JƐRƖMAAYA 10:10 - WƖA TENIŊ

¹⁰ Ama La TƖƖNA nɛ ŋaa Wɩɩ-tɩtɩɩ. Ʋ nɛ Wɩa sɩ weye. Ʋ nɛ kuoru-bal-la sɩ hɛ nɩmɛ a kaa mʋ deeŋ deeŋ. Dɩ ʋ nɛ na baanɩŋ, tinteeŋ yie zigili nɛ. Dɩ ʋ baanɩŋ nɛ sie, tinteyee bɩ jaŋ wuo chɩŋ.

JƐRƖMAAYA 10:10 ပူးပေါင်းရင်းမြစ်များ

WƖAA DƖ-SUOMUŊ 21:33

Ŋɩɩ nɛ Abɩraham chɔnsɛ tɩa kʋbala baa yɩrɛ tamarɛs Bɛɛsɩba lɛ. Nɩmɛ nɛ ʋ yɩrɛ La TƖƖNA yɩrɩŋ, Wɩa-la sɩ hɛ nɩmɛ a kaa mʋ wuu.

1 KUOROO 18:39

Nɩalɩŋ kala sɩ na wɩɩŋ deeŋ, ba tele chu tinteeŋ aŋ ŋmoo niiŋ a bʋl, “La TƖƖNA nɛ Wɩa! La TƖƖNA nɛ Wɩa!”

1 KUOROO 8:60

Ŋɩɩ nɛ jaŋ leŋ dɩ tinteeŋ nɩaa kala jɩŋ arɩ La TƖƖNA Wɩa dʋndʋŋa nɛ Wɩa, kʋŋ dɔŋ kala bɩra tuo a pɛ ʋ lɛ.

1 IZIRAL TƖŊŊAA NAABARƖŊ 29:11

La TƖƖNA, ŋ nɛ yʋga kɩɩ kʋŋkala, a kɛŋ doluŋ, arɩ tʋla arɩ yɩrɩŋ. Ŋ nɛ tɩɩ kʋŋkala sɩ hɛ tinteeŋ arɩ wɩa-nyuŋ, La TƖƖNA, ŋ nɛ kuoro. Ŋ nɛ kɩɩ kʋŋkala.

2 IZIRAL TƖŊŊAA NAABARƖŊ 15:3

Ʋ fa diene kɩŋkɛŋ nɛ Iziral tɩŋŋaa sɩ bɩ Wɩɩ-tɩtɩɩ-la to, a bɩ nʋʋ sɩ ŋaa Wɩɩsʋllɩ sɩpaalaarʋ ma kɛnɛ dɩ ʋ dagɛba Wɩa wombiee ʋ sɩ bile dɩ ba tuto.

JOB 9:6

Ʋ yie kɛŋ tinteeŋ zigili a tuu kɛŋ ʋ gentine pɛ.

WƖA YƖƖLAA 10:16

La Tɩɩna nɛ kuoro a kaa mʋ wuu. Tinteye-la nɩaa sɩ bɩ ʋ jɩŋ jaŋ nyɩɩgɛ ʋ tinteeŋ lɛ.

WƖA YƖƖLAA 100:3

Ma jɩma La Tɩɩna nɛ Wɩa, ʋ nɛ ŋaala a tɩɩla, la ŋaa ʋ nɩaa nɛ, ʋ dɩdaala a nagɛ piesee.

WƖA YƖƖLAA 100:5

La Tɩɩna wɩaa zɔmɔ, ʋ chonuŋ bɩ dɛrɛ, ʋ wʋtɩtɩɩ bɩ dɩdɛrɩ kɛnɛ.

WƖA YƖƖLAA 104:32

Ŋ nɛ yie beŋ tinteeŋ ʋ zigili, aŋ digi peelee ma ba tɔ nyʋɔsʋŋ.

WƖA YƖƖLAA 114:7

Tinteeŋ, zigili La Tɩɩna sɩpaaŋ, Wɩa-la Jekɔb sɩɩ chʋɔlʋ sɩpaaŋ.

WƖA YƖƖLAA 145:13

Ŋ kuoruŋ bɩ dɩdɛrɩ kɛnɛ, ŋ nɛ kuoro a kaa mʋ wuu. La Tɩɩna kɛŋ niiri-la kala ʋ sɩ hɛ a tɩtɩŋ nɛ, a cho kɩalɩŋ kala ʋ sɩ ŋaa.

