JƐRƖMAAYA 1:2 - WƖA TENIŊ

² Amɔŋ nanʋala Josaaya sɩ dii Juda tinteeŋ kuoruŋ, ʋ jɩsɩŋ fii arɩ batori tʋɔŋ nɛ La TƖƖNA fa bʋl wɩaa a pɩ Jɛrɩmaaya.

JƐRƖMAAYA 1:2 ပူးပေါင်းရင်းမြစ်များ

1 KUOROO 13:2

Wɩa wʋlaabʋllʋ-la ŋmoo niiŋ bʋl wɩalɩŋ La TƖƖNA sɩ bʋla a tɩgɛ koru-la lɛ: “Koruŋ, wɩɩ-la La TƖƖNA sɩ bʋla nɛ ŋ-la: ‘Ba jaŋ lʋl hambolibie Devit doho nɩaa tʋɔŋ a hɛ ʋ yɩrɩŋ Josaaya. Ʋ jaŋ kpʋ nɩalɩŋ kala ba sɩ lɩɩsa ba kpʋkpaarɩŋ a ŋɩŋaa Wɩɩsʋlʋŋ ŋ nyuŋ, aŋ nyɩgɛ nuhuobiine haŋgbelee ŋ nyuŋ.’ ”

1 KUOROO 13:20

Ba sɩ hɔnɔ didii kɩaa ŋɩɩ, La TƖƖNA bʋl wɩaa a pɩ ʋ wʋlaabʋllʋ-hɩaŋ-la sɩ kɛnʋ mɩɩra kɔ.

2 KUOROO 21:18

Ŋɩɩ nɛ Manasɛ sʋʋ. Ba joŋu hugi baal kʋbala baa yɩrɛ Uza ŋmaŋkaaŋ lɛ a kpagɛ kuoru dɩa. Ka ʋ nanʋala Amɔŋ dii kuoruŋ ʋ nyuŋ lɛ.

2 KUOROO 21:24

Juda nɩaa ma kpʋ nɩalɩŋ kala sɩ vʋʋra kpʋ Amɔŋ, aŋ leŋ ʋ nanʋala Josaaya dii kuoruŋ ʋ nyuŋ lɛ.

2 KUOROO 22:3

Ʋ sɩ dii kuoruŋ ʋ jɩsɩŋ fii arɩ chori lɛ, ʋ tɩŋ nɩɩ-la sɩɩ ŋmʋnsɛ ʋ tenniŋ baa yɩrɛ Safaŋ, sɩ ŋaa Azalɩa nanʋala, a ŋaa Mesulam ma nihiŋ dɩ ʋ mʋ La TƖƖNA dɩɩ-bal-la. Ʋ sɩ,

JƐRƖMAAYA 1:11

Ŋɩɩ nɛ La TƖƖNA pɩɛsɛmɛ, “Jɛrɩmaaya, bɛɛ kʋŋ nɛ ŋ na?” Mɩ bʋl, “Mɩ na fʋfʋlʋŋ naakeliŋ nɛ.”

JƐRƖMAAYA 1:4

La TƖƖNA fa bʋl wɩaa pɩmɛ. Ʋ sɩ,

JƐRƖMAAYA 25:3

Jɩsɩŋ mara arɩ batori sɩ bala, a chɩŋ Amɔŋ nanʋala Josaaya sɩ dii Juda tinteeŋ kuoruŋ ʋ jɩsɩŋ fii arɩ batori lɛ a kaa kɔ jɩnɩŋ, La TƖƖNA bʋl wɩaa pɩmɛ nɛ. Mɩ ma laa bʋla pɩma bʋlɩa bʋlɩa, ama ma bɩ jegile nɩɩ.

JƐRƖMAAYA 28:12

Wʋnyɩɛrɩ Wɩa wʋlaabʋlla Hananaaya sɩ bori daa-la fa sɩ hɛ Wɩa wʋlaabʋlla Jɛrɩmaaya baŋŋaa lɛ ŋɩɩ, ʋ bɩ diene ka La TƖƖNA bʋl wɩaa pɩ Jɛrɩmaaya:

JƐRƖMAAYA 3:6

Bʋa-la lɛ Josaaya sɩ dii kuoruŋ nɛ La Tɩɩna pɩɛsɛmɛ, “Ŋ na wɩɩ-la Iziral tɩŋŋaa sɩ bɩ wʋtɩtɩɩ kɛnɛ sɩ ŋaa nɛɛ? Ba mʋ dundolo kala sɩ leŋie nyuŋ nɛ, arɩ tɩɩ-lugu na-kala bʋbʋɔŋ a ŋaa wʋchɔrʋmɔɔ nɩmɛ.

JƐRƖMAAYA 36:2

“Joŋ teniŋ a ŋmʋnsɛ wɩalɩŋ kala mɩ sɩ bʋla tɩgɛ Iziral arɩ Juda lɛ arɩ tinteye-la dɔnsʋŋ, a chɩŋ bʋa-la lɛ mɩ sɩ suomo a bʋl wɩaa pɩpɩŋ, bʋa-la lɛ Josaaya sɩ dii kuoruŋ a kaa kɔ lɛɛlɛ.

HOSIA 1:1

La TƖƖNA fa bʋl wɩaa pɩ Beri nanʋala Hosia nɛ, bʋa-la lɛ dɩ Uzia, Jotam, Ahas arɩ Hezikaaya nɛ fa ŋaa Juda tinteeŋ kuoroo, ka Jehuas nanʋala Jerobuam ma ŋaa Iziral kuoro.

JOWƐL 1:1

La TƖƖNA bʋl wɩaa pɩ Pɛtʋɛl nanʋala Jowɛl.

JONA 1:1

Wɩa bʋl wɩaa pɩ Amɩta nanʋala Jona. Ʋ sɩ,

MƖKA 1:1

La TƖƖNA bʋl wɩaa pɩ Mɩka sɩ lɩɩ taŋ-la ba sɩɩ yɩrɛ Mɔrɛsɛf, bʋa-la lɛ nɩaa deemba sɩ dii Juda tinteeŋ kuoruŋ: Jotam, Ahas arɩ Hezikaaya. Mɩka fa na wɩaa arɩ duosoo tʋɔŋ nɛ a mʋ tɩgɛ Samarɩa arɩ Jerusalɛm lɛ. Ʋ sɩ,

ZEFANAAYA 1:1

La TƖƖNA fa bʋl wɩaa pɩ Zefanaaya sɩ ŋaa Kusi nanʋala, a ŋaa Gedalia ma nihiŋ, aŋ ŋaa Amarɩa nihi-lɩɛrɛ. Amarɩa nyɩmma nɛ fa ŋaa Hezikaaya. Bʋa-la lɛ dɩ Josaaya sɩ ŋaa Amɔŋ nanʋala nɛ fa dii kuoruŋ Juda tinteeŋ lɛ.