JƐRƖMAAYA 11:11 - WƖA TENIŊ

¹¹ Ŋɩɩ wɩaa, wɩɩ-la mɩ-na ma TƖƖNA sɩ bʋla nɛ ŋ-la: ‘Mɩ jaŋ kɛŋ wʋlɔrʋŋ ba sɩ́ bɩ jaŋ wuo fá kagɛ a kʋ hɛ ba lɛ. Ba jaŋ ŋmoo niiŋ mɩ teeŋ, ama mɩ bɩ jaŋ jegile nɩɩ ba teeŋ.

JƐRƖMAAYA 11:11 ပူးပေါင်းရင်းမြစ်များ

2 KUOROO 22:16

arɩ La TƖƖNA sɩ, ‘Mɩ jaŋ joŋ wʋlɔrʋnʋŋ hɛ Jerusalɛm arɩ ʋ nɩaa kala lɛ, arɩ teŋ-la Juda tinteeŋ kuoro sɩ karɩma sɩ dagɛ ŋɩɩ,

2 IZIRAL TƖŊŊAA NAABARƖŊ 34:24

arɩ La TƖƖNA sɩ, ‘Mɩ jaŋ joŋ wʋlɔrʋnʋŋ hɛ Jerusalɛm arɩ ʋ nɩaa kala lɛ. Mɩ jaŋ joŋ wʋbɔmɔ-la kala sɩ hɛ teŋ-la tʋɔŋ ba sɩ karɩma Juda kuoro sɩpaaŋ a ŋaa ba lɛ,

JOB 35:13

Wʋtɩtɩɩ, Wɩa bɩ ba yɩrɩ pɛɩ-la ba sɩ yie yɩrʋ ka nɩɩ, La TƖƖNA doluŋ kala Tɩɩna bɩ ba yɩrɩ pɛɩ-la ka jegili.

WƖA YƖƖLAA 18:41

Ba ŋmoo niiŋ a chɩchɛ nʋʋ nɛ dɩ ʋ pɛ ba lɛ, ka nʋʋ tuo dɩ ʋ laaba ta. Ba yɩrɛ ŋ-na La TƖƖNA ma, ŋ fʋʋla yagɛba.

WƖA YƖƖLAA 66:18

Dɩ mɩ nɛ fa kɛŋ tʋɔbɩɩŋ bɔŋŋɔɔ, ʋ bɩ jaŋ laa mɩ sʋla.

NAMAGABA 1:28

ŋɩɩ lɛ nɛ ma jaŋ yɩra chɩchɛmɛ dɩ mɩ pɛ ma lɛ, ama mɩ bɩ jaŋ sɛɩ. Ma jaŋ beŋ lee-kala a chɩchɛmɛ, ama ma bɩ jaŋ namɛ.

NAMAGABA 29:1

Dɩ ŋ nyuŋ nɛ dolie, dɩ ba tʋrʋŋ tʋrʋŋ lɔl, ŋ jaŋ kʋʋ jɩŋ dɩ ba guu chei ŋ kala. Wɩɩkala tuo sɩ jaŋ laaŋ ta.

AZAAYA 1:15

Dɩ ma nɛ kɔ mɩ teeŋ a je nɩsaa sʋlmɛ, mɩ jaŋ joŋ mɩ harɩŋ a yɩama. Dɩ ma nɛ sʋlmɛ magɛ ŋɩɩ kala, mɩ bɩ jaŋ nɩɩ, bɛɛ wɩaa ma nɩsaa kala nɛ suo arɩ chalɩŋ.

AZAAYA 24:17

Fawʋllʋŋ jaŋ kɛŋ ma dʋnɩa nɩaa kala, buotuo-luŋoo arɩ bɛrɩsɩŋ ma sɩ jaŋ foro tuu gbɛrɛma nɛ.

JƐRƖMAAYA 11:14

Jɛrɩmaaya, sɩ́ mɩ sʋla pɩ nɩaa deemba, sɩ́ ba naasɩŋ lɛ chɩna sʋlmɛ chɩchɛ dɩ mɩ ŋaa wɩɩkala a pɩba, bɛɛ wɩaa mɩ bɩ jaŋ jegile nɩɩ ba teeŋ bʋa-la lɛ hɛɛŋ sɩ jaŋ jʋʋba dɩ ba yɩrɛmɛ.

JƐRƖMAAYA 11:17

Mɩ-na ma TƖƖNA, doluŋ kala Tɩɩna sɩ leŋe ma hɛ nɩmɛ, bʋla arɩ wʋlɔrʋŋ jaŋ jʋʋma, bɛɛ wɩaa ma Iziral arɩ ma Juda nɩaa ŋaa wʋbɔŋŋɔɔ nɛ a nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal a ŋaa mɩ baanɩŋ sii.”