WƖA YƖƖLAA 146:6

La Tɩɩna nɛ ŋaa wɩa-nyuŋ, tinteeŋ, mʋgʋ-balɩŋ arɩ kʋŋ na-kala sɩ hɛ ba lɛ. Wɩa kɛŋ wʋtɩtɩɩ arɩ wɩalɩŋ kala ʋ sɩ bʋla lɛ nɛ a kaa mʋ wuu.

WƖA YƖƖLAA 18:7

Ŋ sɩ na baanɩŋ, tinteeŋ zigile nɛ, peelee ma jigisi a tuu kɛŋ ba gentisiŋ pɛ.

WƖA YƖƖLAA 29:10

La Tɩɩna nɩɩ beŋ lɩɩraa kala. Ʋ nɛ kuoro a kaa mʋ wuu.

WƖA YƖƖLAA 31:5

Mɩ joŋ mɩ tɩtɩa kala a hɩhɛ ŋ nɩsɩŋ lɛ nɛ. Mɩ Tɩɩna Wɩa, ŋ nɛ kɛŋ wʋtɩtɩɩ, laamɛ ta.

WƖA YƖƖLAA 42:2

Mɩ chaasa chɛ ŋ-na Wɩa sɩ weye nɛ woruŋ. Bʋa bɛɛ lɛ nɛ mɩ jaŋ naŋ?

WƖA YƖƖLAA 68:11

La Tɩɩna, ŋ sɩ bʋl wɩaa ŋɩɩ, ha-daŋ nɛ laaba heele bʋl:

WƖA YƖƖLAA 68:8

tinteeŋ zigile nɛ, duonuŋ nɩɩ ŋ sɩpaaŋ. Ŋ nɛ ŋaa Sɩnaɩ peel-la Wɩa, ŋ nɛ Iziral tɩŋŋaa Wɩa.

WƖA YƖƖLAA 74:12

Wɩa, dɩ-suomuŋ kala nɛ ŋ ŋaa la kuoro. Ŋ nɛ laa tinteeŋ nɩaa kala ta.

WƖA YƖƖLAA 76:7

Ŋ dʋndʋŋa nɛ maga dɩ nʋʋkala fá. Nʋʋkala bɩ ŋ sɩpaaŋ wuo chɩŋ, dɩ ŋ nɛ na baanɩŋ.

WƖA YƖƖLAA 76:8

Ŋ hɛ ŋ jaŋ lɛ nɛ, aŋ bʋl arɩ ŋ jaŋ dii nɩaa sarɩya, fawʋllʋŋ kɛŋ dʋnɩa nɩaa nɛ ba ŋaa fʋɩɩ,

WƖA YƖƖLAA 77:18

Ka ba nɩɩ ŋ dɔmɔ pel-vinvilimiŋ tʋɔŋ, leriŋ lɩgɩsɛ a leŋ dʋnɩa kala pʋllɛ. Fawʋllʋŋ kɛŋ tinteeŋ ʋ zigili.

WƖA YƖƖLAA 84:2

mɩ fa cho dɩ mɩ hɛ nɩmɛ nɛ. Mɩɩ hɩɛnɛ dɩ mɩ hɛ La Tɩɩna dɩa tʋɔŋ nɛ, a yɩɩ yɩɩlaa arɩ tʋɔtɔrʋŋ a pɩ ŋ-na Wɩa sɩ weye.

WƖA YƖƖLAA 9:8

Ʋʋ dii dʋnɩa nɩaa sarɩya arɩ tʋɔpʋla nɛ, aa beŋ tinteyee nɩaa arɩ wʋtɩtɩɩ.

WƖA YƖƖLAA 90:11

Kʋbɛɛ nɛ jaŋ wuo jɩŋ ŋ baanɩŋ doluŋ maŋŋaa? Ŋ baanɩŋ yʋga a magɛ ŋɩɩ sɩ maga dɩ la fɩfáŋ nɛ.

WƖA YƖƖLAA 90:2

Ka dɩ ŋ-na ŋaa peelee, koo a ŋaa tinteeŋ arɩ dʋnɩa bʋa-la kala lɛ, ŋ nɛ Wɩa a kaa mʋ wuu.

WƖA YƖƖLAA 93:2

Faafaa kala nɛ ŋ kuoruŋ chɩŋ kpaŋkpaŋ, ŋ hɛ nɩmɛ nɛ a kaa mʋ wuu.

WƖA YƖƖLAA 97:4

Ʋ nyiniŋ lɩgɩsa su dʋnɩa kala nɛ, tinteeŋ nɩaa na a chichel.

