JEMBIEE 5:19 - WƖA TENIŊ

¹⁹ La TƖƖNA, ŋ nɩɩ beŋ nɩaa a kaa mʋ wuu. Ŋ kuoruŋ bɩ dɩdɛrɩŋ kɛnɛ.

JEMBIEE 5:19 ပူးပေါင်းရင်းမြစ်များ

WƖA YƖƖLAA 10:16

La Tɩɩna nɛ kuoro a kaa mʋ wuu. Tinteye-la nɩaa sɩ bɩ ʋ jɩŋ jaŋ nyɩɩgɛ ʋ tinteeŋ lɛ.

WƖA YƖƖLAA 102:12

Ama ŋ-na La Tɩɩna, ŋ nɛ kuoro a kaa mʋ wuu. Nɩalɩŋ ma ba ha sɩ bɩ lʋla jaŋ yɩrɛ ŋ yɩrɩŋ.

WƖA YƖƖLAA 145:13

Ŋ kuoruŋ bɩ dɩdɛrɩ kɛnɛ, ŋ nɛ kuoro a kaa mʋ wuu. La Tɩɩna kɛŋ niiri-la kala ʋ sɩ hɛ a tɩtɩŋ nɛ, a cho kɩalɩŋ kala ʋ sɩ ŋaa.

WƖA YƖƖLAA 146:10

La Tɩɩna nɛ kuoro a kaa mʋ wuu. Zaayɔŋ nɩaa, ma Wɩa nɛ kuoro a kaa mʋ wuu. Má dɛnnɛ La Tɩɩna.

WƖA YƖƖLAA 29:10

La Tɩɩna nɩɩ beŋ lɩɩraa kala. Ʋ nɛ kuoro a kaa mʋ wuu.

WƖA YƖƖLAA 45:6

Kuori-la Wɩa sɩ joŋo pɩŋ jaŋ hɛ nɩmɛ a kaa mʋ deeŋ deeŋ, wʋtɩtɩɩ nɛ jaŋ ŋaa ŋ kuoru dantɩga dɩ ŋ kaa beŋ ŋ nɩaa.

WƖA YƖƖLAA 9:7

La Tɩɩna nɛ kuoro a kaa mʋ wuu. Ʋ hɔŋ ʋ kuoru kpasa nyuŋ nɛ a kɛŋ ʋ tɩtɩa hɛ dɔŋɔ dɩ ʋ dii sarɩya.

WƖA YƖƖLAA 90:2

Ka dɩ ŋ-na ŋaa peelee, koo a ŋaa tinteeŋ arɩ dʋnɩa bʋa-la kala lɛ, ŋ nɛ Wɩa a kaa mʋ wuu.

WƖA YƖƖLAA 93:2

Faafaa kala nɛ ŋ kuoruŋ chɩŋ kpaŋkpaŋ, ŋ hɛ nɩmɛ nɛ a kaa mʋ wuu.

DANƖƐL 2:44

Kuoroo deemba kuoruŋ bʋa lɛ Wɩa sɩ hɛ ʋ jaŋ lɛ a bibeŋ kʋŋkala jaŋ bil kuoro ba sɩ bɩ jaŋ wuo giru, koo ba bɩ jaŋ laa a pɩ nɩa dɔsɛ. Ʋ jaŋ yuo dii kuorusu-la kala a leŋ dɩ ba kuoruŋ dɛrɛ, ama ʋ-na jaŋ hɛ nɩmɛ a kaa mʋ wuu.

DANƖƐL 7:14

Ʋ joŋ doluŋ, yɩrɩŋ arɩ kuoruŋ doluŋ pʋ. Nɩaa kala, tinteyee nɩaa arɩ yikoro na-kala nɩaa dɩdɛnnʋ. Ʋ doluŋ ŋaa dol-la sɩ bɩ dɛrɛ nɛ, ʋ bɩ lɛl. Ʋ kuoruŋ ma ŋaa kʋŋ nʋʋ sɩ bɩ jaŋ wuo chei.

