JƐRƖMAAYA 10:25 - WƖA TENIŊ

²⁵ Na baanɩŋ tinteye-la nɩaa sɩ bɩŋ jɩŋ nyuŋ, nɩalɩŋ sɩ bɩ ŋ yɩrɩŋ ka yɩrɛ. Ba kpʋ Iziral nɩaa nɛ. Ba kpʋ ba kala nɛ gbelem gbelem, aŋ chei ba tinteeŋ kala.

JƐRƖMAAYA 10:25 ပူးပေါင်းရင်းမြစ်များ

JOB 18:21

Wʋtɩtɩɩ, nɩbɔmʋŋ dɩjʋʋlʋŋ nagɛ ŋɩɩ nɛ. Nɩɩ-la sɩ bɩ Wɩa jɩŋ dɩjʋʋlʋŋ nagɛ ŋɩɩ nɛ.”

WƖA YƖƖLAA 14:4

Nɩbɔŋŋɔɔ, ma-na bɩ wɩaa wuo gʋnna pɩpɩ ma tɩtɩa koo? Ma vɩa dɩ ma chʋɔlɛmɛ nɛ, aŋ gɔllɔ kɛsɛ mɩ nɩaa liliŋ.

WƖA YƖƖLAA 147:20

Ʋ bɩ wɩɩŋ deeŋ ŋaa pɩ tintee dɔŋ kala, ba bɩ ʋ wombie-la ʋ sɩ bile dɩ la tuto jɩŋ. Má dɛnnɛ La Tɩɩna.

WƖA YƖƖLAA 27:2

Dɩ nɩbɔŋŋɔɔ nɛ gollimi a wʋwalɩmɛ dɩ ba kpʋmɛ, dɩ mɩ dʋndɔŋŋɔɔ nɩɩ yuomi, ba jaŋ gɛrɛ tel.

WƖA YƖƖLAA 69:24

Chaasa na baanɩŋ ba nyuŋ a dɔgɩsɛba. Kiriba arɩ baanɩŋ a kɛsɛba.

AZAAYA 43:22

Ama Iziral tɩmma, ma ha bɩ mɩ dɛnnɛ a magɛ dɩ ma lɔl mɩ wɩaa, Jekɔb doho nɩaa.

AZAAYA 64:7

La kʋŋkala bɩŋ ka chʋɔlɛ nʋʋkala bɩŋ bee chɛ dɩ ŋ pɛ ʋ lɛ. La wʋbɔŋŋɔɔ leŋe ŋ joŋ harɩŋ a yɩala nɛ a vɩala ta.

AZAAYA 9:12

Siiria tɩŋŋaa sɩ hɛ wɩɩpɔsʋŋ dɩɩrɩŋ, arɩ Fɩlɩsɩtɩa tɩŋŋaa sɩ hɛ wɩɩjʋʋlʋŋ dɩɩrɩŋ, ba jaŋ yuo dii Iziral tɩŋŋaa. Wɩaa deemba kala jaŋ ŋaa, ama La TƖƖNA baanɩŋ ha bɩ jaŋ fɩɛlɛ, ʋ ha jaŋ dɔgɩsɛba a pɛ.

JƐRƖMAAYA 11:1

Wɩɩ-la La TƖƖNA fa sɩ bʋla pɩ Jɛrɩmaaya nɛ ŋ-la:

JƐRƖMAAYA 30:16

Ama nɩalɩŋ kala sɩ cheima, mɩ ma jaŋ cheiba. Mɩ jaŋ kɛŋ ma dʋndɔŋŋɔɔ kala mʋ yoŋ-baga. Nɩalɩŋ sɩ laa ma kɩaa, ba jaŋ laa ba ma kɩaa. Nɩalɩŋ kala sɩ ŋaa ma bɔmbɔŋ, mɩ ma jaŋ ŋaaba bɔmbɔŋ.

JƐRƖMAAYA 50:17

Iziral tɩŋŋaa nagɛ naachigiŋ sɩ kiri piesee ba pɩsɛ nɛ. Nɩɩ-la sɩ laa sɩpaaŋ yuo diiba nɛ ŋaa Asiiria kuoro. Nɩɩ-la ma sɩ to harɩŋ yɛrɛ ʋ haŋgbelee nɛ Babɩlɔŋ kuoro Nebukadineza.”

JƐRƖMAAYA 50:7

Nʋʋ na-kala sɩ naba yie kpʋba nɛ. Ba dʋndɔŋŋɔɔ sɩ, ‘La bɩ cheeriŋ kɛnɛ, bɛɛ wɩaa ba ŋaa wʋbɔŋ nɛ ba TƖƖNA teeŋ, Nɩɩ-la sɩɩ pɩba kʋdiilee. La TƖƖNA lɛ nɛ ba nyɩmmaba fa joŋ ba yɩɛlaa hɛ.’

JƐRƖMAAYA 8:16

La nɩɩ la dʋndɔŋŋɔɔ janɩŋ sɩ ŋmʋʋ mɩɩsɩŋ a lɩɩ Daŋ tinteeŋ nɛ. Ba janɩ-la yele leŋe tintee-la kala zigili nɛ. Ba kɔ dɩ ba yuo dii la tinteeŋ nɛ a chei kʋŋkala sɩ hɛ ʋ lɛ, la tabal-la arɩ nɩalɩŋ kala sɩ hɛ nɩmɛ.”

