JƐRƖMAAYA 1:14 - WƖA TENIŊ

¹⁴ La TƖƖNA bʋla pɩmɛ, “Wʋlɔrʋŋ jaŋ lɩɩ wɩɩpɔsʋŋ nagʋa a kʋ jʋʋ nɩalɩŋ kala sɩ hɛ tintee-la lɛ.

JƐRƖMAAYA 1:14 ပူးပေါင်းရင်းမြစ်များ

AZAAYA 14:31

Fɩlɩsɩtɩa tɩmma, má ŋmoo niiŋ ma tabalaa lɛ, má leŋ dɩ fawʋllʋŋ kɛmma, dɩ ma nandaasɩŋ yʋɔrɛ. Laalɩyuoroo nɛ hɛ dɔŋɔ a nagɛ duoŋ-bɩlɩmbaanɩŋ a lɩɩ wɩɩpɔsʋŋ nagʋa dɩɩrɩŋ a kʋkɔ ma lɛ, nɩtɛsʋ kala tuo laalɩyuoro-la tʋɔŋ.

AZAAYA 41:25

Nʋʋ sɩ lɩɩ wɩɩpɔsʋŋ dɩɩrɩŋ a kɛŋ mɩ yɩrɩŋ tɩtɩŋ nɛ mɩ lɩɩsɛ. Ʋ jaŋ lɩɩ wɩɩpɔsʋŋ nagʋa a kʋ yuoma. Ʋ yie nʋɔsɛ kuoroo a bil tinteeŋ nɛ a nagɛ ba sɩ nʋɔsɛ tɩɛrɩŋ koo a nagɛ pupo-mɛɛrɛ sɩ yie nʋɔsɛ chʋrʋŋ ŋɩɩ.

JƐRƖMAAYA 10:22

Má jegile nɩɩ goŋ-la ba sɩ ŋaa kʋkɔ. Yuo-bal nɛ sii wɩɩpɔsʋŋ nagʋa tinteeŋ a kʋkɔ. Ʋ jaŋ ŋaa dɩ Juda tinteeŋ tasɩŋ pɩŋ hoi, a bɩrɩmɛ jolluŋ dɩjʋʋlʋŋ.

JƐRƖMAAYA 11:17

Mɩ-na ma TƖƖNA, doluŋ kala Tɩɩna sɩ leŋe ma hɛ nɩmɛ, bʋla arɩ wʋlɔrʋŋ jaŋ jʋʋma, bɛɛ wɩaa ma Iziral arɩ ma Juda nɩaa ŋaa wʋbɔŋŋɔɔ nɛ a nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal a ŋaa mɩ baanɩŋ sii.”

JƐRƖMAAYA 25:9

mɩ jaŋ yɩrɛ nɩaa kala sɩ hɛ wɩɩpɔsʋŋ nagʋa arɩ mɩ tɩntɩnna Babɩlɔŋ kuoro Nebukadineza a hɛ dɔŋɔ, a kɛmba kʋ hɛ tinteeŋ deeŋ arɩ ʋ nɩaa arɩ tinteye-la kala sɩ gollu lɛ. Mɩ-na ma TƖƖNA nɛ bʋla. Mɩ jaŋ chei ba kala gbelem gbelem dɩ ba ŋaa mɔmɩa dɩ nɩaa sisieri ba lɛ, nɩaa jaŋ naba dɩ fawʋllʋŋ kɛmba dɩ ba hihirigi. Ba jaŋ pɩŋ jikpeeŋ a kaa mʋ wuu.

JƐRƖMAAYA 31:8

Má bee na, mɩ jaŋ kɛmba lɩɩ wɩɩpɔsʋŋ nagʋa tinteeŋ dɩɩrɩŋ a kɔ, mɩ jaŋ kɛmba lɩɩ dʋnɩa sɛmɛ na-kala a kʋ hɛ dɔŋɔ. Nyʋlɩmaa arɩ gbɛrɩgɛɛ jaŋ hɛ ba tʋɔŋ, hapuugoo arɩ haalaa sɩɩ chɛ ba lʋl ba luoruŋ wʋwɩɩ ma jaŋ hɛ ba tʋɔŋ. Ba jaŋ yʋgɛ woruŋ a mɩɩra kɔ.

JƐRƖMAAYA 4:6

Má hɛ duoso pɩ nɩaa dɩ ba fá mʋ Jerusalɛm. Má fá a laa ma tɩtɩa, má sɩ́ dienu. Mɩ kɛŋ wʋlɔrʋŋ nɛ lɩɩ wɩɩpɔsʋŋ nagʋa dɩɩrɩŋ kʋkɔ, ʋ ŋaa wʋlɔrʋ sɩ bɩ bana kɛnɛ.”

JƐRƖMAAYA 46:20

Ijipiti zɔmɔ a nagɛ nɛ-pa-bie nɛ, ama dɩma ka kɔ ʋ lɛ nɛ a lɩɩ wɩɩpɔsʋŋ nagʋa dɩɩrɩŋ.

