JƐRƖMAAYA 11:15 - WƖA TENIŊ

¹⁵ Wombii bɛɛ nɛ nɩalɩŋ mɩ sɩ cho kɛŋ dɩ ba hɛ mɩ dɩɩ-balɩŋ lɛ a ŋɩŋaa wɩaa, ba sɩ gɔllɔ to ŋaa wʋbɔŋŋɔɔ a yʋga magɛ ŋ-la? Ba bɩɩna ba jaŋ giri wʋlɔrʋ-la ta dɩ ba nɛ hɛ niiriŋ aŋ kpʋ pʋsʋŋ a ŋɩŋaa Wɩɩsʋlʋŋ. Wɩaa deemba jaŋ wuo leŋ dɩ ba tʋɔŋ tɔrɛɛ?

JƐRƖMAAYA 11:15 ပူးပေါင်းရင်းမြစ်များ

WƖA YƖƖLAA 50:16

Wɩa bʋla pɩ nɩbɔŋŋɔɔ: “Ma-na bɩ wombii kɛnɛ dɩ ma bʋbʋl wombie-la mɩ sɩ bile dɩ baa to wɩaa koo dɩ ma bʋbʋl nii-la sɩ hɛ mɩ dɩ ma pɛgɛ wɩaa.

WƖA YƖƖLAA 60:5

Kɛŋ ŋ naduo-la pɛ la lɛ a laala ta. Laa nɩalɩŋ ŋ sɩ cho ta.

NAMAGABA 10:23

Nɩyaarɩŋ tʋɔŋ yie tɔrɛ wʋbɔŋŋɔɔ ŋaanɩŋ lɛ nɛ, ama nɩɩ-la sɩ jɩŋ wɩaa sɩaa tʋɔŋ yie tɔrɛ wʋjɩmɩŋ lɛ nɛ.

NAMAGABA 15:8

La Tɩɩna bɛrɛ nɩbɔmʋŋ sɩ kpʋ pʋna a ŋaa Wɩɩsʋlʋŋ nɛ, ama ʋ tʋɔŋ ka tɔrɛ tʋɔpʋl tɩɩna-na Wɩɩsʋlʋŋ nyuŋ nɛ.

NAMAGABA 2:14

nɩalɩŋ sɩ yie ŋaa wʋbɔŋŋɔɔ ka ba tʋɔŋ tɔrɛ a jʋjʋɔsɛ wʋbɔŋŋɔɔ ŋaanɩŋ lɛ,

NAMAGABA 21:27

La Tɩɩna bɛrɛ nɩbɔmʋŋ Wɩɩsʋlʋŋ kɩaa nɛ, a saa bibeŋ dɩ ʋ kɛŋ kɩalɩŋ kɔ arɩ tʋɔbɩɩŋ bɔmʋŋ.

NAMAGABA 26:18

A nagɛ nyɩnyɛ tɩɩna sɩɩ yuo to-hɛŋŋɛɛ sɩɩ chol nyiniŋ koo hɛ-sʋʋlaa,

NAMAGABA 28:9

Dɩ nʋʋ nɛ bɩ chɛ ʋ jegili Wɩa wombiiŋ wɩaa, ʋ Wɩɩsʋlʋŋ paala sʋɔrɛ nɛ.

AZAAYA 50:1

Wɩɩ-la La TƖƖNA sɩ pɩɛsɛ Iziral tɩŋŋaa nɛ ŋ-la: “Teŋ-la mɩ sɩ ŋmʋnsa pɩ ma naaŋ, aŋ kiru ta hɛ nɩɩ nɛ? Koo kʋbɛɛ chɩŋ nɛ mɩ dii a joŋu yalla tiŋ? Ma wʋbɔŋŋɔɔ wɩaa nɛ tɩɩ ma nagɛ nʋʋ ba sɩ yalla. Ma wʋcheelee nɛ tɩɩ mɩ kirima ta.

JƐRƖMAAYA 12:7

Mɩ jaŋ vɩa mɩ nɩaa Iziral tɩŋŋaa ta, Mɩ jaŋ vɩa mɩ nɩtɩɩlaa ta. Mɩ jaŋ joŋ mɩ nɩchooloo hɛ ba dʋndɔŋŋɔɔ nɩsɩŋ lɛ.

JƐRƖMAAYA 13:27

a tɩŋ ma wʋchɔrʋmɔɔ arɩ ma sɩaa wʋchoolie-la ma sɩ hiine chɛ, arɩ hɩɩsɩ wɩalɩŋ ma sɩ ŋaa lɛ. Mɩ na wʋkɩsɩa-la ma sɩɩ ŋaa nɛ dundolluŋ arɩ bagɩsɩŋ lɛ. Jerusalɛm tɩmma, wɩɩŋ puuma. Ɛɛ nɛ maa chɛ dɩ ma kɛŋ disiniŋ a diene magɛ?”

JƐRƖMAAYA 15:1

Ŋɩɩ nɛ La TƖƖNA bʋla pɩmɛ, “Dɩ Mosis arɩ Samʋɛl nɛ fa paala kʋ chɩŋ mɩ sɩpaaŋ a sʋlmɛ ma, mɩ bɩ jaŋ fá nɩaa deemba nenige. Kiriba ta dɩ ba sʋrɩsɛ mɩ sɩpaaŋ! Leŋ dɩ ba mʋ!

