JƐRƖMAAYA 10:13 - WƖA TENIŊ

¹³ Dɩ ʋ nɛ kpɩa wɩaa, lɩɩ-la sɩ hɛ wɩa-nyuŋ yie huuri nɛ. Ʋ yie leŋ duoŋ-bɩlɩmbaanaa lɩɩ dʋnɩa dɩdɛrɩŋ nɛ a kʋ hɛ dɔŋɔ. Ʋ leŋ duonuŋ nɩnɩɩ, aŋ lɩlɩgɩsɛ, a leŋ peliŋ ma lɩɩ ʋ lee-la lɛ ʋ sɩ bilu a lulu.

JƐRƖMAAYA 10:13 ပူးပေါင်းရင်းမြစ်များ

WƖAA DƖ-SUOMUŊ 2:5

tɩɩsɩŋ, yaŋ arɩ kʋŋkala sɩɩ nyʋ tinteeŋ lɛ fa tuo, bɛɛ wɩaa La TƖƖNA Wɩa fa ha bɩ leŋe duonuŋ nɩɩ. Nʋʋ ma kala fa tuo dɩ ʋ pɛrɛ tintee-la lɛ,

1 KUOROO 18:41

Ɩlaaja bʋla pɩ Ahab, “Mʋ dii kɩaa, mɩ nɩɩ duoŋ-bal nɛ huuro a kʋkɔ.”

JOB 38:22

Ŋ ha jʋʋ dɩɩsɩ-la lɛ mɩ sɩ joŋ bʋrʋŋ bil, koo a na dɩɩsɩ-la lɛ mɩ sɩ joŋ duoŋ-tabɩaa bil?

WƖA YƖƖLAA 104:13

Ŋ leŋe duonuŋ lɩɩ wɩa-nyuŋ nɛ a nɩɩ hɛ peelee lɛ, kʋdiilee su tinteeŋ kala.

WƖA YƖƖLAA 135:17

Ba kɛŋ dɩgɩlaa nɛ, aŋ bɩ nɩɩ, a bɩ wiese ma kɛnɛ.

WƖA YƖƖLAA 135:7

Ʋ yie leŋ duoŋ-bɩlɩmbaanaa lɩɩ wɩa-nyuŋ lee-kala. Ʋ yie leŋ duonuŋ nɩnɩɩ aŋ lɩlɩgɩsɛ, a leŋ peliŋ lɩɩ ʋ dɩ-faalɩŋ a lulu.

WƖA YƖƖLAA 147:8

Ʋ nɛ leŋe duoŋ-bɩlɩmbaanaa tɔ wɩa-nyuŋ. Ʋ nɛ leŋe duonuŋ nɩnɩɩ a ŋaa yaŋ nyʋ tinteeŋ lɛ.

WƖA YƖƖLAA 18:13

La Tɩɩna sɩ kɩɩ kʋŋkala, ŋ sɩ kpɩa goŋ wɩa-nyuŋ, leriŋ kala chɩɩma nɛ.

WƖA YƖƖLAA 68:33

Ʋʋ zaarɛ wɩa-nyuŋ nɛ. Ʋ nɛ yie kpɩa goŋ arɩ yikori-balɩŋ ŋɩɩ.

MOSIS KƐŊ IZIRAL TƖŊŊAA LƖƖ 9:23

Mosis sɩ kɛŋ ʋ dantɩga je wɩa-nyuŋ, La TƖƖNA leŋ taŋ lɩgɩsɛ, a kpɩa, duoŋ-tabɩaa tuu Ijipiti tinteeŋ lɛ.

JƐRƖMAAYA 14:22

Tinteyee nɩaa vʋɩ pɛɩba-la kʋŋ jaŋ wuo leŋ dɩ duonuŋ nɩɩ? Wɩa-nyuŋ ma tɩtɩa bɩ jaŋ wuo ŋaa dɩ duonuŋ nɩɩ. Ŋ-na La TƖƖNA Wɩa nɩɩ ŋaa wɩaa deemba kala. Ŋɩɩ wɩaa, la joŋ la yɩɛlaa hɛ ŋ lɛ nɛ, bɛɛ wɩaa ŋ nɩɩ ŋaa wɩaa deemba kala.

JƐRƖMAAYA 19:12

Wɩɩ-la mɩ sɩ jaŋ ŋaa leriŋ deeŋ arɩ nɩalɩŋ sɩ hɛ ʋ lɛ nɛ ŋɩɩ. Mɩ-na ma TƖƖNA nɛ bʋla. Mɩ jaŋ leŋ dɩ tabalɩŋ deeŋ nagɛ Tɔfɛf.

JƐRƖMAAYA 5:24

Ba vɩa dɩ ba bʋl, ‘Má leŋ dɩ la zil La TƖƖNA Wɩa, ʋ nɛ leŋe duonuŋ nɩɩ pɩpɩla ʋ bʋa lɛ. Ʋ nɛ yie leŋ la kɩaa wasɛ woruŋ la ŋaa.’

JƐRƖMAAYA 51:16

Dɩ ʋ nɛ kpɩa goŋ, lɩɩ-la sɩ hɛ wɩa-nyuŋ yie huuri nɛ. Ʋ yie leŋ duoŋ-bɩlɩmbaanaa lɩɩ dʋnɩa dɩdɛrɩŋ a kʋ hɛ dɔŋɔ. Ʋ leŋ duonuŋ nɩnɩɩ, aŋ lɩlɩgɩsɛ, a leŋ peliŋ ma lɩɩ ʋ lee-la lɛ ʋ sɩ bilu a lulu.

AMƆS 4:13

Má bee na, mɩ nɛ ŋaa peelee arɩ peliŋ, a kɛŋ mɩ tʋɔbɩɩnaa a dagɛ nuhuobiine. Mɩ nɛ yie ŋaa taŋ biri, aŋ vɩvɛŋ peelee nyuŋ. Mɩ yɩrɩŋ nɛ ma Tɩɩna Wɩa doluŋ kala Tɩɩna.”

ZƐKARƖYA 10:1

Má sʋl La TƖƖNA dɩ ʋ leŋ dɩ duonuŋ nɩɩ pɩma yibiiniŋ. La TƖƖNA nɛ yie leŋ duoŋ-bɩlɩmbaanaa tɔ. Ʋ nɛ yie leŋ duonuŋ nɩɩ pɩ nɩaa, nʋʋkala kʋduuloo wasɛ.