JEMBIEE 2:22

Ŋ yɩrɛ mɩ dʋndɔŋŋɔɔ hɛ mɩ lɛ a nagɛ ba sɩ yie yɩrɛ nɩaa ba kɔ gbiele nɛ, a leŋ ba joŋ fawʋllʋŋ hɛ mɩ lɛ sɛmɛ kala. Tapʋlɩɩ-la ŋ-na La TƖƖNA sɩ na baanɩŋ, nʋʋkala bɩ foro fá, nʋʋkala bɩ ka. Hambiisi-la mɩ sɩ dɩɛsa a beŋ ba nyuŋ woruŋ, mɩ dʋndɔŋŋɔɔ kpʋ ba kala nɛ.

ZEFANAAYA 1:6

Mɩ jaŋ chei nɩalɩŋ sɩ mɩɩrɛ mɩ-na ba TƖƖNA harɩŋ tonuŋ, a bɩ mɩ bee chɩchɛ, a bɩ mɩ pɩɛsa nɩna wɩaa.”

ZEFANAAYA 3:8

Ŋɩɩ wɩaa La TƖƖNA bɩra bʋl, “Má gbɛrɛ tapʋlɩɩ-la mɩ sɩ jaŋ dagɛ tinteyee nɩaa wʋcheelee pɩba. Mɩ kɛŋ mɩ tʋɔŋ dɩ mɩ yɩrɛ tinteyee arɩ kuoru tinteyee nɩaa hilimi nɛ, a kɛŋ baanɩŋ dɔgɩsɛba. Mɩ baanɩŋ chaasa sii ba nyuŋ nɛ. Mɩ baanɩŋ sɩ sie mɩ yaraa bibieri ŋɩɩ, ʋ jaŋ nagɛ nyiniŋ a joŋ dʋnɩa kala dii.

ZƐKARƖYA 1:15

Ama mɩ baanɩŋ chaasa sisii tinteye-la sɩ hɔnɔ wɩɩkala bɩ baa walɩmɛ nyuŋ nɛ. Mɩ fa na baanɩŋ mʋa nɛ mɩ nɩaa nyuŋ, ka nɩalɩŋ mɩɩra leŋ ba hɛɛŋ yʋgɛ.’

Jɔɔŋ 17:25

Mɩ Nyɩmma, ŋ ŋaa tʋɔpʋl Tɩɩna nɛ. Dʋnɩa nɩaa bɩŋ jɩŋ, ama mɩ-na jɩmɩŋ nɛ. Nɩaa deemba ma jɩŋ arɩ ŋ nɛ tɩmmɛ.

Tɩntɩŋŋaa 17:23

Mɩ sɩɩ gɔllɛ ma taŋ lɛ, mɩ na ma vesiŋ. Mɩ bɩra na koruŋ ma ma sɩ saa. Ŋ-la nɛ ma tuuro hɛ ʋ lɛ: ‘WƖA-LA LA SƖ BƖ JƖŊ DƖ-KPAARƖŊ NƐ Ŋ-LA.’ ” Ŋɩɩ nɛ Pɔɔl bɩra bʋl, “Wɩa-la ma sɩɩ chʋɔlɛ aŋ bɩ ʋ jɩŋ, ʋ wɩaa nɛ mɩ bʋlaa pɩma ŋɩɩ.

1 Kɔrɩntɩ Nɩaa 15:34

Má sii doŋ lɛ aŋ leŋ wʋbɔŋŋɔɔ ŋaanɩŋ. Ma dɔnsʋŋ wʋŋaalaa naga arɩ ma bɩ Wɩa jɩŋ, mɩ bʋl ŋɩɩ dɩ hɩɩsɩŋ kɛmma nɛ.

1 Tɛsalonaaka Nɩaa 4:5

Má sɩ́ ma tʋɔtɔrɛ wʋŋaalaa lɛ to a gɔllɔ ŋaa wʋlɩɩlɩŋ arɩ nɩalɩŋ sɩ bɩ Wɩa jɩŋ sɩɩ ŋaa ŋɩɩ.

2 Tɛsalonaaka Nɩaa 1:8

Ʋ sɩ jaŋ kɔ, ʋ jaŋ nagɛ nyiŋgeliŋ a dɔgɩsɛ nɩalɩŋ sɩ bɩ Wɩa jɩŋ arɩ nɩalɩŋ sɩ bɩ La Tɩɩna Yesu wʋzɔmɔ-la ka to.

Jɔɔŋ Wʋnaalaa 16:1

Ŋɩɩ nɛ mɩ nɩɩ nʋʋ yikoru-balɩŋ dɩ ʋ lɩɩ Wɩa dɩɩ-bal-la tʋɔŋ a bʋla pɩ Wɩa tɩndaara-la balɩpɛ, “Má kɛŋ gbansɩ-la balɩpɛ lɛ Wɩa baanɩŋ sɩ hɛ a kaa mʋ bɩsa hɛ dʋnɩa lɛ.”