JƐRƖMAAYA 2:2

“Mʋ heele bʋla pɩ Jerusalɛm nɩaa kala, mɩ liise yi ŋɩɩ ma fa sɩɩ to mɩ nɛ ma hambiriŋ lɛ. Ma fa chomi nɛ woruŋ a nagɛ nɩa sɩ cho ʋ ha-falɩŋ ŋɩɩ, a to mɩ harɩŋ tintee-hɩlɩŋ lɛ, gɩrɩpɩrɩŋ tʋɔŋ.

JƐRƖMAAYA 23:11

La TƖƖNA bɩra sɩ, “Mɩ wʋlaabʋllaa arɩ Wɩɩsʋllɩ sɩpaalaaraa bɩ mɩ ka fá. Mɩ dɩɩ-bal-la ma tɩtɩa lɛ, baa ŋaa wʋbɔŋŋɔɔ nɛ.

JƐRƖMAAYA 3:14

Mɩ-na ma TƖƖNA sɩ, “Ma ŋaa nɩaa sɩ bɩ wʋtɩtɩɩ kɛnɛ nɛ, má mɩɩra kɔ mɩ teeŋ. Mɩ nɛ ma bala. Mɩ jaŋ bagɩsa lɩɩsɛ nɩaa ma tʋɔŋ. Mɩ jaŋ lɩɩsɛ nɩbala taŋ kala lɛ, aŋ lɩɩsɛ nɩaa balɩa ma nyɩŋ-nɩaa tʋɔŋ a kɛmba kaa kɔ Zaayɔŋ.

JƐRƖMAAYA 3:8

Mɩ joŋ teŋ-la mɩ sɩ ŋmʋnsa a vɩvɩa Iziral mɩ sɩ jaa, ka ʋ bɩ wʋtɩtɩɩ kɛnɛ a pʋ nɛ aŋ kiru ta, a tɩŋ wʋchɔrʋmɔ-la kala ʋ sɩ ŋaa wɩaa. Ama ʋ naambie Juda ma fa sɩ bɩ wʋtɩtɩɩ kɛnɛ bɩ fawʋllʋŋ fá, aŋ ma mʋ ŋaa wʋchɔrʋmɔ-la tɩtɩa.

HOSIA 3:1

La TƖƖNA bʋla pɩmɛ, “Bɩra mʋ dagɛ ŋ chonuŋ ŋ haal-la lɛ, arɩ ʋ sɩ ŋaa hachɔrʋŋ ma nʋʋ dɔŋ hɩɩlʋ. Ŋ-na ha chou a nagɛ mɩ-na ma TƖƖNA sɩ cho Iziral tɩŋŋaa ŋɩɩ, arɩ ba sɩɩ to vesiŋ a joŋ tɩɩ-nɛŋ hɩlaa pɩpɩba ma.”

Matiu 22:11

Ŋɩɩ nɛ kuoru-la jʋʋ dɩ ʋ na nɩalɩŋ sɩ kɔ a na baal kʋbala dɩ ʋ bɩ hajaarɩ gbiele gɛrɩŋ laala.

Luuk 8:28

Ʋ sɩ na Yesu, ʋ ŋmoo niiŋ aŋ tuu tel ʋ sɩpaaŋ, aŋ bʋla pʋ, “Yesu, Wɩɩ-balɩŋ Bie, bɛɛ nɛ ŋ chɛ ŋ ŋaa mɩ lɛ? Mɩɩ sʋlʋŋ, sɩ́ mɩ dɔgɩsʋ.”

Rom Tɩŋŋaa 11:28

A tɩŋ Juu tɩŋŋaa sɩ vɩa Wɩa wʋzɔmɔ-la wɩaa nɛ tɩɩ ba ŋaa Wɩa dʋndɔmɔ, ma nɩalɩŋ saa sɩ bɩ Juu tɩŋŋaa ŋaa wɩaa nɛ tɩɩ. Ama a tɩŋ ʋ sɩ lɩɩsɛba wɩaa nɛ tɩɩ ba ŋaa ʋ nɩchooloo, a tɩŋ ba naabalɩmaba wɩaa,

1 Kɔrɩntɩ Nɩaa 13:6

Dɩ ŋ nɛ cho nɩaa, ŋ tʋɔŋ bɩ jaŋ tɔrɛ dɩ ba nɛ ŋaa wʋbɔŋ, ama ŋ tʋɔŋ jaŋ tɔrɛ dɩ ba to wʋtɩtɩɩ.

Taatɩs 1:15

Tʋɔpʋl tɩɩna teeŋ kʋŋkala zɔmɔ nɛ. Disiŋ tɩmma-la sɩ bɩ Wɩa wɩaa laa dii teeŋ, kʋŋkala ŋaa disiŋ kʋŋ nɛ. Ba tʋɔŋ lɔrɔ, ba tʋɔbɩɩnaa kala bɩ zɔŋ.

Jeems 4:16

Ama ma haa ŋmoo ma bɔyɛ lɛ nɛ aa dagɛ ma tɩtɩa. Ʋ ŋɩɩ ŋaa wʋbɔŋ nɛ.