AZAAYA 37:17

La TƖƖNA, jegile nɩɩ aŋ bɩra bee na Sanakɛrɩb sɩ bʋl wɩalɩŋ kala a tʋʋsɛ ŋ-na Wɩa sɩ weye joŋŋoo.

AZAAYA 37:4

Ŋ bɩ pɔ ŋ Tɩɩna Wɩa jaŋ nɩɩ wɩalɩŋ Asiiria kuoro sɩ tɩŋ ʋ laalɩyuori-hɩaŋ ʋ kɔ a tʋʋsɛ Wɩa sɩ weye joŋŋoo. Ŋ Tɩɩna Wɩa sɛnɛ nɩɩ wɩalɩŋ nɛ, ʋ jaŋ lɛrɛ nɩɩ-la sɩ bʋlba dɩgɩlɩŋ. Ŋɩɩ wɩaa, sʋl Wɩa pɩ la nɩkaana-la sɩ hɛ nɩmɛ.’ ”

AZAAYA 40:15

La TƖƖNA teeŋ, tinteyee kala nagɛ lɩɩ-suosoo sɩ hɛ bogiti lɛ nɛ koo a nagɛ kʋŋkɔlʋŋ sɩ hɛ sanɩa lɛ. Tinteye-la kala lɩɩŋ sɩ gollo chu yuŋuŋ nagɛ kʋŋkɔlʋŋ nɛ ʋ teeŋ.

AZAAYA 40:28

Ma bɩ jɩŋ? Ma bɩ nɩaa? La TƖƖNA nɛ Wɩa sɩ hɛ nɩmɛ deeŋ deeŋ. Ʋ nɛ ŋaa dʋnɩa kala. Ʋ bɩ lɔl, nʋʋkala ma bɩ ʋ tʋɔbɩɩnaa wuo jɩŋ.

AZAAYA 57:15

Mɩ nɛ kɩɩ kʋŋkala a ŋaa Wɩa sɩ bɩ disiniŋ kɛnɛ. Mɩ hɛ nɩmɛ nɛ a kaa mʋ wuu. Mɩ hɛ wɩa-nyuŋ dɩ-bolii sɩ bɩ disiniŋ kɛnɛ nɛ. Ama mɩ ha yie guoli nɩalɩŋ sɩ kɛŋ ba tɩtɩa muuri a bɩrɩma lɩɩ ba wʋbɔŋŋɔɔ lɛ tʋɔŋ nɛ, a leŋ ba kɛŋ yɩɛlaa.

AZAAYA 65:16

Tintee-la lɛ, dɩ nʋʋ nɩɩ chɛ dɩ Wɩa pɛ ʋ lɛ, mɩ-na Wɩa sɩ kɛŋ wʋtɩtɩɩ yɩrɩŋ nɛ ʋ jaŋ yɩrɛ. Dɩ nʋʋ nɩɩ chɛ dɩ ʋ ta niiŋ ma tintee-la lɛ, mɩ-na Wɩa sɩ kɛŋ wʋtɩtɩɩ yɩrɩŋ nɛ ʋ jaŋ yɩrɛ. Mɩ jaŋ yʋ faafaa wʋwalɩmɩa-la kala ba jaŋ lɛl mɩ sɩaa lɛ.

JƐRƖMAAYA 23:36

Ʋ bɩ maga dɩ ma bɩra bʋl, ‘Wɩɩ-la La TƖƖNA sɩ bʋla nɛ ŋ-la,’ bɛɛ wɩaa nʋʋkala niiŋ wʋbʋlaa nɛ mɩɩra bɩrɩmɛ mɩ-na Wɩa wʋbʋlaa. Ŋɩɩ nɛ ma ŋaa a kɛŋ mɩ-na ma TƖƖNA Wɩa doluŋ kala Tɩɩna sɩ weye niiŋ wɩaa a bɩrɩmɛ.

JƐRƖMAAYA 4:2

aŋ kɛŋ wʋtɩtɩɩ, a ŋɩŋaa wɩaa ba bʋa lɛ arɩ tʋɔpʋla a ŋmɩɛsɛ mɩ-na ma TƖƖNA sɩ weye, ŋɩɩ na, tinteyee nɩaa jaŋ chɩchɛ dɩ mɩ pɛ ba ma lɛ, dɩ nɩaa kala jʋjʋɔsɛ mɩ teeŋ.”

