋaa ŋɩɩ tɩtɩa ʋ sɩ bʋla nɛ. Wɩaa deemba kala ŋaa a tɩŋ ma sɩ ŋaa wʋbɔŋŋɔɔ La TƖƖNA teeŋ a bɩ ʋ niiŋ to nɛ.

JƐRƖMAAYA 42:10

‘Dɩ ma nɛ hɔŋ tinteeŋ deeŋ lɛ, mɩ jaŋ leŋ dɩ ma waa, mɩ bɩ jaŋ yigima lo. Mɩ jaŋ leŋ dɩ ma chɩŋ, mɩ bɩ jaŋ churima. Mɩ tʋɔŋ chaasa chei nɛ wʋlɔrʋnʋ-la mɩ sɩ joŋo hɛ ma lɛ.

JƐRƖMAAYA 44:5

Ama ba bɩ jegile nɩɩ, aŋ vɩa dɩ ba tomi. Ba bɩ bɩrɩma lɩɩ ba wʋbɔŋŋɔɔ lɛ koo a leŋ kʋsʋɔrʋsʋŋ nyɩga pɩ vesiŋ.

JƐRƖMAAYA 44:8

Bɛɛ nɛ tɩɩ ma kɛŋ kɩalɩŋ ma tɩtɩa sɩ ŋaa a leŋ mɩ baanɩŋ sii, ma sɩ nyɩgɛ kʋsʋɔrʋsʋŋ a pɩpɩ Ijipiti vesiŋ lee-la ma sɩ kʋ hɔŋ? Ma jaŋ chei ma tɩtɩa, dɩ dʋnɩa tinteyee kala nɩaa sisieri ma lɛ, a kɛŋ ma yɩrɩŋ ŋmɩɛsa hɩhɛ nɩaa lɛ.

JƐRƖMAAYA 45:4

La TƖƖNA bʋla pɩmɛ, “Bʋl ŋ-la a pʋ: ‘Wɩɩ-la mɩ-na ma TƖƖNA sɩ bʋla nɛ ŋ-la: Mɩ jaŋ yigi kʋ-la mɩ sɩ saa a lo, a churi kʋ-la ma mɩ sɩ chɔnsɔ tintee-la kala lɛ.

JƐRƖMAAYA 7:18

Biiriŋ jaa daasɩŋ hɩhɛ dɔŋɔ nɛ, nyɩmmaba ma hɩhɛ nyiniŋ, haalaa ma bubuu munuŋ dɩ ba wasɛ boroboro pɩ vene-la ba sɩɩ yɩrɛ wɩa-nyuŋ ha-kuoro. Ba wansɛ kʋnyʋalaa ma aa pɩ vesiŋ nɛ. Ba ŋaa wɩaa deemba kala a chɩchɛ dɩ mɩ baanɩŋ sii nɛ.

JƐRƖMAAYA 7:9

Ma yie gɩgaa nɩaa kɩaa nɛ, a kpʋkpʋ nɩaa, a chɩchɛ dɔŋɔba haalaa, a nyɩɛ wɩaa aŋ ŋmɩŋmɩɛsɛ, a nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal a tuto vesiŋ dɔnsʋŋ ma sɩ bɩ jɩŋ,

ƐZƖKƖƐL 17:5

Kachuu-la bɩra churi tɩɩ-nyʋʋlʋ-bie kʋbala Iziral tinteeŋ lɛ a joŋo chɔnsɛ tintee-la sɩ sɩma lɛ a kpagɛ lɩɩŋ sɩ yʋga leriŋ.

HOSIA 10:1

Iziral fa nagɛ girep tɩa sɩ jɛrɛ woruŋ nɛ, a nɩnɛŋ woruŋ. Ʋ nɛnɛɛ sɩ kʋ yʋgɛ woruŋ ŋɩɩ, ʋ saa veŋ-kpaarɛ korunuŋ yʋgɛ. Ʋ tinteeŋ sɩ kɛŋ kɩaa woruŋ ŋɩɩ, ŋɩɩ tɩtɩa nɛ ʋ kpɩɛrɛ tabɩa-la sɩ ŋaa vesiŋ.