JƐRƖMAAYA 14:12

Arɩ ba sɩɩ vɔɔ niiŋ ma kala, mɩ bɩ jaŋ jegile nɩɩ ba yele. Ba ŋaa kʋnyɩgaa Wɩɩsʋlʋŋ arɩ mɩaa Wɩɩsʋlʋŋ pɩpɩmɛ ma nɛ, ama mɩ bɩ jaŋ laaba. Mɩ jaŋ mɩɩra joŋ laalɩŋ, losuŋ arɩ nyanyalɩŋ a hɛ ba lɛ dɩ ba sʋʋ.”

JƐRƖMAAYA 14:2

“Juda tinteeŋ nɩaa ka yel nɛ, ʋ tabalaa nɩaa ma bɩbal nɩsɩŋ. Baa yel tintee-la wɩaa nɛ, a yele lɩlɩɩ Jerusalɛm lɛ.

JƐRƖMAAYA 15:2

Dɩ ba nɛ pɩɛsɩŋ, ‘Nɩɩ nɛ la jaŋ mʋ?’ bʋla pɩba, Wɩɩ-la mɩ-na ma TƖƖNA sɩ bʋla nɛ ŋ-la: ‘Nɩalɩŋ nyanyal bɔŋŋɔɔ sɩ jaŋ kpʋ, ba jaŋ kpʋ. Nɩalɩŋ sɩ jaŋ sʋʋ laalɩŋ lɛ, ba jaŋ sʋʋ. Nɩalɩŋ losuŋ sɩ jaŋ kɛŋ dɩ ba sʋʋ, ba jaŋ sʋʋ. Nɩalɩŋ ma ba sɩ jaŋ kɛsɛ mʋ yoŋ-baga, ba jaŋ kɛsɛ mʋ.’

JƐRƖMAAYA 18:11

Lɛɛlɛ bʋla pɩ Juda nɩaa arɩ ba nɩalɩŋ dɔnsʋŋ sɩ hɛ Jerusalɛm lɛ, ‘Wɩɩ-la mɩ-na ma TƖƖNA sɩ bʋla nɛ ŋ-la: Má bee na, mɩɩ bɩɩnɛ wɩɩ nɛ dɩ mɩ ŋaa ma lɛ. Wʋlɔrʋ nɛ mɩɩ bɩɩnɛ dɩ mɩ joŋo dɔgɩsɛma. Ŋɩɩ wɩaa má kʋŋkala bɩrɩma lɩɩ ma wʋbɔŋŋɔɔ lɛ. Ma bɩrɩmɛ ma mɛlɛ arɩ ma wʋŋaalaa.’

JƐRƖMAAYA 19:15

“Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Má jegile nɩɩ, mɩ jaŋ kɛŋ wʋlɔrʋnʋ-la mɩ sɩ daga a kʋ hɛ tabalɩŋ deeŋ arɩ tabiisi-la kala sɩ gollu lɛ, bɛɛ wɩaa ba kɛŋ nyuduoŋ nɛ a bɩ chɛ ba jegile nɩɩ mɩ niiŋ wɩaa.’ ”

JƐRƖMAAYA 19:3

Bʋl, ‘Juda kuoroo arɩ Jerusalɛm nɩaa, má jegile nɩɩ mɩ-na ma TƖƖNA wɩaa.’ Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Má jegile nɩɩ, mɩ jaŋ kɛŋ wʋlɔrʋŋ kʋ hɛ leriŋ deeŋ nɩaa lɛ. Dɩ nʋʋkala nɛ nɩɩʋ ʋ dɩgɩlaa jaŋ chɩɩmɛ.

JƐRƖMAAYA 23:12

Ŋɩɩ wɩaa, ba wombiiŋ jaŋ sɩsɩɛrɛ, mɩ jaŋ kiriba hɛ birimiŋ lɛ, dɩ ba tel nɩmɛ. Mɩ jaŋ kɛŋ wʋlɔrʋŋ kʋ hɛ ba lɛ jɩna-la lɛ mɩ sɩ jaŋ dɔgɩsɛba. Mɩ-na ma TƖƖNA nɛ bʋla.

JƐRƖMAAYA 25:35

Sɩpaalaaraa bɩ jaŋ kɛŋ dɩ-fá-mʋʋlɩɩ. Nɩalɩŋ sɩpaalaara-la bɩ dɩ-fori kɛnɛ.

JƐRƖMAAYA 35:17

Ŋɩɩ wɩaa, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Má jegile nɩɩ, mɩ jaŋ kɛŋ wʋlɔrʋnʋ-la kala wɩaa mɩ sɩ bʋla a kaa kʋ hɛ Juda arɩ nɩalɩŋ kala sɩ hɛ Jerusalɛm lɛ. Mɩ bʋl wɩaa pɩba nɛ, ama ba bɩ jegile nɩɩ. Mɩ yɩrɛba nɛ, ama ba bɩ sɛyɛ.”

JƐRƖMAAYA 36:31

Mɩ jaŋ dɔgɩsɛ ʋ dɩ ʋ biiriŋ arɩ ʋ tɩntɩnnaa a tɩŋ ba wʋbɔŋŋɔɔ wɩaa. Mɩ jaŋ kɛŋ wʋlɔrʋnʋ-la wɩaa mɩ sɩ bʋla tɩgɛ ba lɛ kaa kʋ hɛ ba dɩ nɩalɩŋ kala sɩ hɛ Jerusalɛm arɩ Juda lɛ, bɛɛ wɩaa ba bɩ jegile nɩɩ mɩ teeŋ.”

