JEMBIEE 5:6 - WƖA TENIŊ

⁶ La joŋ la tɩtɩa pɩ Ijipiti arɩ Asiiria tɩŋŋaa nɛ, dɩ la wuo na kʋdiilee dii.

JEMBIEE 5:6 ပူးပေါင်းရင်းမြစ်များ

WƖAA DƖ-SUOMUŊ 24:2

Abɩraham bʋla pɩ ʋ dɩa tɩntɩnnɩ-hɩaŋ sɩɩ beŋ ʋ dɩa kʋŋkala, “Joŋ ŋ nɩsɩŋ hɛ mɩ naapuiŋ bʋbʋɔŋ.

2 KUOROO 10:15

Ʋ sɩ lɩɩ nɩmɛ, ʋ bɩra mʋ cheŋ baal kʋbala baa yɩrɛ Jehonadab. Ʋ fa ŋaa Rekab nanʋala nɛ. Ŋɩɩ nɛ Jehu chʋɔlʋ aŋ pɩɛsɛ, “Ŋ chɩŋ mɩ harɩŋ arɩ mɩ sɩ chɩŋ ŋ harɩŋ ŋɩɩ nɛɛ?” Jehonadab bʋl, “Oo mɩ chɩŋ ŋ harɩŋ nɛ.” Jehu bɩra bʋl, “Ŋɩɩ-na kɛŋ ŋ nɩsɩŋ kɔ.” Ŋɩɩ nɛ Jehonadab kɛŋ ʋ nɩsɩŋ mʋ. Jehu kɛŋ a pɛ ʋ lɛ a lɛrʋ hɛ ʋ laalɩŋ jaaba toruko lɛ.

AZAAYA 57:9

Ma yie tɩsɛ olif nʋʋŋ arɩ tʋlaalɩɩba, a kaa mʋ kpʋkpaarɛ vene-la ba sɩɩ yɩrɛ Mɔlɛk. Ma yie tɩŋ nɩaa ba mʋ dɩ-boloo arɩ lere-la ba sɩɩ yɩrɛ lɛlɛɛ-jaŋ a chɛ vesiŋ pɩma dɩ ma kpʋkpaarɛ.

JƐRƖMAAYA 2:18

Lɛɛlɛ, wʋbɛɛ nɛ ma bɩɩnɛ ma jaŋ na dɩ ma nɛ mʋ Ijipiti tinteeŋ a nyʋa fuo-la ba sɩɩ yɩrɛ Naayɩl lɩɩŋ? Koo dɩ ma nɛ mʋ Asiiria tinteeŋ a nyʋa fuo-la ba sɩɩ yɩrɛ Yufireti lɩɩŋ?

JƐRƖMAAYA 2:36

Bɛɛ nɛ tɩɩ ma bɩ dɩ-bala chɩna aŋ kɛŋ ma wʋŋaalaa bɩbɩrɩmɛ ŋɩɩ? Asiiria tɩŋŋaa fa sɩ leŋe ma dii hɩɩsɩŋ ŋɩɩ, ŋɩɩ tɩtɩa nɛ Ijipiti tɩŋŋaa ma jaŋ leŋ dɩ ma dii hɩɩsɩŋ.

JƐRƖMAAYA 50:15

Má ŋaa goŋ hɛ ʋ lɛ sɛmɛ kala. Ʋ joŋ ʋ tɩtɩa pa nɛ. Ʋ dɩɩ-leŋee tele nɛ, ba yigi ʋ jebiee ma lo. Mɩ-na ma TƖƖNA joŋ mɩ baanɩŋ tiŋ Babɩlɔŋ lɛ nɛ, mɩ joŋo timu nɛ. Ŋɩɩ ʋ sɩ ŋaa nɩaa lɛ, ŋɩɩ nɛ mɩ ma joŋo ŋaa ʋ lɛ.

JEMBIEE 4:17

La bee chɩchɛ nʋʋ nɛ dɩ ʋ kʋ pɛ la lɛ a lɔl, La sɩ sagɛ dɩɩ-leŋee nyuŋ a bee chɩchɛ tintee-la nɩaa dɩ ba pɛ la lɛ, ba bɩ jaŋ wuo laala ta.

ƐZƖKƖƐL 17:18

Juda tinteeŋ kuoro bɩ ŋɩɩ ʋ sɩ ŋmɩɛsa kaa tɩŋ, aŋ chei nii-la sɩ hɛ ba pɛgɛ. A tɩŋ ʋ sɩ ŋaa wɩaa deemba kala, ʋ bɩ jaŋ fori.’

HOSIA 12:1

Efirem daa to peliŋ harɩŋ nɛ dɩ ʋ dɩɛsʋ, ʋ yie kire to peliŋ sɩ lɩɩ wɩɩpɔsʋŋ harɩŋ tapʋl-piliŋ kala, a nyɩnyɩɛ wɩaa kɩŋkɛŋ kɩŋkɛŋ a hɩhɛ yuosuŋ. Ʋ dɩ Asiiria tɩŋŋaa nɛ pɛ niiŋ a kɛŋ olif nʋʋŋ mʋ Ijipiti tinteeŋ.

HOSIA 5:13

Efirem sɩ na dɩ ʋʋ wɩɩlʋ, Juda ma na dɩ ʋ kɛŋ naawɩɩlaa, Efirem mɩɩra mʋ Asiiria tinteeŋ a chɩchɛ dɩ kuoru-balɩŋ pɛ ʋ lɛ. Ama ʋ bɩ wuo vaarɛ Efirem, a bɩ wuo ŋaa Juda ma naawɩɩlaa fɩɛlɛ.

HOSIA 7:11

Efirem nagɛ kokomo nɛ a yaarɛ, ʋ nyɩsɩŋ ŋaa mɔlɩɩ. Ʋ yie yɩrɛ Ijipiti nɩaa dɩ ba pɛ ʋ lɛ, aŋ mɩɩra fá mʋ Asiiria nɩaa teeŋ.

HOSIA 9:3

Ba bɩ jaŋ pɛsɛ hɔŋ La TƖƖNA tintee-la lɛ. Efirem jaŋ mɩɩra mʋ Ijipiti tinteeŋ, dɩ ba kɛsɛba kaa mʋ Asiiria tinteeŋ dɩ ba dii kʋdiile-la sɩ kɛŋ disiniŋ Wɩa teeŋ.