JƐRƖMAAYA 47:2

Wɩɩ-la La TƖƖNA sɩ bʋla nɛ ŋ-la: “Bee na ŋɩɩ lɩɩŋ sɩɩ sii wɩa-nyuŋ wɩɩpɔsʋŋ nagʋa dɩɩrɩŋ. Ba jaŋ pɩpɛllɛ a nagɛ fuoŋ sɩ suo a pɛllɛ lɩlɩɩ. Ba jaŋ pɛllɛ tɔ tinteeŋ arɩ kʋŋ na-kala sɩ hɛ ʋ lɛ, tasɩŋ arɩ nɩalɩŋ sɩ hɛ ba lɛ. Nɩalɩŋ jaŋ ŋmoo niiŋ, nɩalɩŋ kala sɩ hɛ tintee-la lɛ jaŋ ŋmoo niiŋ,

JƐRƖMAAYA 50:41

Bee na, laalɩyuoroo nɛ lɩɩ wɩɩpɔsʋŋ nagʋa dɩɩrɩŋ kʋkɔ. Tintee-duo nɩaa arɩ kuori daŋ nɛ ba lɔgɔ hɛ ŋ lɛ, ba lɩɩ dɩ-bolii kʋkɔ.

JƐRƖMAAYA 50:9

Mɩ jaŋ yigi tintee duoruŋ sɩ kʋ hɛ dɔŋɔ a hɛ Babɩlɔŋ lɛ, a lɩɩ wɩɩpɔsʋŋ nagʋa dɩɩrɩŋ. Ba jaŋ chɩŋ ba dɩchɩnaa a yuo dii tintee-la. Ba nagɛ bayuori wajɩaba nɛ, ba to-hɛŋŋɛɛ bɩ tinteeŋ ka tuu.

JƐRƖMAAYA 6:1

“Bɛnjamɩŋ doho nɩaa, má fá a laa ma tɩtɩa. Má fá lɩɩ Jerusalɛm lɛ. Má ŋmʋʋ banyile taŋ-la ba sɩɩ yɩrɛ Tɛkʋa lɛ! Má hɛ nyiniŋ dɩ ʋ ŋaa magɩl lee-la ba sɩɩ yɩrɛ Bɛf Hakerem lɛ, bɛɛ wɩaa wʋlɔrʋŋ nɛ lɩɩ wɩɩpɔsʋŋ nagʋa dɩɩrɩŋ a kʋkɔ. Ʋ ŋaa wɩɩ sɩ chaasa lɔrɛ nɛ.

JƐRƖMAAYA 6:22

Wɩɩ-la La TƖƖNA sɩ bʋla nɛ ŋ-la: “Má bee na laalɩyuoroo nɛ lɩɩ wɩɩpɔsʋŋ nagʋa dɩɩrɩŋ tinteeŋ kʋkɔ. Tintee-la nɩaa sɩ faasa kɛŋ doluŋ nɛ ba koso kʋkɔ ba hɛ ma lɛ, ba lɩɩ dɩ-bolii kʋkɔ.

ƐZƖKƖƐL 1:4

Ŋɩɩ nɛ mɩ beŋ a na pel-duoŋ sɩ du lɩɩ wɩɩpɔsʋŋ nagʋa dɩɩrɩŋ kʋkɔ, taŋ lɩlɩgɩsɛ duoŋ-bɩlɩmbaaŋ-bal kʋbala tʋɔŋ, ka pʋlʋmʋŋ golli ʋ kala. Nyiŋ-la sɩɩ lɩgɩsɛ tʋtʋɔbaanɩŋ fɩɛsɛ a nagɛ hɔɔŋ sɩ hɛ nyiniŋ lɛ.

ƐZƖKƖƐL 24:3

Magɛ namaga deeŋ pɩ Jerusalɛm nɩaa deemba sɩ vɩa dagɩŋ: Wɩɩ-la Mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Joŋ pupoiŋ chɔ, a ŋaa lɩɩŋ hɛ.

JOWƐL 2:20

Mɩ jaŋ kiri wɩɩpɔsʋŋ nagʋa laalɩyuoroo dɩ ba mʋ dɩ-bolii a sɩ́ ma kpagʋ, a yigiba hɛ tintee-hɩlɩŋ sɩ bɩ kʋŋkala kɛnɛ lɛ. Ba nɩalɩŋ sɩ hɛ sɩpaaŋ jaŋ mʋ jʋʋ mʋgʋ-bal-la ba sɩɩ yɩrɛ Mʋgʋ-sʋʋŋ, ka nɩalɩŋ ma sɩ hɛ harɩŋ mʋ jʋʋ Mediterenia mʋgʋ-bal-la. Ba sʋɔra jaŋ laa leriŋ kala. Wʋtɩtɩɩ, La TƖƖNA ŋaa wʋbalaa nɛ a pɩla.”

ZƐKARƖYA 6:6

Laalɩŋ janɩŋ toruko-la sɩ kɛŋ ja-bisiŋ ka mʋ wɩɩpɔsʋŋ nagʋa dɩɩrɩŋ tinteeŋ nɛ, kʋ-la ma sɩ kɛŋ ja-pʋllʋŋ mʋmʋ wɩɩjʋʋlʋŋ dɩɩrɩŋ, kʋ-la ma sɩ kɛŋ ja-ŋmʋŋmʋnaa ka mʋ wɩɩpɔsʋŋ nadiiŋ dɩɩrɩŋ nɛ.”