JƐRƖMAAYA 6:19

Tinteeŋ nɩaa, má jegile nɩɩ. Mɩ kɛŋ wʋlɔrʋ nɛ a kʋkɔ dɩ mɩ hɛ nɩaa deemba lɛ, a tɩŋ ba wʋŋaalaa wɩaa. Ba bɩ jegile nɩɩ mɩ niiŋ wɩaa, aŋ vɩa mɩ wombie-la mɩ sɩ bile dɩ ba tuto.

JEMBIEE 2:22

Ŋ yɩrɛ mɩ dʋndɔŋŋɔɔ hɛ mɩ lɛ a nagɛ ba sɩ yie yɩrɛ nɩaa ba kɔ gbiele nɛ, a leŋ ba joŋ fawʋllʋŋ hɛ mɩ lɛ sɛmɛ kala. Tapʋlɩɩ-la ŋ-na La TƖƖNA sɩ na baanɩŋ, nʋʋkala bɩ foro fá, nʋʋkala bɩ ka. Hambiisi-la mɩ sɩ dɩɛsa a beŋ ba nyuŋ woruŋ, mɩ dʋndɔŋŋɔɔ kpʋ ba kala nɛ.

ƐZƖKƖƐL 14:3

“Nuhuobiiŋ, nɩaa deemba joŋ vʋɩyaa kpaarɩŋ nɛ hɛ ba nyuŋ lɛ, a leŋ nɩbɔŋ wɩaa kɛrɛba. Ɛɛ nɛ saa ba jaŋ pɩɛsɛmɛ dɩ mɩ dagɛba wɩaa?

ƐZƖKƖƐL 7:5

La TƖƖNA Wɩɩjarɩbakɔ bɩra sɩ, “Wʋlɔrʋnʋŋ jaŋ kɔ ma lɛ a lɩɩ aŋ ka pɩpɩ dɔŋɔ.

ƐZƖKƖƐL 8:18

Ŋɩɩ wɩaa, mɩ jaŋ dagɛba arɩ baanɩŋ, mɩ bɩ jaŋ fá ba nenige koo a lemba. Ba jaŋ faasa suri ba yikoro a sʋsʋlmɛ, ama mɩ bɩ jaŋ jegili ba teeŋ.”

AMƆS 5:19

Ʋ jaŋ nagɛ nʋʋ sɩ fá kagɛ naachigiŋ lɛ a mɩɩra mʋ jʋʋ lʋgʋmʋŋ niiŋ, koo a nagɛ nʋʋ sɩ jʋʋ dɩa a joŋ ʋ nɩsɩŋ tɩgɛ jeeŋ, dɩmɩŋ kaa dɩŋ nɛ.

MƖKA 3:4

Bʋa kʋbala jaŋ yi dɩ ma ŋmoo niiŋ a pɩ ma TƖƖNA, ama ʋ jaŋ fʋʋla yagɛma. Bʋa-la lɛ ʋ jaŋ kɛŋ ʋ tɩtɩa faama, bɛɛ wɩaa wʋbɔŋ nɛ ma ŋaa.”

ZƐKARƖYA 7:13

Mɩ fa sɩ bʋl wɩaa pɩba, ba bɩ jegile nɩɩ, ŋɩɩ wɩaa ba ma sɩ yɩrɛmɛ, mɩ bɩ jegile nɩɩ. Mɩ-na ma TƖƖNA doluŋ kala Tɩɩna nɛ bʋla.

1 Tɛsalonaaka Nɩaa 5:3

Bʋa-la lɛ nɩaa sɩ jaŋ bɩɩnɛ arɩ leriŋ fɩɛla nɛ wɩɩkala tuo, cheeriŋ jaŋ guu jʋʋba. Nʋʋkala bɩ jaŋ wuo fá lɛl. Ʋ jaŋ nagɛ arɩ haala sɩ kɛŋ luoruŋ, ʋ luoruŋ sii a wʋwɩɩ ʋ lɛ dɩ ʋ lʋl.

Hiburu TƖŊŊAA 1:3

Wɩa sɩ kɛŋ tʋla-la, ʋ nɛ ʋ Bie ma kɛŋ. Ŋɩɩ Wɩa sɩ naga, ŋɩɩ tɩtɩa nɛ ʋ Bie ma nagɛ. Wɩalɩŋ ʋ sɩɩ bʋl kɛŋ doluŋ, dol-la nɛ ʋ kaa beŋ kʋŋkala sɩ hɛ dʋnɩa lɛ. Ʋ sɩ pɩɩsɛ nɩaa disiniŋ ta dɛrɛ, ʋ jɩla hɔŋ Wɩa nadiiŋ, nɩduoŋ dɩhɔnʋŋ.