JƐRƖMAAYA 10:18 - WƖA TENIŊ

¹⁸ Wɩɩ-la La TƖƖNA sɩ bʋla nɛ ŋ-la: “Bʋa deeŋ lɛ, mɩ jaŋ joŋ nɩalɩŋ sɩ hɛ tinteeŋ deeŋ lɛ a yuo ta. Mɩ jaŋ joŋ hɛɛŋ yʋgɛ a hɛ ba lɛ, dɩ ba yuo kɛsɛba.”

JƐRƖMAAYA 10:18 ပူးပေါင်းရင်းမြစ်များ

AZAAYA 22:17

Bee-na La TƖƖNA kɛŋ ʋ tɩtɩa hɛ dɔŋɔ nɛ dɩ ʋ chigiŋ a joŋo yuo ta, ŋ-na babiibal.

JƐRƖMAAYA 16:13

Ŋɩɩ wɩaa, mɩ jaŋ lɩɩsɛma tinteeŋ deeŋ lɛ a kaa mʋ tintee dɔŋ, ma-na koo ma naabalɩmaba sɩ bɩ jɩŋ. Nɩmɛ nɛ, ma jaŋ tuto vesiŋ wɩɩhɛyɛ arɩ tɩtaŋɩŋ kala. Mɩ bɩ jaŋ kɔ dɩ mɩ fá ma nenige.”

JƐRƖMAAYA 22:26

Mɩ jaŋ joŋ ŋ dɩ ŋ naaŋ kala a yuo hɛ tintee dɔŋ lɛ, lee-la ba sɩ bɩ ma kʋŋkala lʋla dɩ ma sʋʋ nɩmɛ.

JƐRƖMAAYA 23:20

Mɩ-na ma TƖƖNA baanɩŋ bɩ jaŋ kɔ dɩ ʋ fɩɛla, see dɩ mɩ ŋaa wɩɩ-la sɩ hɛ mɩ tʋɔŋ lɛ a dɛrɛ. Tapʋlaa baŋmɛnɛ harɩŋ, ba jaŋ jɩŋ wɩɩ-la sɩaa kala woruŋ.

ƐZƖKƖƐL 6:10

Ba jaŋ jɩŋ arɩ mɩ nɛ ba TƖƖNA, mɩ sɩ kpʋrɩsɛ ba dɩgɩlaa arɩ mɩ jaŋ joŋ wʋbɔŋŋɔɔ hɛ ba lɛ, ŋɩɩ bɩ pɛɩ ŋaa.”

ZEFANAAYA 1:17

La TƖƖNA sɩ, “Mɩ jaŋ leŋ dɩ nɩaa na hɛɛŋ, ba jaŋ gɔllɔ baarɛ leriŋ a nagɛ nyʋlɩmaa, a tɩŋ ba sɩ ŋaa wʋbɔŋŋɔɔ mɩ-na ba TƖƖNA lɛ wɩaa. Ba chalɩŋ jaŋ jaasɛ a pɛllɛ nagɛ lɩɩŋ, dɩ ba kʋsʋʋnʋŋ ma pɩna pʋa.

ZƐKARƖYA 1:6

Ama mɩ niiŋ wɩaa arɩ mɩ niiri-la mɩ sɩ joŋo dagɛ mɩ tɩntɩnnaa sɩ ŋaa mɩ wʋlaabʋllaa dii ma naabalɩmaba nɛ. Ŋɩɩ nɛ ba bɩrɩma lɩɩ ba wʋbɔŋŋɔɔ lɛ aŋ bʋl, ‘La TƖƖNA doluŋ kala Tɩɩna joŋ la wombiee arɩ la wʋŋaalaa sɩ nagɛ ŋɩɩ chɩmɩŋ nɛ a tiŋ la lɛ, arɩ ŋɩɩ ʋ sɩ bɩɩna dɩ ʋ ŋaa.’ ”

MOSIS BƖRA WULLI WƖA WOMBIIŊ 28:52

Ba jaŋ kʋ gollo chu ma tinteeŋ tasɩŋ kala a yuo dii tasɩ-la ma sɩ saa kɛrɩ-duoruŋ sɩ leŋie a golli a joŋ ma yɩɛlaa hɛ dɩ ba kala tel. Ba jaŋ kʋ gollo chu tintee-la ma TƖƖNA Wɩa sɩ jaŋ joŋo pɩma tasɩŋ kala, a pɔ ma sɩ́ kʋŋkala kaa kʋ jʋʋ koo a kaa lɩɩ,

1 SAMƲƐL 25:29

Dɩ nʋʋ dɔŋ nɛ paala kikiri dɩ ʋ kpʋŋ ma, La TƖƖNA Wɩa sɩ weye jaŋ pɔŋ woruŋ, dɩ ŋ mɩɩsɩŋ sɩ́ lɩɩ. Ama ʋ jaŋ guu lɩɩsɛ ŋ dʋndɔmɔ-la mɩɩsɩŋ lɩma, a kɩɩ ba sɩ joŋ tabɩɩŋ hɛ kpalɩŋ lɛ a yuo ŋɩɩ.