JƐRƖMAAYA 4:24

Mɩ sɩ beŋ peelee, ba kala jigise nɛ. Dundolluŋ ma kala bibiegi.

JƐRƖMAAYA 50:46

Dɩ Babɩlɔŋ nɛ tele, dʋnɩa jaŋ jigisi. Tinteyee nɩaa jaŋ nɩɩ ba nii-ŋmobo.

JƐRƖMAAYA 51:29

Fawʋllʋŋ kɛŋ dʋnɩa nɩaa nɛ ba chichel, bɛɛ wɩaa wɩɩ-la mɩ-na ma TƖƖNA sɩɩ chɛ dɩ mɩ ŋaa Babɩlɔŋ nɩaa lɛ chɩna nɛ. Mɩ jaŋ leŋ dɩ Babɩlɔŋ tinteeŋ pɩŋ hoi, dɩ nʋʋkala sɩ nɩmɛ hɛ.

DANƖƐL 4:3

Ʋ wʋmagɩlaa ŋaa wʋbala nɛ, ʋ wʋkpuŋkperisiŋ ma ŋaa wʋduoru. Ʋ kuoruŋ bɩ dɩdɛrɩŋ kɛnɛ, ʋ nɛ kuoro sɩ hɛ nɩmɛ a kaa mʋ wuu.

DANƖƐL 4:34

Jɩsɩ-la balɩpɛ harɩŋ, mɩ-na Nebukadineza kɛŋ mɩ nyuŋ je wɩa-nyuŋ, mɩ wʋjɩmɩŋ mɩɩra kɔ mɩ nyuŋ. Ŋɩɩ nɛ mɩ dɛnnɛ Wɩa sɩ kɩɩ kʋŋkala. Mɩ zilu a leŋ ʋ yɩrɩŋ yɩrɛ, ʋ nɛ sɩ hɛ nɩmɛ a kaa mʋ wuu. Ʋ doluŋ bɩ dɩdɛrɩŋ kɛnɛ, ʋ nɛ kuoro sɩ hɛ nɩmɛ a kaa mʋ wuu.

DANƖƐL 6:26

Mɩ hɛ niiŋ nɛ aa pɩ nʋʋ na-kala sɩ hɛ mɩ tinteeŋ sɛmɛ kala lɛ, arɩ ʋ maga dɩ ma fá Danɩɛl Wɩa nɛ a zizilu. Ʋ nɛ Wɩa sɩ weye. Ʋ nɛ hɛ nɩmɛ a kaa mʋ deeŋ deeŋ. Ʋ kuoruŋ bɩ jaŋ kɔ dɩ ʋ tele, ʋ doluŋ bɩ jaŋ dɛrɛ.

DANƖƐL 6:27

Ʋ yie lɩɩsɛ nɩaa wɩaa lɛ nɛ, a laaba ta. Ʋ ŋaa wʋmagɩlaa arɩ wʋkpuŋkperisiŋ nɛ Wɩa-jaŋ arɩ tinteeŋ kala lɛ. Ʋ nɛ laa Danɩɛl ta naachigee niiŋ lɛ.

DANƖƐL 7:14

Ʋ joŋ doluŋ, yɩrɩŋ arɩ kuoruŋ doluŋ pʋ. Nɩaa kala, tinteyee nɩaa arɩ yikoro na-kala nɩaa dɩdɛnnʋ. Ʋ doluŋ ŋaa dol-la sɩ bɩ dɛrɛ nɛ, ʋ bɩ lɛl. Ʋ kuoruŋ ma ŋaa kʋŋ nʋʋ sɩ bɩ jaŋ wuo chei.

JOWƐL 2:11

La TƖƖNA kpɩa ʋ laalɩyuoroo lɛ nɛ. Ʋ laalɩyuoroo bɩ nii kɛnɛ. Nɩalɩŋ sɩɩ to ʋ niiŋ ŋaa nɩduoru nɛ. La TƖƖNA tapʋlɩɩ-la ŋaa tapʋl-bal nɛ a kɛŋ fawʋllʋŋ woruŋ. Kʋbɛɛ nɛ jaŋ wuo nyalɩmɛ tapʋlɩɩ-la?

MƖKA 1:4

Peelee jaŋ yʋɔlɛ ʋ naasɩŋ bʋbʋɔŋ, a nagɛ keliŋ sɩ kpagɛ nyiniŋ a ŋmɩɛrɛ. Fuo-naasɩŋ ma jaŋ pɩsɛ dɔŋɔ lɛ a nagɛ lɩɩŋ sɩ pɛllɛ lɩɩ dundolo nyuŋ tutuu.

