JEMBIEE 4:9 - WƖA TENIŊ

⁹ Nɩalɩŋ ba sɩ kpʋa laalɩŋ lɛ nɛ kpɩa nɩalɩŋ losuŋ sɩ kɛnɛ ba sʋʋ. Losuŋ-pʋla leŋe ba kiiki ŋɩɩ nɛ a mʋ sʋʋ, kʋdiilee sɩ nyaa wɩaa.

JEMBIEE 4:9 ပူးပေါင်းရင်းမြစ်များ

2 KUOROO 25:3

Chɛŋ-nɛsɛ tʋɔŋ tapʋl nibi lɛ, losuŋ faasa jʋʋ tabal-la woruŋ, kʋdiilii kala tuo dɩ ba dii.

MOSIS KƐŊ IZIRAL TƖŊŊAA LƖƖ 16:3

Ŋɩɩ nɛ Iziral tɩŋŋaa bʋla pɩ Mosis arɩ Arɔŋ, “Dɩ la nɛ fa sʋba La TƖƖNA nɩsɩŋ lɛ Ijipiti tinteeŋ lɛ, ʋ nɛ kpɩa. Lee-la, la fa yie hɔŋ nɛ a chaŋ nammɩa aŋ dii kʋdiile-la kala la sɩɩ chɛ a vɔgɛ, aŋ ka lɛɛlɛ ma kɛnla kʋ lɩɩ tintee-hɩlɩŋ deeŋ lɛ dɩ la nɩ-daŋ deeŋ kala sʋʋ arɩ losuŋ.”

AZAAYA 22:2

Jaŋ kala hoso nɛ a zizigili, nɩaa dɔnsʋŋ ŋɩŋaa goŋ, ka dɔnsʋŋ ma tʋɔŋ tɔrɛ. Ma nɩalɩŋ sɩ sʋba ma jaŋ lɛ, laalɩŋ dee bɩ ba kpʋa.

JƐRƖMAAYA 16:4

“Nyanyal bɔŋŋɔɔ jaŋ kpʋba. Ba bɩ jaŋ hugiba koo a yel ba yoho. Ba jaŋ nagɛ nʋsʋrʋŋ a pɩŋ tinteeŋ. Ba jaŋ kpʋ dɔnsʋŋ laalɩŋ lɛ, dɩ losuŋ ma kɛŋ dɔnsʋŋ dɩ ba sʋʋ. Ba kʋsʋʋnʋŋ jaŋ bɩrɩmɛ zaaraa arɩ baga kɩaa kʋdiilee.”

ƐZƖKƖƐL 24:23

Ma jaŋ bɛ nyu-bɛllɩŋ aŋ hɛ ma nɛntɛŋŋɛɛ. Ma bɩ jaŋ yel koo dɩ sɩlɩɩrɩŋ lɩɩ ma sɩaa lɛ, ama ma wʋbɔŋŋɔɔ jaŋ leŋ dɩ ma jagɛ a huuno hɛ dɔŋɔ.

ƐZƖKƖƐL 33:10

Nuhuobiiŋ, bʋla pɩ Iziral tɩŋŋaa, wɩɩ-la ma sɩ yie bʋl nɛ ŋ-la: ‘La wʋcheelee arɩ la wʋbɔŋŋɔɔ nyagɛla bil nɛ, la jagɛ a tɩŋ ba wɩaa. Ɛɛ nɛ saa la jaŋ ŋaa a kɛŋ mɩɩsɩŋ?’

ƐZƖKƖƐL 4:16

Ʋ bɩra bʋl, “Nuhuobiiŋ, mɩ jaŋ keri kʋdiilee fa sɩ magɛ ŋɩɩ a jʋjʋʋ Jerusalɛm ta. Nɩalɩŋ jaŋ magɩsɛ kʋdiilee didii aŋ chɩl, a magɩsɛ lɩɩŋ ma nyʋnyʋa arɩ tʋɔ-cheeŋ.

ƐZƖKƖƐL 7:15

Laalɩŋ jaŋ kpʋ nɩalɩŋ sɩ hɛ jeeŋ harɩŋ, ka dɩ losuŋ arɩ nyanyal bɔŋŋɔɔ ma kpʋ nɩalɩŋ sɩ hɛ jaŋ lɛ.

LEVI DOHO NƖAA 26:39

Ma nɩkaana-la sɩ bɩ sʋba ma dʋndɔŋŋɔɔ tinteeŋ lɛ, ma jaŋ hɩl ŋɩɩ a mʋ sʋʋ, a tɩŋ ma wʋbɔŋŋɔɔ arɩ ma nyɩmmaba wʋbɔŋŋɔɔ wɩaa.

MOSIS BƖRA WULLI WƖA WOMBIIŊ 28:51

Ba jaŋ kpʋ ma pʋsʋŋ a chei ma tinteeŋ kʋpɛrɛɛ kala ŋɩɩ dɩ losuŋ kpʋma dɩ ma sʋʋ. Ba bɩ jaŋ leŋ dɩ ma kɛŋ mɩaa, tɩɩnɛnɛɛ sɩ-falɩŋ koo nʋʋ. Ba bɩ jaŋ leŋ dɩ ma nɛsɩŋ koo piesee koo bʋʋnaa kʋŋkala kɛŋ bii ŋɩɩ deeŋ deeŋ, dɩ ma kala sʋʋ dɛrɛ.