JƐRƖMAAYA 10:15 - WƖA TENIŊ

¹⁵ Ba bɩ bʋbʋɔ kala kɛnɛ. Ba ŋaa kɩaa sɩ kɛŋ mɔmʋŋ nɛ. Dɩ ba sarɩya diiniŋ tapʋlʋŋ nɛ yie, ba jaŋ cheiba.

JƐRƖMAAYA 10:15 ပူးပေါင်းရင်းမြစ်များ

WƖA YƖƖLAA 115:9

Ma Iziral tɩŋŋaa, má laa La Tɩɩna dii. Ʋ nɛ pɛ ma lɛ a chu tɔma.

AZAAYA 41:24

Ama ma bɩ kɩa kala ŋaa, ma wʋŋaalaa ma bɩ bʋbʋɔ kɛnɛ. Nɩalɩŋ kala sɩɩ toma ŋaa disiŋ tɩmma nɛ.

AZAAYA 41:29

Ba kala ŋaa wʋnyɩɛra nɛ. Ba wɩaa bɩ bʋbʋa kala kɛnɛ. Ba tɔmɔ-la nagɛ peliŋ nɛ.”

AZAAYA 57:12

Ma bɩɩna ma ŋaa tʋɔpʋl tɩmma nɛ, ama mɩ jaŋ wulli ma bʋbʋɔŋ kala.

JƐRƖMAAYA 10:11

Má bʋl ŋ-la pɩ nɩalɩŋ: “Vʋɩyaa deemba ba sɩ to dee bɩ wɩa-nyuŋ arɩ tinteeŋ ŋaa, ba jaŋ nyɩɩgɛ tinteeŋ lɛ a lɛl dʋnɩa kala lɛ.”

JƐRƖMAAYA 10:8

Ba kala ŋaa nɩaa sɩ chʋʋla arɩ nɩyaaraa nɛ. Daasɩŋ ba sɩ kaa ŋaa vʋɩyaa sɩ ŋaa kʋpɛɩba nɩɩ dagɛba wɩaa.

JƐRƖMAAYA 14:22

Tinteyee nɩaa vʋɩ pɛɩba-la kʋŋ jaŋ wuo leŋ dɩ duonuŋ nɩɩ? Wɩa-nyuŋ ma tɩtɩa bɩ jaŋ wuo ŋaa dɩ duonuŋ nɩɩ. Ŋ-na La TƖƖNA Wɩa nɩɩ ŋaa wɩaa deemba kala. Ŋɩɩ wɩaa, la joŋ la yɩɛlaa hɛ ŋ lɛ nɛ, bɛɛ wɩaa ŋ nɩɩ ŋaa wɩaa deemba kala.

JƐRƖMAAYA 18:15

Ama mɩ nɩaa yʋ mɩ wɩaa nɛ. Ba nyɩgɛ kʋsʋɔrʋsʋŋ a pɩpɩ tɔŋŋɔɔ sɩ ŋaa kʋpɛɩba nɛ. Tɔmɔ-la nɛ leŋe ba titel ba wʋŋaalaa lɛ, a bɩ wombii-bɩnɩa-la ka to. Tɔmɔ-la leŋe ba vɩvɛŋ wombiee ba sɩ vɩa ta lɛ nɛ, wombiee ba sɩ bɩ wasa.

JƐRƖMAAYA 43:12

Ʋ jaŋ chol nyiniŋ hɛ Ijipiti tɩŋŋaa vesiŋ dɩɩsɩŋ. Ʋ jaŋ nyɩgɛ ba vesiŋ dɩɩsɩ-la aŋ paa ba vesi-la dɔnsʋŋ viiri. A nagɛ pie-daara sɩ yie kɛŋ ʋ gɛrɩŋ bɛ ʋ tɩtɩa ŋɩɩ, ŋɩɩ tɩtɩa nɛ ʋ jaŋ kɛŋ Ijipiti bɛ ʋ tɩtɩa a lɩɩ nɩmɛ dɩ wɩɩkala bɩ ʋ lɛ ŋaa.

JƐRƖMAAYA 50:2

“Heele bʋl tinteyee tʋɔŋ, kɛŋ jɔnjɔŋ je a heele bʋlʋ, sɩ́ wɩɩkala joŋo faa, ama bʋl, ‘Ba jaŋ yuo dii Babɩlɔŋ. Ba jaŋ hɛ vene-la ba sɩɩ yɩrɛ Bɛl hɩɩsɩŋ, fawʋllʋŋ jaŋ faasa jʋʋ vene-la ba sɩɩ yɩrɛ Maduk. Ʋ kɩalɩŋ ba sɩ mɛ kala jaŋ dii hɩɩsɩŋ dɩ fawʋllʋŋ faasa kɛŋ ba tɔŋŋɔɔ.’

JƐRƖMAAYA 51:18

Ba bɩ bʋbʋa kala kɛnɛ. Ba ŋaa kɩaa sɩ kɛŋ mɔmʋŋ nɛ. Dɩ ba sarɩya diiniŋ tapʋlʋŋ nɛ yie, ba jaŋ cheiba.