NAHUM 1:5

Ʋ sɩpaaŋ, peelee yie jigisi nɛ, dundolluŋ ma yʋɔlɛ. Tinteeŋ yie zigili, dʋnɩa nɩaa chichel ʋ sɩpaaŋ.

NAHUM 1:6

Kʋbɛɛ nɛ jaŋ wuo chɩŋ ʋ sɩpaaŋ dɩ ʋ baanɩŋ nɛ sie? Kʋbɛɛ nɛ jaŋ wuo waa, dɩ ʋ baanɩŋ nɛ hoso? Ʋ baanɩŋ yie pusi a nagɛ nyiniŋ nɛ, bʋsʋŋ yɩyɛrɛ ʋ sɩpaaŋ.

HABAKU 3:10

Peelee naŋ nɛ, a chichel. Duonuŋ faasa nɩɩ, mʋgʋ-balaa huhuuri, lɩɩ-peliŋ sisii.

HABAKU 3:6

Dɩ ʋ nɛ chɩna, tinteeŋ yie zigili nɛ, dɩ ʋ nɛ beŋ tinteyee nɩaa, ba yie chichel nɛ. Peel-bɩnaa arɩ dundol-bɩnaa yie tel a yɛrɛ nɛ. Ʋ wombiee chɩna nɛ a kaa mʋ wuu.

MALAKAƖ 3:2

Ama ma tʋɔŋ kʋbɛɛ nɛ jaŋ wuo nyalɩma gbɛrɛ tapʋlɩɩ-la ʋ sɩ jaŋ kɔ? Dɩ ʋ nɩɩ kɔ, kʋbɛɛ nɛ jaŋ wuo chɩŋ ʋ sɩpaaŋ? Ʋ jaŋ nagɛ libire sɩ lɩɩsɛ hɔɔŋ sɩ fɩɛsa nyiniŋ lɛ koo chɛnfɛnnɩŋ sɩ kɛŋ niiŋ ba kaa chɩchɛsɛ kɩaa.

Matiu 16:16

Ŋɩɩ nɛ Saamɔŋ Pɩɩta bʋl, “Ŋ nɛ ŋaa Kirisito, Wɩa-la sɩ weye Bie.”

Matiu 26:63

Yesu tɔrɛ ʋ niiŋ. Ŋɩɩ nɛ Wɩɩsʋllɩ sɩpaalaaraa kʋhɩaŋ bʋla pʋ, “Wɩa-la sɩ weye yɩrɩŋ lɛ, bʋla pɩla, ŋ nɛ ŋaa Kirisito, nɩɩ-la Wɩa sɩ lɩɩsaa? Ŋ nɛ Wɩa Biee?”

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

Tɩntɩŋŋaa 14:15

“Nandɔmba, bɛɛ nɛ tɩɩ maa ŋaa ŋ-la? La ma ŋaa nuhuobiinee nɛ a nagɛ ma. La kɔ dɩ la bʋl La Tɩɩna Yesu wʋzɔmɔ-la nɛ a pɩma, dɩ ma wuo leŋ ma vʋɩyaa sɩ ŋaa kʋpɛɩba aŋ bɩrɩma to Wɩa sɩ weye. Ʋ nɛ ŋaa wɩa-nyuŋ, arɩ tinteeŋ, mʋgʋ-balaa arɩ fuonuŋ, arɩ kʋŋkala sɩ hɛ ba lɛ.

MOSIS BƖRA WULLI WƖA WOMBIIŊ 32:4

Ʋ doluŋ nagɛ bʋŋ nɛ, a ŋɩŋaa wɩaa ba bʋa lɛ. Ʋ kɛŋ tɛŋɛ nɛ woruŋ ʋ wombiee kala lɛ. Ʋ ŋaa Wɩa sɩ kɛŋ wʋtɩtɩɩ a bɩ wɩaa ka chei nɛ.

MOSIS BƖRA WULLI WƖA WOMBIIŊ 5:26

Nuhuobiiŋ bɛɛ nɛ hɛ nɩmɛ Wɩa sɩ weye hɛ nyiniŋ tʋɔŋ aŋ bʋl wɩaa pʋ, ka ʋ bɩ sʋba arɩ la sɩ nɩɩ ŋɩɩ?