DANƖƐL 7:27

Ba jaŋ joŋ doluŋ arɩ kuoruŋ yuŋuŋ kala sɩ hɛ dʋnɩa lɛ a pɩ Wɩa sɩ kɩɩ kʋŋkala nɩaa. Ba kuoruŋ doluŋ bɩ jaŋ dɛrɛ. Kuoroo kala sɩ hɛ dʋnɩa lɛ jaŋ to ba niiŋ a tɩma pɩpɩba.”

HABAKU 1:12

“Ou La TƖƖNA, ŋ nɛ hɛ nɩmɛ faafaa kala. Mɩ Wɩa, ŋ bɩ disiniŋ kɛnɛ, la bɩ jaŋ sʋʋ. Ou mɩ TƖƖNA, ŋ nɛ fa lɩɩsɛ Babɩlɔŋ tɩŋŋaa dɩ ba laa la wɩaa jɩŋ. Mɩ Wɩa, ŋ nagɛ bʋŋ nɛ a chu tɔla, ŋ nɛ fa lɩɩsɛba a pɩba doluŋ dɩ ba dɔgɩsɛla.

Jɔɔŋ 1:38

Yesu mɩɩra daasɛ, dɩ baa to ʋ harɩŋ. Ʋ pɩɛsɛba, “Bɛɛ kʋŋ nɛ maa chɛ?” Ŋɩɩ nɛ ba ma pɩɛsʋ, “La kʋhɩaŋ, nɩɩ lɛ nɛ ŋ jʋjʋʋ?”

MOSIS BƖRA WULLI WƖA WOMBIIŊ 33:27

Wɩa sɩ hɛ nɩmɛ deeŋ deeŋ nɛ ŋaa nɩɩ-la la sɩ yie fá mʋ yuori, ʋ dol-la sɩ bɩ dɛrɛ nɛ ʋ kaa pʋpɔma. Ʋ jaŋ kiri ma dʋndɔŋŋɔɔ, aŋ leŋ dɩ ma cheiba.

1 Timoti 1:17

Má leŋ dɩ la dɛnnɛ la Nyɩmma Wɩa aŋ pɛ zilu a kaa mʋ wuu. Ʋ nɛ kuoro a kaa mʋ deeŋ deeŋ. Ʋ-na bɩ sʋʋ, nɩaa ma bɩ ʋ ka na. Ʋ dʋndʋŋa nɛ ŋaa Wɩa. Amɩɩ.

Hiburu TƖŊŊAA 13:8

Yesu Kirisito sɩ nagɛ ŋɩɩ, ʋ bɩ jaŋ kɔ dɩ ʋ bɩrɩma. Faafaa ʋ sɩ nagɛ ŋɩɩ, ŋɩɩ nɛ ʋ haa nagɛ arɩ jɩnɩŋ kala. Ʋ jaŋ nagɛ ŋɩɩ a kaa mʋ wuu.

Jɔɔŋ Wʋnaalaa 1:4

Mɩ-na Jɔɔŋ nɛ ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Wɩa lahɔrɩmɔ lɛ, ʋ jaŋ leŋ dɩ ma hɔŋ arɩ yarɩfɩɛlaa. Ʋ nɛ ŋaa Nɩɩ-la sɩ hɛ nɩmɛ, Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ. Wɩaa deemba lɩɩ Wɩa Dɩnsɩŋ balɩpɛ-la sɩ chɩŋ Wɩa kuoru kpasa-la sɩpaaŋ nɛ

Jɔɔŋ Wʋnaalaa 1:8

La Tɩɩna Wɩa sɩ, “Mɩ nɛ ŋaa Alɩfa arɩ Omega. Mɩ-na Wɩa doluŋ kala Tɩɩna, mɩ nɛ ŋaa Nɩɩ-la sɩ hɛ nɩmɛ arɩ Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ.”