JƐRƖMAAYA 8:12

Wʋkɩsɩa-la ba sɩɩ ŋaa, hɩɩsɩŋ kɛmba nɛɛ? Aɩ, ba paala bɩ hɩɩsɩŋ ka fá. Ba paala bɩ jɩŋ ŋɩɩ ba sɩ jaŋ kɛŋ sɩaa chei. Ŋɩɩ wɩaa ba jaŋ sʋʋ, a pɛ nɩalɩŋ sɩ sʋba lɛ. Mɩ jaŋ dɔgɩsɛba a kɛmba muuri. Mɩ-na ma TƖƖNA nɛ bʋla.

JƐRƖMAAYA 8:19

Jegile nɩɩ mɩ nɩaa nii-ŋmobo tintee-bolii-la lɛ. La TƖƖNA tuo Zaayɔŋ lɛɛ? Ʋ kuoru-balɩŋ bɩra tuoo?” La TƖƖNA pɩɛsɛ “Bɛɛ nɛ tɩɩ ba kɛŋ kɩalɩŋ ba sɩ mɛ ŋaa mɩ baanɩŋ sii, ba vʋɩ-pɛɩba-la ba sɩ kaa lɩɩ tawogusuŋ?”

HOSIA 9:7

Bʋa-la lɛ Wɩa sɩ jaŋ dɔgɩsɛ Iziral tɩŋŋaa ka kɔ nɛ, tapʋlɩɩ-la ba sɩ jaŋ na hɛɛŋ kpaga nɛ. Ma Iziral tɩŋŋaa jɩŋ wɩɩŋ deeŋ nɛ. Ma wʋbɔŋŋɔɔ yʋga nɛ kɩŋkɛŋ, ma chaasa tɛrɛ nɛ woruŋ, a joŋ Wɩa wʋlaabʋlla arɩ ʋ ŋaa nɩyaarɩ nɛ, nɩɩ-la Wɩa dɩma-la sɩ hɛ ʋ lɛ arɩ ʋ ŋaa nyɩnyɛ tɩɩna nɛ.

JONA 2:8

Nɩalɩŋ sɩɩ to vʋɩyaa sɩ ŋaa kʋpɛɩba harɩŋ, bɩ Wɩa lahɔrɩmɔ jaŋ jʋʋ.

ZƐKARƖYA 13:2

Tapʋlɩɩ-la, mɩ jaŋ lɩɩsɛ tɔŋŋɔɔ yɩraa ta tintee-la lɛ, dɩ nɩaa bɩra sɩ́ ba wɩaa liisu. Mɩ-na ma TƖƖNA doluŋ kala Tɩɩna nɛ bʋla. Mɩ jaŋ lɩɩsɛ ba nɩalɩŋ sɩ nyɩa wɩaa arɩ ba ŋaa mɩ wʋlaabʋllaa arɩ jɩnsɩ-la sɩ kɛmba tɩtɩŋ ta tintee-la lɛ.

Tɩntɩŋŋaa 14:15

“Nandɔmba, bɛɛ nɛ tɩɩ maa ŋaa ŋ-la? La ma ŋaa nuhuobiinee nɛ a nagɛ ma. La kɔ dɩ la bʋl La Tɩɩna Yesu wʋzɔmɔ-la nɛ a pɩma, dɩ ma wuo leŋ ma vʋɩyaa sɩ ŋaa kʋpɛɩba aŋ bɩrɩma to Wɩa sɩ weye. Ʋ nɛ ŋaa wɩa-nyuŋ, arɩ tinteeŋ, mʋgʋ-balaa arɩ fuonuŋ, arɩ kʋŋkala sɩ hɛ ba lɛ.

MOSIS BƖRA WULLI WƖA WOMBIIŊ 32:21

Ba leŋe mɩ yaraa bieri ba veŋ-kpaarɩɩ-la lɛ nɛ, mɩ na baanɩŋ ba nyuŋ. Mɩ jaŋ leŋ dɩ nɩalɩŋ ba sɩ bene dɩ ba bɩ nɩa ŋaa, ma ŋaa dɩ ba yaraa bieri. Mɩ jaŋ leŋ dɩ tintee-la nɩaa sɩ bɩ wɩɩkala jɩŋ ŋaa dɩ ba baanɩŋ sii.

1 SAMƲƐL 12:21

Má pɔ ma sɩ́ mʋ tuto tɔŋŋɔɔ sɩ bɩ bʋbʋa kala kɛnɛ. Ba bɩ wʋzɔŋ kala wuo ŋaa pɩpɩma, ba bɩra bɩ ma wuo laa tɩta ma, bɛɛ wɩaa ba ŋaa kʋpɛɩba nɛ.

1 SAMƲƐL 5:4

Taŋ sɩ bɩra pʋla chʋchʋɔ-fɩɛla, ba sie dɩ Dagɔŋ-la tele chu tinteeŋ, La TƖƖNA niiriŋ daga-la sɩpaaŋ. Bʋa deeŋ-na lɛ, dɩ ʋ nyuŋ yɛrɛ, ʋ nɩsaa ma bori a pɩŋ boiŋ niiŋ, ka ʋ yaraa dʋndʋŋa pɩŋ lee-la.