1 Tɛsalonaaka Nɩaa 1:9

Nɩaa yie bʋbʋl ŋɩɩ ma sɩ kɛnla woruŋ bʋa-la lɛ la sɩ kɔ ma teeŋ. Ba yie bʋl ŋɩɩ ma sɩ vɩa ma vʋɩyaa ta aŋ bɩrɩma to Wɩa. Ʋ nɛ weye, ʋ nɛ ŋaa Wɩɩ-tɩtɩɩ-la.

1 Timoti 1:17

Má leŋ dɩ la dɛnnɛ la Nyɩmma Wɩa aŋ pɛ zilu a kaa mʋ wuu. Ʋ nɛ kuoro a kaa mʋ deeŋ deeŋ. Ʋ-na bɩ sʋʋ, nɩaa ma bɩ ʋ ka na. Ʋ dʋndʋŋa nɛ ŋaa Wɩa. Amɩɩ.

1 Timoti 6:17

Bʋla pɩ nɩalɩŋ sɩ kɛŋ kɩaa dʋnɩa deeŋ lɛ dɩ ba sɩ́ ba tɩtɩa dagʋ koo a joŋ ba yɩɛlaa hɛ ba dʋa lɛ, bɛɛ wɩaa nʋʋkala bɩ jɩŋ ʋ dʋa-la chie sɩ jaŋ chɩŋ ŋɩɩ. Ama ʋ maga dɩ ba joŋ ba yɩɛlaa hɛ Wɩa lɛ. Ʋ nɩɩ pɩla kʋŋkala la sɩɩ chɛ dɩ la kaa nɩnɩɩ sɩma.

Hiburu TƖŊŊAA 10:31

Dɩ ŋ nɛ jʋʋ Wɩa-la sɩ weye nɩsɩŋ, ʋ jaŋ lɔrɔ pɩŋ.

JOSUA 3:10

Dɩ ma nɩɩ mʋ, ma TƖƖNA jaŋ sɛnɛ kiri Kɛnaŋ tɩŋŋaa, Hiti tɩŋŋaa, Hivi tɩŋŋaa, Pɛrɛs tɩŋŋaa, Gɩgasɩ tɩŋŋaa, Amɔrɩ tɩŋŋaa arɩ Jebus tɩmma-la kala sɩ hɛ tintee-la lɛ dɩ ba lɩɩ. Ma jaŋ jɩŋ arɩ ma TƖƖNA Wɩa sɩ weye hɛ ma tʋɔŋ nɛ,

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.

Jɔɔŋ Wʋnaalaa 20:11

Ŋɩɩ nɛ mɩ na kuori-kpasɩ-bal kʋbala sɩ ŋaa kʋpʋla dɩ ʋ chɩna, nʋʋ hɔŋ ʋ nyuŋ. Ŋɩɩ nɛ mɩ na dɩ tinteeŋ arɩ wɩa-nyuŋ kala lɛlɛ nɩɩ-la sɩɩŋ lɛ. Ba bɩra bɩ lee kɛnɛ.

SƖPAALAARAA 5:4

La TƖƖNA, bʋa-la lɛ ŋ sɩ lɩɩ Sɛɛ peel-la leriŋ, lee-la Ɛdɔm tɩŋŋaa sɩ hɔnɔ, tinteeŋ fa zigile nɛ, duonuŋ lɔgɔ jaasɛ.

1 SAMƲƐL 17:26

Devit pɩɛsɛ laalɩyuoro-la dɔnsʋŋ sɩ chɩna kpagʋ, “Ma sɩ bɛɛ nɛ ba jaŋ ŋaa pɩ nɩɩ-la sɩ jaŋ kpʋ Fɩlɩsɩtɩa tɩŋŋaa baala deeŋ a lɩɩsɛ Iziral tɩŋŋaa hɩɩsɩŋ lɛ? Kʋbɛɛ nɛ ka Fɩlɩsɩtɩa tɩɩna deeŋ sɩ bɩ Wɩa ka to, aa tʋʋsɛ Wɩa-la sɩ weye laalɩyuoroo joŋŋoo?”

1 SAMƲƐL 17:36

Mɩ kpʋ naachigee arɩ lʋgʋmaa nɛ woruŋ, Fɩlɩsɩtɩa tɩŋŋaa baala deeŋ sɩ bɩ Wɩa ka to ma jaŋ nagɛ ba dɔŋɔ mɩ teeŋ, bɛɛ wɩaa ʋ tʋʋsɛ Wɩa-la sɩ weye laalɩyuoroo joŋoo nɛ.