JƐRƖMAAYA 11:10 - WƖA TENIŊ

¹⁰ Ba mɩɩra ŋɩŋaa wʋbɔmɔ-la ba naabalɩmaba-la fa sɩ vɩa dɩ ba jegile nɩɩ mɩ niiŋ wɩaa aŋ ŋaa nɛ. Ba to vʋɩyaa nɛ a kpaarɛba. Juda arɩ Jerusalɛm nɩaa kala chei nii-la mɩ fa sɩ bile mɩ dɩ ba naabalɩmaba pɛgɛ nɛ.

JƐRƖMAAYA 11:10 ပူးပေါင်းရင်းမြစ်များ

WƖA YƖƖLAA 78:57

Ba lɩɩ ʋ harɩŋ a nagɛ ba naabalɩmaba fa sɩ ŋaa ŋɩɩ nɛ. Ba fa golibo nɛ a nagɛ toŋ sɩ golibo, ŋ bɩ ŋ yɩɛlaa wuo joŋo hɛ ba lɛ.

AZAAYA 24:5

Dʋnɩa nɩaa ŋaa tinteeŋ kɛŋ disiniŋ nɛ. Ba chei La TƖƖNA wombie-la ʋ sɩ bile dɩ la tuto nɛ a vɩa wɩalɩŋ ʋ sɩ daga, aŋ ŋaa wɩaa chei nii-la fa sɩ maga ʋ hɛ ʋ dɩ ba pɛgɛ a kaa mʋ wuu.

JƐRƖMAAYA 13:10

Nɩbɔŋŋɔɔ deemba sɩ vɩa dɩ ba jegile nɩɩ mɩ wɩaa, nɩalɩŋ sɩɩ to ba nyuduoŋ harɩŋ, a kire tuto vʋɩyaa harɩŋ a tɩma pɩpɩba a kpʋkpaarɛba jaŋ nagɛ tɩŋgɛnnɛ deeŋ. Ba jaŋ chei a chaasa ŋaa nɩpɛɩba.

JƐRƖMAAYA 17:23

Ama ba fa bɩ jegile nɩɩ a kaa tɩŋ. Ba fa kɛŋ nyuduoŋ nɛ a bɩ chɛ ba jegile nɩɩ koo a sɛɩ dagɩŋ.

JƐRƖMAAYA 22:9

Wɩɩ-la ba sɩ jaŋ bʋla pɩba nɛ: ‘A tɩŋ ba sɩ vɩa nii-la sɩ hɛ ba dɩ ba TƖƖNA Wɩa pɛgɛ aŋ tuto vesiŋ a kpʋkpaarɛba nɛ tɩɩ.’ ”

JƐRƖMAAYA 31:32

Ʋ bɩ jaŋ nagɛ nii-la mɩ fa sɩ bile mɩ dɩ ba naabalɩmaba pɛgɛ, bʋa-la lɛ mɩ sɩ kɛmba kaa kʋʋ lɩɩ Ijipiti tinteeŋ lɛ. Mɩ fa ŋaa ba bala nɛ, aŋ ka ba ha pɛ vɩa aŋ chei nii-la sɩ hɛ mɩ dɩ ba pɛgɛ. La TƖƖNA nɛ bʋla.”

JƐRƖMAAYA 44:16

“La bɩ jaŋ jegile nɩɩ tɩndaarɩ-la ŋ sɩ bʋla pɩla La TƖƖNA yɩrɩŋ lɛ.

JƐRƖMAAYA 44:5

Ama ba bɩ jegile nɩɩ, aŋ vɩa dɩ ba tomi. Ba bɩ bɩrɩma lɩɩ ba wʋbɔŋŋɔɔ lɛ koo a leŋ kʋsʋɔrʋsʋŋ nyɩga pɩ vesiŋ.

JƐRƖMAAYA 7:28

Ŋɩɩ wɩaa bʋla pɩba, ‘Tintee-la nɩaa sɩ vɩa dɩ ba to mɩ-na ba TƖƖNA Wɩa niiŋ, a bɩ sɛyɛ dɩ mɩ kɛmba tʋra kɩɩ nɛ ŋɩɩ. Wʋtɩtɩɩ lɛlɛ nɛ, ʋ lɛl ba niiree lɛ nɛ.’ ”

JƐRƖMAAYA 9:6

Jɛrɩmaaya, ŋ tagɩlɛ nɩ-nyɩsɛraa tʋɔŋ nɛ. Ba sɩɩ nyɩsɛ nɩaa ŋɩɩ, ba bɩ mɩ kaa tɩtɩŋ. Mɩ-na ma TƖƖNA nɛ bʋla.”

