JƐRƖMAAYA 10:9 - WƖA TENIŊ

⁹ Ba yie kɛŋ hɔpʋla ba sɩ kaa lɩɩ Taasɩs nɛ a libiba, a kɛŋ sɛlɩmɛ ma ba sɩ kaa lɩɩ lee-la ba sɩɩ yɩrɛ Ufas a libi. Kɩaa deemba saara arɩ libire sɩ ŋaa nɛ ba yie joŋ gɛrɩŋ sɩ nagɛ diibelimbine arɩ gɛrɩ-vachalɩŋ a laalɛ. Gɛrɩpɛ-yuori gɔgɔɔ nɛ yuo gɛnnɩŋ deemba kala.

JƐRƖMAAYA 10:9 ပူးပေါင်းရင်းမြစ်များ

1 KUOROO 10:22

Kuoro fa kɛŋ lɩɩŋ daborusuŋ ma nɛ. Ba dɩ Hiram lɩɩŋ daborusuŋ yie duori lɩɩŋ a mʋmʋ bayalɩŋ. Jɩsɩŋ batori na-kala ba yie mɩɩra kɔ bala nɛ, a chʋŋ sɛlɩmɛ, hɔpʋla, batu-nyɩlaa, ŋmaŋŋaa arɩ fɔsʋŋ.

2 IZIRAL TƖŊŊAA NAABARƖŊ 9:21

Kuoro fa kɛŋ lɩɩŋ daborusuŋ ma nɛ. Hiram tɩntɩnnaa kaa duori lɩɩŋ mʋmʋ bayalɩŋ. Jɩsɩŋ batori na-kala ba yie mɩɩra kɔ bala nɛ, a chʋŋ sɛlɩmɛ, hɔpʋla, batu-nyɩlaa, ŋmaŋŋaa arɩ fɔsʋŋ.

WƖA YƖƖLAA 115:4

Tinteye-la nɩaa ka to vʋɩyaa nuhuobiine sɩ kɛŋ hɔpʋla arɩ sɛlɩmɛ kaa ŋaa nɛ.

WƖA YƖƖLAA 72:10

Leŋ dɩ Taasɩs tinteeŋ kuoroo arɩ tinteye-la nɩaa lɩɩŋ sɩ gollo chu to ʋ niiŋ a tiŋ lampoo a pʋpʋ. Leŋ dɩ tasɩ-la ma ba sɩɩ yɩrɛ Sɛba arɩ Sɩɩba kɛŋ kɩaa kʋ dii zile kuoro lɛ.

AZAAYA 23:6

Má ŋmoo niiŋ, ma nɩalɩŋ sɩ hɔŋ mʋga niiŋ. Má sii fá chol taŋ-la ba sɩɩ yɩrɛ Taasɩs.

AZAAYA 40:19

La TƖƖNA bɩ tɔmʋŋ libiree sɩ yie libi naga, kʋ-la ba sɩ kɛŋ sɛlɩmɛ taara tɔ aŋ kɛŋ hɔpʋla libi chɔrʋmɔɔ hɛ.

ƐZƖKƖƐL 27:12

Ŋ dɩ tintee-la ba sɩɩ yɩrɛ Taasɩs nɩɩ dii yɔbɔ a tɩŋ ŋ dʋa sɩ yʋga wɩaa, ba yie joŋ hɔpʋla, hɔ-duoŋ, hɔɔ-la ba sɩ kaa ŋaa kɔŋkɔŋ arɩ fanɩ a lenni ŋ bayal kɩaa.

ƐZƖKƖƐL 27:7

Ijipiti tɩŋŋaa gɛrɩpɛ fʋfʋlʋŋ ba sɩ sʋa nɛ ba kaa ŋaa ŋ jɔnjɔŋ ŋ kaa duori lɩɩŋ. Gɛrɩpɛ diibelimbine arɩ gɛrɩpɛ vachalɩŋ ba sɩ kaa lɩɩ lee-la ba sɩɩ yɩrɛ Ɛlɩsa a hɛ mʋgʋ-balɩŋ niiŋ nɛ ŋ kaa kɛrɛ wɩa.

DANƖƐL 10:5

aŋ beŋ a na nʋʋ mɩ sɩpaaŋ dɩ ʋ laalɛ gɛrɩpɛ fʋfʋlʋŋ gɛrɩŋ a vɔɔ sɛlɩmɛ tembiiŋ ʋ tɩŋa lɛ.

HOSIA 8:6

Iziral tɩŋŋaa gɔgɔ nɛ ŋaa tɔmʋŋ deeŋ sɩ nagɛ nɛ-bel-pɔrʋŋ, ʋ bɩ Wɩa ŋaa. Ma tɔŋ-la sɩ nagɛ nɛ-bel-pɔrʋŋ, ba jaŋ yɛrʋ muno muno.

JONA 1:3

Jona vɩa Wɩa niiŋ aŋ mɩɩra fá mʋmʋ lee-la ba sɩɩ yɩrɛ Taasɩs. Ʋ sɩ mʋ yi Jopa, ʋ na lɩɩŋ daboro sɩɩ mʋ nɩmɛ. Ʋ tiŋ moribiiŋ aŋ jʋʋ, dɩ ʋ duoro mʋ Taasɩs a fá lɛl La TƖƖNA teeŋ.

HABAKU 2:19

Wɩɩŋ puu nɩɩ-la sɩ bʋla pɩ daaŋ, “Sii a bɩrɩmɛ kʋwei,” koo a bʋla pɩ tabɩɩŋ sɩ bɩ mɩɩsɩŋ kɛnɛ, “Sii.” Tɔmʋŋ jaŋ wuo dagɛ nɩaa wɩalɩŋ sɩ maga baa ŋaa? Sɛlɩmɛ arɩ hɔpʋla nɛ ba kaa tɔʋ, ʋ bɩ wiese kɛnɛ.