ƐZƖKƖƐL 16:59

Wɩɩ-la mɩ-na ŋ TƖƖNA Wɩɩjarɩbakɔ bɩra sɩ bʋla nɛ ŋ-la: Jerusalɛm, mɩ jaŋ joŋ wɩalɩŋ ŋ sɩ ŋaa chɩmɩŋ a tiŋ ŋ lɛ, bɛɛ wɩaa ŋ bɩ nii-la mɩ sɩ hɛ kaa tɩŋ aŋ chei nii-la sɩ hɛ mɩ dɩŋ pɛgɛ.

ƐZƖKƖƐL 44:7

Ma kɛŋ nɩwogusuŋ sɩ bɩ mɩ ka to nɛ, a bɩ ba penee ma kere kʋ jʋʋ mɩ dɩɩ-bal-la a joŋ disiniŋ hɛ ʋ lɛ, bʋa-la lɛ ma sɩ yie joŋ pʋsʋŋ nʋʋŋ arɩ chalɩŋ sɩ ŋaa mɩ kʋdiilee a ŋaa Wɩɩsʋlʋŋ pɩmɛ. Ma chei nii-la sɩ hɛ mɩ dɩ ma pɛgɛ nɛ, a tɩŋ wʋkɩsɩa-la kala ma sɩ ŋaa wɩaa.

ƐZƖKƖƐL 5:6

Ama a tɩŋ ʋ bɔnsʋŋ wɩaa, ʋ vɩa mɩ wombie-la mɩ sɩ bile dɩ ba tuto arɩ wɩalɩŋ mɩ sɩ daga nɛ, a kɩɩ tinteye-la nɩaa sɩ gollu. Ʋ vɩa mɩ wombie-la mɩ sɩ bile nɛ, a bɩ wɩalɩŋ mɩ sɩ daga maa to.

HOSIA 6:4

La TƖƖNA sɩ, “Efirem, wʋbɛɛ nɛ mɩ jaŋ wuo ŋaa ŋ lɛ? Juda, wʋbɛɛ nɛ mɩ jaŋ wuo ŋaa ŋ lɛ? Ŋɩɩ ŋ sɩ chomi nagɛ bʋrʋŋ sɩ yie tɔ chʋchʋɔŋ nɛ, a nagɛ nyalɩŋ sɩ yie guu huo.

HOSIA 6:7

Ama ma nagɛ Adam nɛ a chei nii-la sɩ hɛ mɩ dɩ ba pɛgɛ, ba bɩ wʋtɩtɩɩ kɛnɛ mɩ teeŋ.

HOSIA 7:16

Ba bɩ mɩɩra kɔ mɩ-na Wɩa sɩ kɩɩ kʋŋkala teeŋ, ba nagɛ toŋ sɩ golibo nɛ. Ba jaŋ kpʋ ba sɩpaalaaraa laalɩŋ lɛ, a tɩŋ nii-jɩgɩ wɩalɩŋ ba sɩɩ bʋl. Wɩɩŋ deeŋ wɩaa, ba jaŋ mɔmba Ijipiti tinteeŋ lɛ.”

LEVI DOHO NƖAA 26:15

aŋ vɩa mɩ niiŋ wɩaa mɩ sɩ daga arɩ wombie-la mɩ sɩ bile dɩ ma tuto a chei nii-la sɩ hɛ mɩ dɩ ma pɛgɛ,

ZEFANAAYA 1:6

Mɩ jaŋ chei nɩalɩŋ sɩ mɩɩrɛ mɩ-na ba TƖƖNA harɩŋ tonuŋ, a bɩ mɩ bee chɩchɛ, a bɩ mɩ pɩɛsa nɩna wɩaa.”

ZƐKARƖYA 1:4

Má sɩ́ ma naabalɩmaba nagʋ, ba nɛ mɩ wʋlaabʋlla-la laa sɩpaaŋ kʋ bʋla pa ŋɩɩ: Wɩɩ-la mɩ-na ma TƖƖNA doluŋ kala Tɩɩna sɩ bʋla nɛ: ‘Má bɩrɩma lɩɩ ma wombii-bɔŋŋɔɔ arɩ wʋbɔmɔ-la ma sɩɩ ŋaa lɛ.’ Ama ba bɩ jegile nɩɩ mɩ teeŋ koo a kaa tɩŋ. Mɩ-na ma TƖƖNA nɛ bʋla.

ZƐKARƖYA 7:11

Ama ba vɩa dɩ ba jegile nɩɩ nɛ. Ba kɛŋ nyuduoŋ nɛ a joŋ harɩŋ yɩa wɩalɩŋ a bɩ chɛ ba jʋʋ ba dɩgɩlaa.

ZƐKARƖYA 7:13

Mɩ fa sɩ bʋl wɩaa pɩba, ba bɩ jegile nɩɩ, ŋɩɩ wɩaa ba ma sɩ yɩrɛmɛ, mɩ bɩ jegile nɩɩ. Mɩ-na ma TƖƖNA doluŋ kala Tɩɩna nɛ bʋla.

MOSIS BƖRA WULLI WƖA WOMBIIŊ 31:16

aŋ bɩra bʋla pɩ Mosis, “Ŋ jaŋ sʋʋ a mʋ ŋ nyɩmmaba teeŋ. Ŋ sʋʋŋ harɩŋ lɛ, nɩaa deemba jaŋ vɩamɛ aŋ suomo ŋɩŋaa wʋlɩɩlɩŋ, aa kpaarɛ vesiŋ tintee-la ba sɩɩ mʋ lɛ, a chei nii-la mɩ sɩ bile mɩ dɩ ba pɛgɛ.

MOSIS BƖRA WULLI WƖA WOMBIIŊ 9:7

Má sɩ́ yʋ, ŋɩɩ ma sɩ leŋe ma TƖƖNA Wɩa baanɩŋ faasa sii ma nyuŋ tintee-hɩlɩɩ-la lɛ, a chɩŋ bʋa-la lɛ ma sɩ lɩɩ Ijipiti tinteeŋ lɛ a kʋ yi daha, ma vɩa ma TƖƖNA niiŋ nɛ.

Hiburu TƖŊŊAA 8:9

Ʋ bɩ jaŋ nagɛ nii-la mɩ fa sɩ bile mɩ dɩ ba naabalɩmaba pɛgɛ, bʋa-la lɛ mɩ sɩ kɛmba kaa kʋʋ lɩɩ Ijipiti tinteeŋ lɛ. Ba fa bɩ mɩ nii-la lɛ to, ŋɩɩ nɛ tɩɩ mɩ joŋ harɩŋ yɩaba.”

SƖPAALAARAA 2:11

Ŋɩɩ nɛ Iziral tɩŋŋaa ŋaa wʋbɔŋ La TƖƖNA teeŋ a kpʋkpaarɛ vesi-la ba sɩɩ yɩrɛ Baal.

SƖPAALAARAA 2:17

Ama Iziral tɩŋŋaa vɩa dɩ ba to sɩpaalaara-la niiŋ, aŋ ha joŋ ba tɩtɩa a hɛ vesiŋ lɛ a kpʋkpaarɛba. Doho deeŋ nɩaa-na fa bɩ ba nyɩmmaba naga, ba nyɩmmaba fa sɩɩ to La TƖƖNA niiŋ wɩaa ŋɩɩ. Ba-na guu vɩa ba kala nɛ.

SƖPAALAARAA 2:19

Ama dɩ sɩpaa-laarʋ-la nɛ sʋba, nɩalɩŋ yie bɩra vɩa La TƖƖNA nɛ aŋ mʋʋ to wombie-la sɩ bɔmɔ kɩɩ wombie-la ba nyɩmmaba fa sɩɩ to, a tuto vesiŋ a kpʋkpaarɛba. Ba vɩa dɩ ba joŋ ba wʋbɔmɔ-la arɩ ba nyu-duo-la a ta nɛ.

1 SAMƲƐL 15:11

“Mɩ tʋɔŋ kala nɛ cheye mɩ sɩ leŋe Sɔɔl dii kuoruŋ, bɛɛ wɩaa ʋ joŋ harɩŋ a yɩamɛ nɛ, a bɩ wɩalɩŋ mɩ sɩ daga ka to.” Wɩɩ-la walɩmɛ Samʋɛl woruŋ, ʋ bɛrɛ doŋ tɩtaŋɩŋ kala a sʋl La TƖƖNA.